201
34
13
4-min walk from Exit F1, Causeway Bay MTR Station continue reading
Telephone
34623340
Introduction
This restaurant serves authentic Korean cuisine. The chicken soup with ginseng is recommended. The sticky rice inside the chicken can enhance the flavour. The grilled food such as beef rib, pork belly, and prawn are worth to try too. continue reading
Additional Information
入口: 隆堡柏寧頓酒店旁有升降機直達餐廳
Opening Hours
Today
11:00 - 23:00
Mon - Sun
11:00 - 23:00
Payment Methods
Visa Master Cash
Number of Seats
50
Other Info
Online Reservation
Wi-Fi
Alcoholic Drinks
May Bring Your Own Wine
Cake-cutting Details
Reward Dining Points
Delivery
10% Service Charge
About Reward Scheme
Review (271)
Level3 2020-06-11
115 views
同舊同事約左係銅鑼灣食飯,原先果間太多人排隊,加上星期五晚,四圍都好多人排隊,到最後揀左呢間唔使排隊既樓上店。叫左4人餐,名不符實既一餐韓燒其實佢肉好少,到最後係d澱粉質填飽左個肚😂肉類方面,4人都覺得係醃左既牛肋骨係最惹味既,反而第一道純味牛肋骨一般般😂呢間食既好處係有人燒埋俾我地食,但又有唔好處,因為個老闆四圍走,變相有時燒得太耐,d肉燶同過熟,所以到最後我地都自己郁手整😂另外d職員有時都睇唔到我哋舉手需要服務😢呢份菜包,對於4人梨講,完全唔夠,所以到最後都要叫多一份先得😂炒粉絲,菜多過粉絲😒我哋4人一人一箸都無晒,到最後就剰低好多菜係碟。石頭拌飯,好食既,不過要加多d辣醬就更好食,份量正常,值得一試。泡菜煎餅,好好食,但一定要趁早食,如果凍左就會好油🙈所以建議快d食左佢😌最後上枱既牛肉鍋面,牛肉好多,但配菜都非常多😂面就唔知係咪韓國過來既,好少食過呢種面質,硬身啲,而且又唔太吸味,所以一定要配湯一齊食D湯真係好好飲,但應該有加到味精,食完當晚口渴到爆4人,平均333一位,唔多抵🤫太多澱粉質服務⭐️⭐️⭐️⭐️食物⭐️⭐️⭐️價錢⭐️⭐️回頭率⭐️⭐️ continue reading
(The above review is the personal opinion of a user which does not represent OpenRice's point of view.)
Level2 2020-05-30
326 views
之前黎過食炆牛肋骨同冷麵覺得ok所以同朋友再黎但今次⋯好失望啊我地兩個人 一早book左枱佢地話我地張枱太細 燒唔倒 同個湯都話擺唔倒個爐熱住佢d拌菜好似擺左好耐咁⋯梅梅地既feel叫左個鮮牛肉八爪魚鍋八爪魚同牛肉都好少料 真係數得出有幾多舊真係成煲湯咁食兩下就無曬啦⋯打算食好d叫左鮮肉眼牛扒⋯佢話我地張枱燒唔倒幫我地燒埋點知 佢燒到十成熟咁比我地我覺得原本舊肉應該ok既⋯ 但佢燒到熟曬勁硬 唔好食😫 仲突登打算食好d既肉叫左呢個⋯😪應該唔會再黎了⋯ continue reading
(The above review is the personal opinion of a user which does not represent OpenRice's point of view.)
今日天氣開始轉涼就想食啲暖笠笠嘅食物,上網見到哩間被媒體稱為銅鑼灣最強蔘雞湯就即刻上嚟一試🤓餐廳位於酒店一樓,環境都闊落,坐得舒適,同時採用木色同黃燈設計,更令人有溫暖嘅感覺。同時抽風系統應該都做得唔錯,因為有幾檯人食緊韓燒,但都無聞到油煙味👍🏻店主喺裝飾上都有花心思,牆上掛有色彩繽紛嘅畫作同壁燈,提升餐廳氣氛同環境調。可能始終位於酒店入面,對裝修都有一定要求。帶你入座前會預先放好餐具,都係基本嘅韓式用具嚟,而茶係傳統韓式餐廳都會配備嘅韓式大麥茶🤓單點食物款式算多選擇,有湯、麵、飯同小食。亦有韓式烤肉同大份鍋份可以同朋友一齊share😆點完菜就會上涼拌小菜,份量同款式都算多,但黃豆芽同菠菜完全食唔到有麻油香味,而麻油可以話係涼拌小菜最必要嘅元素,所以都有少少失望。泡菜同薯仔嘅發揮正常,而四季豆就無咩味道。🥢豆腐雜錦煲 $ 98呢個豆腐煲顏色就紅,但食落係完全無味,極度失敗😩 豆腐數量都唔算少,但應有嘅翠玉瓜同金菇就得少少。雖然中文係寫豆腐雜錦煲,但英文有寫到係Tofu &Seafood Soup,所以都有幾粒蝦仁同蜆肉,但肉質麻麻地,唔係新鮮嘅海鮮。$98嚟講完全唔值,用料少而且唔新鮮,味道又欠奉,朋友話連鎖韓式快餐店Hungry Korean都好食過呢間😅知道好多人睇完韓劇梨泰院都會想食豆腐鍋,咁你地應該可以考慮下去第二間食。由於真係咩味都無,完全食唔落,所以只好問店員拎胡椒同鹽叫做是但有啲味就算😞🥢人蔘雞湯 $158人蔘雞湯可以話係韓國傳統名菜之一,不論係冬天定夏天韓國人都會食人蔘雞,所以都想試試呢間韓國餐廳嘅水準🤓配料只可以稱得上可接受,有人蔘、紅棗同糯米基本材料。人蔘得一細條,尺寸只有大概女性尾指咁幼同食指嘅長度,人蔘其實應該要多同大條,先有補身或補氣之效。雞偏細隻,但都算多肉,可惜成隻雞煲得太耐,過腍過爛,食唔出雞嘅鮮嫩,反而似食緊雞絲嘅感覺🤨 而雞骨都煲到淋哂,所以成日都食到碎骨,要小心啲吞。糯米太少而且都有同樣問題,煮得太爛已經完全化開,變左一攤嘢咁唔再係呈粒狀,無哂口感。本來糯米應該係軟綿好似粥咁, 但呢間就做唔到呢個效果。湯頭方面都算清澈,屬偏淡嘅雞湯,但就完全無人蔘嘅味道。整體嚟講佢同係超市買到果啲即食蔘雞湯差別不大,失望至極。唔知係咪銅鑼灣得呢間有賣蔘雞湯,所以先稱佢為「銅鑼灣最強人蔘雞湯」呢?☹️差唔多食完嘅時候,店員上前俾左兩舊橙我地作飯後果,都算貼心。而橙亦幾甜!試完都幾失望,無諗過餐廳價錢唔平但水準咁差,韓國傳統名菜做得唔出色都可接受,但若連最普通嘅豆腐鍋都可以無味,都算係神級奇蹟。只能安慰自己,或者餐廳可能係主打烤肉呢!😩 continue reading
(The above review is the personal opinion of a user which does not represent OpenRice's point of view.)
Level2 2020-01-11
1851 views
當日想隨便搵間餐廳食個午飯,剛巧在樓下看到宣傳就衝了上去🤗.一上到環境都算幾好,而且又有午市套餐,唯獨選擇不多🤨.當時的我就選擇了韓國醬油蟹🦀賣相都正常,並附有米飯及紫菜蛋花湯。(上菜前都會有啲前菜可以食住等).值得稱讚嘅係紫菜蛋花湯十分之足料,冬天飲完真係暖粒粒👍🏻.去到戲肉醬油蟹🙄當然就冇個湯咁正喇!醬油略鹹,好似落左成斤頭抽咁🤐裡面嘅蟹肉同蟹膏唔多,好似食空氣咁不過係香港可以食到醬油蟹已經好難得畢竟空運到香港,質素始終會有影響的 .To be Honest大多係香港嘅韓國餐廳都係一般般,都唔會比太大期望😐 continue reading
(The above review is the personal opinion of a user which does not represent OpenRice's point of view.)
Level4 2019-09-03
4360 views
🎐今次係𡃁妹最後一次回來,因為11月終於正式回歸香港🇭🇰喇!📌𡃁妹愛吃西餐,熊妹愛cafe,每次都食哂𡃁妹熊妹想食的,今次俾阿妹發板食韓國菜🇰🇷。📌阿妹話食過呢間《首爾家》幾次,水準幾🉐,就帶我們去試試,有福同享嘛。🥳📌晚上七點半黎到,正直晚飯時候,餐廳都坐滿人,睇黎食物質素都有保證,食韓國菜唔一定食放題的,散叫先食得出餐廳的功架。📌烤肉、炸雞、小食、粉麵樣樣俱全,感覺做法比較傳統。泡菜煎餅,$88📌韓國傳統住家小食,泡菜煎餅一定要試下。一個大餅開成六件,口感就係麵粉煎餅再加左啲泡菜,味道唔算好突出,反而要點點跟上的酸酸汁,咁樣配撘比較開胃。半半韓式炸雞肉+沙拉,$168📌𡃁妹話見隔離枱叫左呢半半炸雞好吸引,隔離飯香,好想試下。半半即係有兩款,一個係甜酸炸雞,一個係就咁傳統炸雞。甜酸炸雞有醬撈上,味道比較出,而且去左骨,啖啖肉,傳統炸雞就咁炸,無醬比較乾,又有骨,同甜酸雞就真係比下去。沙拉就係薯仔什果沙拉,食完咁熱氣的☄️炸雞,沙拉可以中和下油膩。炆牛肋骨,$128📌《首爾家》常客的阿妹係極力推介呢款炆牛肋骨,聽說味道超棒。嘩!果然好推介!牛肋骨炆得好入味,肉質又炆得好冧,湯汁偏甜的,配合牛肉一點都唔膩,熊妹連骨頭🦴都啜埋😝!不過份量就唔太多,一煲有兩三舊骨,真係手快🈶手慢🈚️喇。📌整體黎講,《首爾家》係一間做傳統韓國菜的餐廳,食物味道同環境氛圍都比較有住家的特式,唔係韓式放題咁食到濫哂,絕對有首爾家常飯的感覺。📌最正係,食客一坐低,店員就會係餐枱上放滿韓式餐前小食,熊妹愛吃韓菜都係因為呢推小食🙈。有不少得的泡菜、土豆🥔、豆芽、菠菜、醃黃瓜🥒,不過唔係任食架,只可以要求refill其中兩碟一次!傳統餐廳果然有自己一套! continue reading
(The above review is the personal opinion of a user which does not represent OpenRice's point of view.)