上海香港麵家

Open Now

Now Closed

從來未試過鹹豆漿，之前經過見到呢間有，而且睇落好正宗，就搵日過嚟食個早午餐。🥛鹹豆漿 $18 : 味道獨特，似水啲嘅炒豆腐。入口綿密，配上菜脯、油條等鹹香有口感，亦有小小似飲湯。🍚粢飯 $28 : 熱辣辣嘅糯米包住油炸鬼、榨菜、肉鬆等用料，煙勒有口感，餡料豐富，而且都好飽肚。🥟鮮肉生煎包(4隻) $32 : 正常發揮，煎過的包底酥脆，餡料多汁，但又唔算特別出色。整體嚟講，係有懷舊老香港味道，但店舖偏舊，枱櫈都會有小小污糟。而且喺正銅鑼灣市中心，價錢都包埋租金，唔好預太平。 但想方便地體驗吓，都是一個唔錯的選擇。

以前必吃的上海店，老人牌，又脾氣大， 食饅頭加連煉奶咗一次之後，第二次話要收五蚊，仲要好大聲咁話畀多五蚊囉! 其實因為佢啲嘢難食咗，要用煉奶去加D味，食埋佢囉😩😩必叫嘅酸辣雲吞 ，嘩! 啲豆粉打到好似嗰啲大菜糕咁樣，好難頂呀!豆沙鍋餅軟淋淋，啲皮好似食緊豬腸粉豆漿啲質素就冇變。

粢飯勁硬，其他食物同樣又貴又難食，絕對唔值這個價，服務態度惡劣。銀絲卷配練奶要再加五蚊，但並沒有寫明，只係店員隨口開價。旅客千萬別被騙。後悔無睇食評，便隨便坐下。

睇完一套影集之後諗起不如食個素午餐喺銅鑼灣附近做完嘢行經想搵一間有素菜式嘅舖頭就見到呢間上海餐廳，覺得懷舊老店我食物質量應該唔差得去邊裝潢地道人情味濃的感覺😂食飯都會搭着枱嘅餐牌入面有素菜飯，素菜炒麵諗住可以飽啲，所以叫咗飯一嚟到我！係！真！心！嚇！親！大佬，係求其不兩碗小飯，係酒樓用嘅小碗然後上一小碟小配菜加個例湯(雞湯🤯)好似餐廳俾員工識嘅福飯禁其實無素菜式，唔洗特登加落餐牌一上到菜，真係會嚇親

呢個粢飯用料奇差！糯米一般貨式，入面嘅鹹菜，冇味！不知所謂！肉鬆，一食就知係渣料！垃圾貨色！嗰條油炸鬼，完全係濕咗水！淋bet bet！咁樣點攞嚟整粢飯呀大佬？！ 咁樣嘅水準，出品，夠膽攞嚟做生意賺錢，佢完完全全係將粢飯褻瀆咗！！佢對唔住天地良心！！

聽講栥飯出名，路經店舖直接同個店員講要兩個，上海阿婆(上年紀)立即收走我張$100.之後見到佢張製作食物枱衛生情況欠佳😢😢😢😢我話唔要啦！阿婆發脾氣唔肯退返比我，將兩個粢飯立即入膠袋，同尾數44蚊一齊放係枱面,一路用上海話鬧我｡大佬，你張食物製作枱衛生欠佳，我點食丫？上海阿婆根本唔俾我出聲講野！之後我再望張食物枱下面，真係XZY😰😰😰😰下一個路口，我將粢飯就掉左去垃圾桶！D人又惡，衛生又差，真係送都唔要……

早上吃個粢飯+ 咸豆漿門口 兩位店員不斷傾計，叫咗5聲左右先回應最後粢飯嚟左，不過唔知點解咸豆漿 變咗 咸豆腐花店員仲要駡我，話我亂叫野！ 😡😡😡😡😡😡😡😡😡

今天出銅鑼灣經過這間店舖打算嘗試他們的粢飯，前面有兩位客人等候外賣。排在前面的客人問職員要一個粢飯，總共問咗幾次都不瞅不睬，他繼續等，過了一會再繼續問的時候，店員就話冇飯要等。後面有人排隊都問職員，態度到是十問九唔應，其他人客外賣問我們是否排隊，我們就告訴要排隊，我哋都等待中。之後有位外賣的客人走上前，買粢飯他們就直接給她。排在我前面的客人直接問為何不用排隊？你不是告訴我們要等待嗎？店員就態度很惡劣地說你們沒有問我點知你們要買，我就出聲說他已經問過你好多次，你扮聽唔到不瞅不睬，之後你們說要食就要等。之後見客人話佢，仲要同個客講你收聲唔好嘈，你嘈就走啦仲叫個客人唔好食。職員講得啱，其實唔食你都唔會可惜，就算幾好食都唔會再有下次。返到去打開，其實真的很一般偏貴，飯及肉鬆很少，加上衛生欠奉。這個價錢完全唔值得再幫襯，再加上這種惡劣態度，真係唔會再有下次。

⌂ 銅鑼灣上海香港麵家銅鑼灣渣甸街29號地下星期一至日 24小時營業· 粢飯 (走榨菜) $28︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸*･゜銅鑼灣地段的粢飯゜･*冬天就係要食啲熱辣辣嘅嘢！銅鑼灣渣甸坊小巴站對出有檔上海鋪，重要老字號24小時營業！如果好早要食早餐或者好夜想食宵夜，呢度一定會幫到你！我今日就想平小小食個夜晚衣飽個肚就夠啦 (但原來$28 都真係幾貴，見深水埗地段$15就有交易xd) 聽講間鋪服務態度麻麻，但我就外賣所以都無為意佢哋嘅態度啦～雖然招牌寫住粢飯係即叫即包，見到枱面已經整好一堆粢飯，如果唔request 加料/減料嘅話應該就唔係即叫即整luuuu咁啱唔中意食榨菜，先有得試佢個即叫即包嘅粢飯！新鮮即整個種感覺真係完全唔同！粢飯冒出蒸汽，熱到辣手！略嫌油炸鬼太淋身啦！糯米煙勒度適中，食完成舊都唔覺得膩，食晒個下仲覺得唔夠喉好想食其他嘢！究竟點解會咁呢？ (為大家冷知識一下：糯米比白飯更容易消化同唔覺意就食多咗！大家同樣都係carbs, 但糯米含有更多支鏈澱粉(amylopectin)，容易同澱粉酶(Amylase)有化學作用，葡萄糖 (glucose)

天寒地凍想食個熱辣辣早餐，記起銅鑼灣渣甸坊小巴站對出有檔上海嘢，二話不說即刻過去買早餐。記得呢間老字號通宵營業，好早要食早餐或者好嘢想食宵夜，呢度一定會幫到你。不過今時唔同往日，一個咁細個嘅粢飯，索價$28 ，仲要唔包嘢飲。以往呢人幾多都好，粢飯都係即叫即包，種熱辣辣真係完全唔同。依家阿姐一早包定十幾廿個，雖然都係熱，不過返到公司已經凍咗一半。輕輕叮返熱，在切開一半，果然少少失望。餡料好少，包住嘅糯米少硬，油炸鬼淋身，未去到放唔到入口，不過失望到極點。香港係咪無晒好食栥飯？回憶總是美好的。

朋友推薦，由細食到大的粢飯，話有老香港feel。今日去開附近，又唔太肚餓，一於去買個粢飯食！粢飯即叫即做，冒出蒸汽，熱辣辣的，一路等一路想食。粢飯餡料有油炸鬼、炸菜、肉鬆。店員三兩下功夫就將粢飯包得整齊又靚，拎上手仲好辣手，隔咗半小時先食，粢飯仲係好熱。整體上，粢飯餡料豐富，糯米煙勒度適中，食完一整個都唔覺得膩，真係有老香港味道。

員工態度非常惡劣，喺門口scan完安心出行個code後，一直無人掃我個code，啲員工當你透明。之後啱啱有人走，企隔離等佢清潔張枱先坐，個員工竟然態度好差咁話你企喺度，超級離譜！大嬸，你未抹完張枱點坐呀？又阻唔到人，你都要咁嘅態度？無嘢呀嘛？以後唔會再幫襯！！由細食到大都係咁話。

幫襯左佢哋好耐，每次經過都會買栥飯食。但係近來員工態度愈來愈差，好似唔憂做咁。事緣某日下午三點行經，打算買個外賣粢飯。當時有兩位員工如常在門口車仔檔包粢飯，咪同佢講‘唔該一個咸粢’。 兩位員工一個繼續剪油炸鬼，另一位繼續食嘢，完全聽唔到咁。等咗一陣，再講一次，繼續零反應。此時，另一位黑色衫員工舖內行出來，好肯定我同佢有眼神接觸，完全漠視我嘅存在，繼續同門口兩位員工傾計。 等咗一陣，忍唔住黑色衫員工講‘唔該，我叫咗好耐，要一個粢飯’。 終於有反應，斯斯然咁所檯面取一個一早巳包好的粢飯。找錢時仲同我講，等得耐咪唔好等囉！聽完之後，真係一肚子氣😡另外，目到一塊包粢飯布跌落地下，員工當冇事發生，執起放在架上繼續用😰今時今日咁嘅服務態度同衞生意識真係真心差。全港不只你一間粢飯店，我以後唔會再幫襯。

去完赤柱，搭小巴返出銅鑼灣，落小巴就見到呢間上海舖，係時候醫下肚。叫左碗清漿，即係熱無糖豆漿 $10順便講下其他豆漿嘅簡稱:熱甜豆漿=熱漿凍甜豆漿=凍漿熱咸豆漿=咸漿豆味幾香，同行朋友叫左熱嘅甜豆漿，原來只係清漿再落少少糖，因為飲落似清漿，飲到最尾就會知道啲糖沉曬底。上海粢飯 $28好有家的感覺，因為姐姐係會徒手包比你。糯米好軟糯，加埋油炸鬼，煙煙韌韌。小籠包(5隻)$42 片唔算厚，肉實而且多汁，加油醋一齊食，絕配！我哋去嗰陣間舖唔多人，得一個樓面，叫左幾次先幫我地落單。

由細食到大，每去一次，的確如評語所述，態度越黎越差，連基本粗炒回煱肉客飯都係細碟左兼味道都過舊時。瓷飯本來又新鲜又快趣，但係小巴站旁而夾雜噴出黎癈氣，唔知點解細路仔時又唔介意……總括黎講以前行過都會入去叫豆漿生煎飽瓷飯，而家寧願行前少少去公和，冇再去呢間好耐。