51
8
9
4-min walk from Exit B, Whampoa MTR Station continue reading
All Branches (4)
Telephone
29680606
Opening Hours
Today
12:00-23:00
Mon-Sun
12:00-23:00
Payment Method
Cash Octopus
Number of Seats
40
Other Info
Wi-Fi
Alcoholic Drinks
10% Service Charge
Review (80)
有得飲有得食 Featured Review
Level4 2017-09-09
670 views
今天我們在紅磡逛街,老公提議試下這裡,這間食肆是先選擇食物要去counter俾錢,攞咗收條之後,侍應送上食物,有點類似Food Court ,而坐位都係高腳櫈,又有點似酒吧,店內裝修都幾有style 。因為第一次來,我們詢問侍應的意見𢓭,我們選擇了手工啤、檸檬特飲、白酒煮藍青口、一只龍蝦、海鮮拼盤、龍蝦湯、和牛漢堡。dead pony手工啤的味道濃郁,有些似黑啤,酒精濃度不算高,用來吃海鮮和漢堡一流。檸檬特飲帶少許酸味,檸檬味好香,都幾開胃。白酒煮藍青口,酒味都幾香,配合新鮮的藍青口,算得上好味。海鮮拼盤內有青口、蜆、田螺、螯蝦、鮮尤魚䭮都烹調得好好。香草汁同海鮮好夾,味道鮮、香👍龍蝦尤其精彩, 半隻芝士白汁($78),半隻香草蒜蓉($78),好抵食又好味,以佢個龍蝦size,一隻值200幾蚊嘅龍蝦,大大隻多肉多汁。和牛漢堡都好好味,好多免治牛同黑松露,不可錯過。👍龍蝦湯唔算太creamy,味道好香龍蝦味,仲有海鮮係湯內。食左咁多野已經好飽,下次要試意大利飯。yummy yummy😋😋😋 continue reading
(The above review is the personal opinion of an user which does not represent OpenRice's point of view.)
Level4 2017-08-12
915 views
今晚來到紅磡逛街,諗起好似有一間吃漢堡飽,行過見未係好多人,就入內試下,室內設計似酒吧多些,坐高椅。因為第一次來到,唔知食甚麼好,男侍應好耐心咁介紹,這裡有甚麼最好賣及最好飲,我們聽了他的意見後,就先點dead pony的手工啤給老婆,而我就要了檸檬特飲,法國白酒煮南青口、海鮮拼盤、龍蝦、和牛漢堡、龍蝦湯。dead pony的手工啤,味道濃郁,適合喜歡濃味的人。檸檬特飲唔係好酸,檸檬味道好香,食海鮮之後可以清清口腔,我覺得配漢堡、海鮮一流。白酒煮南青口,白酒加蒜片帶出靑口的鮮味。海鮮拼盤有螯蝦、青螺、青口、中蝦、元貝、魷魚鬚,由於海鮮新鮮,又有些香草、檸檬調味,正👍👍👍我們聽侍應介紹龍蝦新鮮,就叫了一半芝士白汁,另一半香草蒜蓉,龍蝦夠新鮮,蝦肉彈牙而爽脆,以$156吃到咁大隻龍蝦,仲可以試兩種味道,真係值得推介。😋😋😋😋龍蝦湯係signature ,湯肉有螯蝦、青口、魷魚,味道唔會太濃,剛剛好。和牛漢堡內𥚃有黑松露、芝士、蛋、和牛,我覺得黑松露味道太濃,所以和牛的肉味會俾佢搶走,當我把黑松露食咗先,再食和牛就好有牛肉味。呢度點餐好似food court咁先買票,之後由侍應送餐。另外侍應提示,枱下有個鈎,可以用來掛袋。👍👍👍 continue reading
(The above review is the personal opinion of an user which does not represent OpenRice's point of view.)
一定會再幫襯! Featured Review
Level4 2017-02-05
1281 views
雖然已經年初九,紅磡都重有好多餐廳未開巿,女友又發小姐脾氣!因為心怡嘅餐廳未開巿!(唉.. 做男人真慘 ~~>_<~~) 我同佢講,人生充滿驚喜嘛,唔洗噤勞氣喎! 結果入左哩間 Seafood stand, 真係充滿驚喜!首先雖然店名叫 Seafood,但感覺唔係好 Seafood,感覺主打係漢堡包。正當猶豫緊食咩漢堡包之際,靚靚女待應(可能係老板娘)已經洞悉天機,推介我地食牛魔王漢堡,另外我地叫左一客小食拼盤同炸軟殼蟹。炸軟殼蟹夠脆,但多油左d,如果係廚房停乾少少油更好。味道咸左少少,但都係唔錯嘅選擇。小食拼盤有雞翼,薯條,洋蔥圈同炸芝士條,薯條好脆,但唔係炸到乾果種脆,洋蔥圈上炸粉槳唔多,所以炸出黎好薄同好脆,成個拼盤都唔錯。最后到個牛魔王漢堡包,麵包皮有少少脆,牛肉漢堡略嫌熟左少少,唔夠肉汁,乾身左少少,另外漢堡包內有黃色醬( 唔知咩醬?)令個包更加好味!總括哩講,所食嘅食品都唔錯,係一次開心經歷!而且一定會再幫襯!一來好多野未食想試下之外,環境亦相當唔錯,播下音樂令餐廳內更有情調!另外佢地嘅刀叉擺設,小食嘅吸油紙,自家制嘅蕃茄汁等等哩d細節都用心處理,証明佢地放左唔少心機!靚靚待應重送上一杯菠蘿特飲,臨走時都問問我地對食品嘅意見,哩份窩心嘅表現,令我對佢地加分不少!靚靚待應重叫我情人節再黎幫襯!哈哈.... 哩樣要問問女朋友先! continue reading
(The above review is the personal opinion of an user which does not represent OpenRice's point of view.)
😌紅磡都出左名好多臥虎藏龍,QT是日又去開探朋友🙄對眼又無意發現到一間小餐廳裝潢幾別緻甘,再俾d香味鈎住左我個鼻甘就入左去喇🙈 餐廳細細間,但座位都尚算寬躺!睇餐牌餐廳係主力Burger. 不過我仲見到有更吸引QT嘅就係海鮮拼盤!價錢為$238 !平時其他餐廳食海鮮拼盤都唔止呢個價錢啦,見甘抵食就試吓佢先~ 個海鮮拼盤一上枱就已經覺得好香,而且同平時食開嘅好唔同,平時食開嗰啲多數係凍冰冰嘅冷盤上,今次依個偏偏就係熱辣辣上枱,充滿香草牛油蒜蓉味,當中有兩隻大大蝦,雖然唔係龍蝦但係兩隻大蝦size都超大,口感上肉質都似龍蝦,蝦嘅種類有好多種,雖然佢唔係龍蝦,但QT覺得佢嘅香味呢係濃味過龍蝦,啲肉質亦都冇龍蝦咁鞋口,而且肉量比龍蝦豐滿。其次有兩隻超大扇貝,口感上呢都好嫩好香滑!另外仲有六隻大青口、四粒大翡翠螺、12隻肥嘟嘟嘅蜆!啲蜆肉仲粒粒超肥大,幾乎塞滿成只蜆殼!咁當然啦個拼盤呢都有兩樣嘢唔係咁吸引嘅~就係一咋鮮蝦肉同埋一咋烤燒蜜汁魷魚鬚。兩者嘅味道都夠入味不過不失,但就冇特別嘅驚喜位。海鮮拼盤係兩人份量,份量啱啱好,當然啦,如果你比較大食嘅或者兩位男士食,就可能要另外單點一啲嘢食喇!QT就覺得味道上做得幾好,香草蒜蓉嘅份量啱啱好都入味夠出,唯一就係覺得牛油重手左啲啲。我就係同男朋友去食嘅,所以單食海鮮拼盤一定唔夠飽嫁喇~ 男朋友另外單點左肉醬意粉同埋一個特濃海鮮龍蝦湯。龍蝦湯方面我要大讚一聲,因為無論稀傑度啦,味覺上都烹調得出色,你會飲到湯濃得黎唔係單單得個鹹味而係飲得出香濃嘅龍蝦味。肉醬意粉番茄味比較重,牛肉味方面就反而淡小小,意粉軟硬度適中,但個人覺得整體味道上偏甜唔夠洋蔥香,如果肉醬上牛肉味厚啲洋蔥多返少少就更出色!當日我仲見到餐廳有售賣獨有嘅手工啤酒,款式大約有10款。不過因為要去探朋友所以就冇試到~ 希望下次再去光顧可以試飲下咋手工啤啦,因為我覺得個海鮮拼盤配埋手工啤一齊食係絕配!題外話,QT 覺得餐廳嘅服務員cool咗少少,如果可以熱情款待多啲,我相信客人會感受到,而且會食餐食得仲開心👍🏻 continue reading
(The above review is the personal opinion of an user which does not represent OpenRice's point of view.)
Level4 2017-11-08
71 views
雖然隊長B唔好超級好burger但一定要介紹呢間比大家😜😜😜因爲實在太好味了~~~淨係睇menu已經令搵食兵團喪失理智🤣叫左好多樣野~--------------------第一次飲蠔湯先知原來好creamy而且堅有好濃蠔味😳😳😳~好有質感仲feel到蠔碎~龍蝦湯都一樣滋味🦐食得出唔係罐頭開出黎~好有誠意!炸軟殼蟹好crispy 又香口🦀🦀唔會太油所以一啲都會膩滯~而且份量唔少😇呢個小龍蝦意大利飯一啲都唔小,大大隻蝦就喺面前😝真係太心動了~不過點都唔夠個burger 正🤤🤤牛牛漢堡固然好食,但唔知有幾多朋友係食羊既🐑因爲佢地既羊仔柳burger係更加無得輸🙈🙈🙈🙈即叫即製,煎得嫩滑的厚切羊仔柳😌咬下去肉汁洶湧而出,非常香濃的羊仔味,完全唔會酥😚😚😚從未食過咁好味的羊仔堡😳😳令人心心念念🈵~----------------------好味指數😋:9/10翻啅指數🙆🏻:8.5/10人均消費💰:201-400服務態度👨🏼‍🍳:7.5/10乾淨指數🌝:7.5/10 continue reading
(The above review is the personal opinion of an user which does not represent OpenRice's point of view.)