Read full review
2021-07-23
187 views
大坑可以話算係一個隱世地方，有種恬靜感。區內高檔餐廳林立，亦有不少Chill 嘅酒吧。今次黎到 ，9衝鼎鼎大名嘅大坑薯條！餐廳仲主打本地手工啤酒同各種中西fusion菜，真係十分期待！餐廳裝修以懷舊工業風格為主，帶點殖民地時期味道，夜晚燈光較為幽暗，幾有氣氛同格調！而且地方闊落，啲枱唔會擺到好密，啱晒同朋友輕鬆chill下！餐牌方面，啤酒種類非常多！可以根據個人口味，選擇清爽🌱、啤酒花味重🌸、麥味重🌾、酸味重🍋等口味。📣特別留意：由營業開始到8pm係Happy Hour，啤酒有2️⃣0️⃣%off 優惠🥳（Mon - Fri，公眾假期除外）記得把握時間叫喇！[🔻所有餐點均需另收加一服務費]———————————————————————🍺啤酒🔸Si L Dan （$80 + 20% off ; Large 450ml）今次我叫咗呢款啤酒花類別嘅啤酒，如果唔鍾意啤酒苦澀味嘅朋友，推薦叫呢杯！味道上類近1664白啤酒，比較Fruity，入口有芳香感，非常Relax！🍽️餐點🔸大坑薯條（$78）呢個係必叫小食！即叫即做，食物等得耐少少，但等待係值得！新鮮熱辣辣薯條以瓦煲裝著，可以提高保溫效果。調味以孜
大坑可以話算係一個隱世地方，有種恬靜感。區內高檔餐廳林立，亦有不少Chill 嘅酒吧。
今次黎到 ，9衝鼎鼎大名嘅大坑薯條！
餐廳仲主打本地手工啤酒同各種中西fusion菜，真係十分期待！
餐廳裝修以懷舊工業風格為主，帶點殖民地時期味道，夜晚燈光較為幽暗，幾有氣氛同格調！
而且地方闊落，啲枱唔會擺到好密，啱晒同朋友輕鬆chill下！
餐牌方面，啤酒種類非常多！可以根據個人口味，選擇清爽🌱、啤酒花味重🌸、麥味重🌾、酸味重🍋等口味。
📣特別留意：由營業開始到8pm係Happy Hour，啤酒有2️⃣0️⃣%off 優惠🥳（Mon - Fri，公眾假期除外）
記得把握時間叫喇！
[🔻所有餐點均需另收加一服務費]
———————————————————————
🍺啤酒
🔸Si L Dan （$80 + 20% off ; Large 450ml）
Si L Dan
$80
14 views
0 likes
0 comments
🍽️餐點
🔸大坑薯條（$78）
下個坑薯條
$78
7 views
0 likes
0 comments
新鮮熱辣辣薯條以瓦煲裝著，可以提高保溫效果。
調味以孜然味爲重，配以鹹高菜、乾辣椒點綴，微辣又惹味！
薯條係屬於粗長款，外表炸得十分乾身，入面非常粉軟，調味粉足夠，令人食唔停口！
✨個人認爲重點係餐廳自家調整嘅南乳蛋黃醬，仲有酸瓜碎入面，完全令薯條味道昇華！
🔸腐乳卡邦尼（$138）
腐乳卡邦尼
$138
9 views
0 likes
0 comments
不過意粉質地略為失望，不夠爽彈，麵粉感略重。
西方菜式加入中式調味，味道上係配合，可惜腐乳嘅鹹香太搶風頭，食唔到卡邦尼嘅忌廉味，白汁亦都較稀身唔夠濃郁，有點可惜。
🔸炸鷄治（$158）
炸雞治
$158
8 views
0 likes
0 comments
估唔到，成餐最好食係呢個炸雞漢堡！🙀等候時間亦都係最耐，因爲係新鮮焗出黎。一上菜，成個漢堡都係散發熱騰騰煙氣！
裏面炸雞非常嫰滑Juicy， 可以話係我食過嘅炸雞漢堡之中TOP1🏆
而且調味上非常獨特！漢堡中有特製南乳醬、芝士塊、青瓜，濃郁帶點清新。
最特別係加入酸甜子薑中和油膩感，亦都為一個漢堡包帶來爽脆口感！
另外塊係法國甜包以牛油烘焗，非常鬆脆！夾埋餡料嘅時候吸收埋雞油香及南乳醬味道，真係非常好食！💖
———————————————————————
推介指數：💛💛💛💛💛
⭐ 環境好、空間大嘅酒吧喺香港寸金尺土嘅地方真係買少見少！
雖然食物單價較貴，不過食物配搭新穎，將中西元素融合得非常好！
⏰用餐時間：晚市 1️⃣2️⃣0️⃣分鐘（餐廳10pm就關門，基本上唔會有人趕你走）
Post
