Season Plus (Closed)

依家逢親想食生蠔除咗自助餐之外我就會揀嚟呢一度食，因為嚟到呢一度食個價錢非常之相宜，而且味道質素都唔錯，仲有分店都好多，諗起想食就可以隨時食到。最好嘅呢度就係有一人餐，除咗生蠔之外，仲會一杯白酒，自己一個人嚟食都絕對唔需要尷尬。今日我就帶咗三款唔同，價錢有10幾蚊到30幾蚊不等，我個人就比較鍾意食呢一隻美國嘅生蠔，望落去肥嘟嘟好厚肉，咬落去嘅口感豐富，而且唔會太咸，非常creamy。仲買咗我非常之鍾意食嘅大啡菇，上面有一層非常之厚嘅芝士，食落去仲有拉絲嘅，而且菇整得唔會好乾身，有汁。仲有呢一個沙律真係要讚一讚，佢嘅菜嘅質素都不錯，而且佢個橄欖油同埋黑醋嘅味道非常之好，以呢一個價錢來講性價比好高。…Read More

不嬲對Season Plus情有獨鍾，得知旺角分店新開左一間，即刻帶同好姊妹前來一試！去Season Plus不得不試個生蠔set! 非常抵食之餘生蠔十分生鮮，而且配上白酒一枝！我們亦點了黑松露薯條做配酒小菜，薯條則是不過不失。主食方面首先點了熊本霜降西冷。Season Plus的霜降西冷絕對是牛扒之王！每次也是入口即溶，配上自家製醬汁，絕對是完美！另一款主食則是牛肝菌意大利飯。Risotto菌味濃, 而且充滿回香，牛肝菌非常入味，配合得天衣無縫。是日埋單二人六百多，價錢也算合理而且美食一流！值得再次光顧！…Read More

以海鮮做主打嘅餐廳唔多呢間位處旺角尾太子頭餐廳 確係幾抵食首選推介有新鮮生蠔 有四至五種比你揀價錢好相宜 由最平精選九蚊一隻到六七十蚊都有 可以算係相當親民亦有白酒餐比你配 一啖生蠔 一啖白酒 確係過癮今次簡左兩種抵食嘅試試美國中碼生蠔 $18/隻南非生蠔 $29日本熊本霜降西冷 $198西冷扒都幾大塊食落雖然唔算好腍 但係肉味都幾香濃芝士焗龍蝦 $128超值之選 厚厚既芝士鋪滿半隻焗龍蝦絕對係色香味俱全龍蝦非常新鮮 食落真係好彈牙鮮甜…Read More

話說我成日都會無喇喇戚起條筋想食蠔，之前就見有得$9食蠔，不過心諗都係伏既多，今日就等我做大家既試伏器喇__________________🔹精選生蠔 $9叫既數量無上限，你食得落就得，不過最少都要叫半打蠔係每日精選自法國🇫🇷/愛爾蘭🇮🇪/美國🇺🇸雖然咁平，但唔會好cheap雞咁收你開蠔費今次食呢隻size普通偏細，好夠creamy，但無乜海水味我覺得cp值算高啵.🔹美國蠔 $18食貴少少，可以試呢隻，明顯大隻好多，大約男仔心掌心大細海水味明顯好多，口感好札實得黎幾清爽.😢ps 開蠔手法粗暴，食十隻九隻有蠔殼碎.🔹烤焗海鮮拼盤 $298🐌蒜蓉翡翠螺 x 6偏大隻，肉質爽口微烤香味，殻裡面都仲有蒜蓉汁.🦐即焗蒜蓉大蝦 x 2大隻過手掌，肉質幾彈牙不過面頭既蒜頭略生，有少少辣，影響口味.🍄芝士黑松露焗大啡菇 x 1啡菇幾juicy，芝士味濃！😍黑松露味幾香，如果再多啲就好喇.🐚巴馬臣芝士焗扇貝 x 2成個拼盤中比較中意食，一樣係好大隻焗扇貝出水令芝士味變淡左少少邊位芝士好焦脆.🐠牛油焗比目魚扒 x 1可能因為我地食得太慢，已經凍左比較普通, 不過魚肉幾嫩同香草調味好突出.🔹精選炸物拼盤 $168炸物即炸熱辣辣，可以隨意配搭揀四款，我地揀左炸蠔，炸蝦，炸芝士同芝芋丸.蠔唔係好大粒，但蠔味重同好爆汁炸蝦好香脆炸芝士勁燶芝士味，expected炸芋丸炸粉勁薄，芋蓉部分唔係特別多，微甜，普通.🔺上菜幾快，建議可以分開叫，熱食最正…Read More

喜歡食蠔，見到旺角新開食蠔點，一呼而試！蠔客，當然要試試！價格29-39一隻！手掌咁大！值得一叫蠔好滑，有海水味！yummy主角：焗海鮮盤超大盤！當中有翡翠螺，咖啡菇，比目魚，海蝦同元貝芝士日本元貝：上層鋪滿芝士，焗至金黃，香氣撲鼻，元貝夾上芝士、口感重重翡翠螺螺：味重，肉質彈牙，隻隻重份量，肥美兼肉厚，正比目魚肉質嫩滑！咖啡菇 ，黑松露同芝士焗製，簡直絕配！大蘑菇肉厚，另外烹調時間剛剛好令水份鎖在蘑菇肉裏面，非常美味。海蝦大大隻，鮮甜！日本熊本西冷：牛的油脂分佈平均，牛味香濃，肉有小小根。薯角炸得香脆，唔錯！千層面：重重芝士，個人平日不太好愛食，但出奇都食多兩口！賣相非常討好口感估唔到咁脆卜卜…Read More

有一次係旺角行街 行到夜晚就諗食咩 搵到一間食蠔既餐廳 係地庫 叫Season Plus 雖然係地庫 但地方都算寬敞 咁今次就冇叫酒 叫左杯提子梳打,好清新黎到食蠔既餐廳 當然要叫一打啦 我揀左精選生蠔 雖然價錢唔係最貴果類 但都好新鮮 唔腥 推介👍🏻沙律拼盤 有煙三文魚 蝦同巴馬火腿 蔬菜食落好爽口 全部夾埋一齊食口感好豐富👍🏻海鮮拼盤 叫左個冷既 有龍蝦 青口 蝦同蜆 龍蝦好大隻 好多肉 肉質好爽口 青口同蜆都好鮮甜 蝦就正常👍🏻除左生蠔之外 亦都叫左炸廣島蠔 炸粉唔會好厚同好油 食落都重蠔味👍🏻燒海膽芝士多士 十分脆口 芝士味好濃 但海膽味就唔算突出👍🏻一口和牛粒 好Juicy 肉質厚嫩 配上黑椒鹽味道更突出👍🏻燒汁魷魚筒 配上日式照燒汁同芝麻 魷魚好煙韌同爽口 食完一舊就即刻想再食一舊👍🏻意大利辣肉腸Pizza 亦都係十分脆口  茄醬算濃郁👍🏻最後係牛肝菌意大利飯 牛肝菌既味好出 好creamy 飯唔會太淋 有咬口👍🏻大家黎開旺角如果想食蠔可以考慮試下依間,除左蠔之外都有好多其他食物值得試下😋…Read More

今晚相約朋友到太子行街，朋友介紹這間新開的Season Plus餐廳，原來朋友食過其他分店，這次經開新店，一於再試下。來到餐廳已經被門口”$9生蠔”宣傳吸引，餐廳是落地庫的，原來光顧的客人都不少。看看菜單，等朋友發辦。挪威三文魚、巴馬火腿、有機沙律菜、法式凍熟蝦 配 意大利黑醋精選生蠔六隻、美國中碼生蠔六隻，蠔質素不錯。法國香檳汽酒熱烘烘的芝心有拉絲效果，外層金黃吸引，咬落香脆不油膩。有驚喜的是大虎蝦夠大隻之余，肉質都不錯，彈牙肉厚，蝦味都香濃，加上蒜蓉牛油焗，整體不錯。醬汁滲透豬肋骨，肉質鬆軟，一點不韌，配菜還有熱辣辣薯角。比較失色，味道和質感都不似預期。…Read More

收工約左朋友聚一聚，咁岩大家既中間點係mk，咁就係openrice search到呢間生蠔餐廳，9蚊隻生蠔，平到真係不得了！So Pure So True嘅我地，想得這麼理想~ 注定有劫數破壞甜夢一場。Season Plus位於新商場TOP既斜對面，近地鐵站A出口，行5分鐘就到。呢日我地bk左6.30pm，可能時間尚早，我地係第一枱，到食完都未見滿座，相信戰死沙場嘅亡魂已經多不勝數，可以劏嘅魚都所剩無幾！有興趣嘅walkin就可以了。呢度有唔同既生蠔白酒set，但我地對於酒比較揀擇，所以冇叫到set，我地散叫既分別係: $9精選生蠔 x12 ($108)Gillardeau No.0 x2 ($78)加拿大海膽刺身 ($58)意大利巴馬火腿拼盤 ($128)牛肝菌黑松露薄餅 ($88)加一後 $506 for 2先上既係: 加拿大海膽刺身 ($58)海膽size一如menu所示，cover哂成塊青瓜，海膽唔水呀，係比較碎，個樣麻麻。味道方面，未放入口果刻都還好既，細味品嚐就不得了，腥腥地臭臭地同「杰口」，有興趣了解咩係表裹如一嘅朋友，必試之選。生蠔$9精選生蠔 x12 ($108)$9蠔，staff冇講係咩品種，放入口夠凍，有海水味，但無蠔味。喜歡蠔嘅質感，但又唔想食到蠔味嘅朋友，機會黎啦！大家可以落檸檬汁，呢一隻就咁食冇味，落左檸檬汁起碼有檸檬味。Gillardeau No.0 x2 ($78)Gillardeau No.0，打開menu見到Gillardeau，39蚊，仲要係No.0，就試佢2隻啦！平時食起碼都60蚊隻啦！就係相中最大果2隻，入口有海水味，可惜無乜肉地，唔飽滿，食落口無乜滿足感。Gillardeau一向會有既甜味就唔太食得出，同9蚊蠔差別不大，同埋唔知點解係蠔肉會有d黑，呢隻都建議大家落檸檬汁or cocktail sauce食既，就咁食就，你懂的！後記: 所謂平到嚇一跳，然後廁所見，呢隻完美示範到！意大利巴馬火腿拼盤 ($128)又係好平，$128咁大盤，如果有埋蜜瓜就好啦。可惜無乜驚喜，火腿有火腿味，然後沒有了。最後，牛肝菌黑松露薄餅 ($88)呢個Pizza既味道比較內斂，古惑嘅黑松露呢應該匿埋左！餅底非常結實有質感，要補多十幾刀先切得開，我相信係把刀唔夠利姐！個面都焗得脆既，食唔到芝士香，不過都有濃濃既焦香，公平既！總括黎講，蠔呢家野就唔係人人受得，我同朋友食完無耐就長駐廁所一晚！自問腸胃特別好/無味覺，極具殺菌功能嘅朋友，你行運啦！平價Gillardeau等緊你黎挑戰，仲要係No.0呀，包你食到好滿足！唔信邪，想知咩係邊有咁大隻蛤乸隨街跳嘅朋友，亦歡迎你黎Season Plus 挑戰一下！所謂明知山有虎，偏向虎山行，下個會係你嗎？…Read More

好耐無帶媽媽出街食飯，呢個星期日見有時間，就book左旺角彌敦地庫嗰間SEASON PLUS食西餐，之前食過其他分店，非常有水準，呢度有媽媽最愛嘅即開生蠔，仲有好多海鮮，而且交通十分方便，地鐵出嚟行兩三分鐘就到。一坐低我哋即刻叫左半打最抵食$9隻嘅精選生蠔，真係唔錯，有濃濃嘅海水味但又唔會太鹹，size都ok,而且爽口新鮮，即刻嚟多打半，一人食半打，話咁快就食曬。沙律拼盤大大碟，淨睇賣相已經夠吸引，挪威煙三文魚、pamaham同法式凍熟蝦，配上淋左微甜黑醋汁嘅沙律菜，十分開胃。海鮮拼盤可以生食或者熟食，我哋揀咗焗烤，一上枱已經聞到香噴噴嘅焗香味，蒜蓉大蝦大大隻，肉質實淨香甜。芝士焗帶子除咗芝士濃香外仲非常juicy。芝士焗大菇又係焗到鹹香之餘，菇肉非常好水多汁。翡翠螺雖然沒有濃濃的芝士，但螺肉亦爽脆鮮甜。不過我最鍾意嘅都係比目魚，d魚肉滑到呢，有入口即溶嘅感覺。Pizza我哋叫左兩款，意大利辣肉腸同黑松露牛肝菌，餅底焗到薄脆香口，餡料熱辣煙韌，辣肉腸分量十足，黑松露牛肝菌，勁香濃好食！燒海膽芝士多士，好多海膽同芝士，鹹香惹味，可能芝士味太濃，五係好食到海膽嘅鮮味。秘醬醬汁焗豬肋骨，味甜帶焦香，內裏肉質細嫩，令人吮指回味。雖然係西餐廳，又有和食嘅選擇，我哋又試下，叫左日本一口和牛粒同磯煮鮑魚，和牛粒肉質嫩滑軟腍，加d伴碟嘅黑胡椒粒一齊食，更加惹味，鮑魚用刀叉切片，食落鮮味足而富彈性。今次呢餐，每一道都做得精緻好食，貨真價實，用料十足，食咗咁多嘢，埋單都係$1,190。…Read More

今日同朋友黎左Season plus食野～見到佢而家d蠔好抵就一於試下啦。精選生蠔9蚊一隻生蠔真係好抵食生蠔大大隻 食落都幾重海水味 肉質都唔錯沙津拼盤三文魚加上新鮮沙律菜仲有黑醋調味 好開胃炸日本廣島蠔外皮鬆脆 咬落唔會好重粉入面既蠔又唔會腥燒海膽芝士多士海膽質感細膩 幾乎入口即溶芝士味夠濃 多士十分脆日本一口和牛粒肉質鬆軟入味 再有生蒜係面韓國燒汁魷魚筒大大隻原筒魷魚 咬落又唔會咬唔開配埋燒汁好夾意大利辣肉腸pizza一黎到已經好香口感鬆軟夠酥脆牛肝菌意大利飯牛肝菌配意大利飯配搭十分好味道鮮美 飯又唔會太濕身海鮮拼盤重頭戲海鮮拼盤有龍蝦 花蛤 青口 蝦 翡翠螺份量大同好鮮甜龍蝦肉厚有質感 其他都好鮮味同海水味十足葡萄梳打巨峰味既提子梳打 唔錯…Read More

新蠔天地 之前同朋友試過尖沙咀本店, 同朋友都一致覺得回頭率好高, 所以大家一知道旺角開分店就提議再去蠔食一番。 黎到門口大大個易拉架寫住$9生蠔, 夠哂吸晴。由於上次已試過$9特選蠔, 今次就揀咗款南非生蠔no.1試試佢, $29/ 隻 X 12 = 一打一共$348. 價錢算係MENU中第二貴, 睇埋上菜就知抵唔抵食喇. 大大盤黎到, 果然一分錢一分貨, 肥美無腥味, 加埋檸檬準同辣椒汁仲惹味, 一隻接一隻話咁快就食哂, 心郁郁好想ENCORE不過控制住. 侍應好細心比定個大碟裝蠔穀添, 加分! 食完生嘢當然要食返D熱嘢暖暖胃. 蠔食完啱啱好上芝士黑松露焗大蘑菇 ($58), 黑松露X芝士呢個組合食落好香口, 菇又JUICY, 咬落絕對唔係”乾憎憎”個種, 有驚喜! 再黎意大利肉醬千層麵 $128 份量剛剛好, 食完有飽肚感之餘仲好滿足添. **整體覺得唯一需要挑剔嘅地方係新餐廳通風問題, 食完覺得成身有陣油煙味, 希望餐廳可以改善下.**…Read More

平價「蠔」食 平時接近糧尾時間朋友約食蠔當然SAY NO, 但上次食過呢間平到笑絕對食完都唔肉赤. 所以心郁郁再食多次, 一黎到門口大大個BANNER寫住 “$9隻”. 大家無眼花 $9隻真係超市都做唔到. 一坐低朋友話今次要豪住食蠔, $9隻叫足一打都係$108, 仲要免加一. 本身都唔抱有咩希望以為細細隻無咩肉食, 點知$9都有返咁上下水準唔係講笑, 配埋杯白酒 ($48) 杯, 侍應都無手軟斟到大大杯, $48 配 $9隻蠔, 今次真係平價食蠔喇. 再上一個LEVEL就係$18 美國中碼生蠔, 一打承惠$216咋, 明顯SIZE大D, 多汁得黎係CREAMY, 配埋檸檬汁一人半打唔好以為好多.  食完蠔當然要試埋小食, 價錢算平民價, 所以豪豪地叫夠三樣芝士牛油焗日本元貝2隻 ($68)牛油同芝士不嬲都係最佳配搭, 配埋元貝, 無得輸!芝士黑松露焗大蘑菇 ($58)通常焗完都怕好乾, 但呢個反而感覺係比平時D菇仲要JUICY, 再加上黑松露同芝士, 即時提升唔小分數.炸紐西蘭薯角 ($68)即叫即炸夠哂熱之餘仲要大大碟, 黎Happy Hour飲返杯啤酒都抵啊, 推介! 再黎多都果然無失望, 唔好以為平嘢無好嘢, 絕對介紹俾所有愛蠔又愛豪之人！…Read More

今日經過旺角, 原來旺角新開了一間season plus。就入去試下。這間新開的season plus高水準，值得一試。日本熊本霜降西冷$198這個西冷,我們要了七成熟。我用刀一切這個西冷, 好容易切,就知這個西冷好腍。果然,一試,西冷好juicy,牛味濃郁,真是齒頰留香。這個西冷是我近期食西冷最好食的一個，我一定回再回頭。旁邊配上沙律菜和香脆的薯角,讚!日本磯煮鮑魚$68/兩隻磯煮是用醬汁及昆布慢火去煮，肉質保持鮮嫩彈牙，又可以讓濃郁的湯汁裹住鮑魚. 鮑魚不算細隻, 而且爽口, 旁邊有蕃茄醬。不過我覺得不點醬最好, 保侍原汁原味。蒜蓉牛油焗翡翠螺$68/份這個抵食, $68有10隻翡翠螺,而且多汁，值得一試。:)…Read More

今晚同朋友相約旺角聚舊，知道Season Plus在旺角也開了分店，正好去試一試。這一家是落樓梯到地下的，佔地都不小，門面裝潢有同樣是外國田園feel，入到店內，坐無虛席。店員帶我們到了另一個房，坐得舒服也比較靜，感覺不錯。在餐廳外面已看到主打生蠔套餐的宣傳，當然要試下，尊貴白酒生蠔套餐$298，包括精選生蠔6隻和美國中碼生蠔6隻和法國香檳汽酒一支 。賣相很有睇頭，蠔味鮮甜，海水味濃。法國香檳汽酒France Saint Louis Blanc De Blancs Brut 12%abv($228)，單點的價錢都已經要$228，套餐超抵。味道香醇易入口。《鵝肝醬脆片 $48》鵝肝醬和脆片分開上的，賣相就一般般，和想象中有點分別，味道口感尚可。《炸日本廣島蠔 $48》炸蠔每隻都漲卜卜，咬落外層香脆，裏面還是熱辣辣，蠔味香濃。《唐揚手羽雞翼 $48》外皮炸得極脆，里面熱辣辣，肉質嫩滑。《日本一口和牛粒 $68》牛味濃郁，但肉質較韌，比較失色。《黑松露牛肝菌薄餅 $88》薄餅薄脆，餅邊煙韌香口，薄餅餡有香濃的黑松露配牛肝菌，整體不算油膩，份量亦剛好足夠每人2-3小件。…Read More

精選生蠔 $9隻呢度嘅生蠔出咗名新鮮而且大隻，的士係平價嘅呢一隻都好重海水味，性價比高，我哋一人食半打都唔覺得肉痛。燒海膽芝士多士$68呢個多士啲海膽好多，完全冇偷工減料，燒熟左嘅海膽無腥味，有少少BBQ咁嘅香味，入口甘甘甜甜，口感濃郁。沙律拼盤$128有三文魚，大蝦，同埋巴拿馬火腿，加上新鮮嘅沙律菜，成個感覺好清新同好抵食，特別係啲巴拿馬火腿，配沙律食一啲都唔咸，仲有甘香嘅味道。烤焗海鮮拼盤$298之前食過凍嘅海鮮拼盤，今次嘅感覺呢個熱嘅仲抵食啲，有蒜蓉大蝦，芝士焗扇貝，翡翠螺，比目魚扒，仲有隻芝士黑松露大蘑菇，嫌食得太多新鮮海鮮，呢個拼盤啱啱好中和一下。黑松露牛肝菌Pizza $88個Pizza份量四個分可能太少，所以我哋叫埋另外一款，外面焗得好香脆，有淡淡的黑松露味道，牛肝菌同Pizza匹配，好似食緊意大利飯咁。意大利辣肉腸pizza $88呢個比起另外一款濃味好多，辣肉腸切得比較薄，厚翻啲口感會好啲，但味道唔會過酸。秘製醬汁焗豬肋骨$168好大份，切開有成6件，焗完又唔會話無晒肉汁，但d肥燒走晒，個汁好重味，入晒豬肋骨度，小小甜酸酸咸咸。日本磯煮鮑魚$68之前喺第二間鋪頭食過一次，係呢間食都仲係咁高質，用咗特別嘅醬料去煮，嗰啲甜味入到去鮑魚心，一定要切開一片片食，比較容易咬之餘食落都會更加有味。日本一口和牛粒$68食過個霜降和牛扒，今次試吓和牛粒，當然係扒口感好好多，但和牛粒同樣好有牛油香味，價錢來講呢個超值。…Read More