sensory ZERO (太古城中心)

Open Now

Now Closed

其實我自己都有飲開咖啡嘅，如果大家問我喺太古有咩好咖啡介紹，我呢就會介紹 sensory zero 。原因好簡單唔係間間咖啡店呢都可以喺咖啡豆入面飲到有特別嘅花香味。sensory zero在豆呢方面比較有研究，所以我比較鍾意飲佢哋嘅咖啡。 其中一個特別嘅飲法呢就係可以嘗試下expresso加冰 。呢個方法可以突出豆的酸味同提神嘅作用， 重點就係你品嚐到咖啡豆入面天然嘅果香味！如果夏日大家又唔想飲熱嘢，呢個就係學唔錯嘅選擇！

今日咁啱去開誠品太古城分店 睇睇下書好想飲杯嘢， 之後見到sensory zero，所以入去休息下。 今次呢由於食飽飯嘅關係，所以無叫嘢食就叫咗個飲品。呢個飲品叫crazy chocolate，咁我呢就叫佢做cs朱古力， 點解咁痴線？因為佢入面分別用咗五種唔同嘅朱古力，有白有黑。而且佢係一杯熱嘅朱古力，當佢 佢會用佢嘅溫度令五重朱古力慢慢溶化，口感更加突出。而且一杯朱古力要用上五種朱古力的確好花功夫，絕對係物超所值又呃得like嘅飲品。如果你身邊有個鍾意朱古力嘅女朋友十分之推介你帶去試下！

來到誠品，看了幾頁書，便去了吃點東西，哎，別裝了，根本是來吃的。回想已一年多沒光顧Sensory Zero，此店在一片書海中，環境清幽，坐得安寧，景觀開揚。最想念，當然是它的咖啡。選擇很多，製作有心思，飲品有質素。最喜歡它的Ginger Latte是全年供應，並非市面其他店，只有聖誕才能喝到。Ginger Latte (With honey)童叟無欺，是真，薑汁。Latte以藝術繪圖的杯子盛著，簡單就是美，兩層的心型拉花，還有一湯匙蜜糖薑絲。包點類只有牛角包。思前想後，在肉鬆與午餐肉之間，想了三秒，還是挑了邪惡午餐肉。午餐肉芝士雙倍炒蛋牛角包厚厚的午餐肉切成條狀，煎得香脆，咬下又沒有爆油的肥膩感。芝士整片鋪在午餐肉上，炒蛋炒得嫩滑，帶點蛋汁。牛角包塗上芥末沙律醬，整體不會過乾。

誠品一隅，咖啡廳尤其恬靜，岩晒我。6點食晚餐，餐廳已經坐滿一半客。吉列豬扒飯，一大碗，吉列豬扒六件厚切並排； 色澤不算亮麗，但底下番茄醬汁香味誘人，juicy 感十足。吉列豬吃落軟腍，不過吉列感一般、面上脆脆感不足。蒲燒鰻魚 雙份日本滑蛋牛角包，這個無論賣相，色澤味道都劃一的非常棒。置上美美的藍花紋碟，特別喜歡。日本滑蛋不是頹貨，滑溜透出奶味，質地一流。夾著牛油果芥末醬的牛角包，層層酥脆； 頂著的蒲燒鰻魚，好食。呢個組合很好。同男友都點了手工雪糕。第一份應該是叫黑牛，雲呢嗱雪糕加可口可樂；另一個係espresso 加雲呢嗱雪糕，類同affogato。手工雪糕味道較淡，而espresso 偏濃。

Sensory zero跟朋友出來聚舊聊天，下午茶☕️是好選擇，但又要安置她的仔仔女女。我們選了誠品內這家咖啡店☕️沒想到令我跟到一杯超濃濃的巧克力🍫這杯是crazy chocolate 🍫 巧克力底已很濃，還加入了像心太軟一樣的流質巧克力，在杯上還有黑白巧克力碎，整杯的巧克力多到真的像「瘋」了一樣。愛巧克力的人不容錯過🤗🤗除飲品外，還有柚子芝士蛋糕🍰太清新了。加起來才$70。我跟友人聊了三個多小時，是十分輕鬆寫意的一個下午。

上星期行完，都唔想煮，當架720去到太古個時，突然叮左! 就呢間啦！ 即刻問我男人食唔食鰻魚飯XD我地就即刻排隊落車，佢個日晚餐有呢個帶子雜菌海膽汁risotto,所以就叫左個鰻魚飯同risotto醫肚再行返屋企.其實佢兩個飯十個量都冠架，但做完成日運動，兩個都清哂XD帶子都唔係下價野，佢用靚野架，食落都仲有鮮甜味. 個risotto起偏香港style,唔係生米,個汁都入哂.個鰻魚飯同你expect既一樣，但佢好在唔會食到最後食白飯之餘又唔會覺得佢太多汁，一petpet咁

放工後來到太古城誠品看下書，接下來想找個地方歇息下，我的咖啡癮又來，停下來去位於誠品內的sensory zero飲杯咖啡及食晚飯，打開餐廳此cafe的選擇都很多，飲品方面除了咖啡之外，也有茶、果汁、紅白酒、手工啤酒等......食物方面都多元化，有意粉、日式丼飯、意大利飯、全日早餐、雪糕、蛋糕、鬆餅等......想了一陣決定試杯ginger latte $45,再點了份全日早餐$108及芝士薯波$45，杯latte 拉花圖案是1隻馬，好美，奶泡份量準確，奶香十足，再放下茶匙上甜甜的薑粒，微辣中帶甜香，也不失咖啡味，也是不錯，先來小食芝士薯波，一共有6粒，炸至金黃又外脆內軟，薯茸軟綿又有芝士味，再蘸上沙律醬更倍感滋味，主食all day breakfast 終於端上來，好豐富呀！有sourdough ,煙三文魚、炒雜菌、燒扒蕃茄、沙律菜、炒蛋、芝士腸及焗茄汁豆，整體上每樣食材都好足又美味，最讚是炒蛋，軟綿幼滑，地方環境都晤錯，在書店中嘆咖啡的感覺都讓帶文青feel , 服務都好殷勤又禮，而且好專業，也是來hea來食飯的好地方

兩個人去拍拖去開太古城，行開誠品見有啲肚餓就諗住入去呢間sensory ZeroGuys 之前朋友介紹過覺得幾好味所以我哋就去試吓啦。先講喺度餐廳嘅環境先，因為佢係誠品入邊，所以感覺好似比一啲書包圍着咁好有文化氣息，柔和嘅燈光同舒適嘅座位，有一種好想係嗰度悠閒渡過的感覺。都係睇相最實際食物方面我哋就叫咗，鰻魚滑蛋飯同埋雞肉芝士波波，嘢飲方面我哋就叫咗兩杯薑糖黑茶。講下杯薑糖黑茶先，茶味都算濃郁，配薑味都算唔錯，不過如果佢俾啲薑多啲嘅話就會更加好啦。到主角滑蛋鰻魚飯，滑蛋配鰻魚很可口，而佢個鰻魚係喺我哋喺日本食過以來最好食嘅鰻魚，一有一種入口即溶嘅感覺，而且佢個鰻魚汁甜而不溜，同個蛋同鰻魚好夾配埋日本米，真係好好食，不過鰻魚就要熱食如果凍咗嘅話呢就有少少韌。而最後介紹買個雞肉芝士波，味道都算唔錯，芝士同埋雞肉炸埋一齊都唔太油膩，不過就冇乜驚喜。賣相都算唔錯。總結呢間餐廳都算唔錯無論係喺裝修食物環境衛生都是中上嘅水平，之後都會來繼續幫襯。

今日放工約左去上堂做下運動又未夠鐘去食少少野先好少去太古城呢邊難得黎到想搵個地方坐耐d見到商場介紹誠品入面有間「sensory zero」就去試下啦環境好舒適我order左晚餐包一杯$40以下飲品「滑蛋鰻魚飯 $118」鰻魚唔腥蛋又滑好好味份量夠好飽肚「薑茶」好好飲佢d薑另外放在匙上面如果食唔到太多薑的話可以落少d但我落哂去味道好好唔會太辣好暖胃女士飲最適合了誠品又播著悠揚既古典音樂勁嘆呀呢間餐廳少少貴啦只能間唔中一次就夠😂

放假嘅日子邊度都咁多人，今日放假所以同女朋友行下街，4點幾但想搵個地方坐下，點知度度都咁多人。最後係誠品睇左陣書見呢間餐廳有位就坐低啦，女友嗌左個All day breakfast ，我唔肚餓靜係食佢少少，同飲左杯Mocha $50, 拉花靚係幾靚 不過杯咖啡就一般

呢間咖啡店係喺誠品入面，所以大家都估到個價錢都一定唔係平。我覺得呢度啲咖啡幾特別，味道都唔差。 我叫咗一杯棉花糖嘅咖啡。好得意呀，佢圍住杯邊係一條長長嘅棉花糖，入面先至係咖啡，個樣好可愛。味道就係正正常常咁， 啲侍應都唔會話急住趕你走。至於佢啲正餐，即係粉麵飯，all day breakfast嗰種，至少100蚊以上。 同行友人點咗一個all day breakfast，唔係特別好食，分量都比較細，所以唔建議食正餐，會後悔。

之前見到有post話服務態度唔好，親身去過先知原來真係好差！當日我們兩人去到門口，見有兩組人每組三人在等位，我地在外面排左一陣都冇員工出嚟問，但裏面有好多張吉左嘅兩人枱。於是我地其中一人入去問員工可唔可以坐兩人吉枱，個員工答可以。正當我地行埋張枱，個負責安排座位嘅女職員好冇禮貌咁同我地講，要在外面排隊呀！我哋解釋問咗員工話可以坐低，佢只係好黑面咁回答：嗰個係臨時員工。我點知佢係臨時員工？算了，我地出返去排隊。但當佢安排完兩張三人枱後，佢冇出嚟問我地，只係喺裏面教訓個臨時員工，餐廳裏面仍然有幾張吉嘅兩人枱。我哋入去再問佢，點解唔安排我們入座，佢仍然好冇禮貌咁回答要排隊，當我再質問點解唔安排我們入座剛才臨時員工話可以坐的兩位抬，她竟然説：你們三位。我真的氣得啞口無言，明顕得兩個人，佢冇問過我地就由得我們在外面等。事後一點歉意亦沒有，只是說：咁你地坐喇。這樣的態度，有位我都唔食。

今日天陰陰，唔想周圍去，又唔想食樓下既就行遠尐去太古城!之前男朋友話想食all day breakfast, 搵左一堆，呢間係其中一間~佢位於誠品入面，我地叫左個鰻魚飯，一個all day breakfast同一個冷泡既earl grey茶個鰻魚飯有驚喜，幾好食,量都足夠，但如果個底多少少汁就perfect啦！個all day breakfast呢，都有好多唔同野，但好少見all day breakfast無煙肉而其實我諗食咩既時候，都有諗到底要"廚師幫你諗"something like that la!但怕係自己唔食既野，所以就先試個鰻魚飯先!

放工來到太古城，行下誠品品下書。行到攰攰地就找個地方坐下食飯。喺誠品裏面有唔少餐廳。我就選咗呢一間sensory zero他去格調清雅，有飯食又有麵食簡簡單單。我就叫咗我最愛的鰻魚飯，同埋一杯，薑汁紅茶。首先我會講下呢杯紅茶，紅茶茶底味濃。薑汁絲是分開上的，你可以選擇落多或落曬啲薑汁。我就選擇落曬咁啱嗰日凍凍地方便軀寒鰻魚大大塊總共有三大塊，基本上係原條鰻魚上。仲有滑蛋，蛋黃味濃郁。飯用上珍珠米咬落煙韌彈牙。雖然唔係貴但食得出幾用心製作。

Super Tasty! 鰻魚同滑蛋配合相當之好味。廚師發版嘅daily pasta，tomato sauce配野菌培根，汁夠傑，入口好濃郁嘅蘑菇番茄sauce味道。義大利粉非常有口感，perfect ‘a la dente’！