393
157
50
5-min walk from Exit A2, Yau Ma Tei MTR Station continue reading
Telephone
2332 4673
Introduction
西門町為一家台灣食品餐廳, 除了各款台式麵食外, 其小食也頗受歡迎, 包括雞絲拉皮﹑涼拌茄子等等。 continue reading
Opening Hours
Mon.-Sun. 11:30-00:00
Payment Method
Cash
Number of Seats
38
Other Info
Parking
Review (626)
Level3 2017-03-02
497 views
今日出開去旺角行街,行完就去左通菜街個邊食西門町台灣野,座位有梳化位坐都舒服,裝修以釣燈,綠葉既佈置,比人感覺好舒服舒適!花蓮鹽水雞,雞皮都唔肥有d爽口添,雞肉啖啖肉得黎都好滑,鹹鹹地都幾好味,岩晒撈飯食!涼拌茄子,凍食既茄子淋淋,茄子索晒鋪頭自家製既醬汁,非常惹味,食落好開胃!秘製香鹵拼盤,d鹵水蛋好夠味好入味,蛋黃仲特別香地唔錯!雞腎入味爽口,口感非常好!豆腐味道唔錯得黎又唔易散,仲要食落滑嘟嘟!豬腸洗得又乾淨,鹵得色水又靚又入味,口感又好唔錯!牛肚鹵得夠晒淋,唔會韌一咬就咬到!雞絲拉皮,雞絲撕得條條差唔多大細,拉皮口感好好,滑嘟嘟又爽爽地,配埋爽脆青瓜絲同特製醬汁,非常惹味!芋香珍珠奶茶,珍珠煙煙韌韌甜甜地幾好食,茶味比例岩岩好,飲品味道都調教幾好! continue reading
(The above review is the personal opinion of an user which does not represent OpenRice's point of view.)
Level3 2017-02-21
583 views
之前次次黎襯都好多人 唔知今日係唔係星期一 竟然好少人 我地去到叫左個2人餐 計過黎發覺點都底過散叫 而且餐入面既野食都啱食 這個不記得名字 本人覺得麻麻地 凍食黎既 係魷魚包住d蝦同似酸菜既菜 青菜 有埋肉碎 幾夠味肉燥飯 好味擔擔麵 還可以鹽酥雞 非常野味 好吃這個芝麻湯圓是送的 暖暖的 好吃 整體來說 我是會再來食的 好味又底吃 continue reading
(The above review is the personal opinion of an user which does not represent OpenRice's point of view.)
Level2 2017-02-03
626 views
魯肉飯好好味呀!一食就知係落左五香粉,好香,好味而且份量都唔少嫁!仲有紅燒牛肉麵都唔錯,d牛肉容易入口而且湯底唔會太濃味同太咸。之前去過其他地方食覺得湯太濃味,但係哩個湯底就啱啱好。而且店員既態度都幾好,但唯一問題係實在太逼了。如果d位闊少少會好d。 continue reading
(The above review is the personal opinion of an user which does not represent OpenRice's point of view.)
Level3 2017-01-28
558 views
同朋友去行花市前要食返飽飽😋 簡咗係油麻地食哩間台灣菜 好耐之前已經聽過哩間餐廳 今次見我同朋友都想食下台灣野 所以就去試試💃🏻 本身知餐廳唔大 所以特登6點幾就去到 見到有幾張枱都擺咗個留位既牌 但因為我地算早去 所以兩個人都安排咗個四人卡位✌🏻打開餐牌 見到有好多款唔同配搭既菜色🤔 我地諗咗陣就嗌咗幾樣野包括加咗一杯野飲🍹👇🏻凍既蜂蜜綠茶 一飲既時候覺得偏甜 比想像中甜 蜂蜜味🐝唔重 主要係凍既綠茶加咗少少蜂蜜 我地覺得比較一般🙇🏻簡咗個鹽水雞套餐 有三款包咗鹽水雞 我地覺得幾夠味 醃得偏咸咗少少🐔 雞肉既肉質一般 撈埋佢比咗既燥肉飯食係岩岩好既😂 燥肉飯係出名 肉燥夠多 肉汁撈飯真係唔錯 值得一試👍🏻👍🏻 仲配有一碟生菜 份量幾夠😋 上面有一堆肉燥 我地覺得唔錯 撈埋兩樣野加埋個飯係唔錯既💃🏻食完一個飯當然就嗌返個麵🍜 台式香酥豬排擔擔麵👇🏻 份量合理 擔擔麵既汁料唔錯 易入口 可以簡唔辣 小辣 中辣 大辣🌶🌶 我地簡咗小辣 怕太辣唔好食 又怕唔辣會令個麵失色😂 小辣主要係飲個湯底既時候 有點點既辣味😀 香酥豬排份量都大既 幾酥脆😬 不過油落得比較多 咬落去個口都好油膩😂😂 豬排整體黎講都唔錯 賣相都幾岩相機食先🤤 continue reading
(The above review is the personal opinion of an user which does not represent OpenRice's point of view.)
Level2 2017-01-24
516 views
是咁的~女朋友仔一直都話想帶我黎呢間食台灣麵 咁啱今次黎到旺角 就梗係食呢間啦 女朋友仔講過佢以前食晏就果陣有個套餐好多野食好抵食 唔知夜晚有冇 點知我地真係喺晚市個menu搵到(唔知係咪有分中午價同夜晚價) 個餐好吸引 有一份乾拌麵一份咩咩燒芝士丸一份涼拌茄子咁樣一set 七十幾蚊 (冇野飲)其實都好抵嫁喇然後我就想食撈冷麵 所以叫左個咩鮑魚絲冷麵(唔記得個名),六十幾蚊冇野飲 諗住試下嘛先黎嘅係涼拌茄子 出面嘅台灣麵店 通常都係炸茄子 燒茄子 好食係好食但食多幾舊就好膩 但呢間唔同 涼拌茄子好開胃 雖然係冷盤 但唔係果種凍冰冰唔想食 相反真係愈食愈開胃 拿 出菜到喇 對面就係我女朋友叫嘅餐果碗麵 近鏡嘅就係果句咩鮑魚絲冷麵 一上台 我就覺得真係好大碗好抵食 一個冷麵六十幾蚊 其實出面其他鋪都係咁上下 可能仲貴 佢本身已經唔貴仲要咁大份 淨係份量已經回曬本啦 碗麵嘅左上角就係佢嘅汁 試過應該都係d花生醬溝下麻醬d fd 碗麵本身配少少蒜泥 份量唔會多到好重蒜味 但又提升到成碗麵嘅惹味程度 撈完之後呢碗冷麵真係一絕 好正好香好美味 不過講真 就唔好expect佢d鮑魚絲會好好味好特別 其實都係類似罐頭鮑螺切絲咁 唔係冇味但又唔係好好味 不過咁 鐘意食冷麵嘅人一定唔會失望對個乾拌麵喇 麵質同佢個肉燥醬好match 拌完之後都好好味 麵質乾身 我個人鐘意食個冷麵多d 乾拌麵就覺得同其他台灣麵店 差唔多不過 佢個芝士丸真係好正 燒得好香 一唉落去d芝士流心咁流出黎 本身丸嘅質感都好彈牙好爽口 總括黎講 真係抵食加好味嘅 雖然佢全部野都冇跟野飲 要分開叫 但係論成餐飯嘅味道質素 都係好值得一試 continue reading
(The above review is the personal opinion of an user which does not represent OpenRice's point of view.)