Video
12-min walk from Exit B, Tai Wo Hau MTR Station
continue reading
Telephone
29978298
Opening Hours
Today
06:30 - 21:00
Mon - Sun
06:30 - 21:00
Above information is for reference only. Please check details with the restaurant.
不給客人選位置坐，明明好多位置都一直要指定你坐邊，啲呀姐成日以為自己真係大呀姐，又無冷氣，一路食一路滴汗，問職員是否壞了，但又話無壞，啲冷氣係咁，講大話，態度十分惡劣，無必要都唔來😡
continue reading
1)精選早晨套餐（沙茶牛肉，意粉，牛乳炒蛋，腸仔，牛油方包）配熱杏霜沙茶牛肉勁重沙茶醬味，好香好彈牙，撈意粉超好食！我就習慣先食撈嘅，然後先加湯食，真係好好味……牛乳炒蛋好滑好好味。腸仔配炒蛋一流，再加埋個牛油方包好正。熱杏霜唔錯。2）鹹牛肉炒蛋潛艇鹹牛肉好融入啲炒蛋到，勁好味勁滑，個包有芝麻，咬落去好香。因為有芝麻，所以有多一層次既口感chokchok聲，好香好好味。哩兩款我都好鍾意食啊，實在太爽皮皮。
continue reading
店名：四季餐廳地址：上角街葵湧商場1樓108號舖1.忌廉雞湯.金牌沙茶牛肉意粉配北海道3.6牛乳炒滑蛋、火腿+香脆奶油豬（半件）+3配熱杏霜 $512.餐肉粒.蕃茄濃湯意粉配北海道3.6牛乳炒滑蛋、火腿、餐包配好立克 $48早上堂食較多人，多數外賣自取回家再食，等候時間一般(約15-20分鐘)，回到家時，食物還是熱的。金牌沙茶牛肉好食，牛肉不算老身，入口可以，炒滑蛋可以，真的有奶香味，最好吃的還是奶油豬，牛油配上煉奶，真的人間美食，雖然要加3元，但可以一試。餐肉粒.蕃茄濃湯意粉，餐肉好食，好大粒，但數量較少，略為扣分，但其他尚算可以。
continue reading
呢間餐廳係計麥當勞之後就係另一極品，我喺度試過叫過四次外賣，就算係繁忙時間抑或非繁忙時間，有三次都係等咗45分左右然後要求退錢唔要，我order完喺門口等，等咗30分鐘，然後問佢幾時有，佢就話就快，再等多15分鐘，我問樓面，廚房究竟煮咗未？未煮就同我cancel。之後啲樓面同我講已經吹咗，但係廚房未煮。真係俾佢吹到啤一聲。呢啲咁嘅餐廳，唔夠人手就請人啦！如果你哋有耐性EQ又高嘅話不妨可以試吓😡😡😡
continue reading
我第一次黎食，永遠黑名單呢間。建議有潔癖千祈唔好黎食。環境衛生非常差，好嚴重。同系垃圾堆食飯冇分別。講真，去食大家樂算啦，平仲要乾淨少少。一坐底見到張椅非常污糟，成張都系污漬。換左椅，坐果度冇污漬，椅背全部都系陳年污糟物。d餐具又冇抹好，上位使用者既殘餘物仲系度。可惜太驚嚇我冇影底好多相，有勇士可以去探下險。講到野食,諗住可能好食d,咁就大錯特錯。佢焗飯一上枱，中間成舊都系硬既。唔系講笑，仲硬過未煮熟既白蘿蔔成舊拖左出黎，咁淨返既飯我諗小朋友都食唔飽，佢個容器好淺。我估呢碟野唔系新鮮，可能放左陣又翻叮。肉得多拉a夢1隻手咁大，又多筋又冇肉。比左58蚊，我強行食左少少。感覺食左個寂寞。呀妹話呢個正常，但系佢都話唔想再黎。至於員工質素，當然冇啦。連椅子都唔捨得換(唔系少少，真系成張都系陳年污漬，密密麻麻果種)邊有錢請質素好既員工。落完單單飛落你張枱，中途無啦啦拎起你個紙巾盒，原來系換新入去，然後再飛落你張枱。我妹話佢仲以為系隔離枱偷紙巾明白街坊餐廳唔可以要求太多但系呢間又唔平，環境污糟員工質素九流，食物又偷工減料唔新鮮。除左地方大，我諗唔到有咩讚佢。去隔離食大家樂或者上面圓香唔好咩。講真我想比0星，但系openrice冇。
continue reading