清湯牛肉 (Closed)

平時經過這一間火鍋店, 都沒入內. 今次同幾位友人去試一試啦. 內裡沒有特別的裝潢, 大約有二十個座位, 它們全排成U形, 圍繞著正中. 每位枱前有個筒, 是用來放火鍋的.首先, 店員會送上小沙律一碟作前菜.配料方面, 都很多選擇, 有主打牛肉啦, 有豚肉, 雞肉, 駝鳥肉, 海鮮等. 我哋就咩都叫咗, 而小弟就食豚肉. 個唔知叫咩名嘅湯底幾濃, 佢會首先用豬油爆一爆個鍋先.由於控制火嘅強弱的控制權是在店員身上, 我是不可以控制我的火鍋的火大與細. 但店員有時又未能時常為我們調溫, 有時因火不夠大, 要叫他們校大些火, 才可以繼續落豚肉呢. 基本上, 配料分量方面, 都算多. 一個男士都覺得飽.這一間值得一試.

其實我一直都係呢區做野,好多時都會路經這間食店,都幾好奇佢係咩形式食店,直至我上來這見到有post佢d野~就上星期五晚放左工去左試下,去到我就照呢度推介既紐西蘭牛肉,我要左雙份牛肉同海鮮,首先海鮮有大大隻又好多膏既海蝦,仲有紐西蘭青口,好鮮味,仲有蟹柳,仲有一大碟什錦菜,有一大碟牛肉,足足成20幾片有多,超正,牛肉真係一d都唔鞋,牛肉味好濃,食落無渣好滑,好鮮甜肉汁又多,加埋個烏冬真係好飽飽.

因為好想吃 shabu shabu 因此就找到這家。首先想說，如果要跟台北的 shabu shabu 比，這家簡直是爛透了！可是這裡果然是香港所以也不能 compare... 可是 even 已香港的水準來說這家讓我覺得非常的失望。食物不是很好吃而且太貴了。(本人叫了個牛肉 set。)- Set 裡面的 salad 不算新鮮也不是很特別。- 牛肉也很普通品質。- 醬料卻沒有沙茶醬等等的。- 服務慢。- 環境又舊又讓人覺得非常的肮髒。建議大家不用考慮這個餐館，去大家樂都好一點！

小菠蘿一直有留意呢間日式火窩, 很多年了, 下午時份總是水靜河飛. 有日, 終於一條友試菜lunch set 50幾, 如果以日本野來講,唔貴. 包沙律, 湯底, 配料. 可是......清湯底, 淡如水.沙律是大路野, 預咗, 沒所謂啦. 雖然簡單如蕃茄都唔多fresh, 有點兒那個配料, 不算多. 由於湯底沒味, 我不斷加日式豉油, 仍然好淡終於明白, 為什麼這麼多年來, 都不滿座.

次次lunch行過見佢無咩人, 而且就快無得食肉, 所以決定點都要去食一次琴日lunch同個同事去食, 唔知係咪我o地帶旺o左個場, 我o地入o左去之後, 接住就一路有人入o黎, 之後仲成間都坐滿o左tim呀~我o地兩個人, 分別叫o左兩種唔同o既o野:清湯牛肉配烏冬沙嗲羊肉配粉絲前菜係自助沙律, 一般食o左少少同事個清湯烏冬, 雖然清湯清清地, 不過都幾好味喎, 烏冬都算彈牙我食自己個沙嗲鍋, 覺得有少少辣, 幾開胃, 羊肉唔算羶, 不過d粉絲一煮耐o左就碎哂如果以$52一個lunch, 食到shabu shabu都ok, 不過我o地眼見好似好多o野食, 其實食落都唔係好多, 唔知係咪因為我o地平時好大食, 下晝好快就肚餓lu~佢o地o既服務都唔錯, 未上o野o既時候會較細d個火, 到上o左o野食之後, 就較大返個火, 後來見我o地個鍋太滾, 又主主動較細, 仲會留意埋我o地落哂o野未, 落哂就會幫我o地熄埋火, 好細心呀

我的評價:1) 牛肉依然超正!! 必叫之選!!2) 其他食物都keep到高水準!! 難得難得!!3) 以前服務好d, 換左個樓面後服務稍為差了, 而且d野食黎得慢左!4) 沙拉無左蟹子沙拉, 唔係禁開心!5) 真係幾貴, 不過飽到飛起!! 所以比貴小小都值得!!

上星期五朋友生日,佢份人比較中意健康同食清淡野,尤其對日式火鍋至中意,於是我上來這搜尋左一下,見呢間有好多好食評,就提議去試下,去到間鋪,可能我地早到都未有好多人,店員招呼我們坐下後,因為我同朋友口味唔同,就問下店員有無好推介,佢介紹左有濃味的sukiyaki湯底,佢話比較野味d,於是我就要左一set呢個餐跟紐西蘭牛肉,我朋友就要左黑毛豚肉餐,同佢地出名的木魚清湯底,哇~講真,店員幫我炒香d洋蔥時,已經聞到陣陣的牛肉香味,於是我多口問左店員一句,點解有牛肉香味同洋蔥香味的?店員答佢地本店是用安格斯牛膏來炒的,怪唔之得咁香啦,之後再加佢地秘製的sukiyaki汁,真的好香濃,加入豆腐和雜菜,再放入牛肉,這湯和牛肉很配合,令到牛肉更香濃,更多的牛肉香,該店的紐西蘭牛肉真的是不錯,唔鞋好滑溜,再配合sukiyaki湯更香澴又唔滯!!食左一陣,越來越多人啦,我見大多數是穿西裝的中產人士一對對的進入該店,我想這是中產人士的聚腳點吧!!哈哈~

今晚我地一行8人去果同個fd預祝生日~~個環境都唔係太有日式感覺,不過播d日本歌都幾好~d位係好似食日式鐵板燒咁一排,所以我地都幾難傾計...我地點左6個最平果個$128果個巴西牛肉套餐,2個第二平$148果個紐西蘭牛肉套餐,另外點左客餃子~個套餐份量唔算多,只係兩大片烏冬可以塞飽人,大家樂豐富d多款d,而味道亦唔好得過大家樂,美心個湯底仲好味好多tim,我個木魚清湯真係...強烈建議唔好慳果少少錢食紐西蘭牛肉,因為巴西牛肉真係好un.....紐西蘭牛肉好少少,不過同吉野家個shabushabu果d牛肉比簡直一個天一個地....真係唔值呢個價,講味道,講環境,都唔值,應該都唔會再去...不過服務態度就幾好,雖然上食物就慢左少少,不過d女店員幾nice~~~

I am a regular user on openrice but this is actually my first post. Anyway, did a search on japanese hotpot on this site and found this Shabu Shabu place. Made a booking for 8:30, got there about 15 minutes earlier but had trouble finding the place. The outside decor was quite disappointing. There were basically no lights or signs of the restaurant's name. I could only see through the window and guessed that it was Shabu Shabu. Went inside, not much customers (less than 10), basically there was

*sukiyaki*推介，濃湯底。首先燒熱個鍋將一小塊脂肪燒熔(唔知係豬油定係牛油)，之後落d紫洋蔥去炒香，最後就落湯。sukiyaki比其他湯底貴，味濃但唔算好咸，亦較為惹味。*面鼓湯底*湯底另有木魚或沙嗲可供選擇。面鼓味唔夠，下次試下木魚味。*牛肉*sukiyaki只可跟較貴個隻牛肉，呢種牛肉牛味頗濃，口感不錯，無根。另外有一種較平既牛肉相比之下牛味較少，但口感都不錯，唔鞋。*其他配料*比較遜色，港式配料，烏冬唔係日式個隻，蝦唔錯幾有蝦味。價錢比市面貴，唔算抵食類型，但牛肉算唔錯有牛味，sukiyaki好惹味配烏冬、粉絲好好味。環境唔可以用好舒服黎形容，唔逼，但自己會愈坐愈久，食一次用兩個鐘。

o岩o岩去完日本玩,雖然經常有shabu 食,但係d味道始終都唔夠香港呢間shabu咁好食,呢度d用料新鮮,同埋d牛肉比日本既更好,因為日本既牛肉太肥好似食緊舊牛油咁,又切得太薄,一d口感都無,呢間shabu就唔同,d牛肉肥瘦適中,又唔太薄,真係好有口感,所以都係香港好!!順帶一提個侍應姐姐好似超人咁,一個人招呼晒全場,近!!

最近吹shabu shabu風~我尋晚又同左朋友去呢間正宗日本火鍋餐館食啦~ 哇~~入到去已經差唔多full啦^0^ 個侍應招呼我地坐低,我睇左一陣餐牌,同我個fd介紹食嘜好~我地各自要左紐西蘭牛肉餐同黑豚肉餐~~~~~~~叫個姐姐來落單~不過好多人係度叫緊佢加茶加湯........好多~得佢一個樓面做到踢晒腳......落左單後~15分鐘就有得食啦~比我想像中快~以為要等好耐tim~~~~~~又食到好好味既牛肉啦~超好味!個種牛肉味好難忘記..*~*...

之前係個肥妹做樓面凸服務,食物都幾妤, 跟住現在轉咗手,D食物用料就差過已前,同理新個班人好似唔願做咁,D 茶唔加都算,又冇餐紙,叫個靚女加酸醋麻醬,好似好唔句想比,或者我真係好煩啦,不過你唔怕可以試下(個樓面手腳又慢又勁黑面),

同朋友睇完simpsons再行下街，行下行下，行左去我好耐都無經過到既內街，果時日日放學拖住工人都會經過呢條街行去搭車，令我諗返起10幾年前係某間以經搬左既小學生活…入正題，果時我去到都成2點半，一入到間鋪，感覺吾錯，但係台上面有好多野都未執…可能岩岩忙完lunch最旺果個時間，樓面又得一個姐姐一腳踢，見倒我地都即刻執野，48蚊一個set lunch，真係吾錯，用料好，湯底靚，個三文魚剌身都只係18蚊，兩個人去都係120蚊落樓不得不提，樓面服務吾錯，不時同你睇住個火

文迪念念不忘花之家的Shabu Shabu, 回港不到一星期就來了這裡試. 差不多九點先到達, 人不算多, 但人手不足, 都要等一輪先安頓下來.格局有點似一街那間, 人客圍著侍應. 地方比較陳舊, 尚算可以.要了一個Sukiyaki, 一個Shabu Shabu.Sukiyaki $178: 8分, 包括新鮮沙律, 合時蔬菜, 金菇, 鮮冬菇, 芋絲, 豆腐, 洋蔥, 蛋, 牛肉, 烏冬. 沙律好像比較求其, 菜都唔多條. 炒過洋蔥同加上Sukiyaki之後就有得食. 相對Shabu Shabu, Sukiyaki的湯底比較濃烈, 點上生雞蛋之後就更加剛烈. 牛肉質量係相當一般, 切得不夠薄, 有點渣, 亦有點老, 肉質麻麻. 不過點上湯底加上雞蛋, 感覺上又幾好, 甜甜的味道, 食蔬菜仲入味.Shabu Shabu $158: 7分, 包括新鮮沙律, 合時蔬菜, 金菇, 鮮冬菇, 芋絲, 豆腐, 洋蔥, 蛋, 雙份紐西蘭牛肉, 御飯, 要了日本麵豉湯底, 清清的, 但係那雙份紐西蘭牛肉真的很一般, 始終切得不夠薄係好易整到老的.當然, 這裡的價錢比較經濟, 又不能對肉質有太高要求.