西記粥店

Open Now

Now Closed

🤓今晚有事去太子，順便係附近揾食🥢，發現到呢間粥粉飯麵店，點咗呢個$43套餐......🥛豆漿清甜，🐟魚片粥煮到好綿，🐮牛肉腸粉幾滑，但粉漿有啲厚～下次想試下佢哋雲吞麵！🍜

2020/12/30凌晨去幫襯買咗個$32套餐，只不過問個炸兩得未啫，果服務員就同我講話前面嗰個客都未有，你更加未有啦，咁嘅服務態度以後點幫襯呀，問佢嘢仲咁多嘢講，仲要頂撞返你轉頭，啲嘢又唔係真係好食

中午時間剛剛開完會經過旺角， 就到西記粥店吃午飯。 店內座位狹窄， 不過唔緊要的食個午餐好快就走。開頭是叫雲吞牛腩河， 後來上了一碗牛腩河$29＋ 凍豆漿$8。 牛腩河的湯非常多， 差不多滿瀉了， 賣相當然不太好看， 牛腩有三件， 口感都算軟腍， 整體味道正常。 凍豆漿味道幾好， 飲得出沒有溝水。原先點雙拼河， 可惜只來了一碗牛腩河， 食完好似仲差點先飽， 唯有晏少少再去食個下午茶吧！🔺🔺🔺 西記粥店地址: 旺角旺角道22號地下

去旺角做完facial都已經夜晚九點鐘 得自已一個人想食快啲同埋清淡啲 經過見到呢間粥店 夜晚仲有粥餐 40蚊有個粥加腸粉同豆漿 真係好抵食 所以就入左去試啦 粥餐唔同嘅腸粉跟嘅粥 冇得轉嘅 我叫咗嗰個就係免治牛肉魚片粥 配炸兩 同豆漿 個粥好普通 牛肉好似唔太新鮮 魚片就正常 不過炸兩就好明顯唔合格啦 條油炸鬼應該係朝頭早炸落 已經淋曬喇 所以最後食咗兩嚿都冇食 但係成餐埋單四十蚊 都冇得要求咁多 不過有得揀唔會有下次

旺角砵蘭街的西記，之前試過太子西記，兩間店舖也不同，太子店是比較舊式，而旺角店比較光鮮，廚房的地面也潔淨，因去洗手間會經過。「生滾魚朒粥」魚朒新鮮香滑，但粥底味噌多。「豬肝腸粉」腸粉夠滑，豬肝也爽滑「胡椒豬肚湯飯」胡椒湯味夠濃，豬肚爽

身體不太舒服，吃碗粥，補補身。人在旺角，一看到粥品店便進入了。店內燈火通明，有圓桌也有卡位座。一個人，選了卡位座。大致上都是常見的粥品、生滾粥，艇仔粥、碎牛粥、豬潤粥等。粥品更有套餐選擇，一款粥品配小食及豆漿。例如炒麵、蘿蔔糕、炸兩、腸粉等，價錢由三十多塊至四十塊，頗抵吃。這夜，單點了一碗粥。荔灣艇仔粥加半隻皮蛋大概5分鐘後，一大湯碗的粥，熱騰騰的端上了。很有份量，也很足料。粥底綿滑，色澤奶白，魷魚、碎牛的份量合理。加上花生及乾蔥，稍作調味。

昨晚第一次去西記，因有名氣想試吓，点了一個魚片粥餐，42元，很快牛肉腸到，外表不錯，以為正嘢，点知一食，內冇乜牛肉又吾好味，腸粉皮又硬，失敗之作，之後来了魚片粥，食極冇乜魚片，同食白粥差不多，此餐包一杯豆槳，自家製作味，無乜問題。42元不貴，但物無所值，仲衰過平民粥檔，以後不幫襯。

野食比較多油態度差，看這家餐廳既其他食評就知侍應唔多理人，無乜禮貌呢個係好多茶餐廳都做得唔好既地方，請改善 食物價錢比較貴  冷氣亦唔不夠冷 總結 全部問題都有改善空間 下次去第二間餐廳!

呢晚開完夜班 ，去旺角食夜宵，點左生滾鯪魚球粥 ，一上檯，嘩，好大碗，勁多鮫魚球啊，碗粥好熱好綿啊，夠晒味，胡椒粉都唔洗落，鯪魚球好入味，有好多好多，多到食唔晒，反而油炸鬼林晒，可能放左太耐，可以不試，11點有多晚上，坐得舒服，下次可以再試其他粥。

由於夜晚係附近整頭髮整到好夜，但深夜總是覺得特別肚餓，於是，就係附近搵到間食糖水的西記粥店。海帶綠豆糖水唔知係咪太耐無食過的關係，有小小熟悉的味道，糖水都多料，食到好飽。

今日整完牙唔可以食硬野，又好肚餓唔知食咩好，喺旺角搵吓搵吓比我見到有間粥舖，唔鍾意食粥嘅我為咗醫肚都冇辦法。入到去睇吓個Menu，好奇地點解食粥也有套餐，我哋一行二人叫咗兩個餐，叫咗兩個即蒸腸粉，另外仲有一個炸兩，總數都唔使$100 ，個粥係比普通舊式粥店為入味，對於唔鍾意食粥嘅我都覺得唔錯，最奇怪是他說的即蒸腸粉我估他不是即蒸，因為即蒸腸粉比一個粥和一碟炸兩更加早到，即蒸的腸粉不是很熱只是溫暖的，味道尚算一般

好像以前在九龍區上班也不會這麼一大清早，原定想吃得西餐廳原來要上午11點才出門～但肚子已經超餓 Orz最後找了這家吃粥的，見到不止有早餐套餐，還有全日供應的套餐！我點了早餐套餐 ($31) 如果早上習慣了要喝一杯咖啡/茶的話可以+$8配皮蛋豬紅粥 - 皮紅和豬紅也很多！另外還有很多的薑絲。粥吃起來綿綿的也不錯。味道亦是頗夠的，不需要再加胡椒粉之類來調味 ... 爽滑炸腸 (細) - 腸粉的皮不會太厚，確實滿滑的。不過油炸鬼好像不算太脆身，反而有一種厚實感!?我妹在套餐中沒選到想吃的粥，所以最後選擇粥散點。生滾豬肚粥 ($32) - 這碗粥也是有薑絲的啊～而且吃到會覺得辣的喔即蒸豬肝腸粉 ($22) - 豬肝吃起來不會有腥味，口感也很軟嫩！順帶一就，單點和套餐的粥～份量是不一樣的喔！散點明顯是大碗得多～是說吃套餐也會覺得很飽耶

感覺欠左啲呀姐咁，全部都無乜禮貌，尤其叫個炒面想加个甜醬，都係我錯，話我叫個陣唔講，咁我叫個陣你地唔問，話要加有個呀姐一口話無架啦，講左幾次我爭啲想爆之際，另一個呀姐話要就自己個邊加，完全感覺氣憤，當然會諗個老闆係咩人啲員工就係咩人，因為無理由成間店啲人既服務都係咁。另一次叫個蘿蔔糕餐外賣，落完單比左錢就即刻記得想加甜醬，就同收銀呀姐講，佢掛住撩牙，望左下我完全無理我，一句，都無應過我，咁我算啦，諗住佢會另有安排，點知出餐時我再問另一個呀姐有無加，佢不滿咁講落左豉油，要就自己加，就咁成份外賣比左我，我想講我係好有禮貌個囉，唔該前唔該後，竟然都可以好似我欠佢地咁。仲有除左粥好啲，腸粉，蘿蔔糕簡直唔知乜咁。。。態度唔好，食物唔好，點樣可以再有下次！！！

放假就係要休息,休息就即係唔煮飯,唔煮飯就即係出街食之但係出得多,又想歸於平淡,唔想食咁濃味嘅嘢,又唔想太破費,我同阿肥都唔算太肚餓,又諗唔到食乜好嘅時候,就不如清清淡淡食個粥,簡簡單單又一餐。 位於鄰近花園街,巴士站嗰邊,有一間開咗唔算好耐嘅粥品店,門口放咗個油器櫃見到都覺得幾吸引,於是乎就入去幫襯。見佢餐牌裡面嘅粥品種類都算多選擇,價錢相宜,亦有套餐可叫,都唔錯。 我就最鍾意食碎牛豬紅粥($25蚊)比較大食嘅阿肥就叫咗個套餐：一碗皮蛋瘦肉粥+油炸鬼一條($30蚊)。店舖阿姐手腳迅速,呢頭落完單嗰頭就有得食喇。即滾粥果然熱辣辣,出哂煙,粥底煲到好綿又有味,應該或多或少都加咗小小味精但可以接受,豬紅同碎牛嘅份量都好多,好足料,豬紅口感實淨,碎牛亦醃得都好味道,平時食街外粥好怕裡面好多油,但呢間舖頭就唔會,令我食得都幾放心 淨係食哂碗粥我已經好飽喇,所以都冇試到阿肥啲油炸鬼,下次丫~呢間可以再光顧

一落巴士就見到間粥店，見昨晚食得豐富，今早的早餐想吃清淡些，所以就入了座。看見餐牌，套餐好抵，一粥品跟一小食。叫了豬紅牛肉粥跟半客油條，粥底不會太鹹，豬紅牛肉都好多，而油條都叫做脆，麵粉又不會太多，都可以。雖然碗粥不太大碗，但好足料。結果都是食得好飽，但都算比較清