9
2
2
Payment Methods
Above information is for reference only. Please check details with the restaurant.
今日去鴨脷洲大街，海東軒酒樓食晚飯，這是一間比較舊式的酒樓。我們叫了12人套餐，條龍躉真係好大條和新鮮。瑤柱蛋白炒飯很大碟，米飯炒得粒粒分明，米飯口感嫩滑唔會過於油膩，平時晚飯比較少食澱粉質的，我也忍不住食了一大碗。炸子雞和乳豬炸得很脆和肉質嫩滑。侍應的服務態度很好，雖然很忙碌但很樂意幫我們拍照，她特意除下她的手套去幫我們影相。
continue reading
因今日10個家庭成員食飯，諗住食海鮮加工，搵一間酒樓坐得舒服啲。乳豬不過不失，剛剛合格水平。正常急涷蝦水平，芡汁開得太稀。條黃皮老虎斑4斤係街市買千一蚊，拎黎加工，最後廚房師傅連洗都洗得唔乾淨，魚鱗都冇再幫我清乾淨啲，搞到蒸頭腩有啲腥腥地🫠另外炒球做得都唔好，魚肉散散地，落味又重手左。蒸得過熟😓呢個做得幾好，酒味夠，好香，剛好熟。呢個雞又反而整得幾好食，夠味剛好熟，食落肉質口感好！整體而言，雖然加工費算便，餐廳服務又幾好，但外來海鮮煮功唔得，諗住近海鮮街市，加上大酒樓，應該都穩陣，結果有啲失望。
continue reading
臨近做冬的日子，和同事去了鴨脷洲一間街坊酒樓飲茶。店面比起很多酒樓都較為細間，不過就有不少懷舊的點心。星期一至五的茶芥為每位$8，想吐嘈一下有些茶杯和碗有污漬，需要換過另外一隻 ... 但食物質素和價錢算CP值高，而且我吃完回去沒有肚痛 (笑)雄哥叉燒皇 ($138/份) - 都幾大份，叉燒亦切得很厚身。每一塊叉燒都肥瘦適中，口感鬆軟、甘香美味喔！相較之下 蜜汁叉燒腸粉 ($32.8) 就一般，可能是沒有預想的蜜汁。椒鹽魷魚鬚 ($55) - 平時吃開的那些都是炸粉厚，所以很大條。但這裡的是魷魚鬚本身就很厚，口感還很彈牙。潮州粉果 ($24.8) & 招牌蝦餃皇 ($32.8) - 粉果和蝦餃都好大粒，幾飽滿。黑椒金錢肚 ($27.8) - 金錢肚好軟腍，黑椒味都夠，很惹味。蟹籽蒸燒賣 ($30.8) - 賣相一般，但味道還是不錯的喇。港式炸雲吞 ($26.8) - 炸得很脆身，不過沒什麼特別驚喜。山竹牛肉球 ($16.8) - 下邊墊著的是菜，不是腐竹 ... 雖然牛肉球味道不錯，但總感覺差點什麼 > < !!北菇棉花雞 ($27.8) - 雞肉超嫩滑，魚肚也十分入味。
continue reading
｜✏️環境: 6/10｜✏️位置: 8/10｜✏️服務: 8/10｜✏️選擇性: 8/10｜✏️價錢: Around $1,200/person｜✏️Prefert: Booking 攞定位｜✏️特別留意: 人多可以訂房 ( 記得預先訂 )｜✏️推介: 濃湯雞煲翅👴📢 講古佬 《 STORY TIME 》 : 今日既主角係 "SEA FOOD" 🌊。一行人 happy hour 後過左黎海東軒食飯，因為朝早6點已經叫左海鮮佬送海鮮過黎，先有時間整靚D海鮮，好似鮑魚今次用鹵水去JUM，又要慢煮入味，真係要早早早拎過黎。好啦，大家咁熟啦，一上樓梯，嘟… ( 宜家係人都知食飯都要嘟 )，直行轉左入房，有部電視比你睇，一張圓枱坐到12人 ( 拿…限聚放寬左架啦)，冷氣係左一部、右一部，十分之好。我地拎左24支酒去，因為人地都要做生意，個雪櫃又真係唔會咁多位，但係都幫我地雪起左幾支，真係盡晒力架啦 😆飲還飲，緊係要食野啦!第一味，叉燒拼燒鵝，雖然全港九都有得食，但係佢質素係可以既，比70分，因為高質既真係太多，但佢地都唔係差架，食得過。之後比返D冰鎮鹵水飽魚你鎮下把口先..喂，又堅係彈牙，鹵得入味，朝早送到，整左半日，但係真係好..好…味! 通常係薄切宜家外面，但係佢半舊都咁鬼正，真係好想食多幾粒..😍😍跟住就黎一鍋濃雞湯翅! 🐣呢煲野係好好食架! 因為夠熱! 夠濃! D翅多! 雞係成隻比返你! 堅好食!辣酒煮花螺螺有螺味，湯有辣味咁🤣 如果可以既，加辣D會好D，佢係慢辣出黎，慢慢食呀!大大海……..鮮……..登場!!! 登登登登!首先，黎返碟大大隻賴尿蝦! ( 唔係巨大個D，係大大隻個D )，好好味..好好味..D肉好彈牙，又夠肉地，一食就知係新鮮，死左既係會化水，所以新鮮既肉好大分別。跟住就係特別出場既油! 鹽! 焗! 奄! 仔! 蟹!無得輸，講完。爆黃，入味，食落一D都唔漏，仲要好濃郁既味，堅係好好好好食!扇貝指定動作，唔係十分出色，但我中意，因為唔係落重豉油重蒜個D款，淨係死咸個D我就唔食。豉汁炒蜆SO FAR SO GOOD方脷係野生方脷! 識既就明，但呢D係可遇不可求，各位中意食咩魚其實自已拎去加工係唔錯，佢地都蒸得幾好架!埋尾加返個菜同主食，我好飽啦…我想休息陣..飲得又多食得又多，影相都影到迷迷幻幻，多謝! 🧐
continue reading
冇晚市其實晏晝都可以食海鮮😂鴨脷洲大街街市出名海鮮種類眾多，買完海鮮要拎去整你要揀一間油水費價錢公道而味道中上嘅唔係咁容易。好多時候見食客都係攞去市政大樓加工，我同屋企人想冇咁迫又坐得舒服所以決定拎去一間小酒樓豉油王蝦碌加工費$90/斤海蝦本身非常鮮甜美味肉質爽脆加上師傅走油然後用少許豉油回鍋，非常香口食，而且得出有少少美極豉油提味，十分唔錯薑蔥炒蟹加工費用$90/斤雖然外觀豉油色水欠缺，不過味道係足夠，但鑊氣方面就豉油蝦比較出色豉椒炒蟶子皇加工費用$90/斤蟶子皇大忌過熟，廚師時間管理啱啱好鮮嫩之餘豉椒豉汁味道唔會過重，保持蟶子皇本身嘅鮮味，非常好至於一班兩味就係海東軒提供，炒班球有鑊氣，而且斑肉完整唔會鬆散，班球新鮮冇腥味$，值得一試其他菜式方面不過不失，朋友介紹中午飲茶點心的非常唔錯，下次有機會會試試
continue reading