51
11
9
2-min walk from Exit D4, Causeway Bay MTR Station continue reading
Telephone
28345789
Additional Information
必需預先訂位
Opening Hours
Today
19:30 - 23:00
Mon - Sun
19:30 - 23:00
Payment Methods
Cash payme
Number of Seats
20
Other Info
Wi-Fi
Alcoholic Drinks
May Bring Your Own Wine Details
Parking
Phone Reservation
10% Service Charge
Signature Dishes
Seafood Soup Sausage and Cheese Rolls Abalone wontons
Review (77)
A great place to have gathering, with nice food and wine, and reasonable price. The chef recommended a brand new chocolate wine which is worthy to to try. The only recommendation is the tidiness of the washroom. By the way, the instruction of the exit indicated by Open-rice is incorrect. continue reading
(The above review is the personal opinion of a user which does not represent OpenRice's point of view.)
Level1 2021-05-22
740 views
銅鑼灣上樓Fusion 私房菜,完全住家感覺,十分有格調又舒服。同朋友晚上7點到逹,一開門已見帥氣主廚開門迎接,好似「上朋友屋企食飯」,非常友善同我地傾計開紅酒👍開始上菜,味味都超surprise, 味道帶點香港本土味+泰式+法式+意式👍梅味調制蕃茄焗蝦多士皮旦甜薯料理香煎去骨鯖魚芝士蟹子Pizza包辣味炒蜆慢煮豬柳鴨油炒意粉豆腐布甸值得推薦👍私隱度高,去朋友屋企食飯,老闆主廚🎖👏🏻多多支持 continue reading
(The above review is the personal opinion of a user which does not represent OpenRice's point of view.)
Level3 2021-05-14
755 views
需要預先預約,留位子餐廳位置比較隱蔽,需要點時間先搵到餐廳整體比較暗,以居家風格設計都幾有特色~餐廳沒有特定既menu 每食完一道菜先會送上另一道品嘗~ 另外,餐廳好貼心地可以特別request 素食供素食人士享用~「花膠磨菇湯」頭盤為磨菇湯,個人覺得唔差既磨菇味道濃郁😋但花膠味的確唔算明顯同埋朋友們都覺得湯有小偏咸同埋胡椒味重但個人覺得還可以接受既😉冷盤:「凍蕃茄」外貌好吸引! 係用一個好特別好靚既器皿盛在著~不過生蕃茄並非每一個人都喜愛同接受到所以呢個係一道相對上不太受歡迎既菜式「蟹肉青瓜卷」我個人都幾喜歡呢道菜~蟹肉加青瓜,好清新既感覺特別欣賞佢青色既汁因為可以令到菜色口感同味道提升!建議一定一定要點個青色醬汁食用!否則,菜式會比較單調同淡口「泰式辣皮蛋」充滿驚喜既一道菜~樣子好似平平無奇既皮蛋估唔到係辣!而且係用泰式辣醬個隻酸甜辣味!上面係辣醬,下面係南瓜泥口感好豐富都好夾!不過本人唔係好食得辣所以我會挑走上面既辣醬再配合埋下面既南瓜泥都無損整體既味道同口感!好食~😋值得推介👍🏻👍🏻👍🏻「三重芝士蟹籽卷」同樣大受好評既小食~使用三重既芝士去烹調再配搭埋入面一爐粒既蟹籽!口感味十足! 略嫌有小小乾身,如果有小小醬汁味道會更佳😉「醬油蝦」比較普通同單調既一道菜因為就只有蝦⋯不過係充滿住醬汁既蝦蝦好入味😉主菜:「慢煮雞胸肉」慢煮雞胸難道在於會怕雞唔熟不過呢到既熟透度剛好~因為係雞胸肉,所以肉質會相對上冇咁嫩不過還可以接受既~ 上面係大量洋蔥,令到雞肉更加入味同香口😉「醬汁鴨胸」相比剛剛既雞胸肉,肉質嫩好多!而且味道都濃味好多! 大家都食到lamlam脷~而醬汁同鴨都好夾😉「日式燒汁意粉」雖然意粉沒有什麼配菜只係一碟樣子普通既意粉但一食之下,就愛上左個日式醬因為係平時食章魚小丸子既醬! 估唔到同意粉都幾夾~最後係甜品:「南瓜燉蛋」上菜前已詢問過係咩甜品聽到南瓜燉蛋,以為係南瓜蓉加燉蛋意想不到,竟然係原件南瓜再加入燉蛋好特別既甜品~更意想不到係味道唔咗😉因為燉蛋好香好滑,南瓜好甜好淋~可以有一個地方同朋友一齊相聚已經好不錯~咁多道菜加埋一共$350/位 continue reading
(The above review is the personal opinion of a user which does not represent OpenRice's point of view.)
先開枝朱古力酒,係出面飲唔到既朱古力味紅酒,好香又易入口,個朱古力味後勁好出,我少飲紅酒都覺得好正!十道菜Omakase晚餐先來個蘑菇花膠湯,味道香濃,但好似食唔到花膠。蟹肉青瓜卷配芒果醬,一啖放入口,感覺好清新,青瓜同芒果味道又幾夾!蝦多士 個多士好香脆,面層蝦膠好結實,好足料。雞蛋闊條麵,配皮蛋碎同泰國香料,好特別,我好鍾意皮蛋,加埋泰式香味,應該係九層塔,好開胃。雞翼加薑 看似無特別,味道亦唔重薑味,但係好食既,而且雞翼好厚肉!蟹籽雲呑 超大隻雲呑,咬落食到一粒粒蟹籽,口感幾豐富慢煮西班牙黑毛豬配蘋果芥末 肉質有少少韌,不過個醬蘋果味幾濃,豬肉有點嚼勁可以嗒真啲個醬汁味。冬蔭功芝士扇貝 面層係焗焦的芝士,蓋住扇貝之外仲有冬蔭功湯汁,有驚喜,味道好出!咸蛋炸魚皮意粉 真係OMG,聽落簡單配搭,做落唔知係咪咁易,但超好食!意粉彈牙,魚皮香脆,加埋粒粒咸蛋黃,口感同味道都好豐富!甜品係香橙意大利沙巴翁,第一次食沙巴翁,杰杰地既口感,香濃橙味,呢個幾清新但我就麻麻地拉。臨走前老細兼主廚兼侍應捧個蛋糕出黎唱埋生日歌,堅Surprise!以為係心太軟,原來係個冰凍Brownie,下面有朱古力醬,超好食!話說我同朋友坐低之後有另外兩個客人進門,老細同佢地講生日快樂我都無為意,直到最後蛋糕捧到我面前,果兩個客同我講生日快樂同自爆佢地根本唔係生日,仲話當時聽到生日快樂果陣都嚇窒左,心諗老細係咪認錯人!原來係老細精心佈局!真係鬼馬!多謝! continue reading
(The above review is the personal opinion of a user which does not represent OpenRice's point of view.)
Level4 2021-01-25
948 views
【黃店推介 - 熱烈慶祝🐷🐷爸爸媽媽周年快樂 - Secretland@銅鑼灣】🐷🐷💭上次試完呢間抵食私房菜之後一直念念不忘, 今次再試就已經有唔少新款式, 仍然係$350 十道菜, 而且老豆提前講左慶祝紀念日, 老闆花心思準備甜品好有驚喜, 哄到媽媽好開心呢!! 🐷🐷💬1️⃣ 原隻南瓜湯豬仔咁高嘅迷你南瓜仔, 岩晒打卡, 湯好濃郁, 唔似街邊南瓜湯淡貿貿, 而且有陣陣海鮮鮮甜味, 問番先知原來老闆加左蜆汁, 果然..出色嘅菜式往往就係贏係細節度呢~🐷🐷💬2️⃣ 芒果青瓜卷 + 3️⃣梅汁西瓜 + 4️⃣黑松露花雕酒鮑魚前菜3款都轉左新口味, 首先有新鮮芒果打汁配肉鬆青瓜卷, 再試埋酸酸甜甜嘅梅汁西瓜, 好fresh好開胃, 而上次最好食嘅魔鬼蛋就轉左鮑魚, 一樣用花雕酒浸過夜, 換上爽滑一口鮑魚, 感覺high class 左呢🤣🐷🐷💬5️⃣ 三重芝士蟹籽卷呢款上次都食過, 一樣超多芝士, 而且咬極都仲有蟹籽卜卜聲唔願吞😂🐷🐷💬6️⃣ 慢煮鴨胸配自家制BBQ醬同出面食有層肥膏嘅鴨胸唔同, 呢款鴨胸偏瘦健康得多, 但又唔好以為會唔好食, 由於慢煮鎖住肉汁, 食落仲好滑唔鞋口, 肉味就靠BBQ醬昇華, 唔記得左問老闆BBQ醬有冇得買, 因為個醬真係好正😌❤️🐷🐷💬7️⃣ 藍帶芝士火腿慢煮雞卷出面西餐要舊幾兩舊水先食到嘅熱門菜式, 呢度都食到! 而且芝士仲相當重手😍雞卷咬開仲有肉汁, 而且切完夾出嚟都冇散開, 又好食又好睇!🐷🐷💬8️⃣ 辣椒膏炒蜆呢款上次都食過, 一樣夠大隻夠新鮮, 而且重點係冇沙!! (注意: 周年熊第一次上鏡🐻:HIHI)🐷🐷💬9️⃣ 黃金咸蛋黃醬炒魚皮意粉上次超好食嘅鴨油意粉轉左呢款, 係仲更加邪惡惹味嘅蛋黃醬意粉, 食過兩次都知老闆出名係調配醬汁味道, 一食塊魚皮同意粉都冇令人失望, 食過咁多西餐cafe, 呢個蛋黃味可以話最濃郁嘅一個🥰🐷🐷💬🔟 雪燕豆腐布甸 + 爆炸糖焦糖燉蛋最後到甜品, 一上碟見到隻好可愛嘅豬🐷係個浴缸度沖涼🤩😍!🥰媽媽心心眼咁影左好多相😍, 而我地就流晒口水等食晒個"浴缸水"! 豆腐布甸做到好似牛奶浴咁, 而雪燕就係泡泡, 隻豬就當然攤係度沖涼🐷😌!老闆好有心思呢! 而有爆炸糖嘅焦糖都係第一次食, 含係口好鬼過癮😅 🐷🐷💭食完老闆仲set 左個場比我地影相❤️, 然後再比我地試左好多款自制cocktail, 飲到阿媽wing wing 地, 而老豆就買左幾款自家制cocktail 準備過聖誕啦!!大家未買聖誕party 酒都可以諗下, 老闆本身係調酒師, 絕對專業架!! continue reading
(The above review is the personal opinion of a user which does not represent OpenRice's point of view.)