響一品 (沙角商場)

Open Now

Now Closed

咁啱接姪女放學經過哩間日式餐廳，佢話好好食帶我去試！❤️我哋叫咗叉燒拉麵同埋吉列豬扒拉麵，加個唐揚炸雞作為豐富嘅午餐！🔸叉燒拉麵佢揀咗鰹魚湯作湯底，十分清甜，叉燒大大塊，厚而不柴，肉好嫰，拉麵都好彈牙，好好食！🔸吉列豬扒拉麵我揀咗豬骨湯作湯底，十分濃郁，吉列豬扒炸得酥脆內軟，十分香口！🔸唐揚炸雞炸雞必叫！外脆內軟的炸雞，內裏保持鮮嫩多汁！一碟共有四件，剛好我哋每人兩舊🤭呢個午餐食到我哋好滿足好飽，拉麵大大份又好食！下次經過的話都會再食👍🏻

響一品是一家位於沙角商場的親民貼地咪嘥嘢食店✨牛盛鍋：肉質鮮嫩，湯底濃郁，龍蝦蕃茄湯底增添了豐富的海鮮風味，令人回味無窮。✨ 凍咖啡：口感順滑，少冰少奶少甜的調配剛剛好，清涼解渴又不失咖啡的香氣。✨赤蝦刺身：新鮮的赤蝦帶來了濃郁的海味，口感鮮嫩多汁，一口咬下彷彿置身於海洋中。✨北寄貝刺身：北寄貝的鮮美口感令人驚艷，鮮味十足，搭配醬料更加提升了風味。✨日本蕃薯條：蕃薯條炸得酥脆金黃，內部軟嫩，香甜的口感令人愉悅，是下酒的絕佳選擇。

和朋友相聚吃晚餐, 選擇在她住處附近商場內的一間食店.  食物選擇頗多, 有火鍋, 定食, 亦有多款小吃, 而且價格相宜掃碼點菜後, 店員端上了一份螺肉前菜田園野菜滑雞鍋 $78 可選龍蝦蕃茄湯底 +$5, 追加其他配料, 我們追加了一份蔬菜籃 $32, 另有珍珠御飯或烏冬可選其一龍蝦蕃茄湯底味道非常香濃, 鍋內除了鮮滑雞外, 有娃娃菜及小棠菜, 鳴門卷, 金菇和其他雜菌, 滑雞肉質非常嫩滑鍋燒豚腩烏冬配唐揚炸雞兩件及溏心蛋 $80除了豚肉外, 還有鮮蝦天婦羅, 冬菇, 鳴門卷及小棠菜, 另有溏心蛋可選全熟或半熟或走蛋, 首先賣上已很吸引, 味道亦相當好火炙芝士炸豆腐 $35這個是我一看到圖片就很想試, 所以期望很高, 上菜是完全跟圖片的一樣吸引, 整件豆腐外層被火炙芝士裹著, 面層灑上了蟹籽, 葱粒及蘿蔔茸, 半溶狀態的芝士配上嫩滑的豆腐, 再加上帶點酸味的醬汁, 完全滿足了口感及味覺螺肉軍艦2件 $18螺肉爽口嫩滑位於屋邨商場的這間小店, 食物質素比想像中好, 而且非常抵吃, 店員又友善, 性價比相當高👍

今晚近近地再黎沙角邨食響一品 首先有火炙蟹柳壽司同金龍卷（$65） 蟹柳都好大條 抵食 金龍卷好出色 擺碟已經夠靚 入面既炸蝦好足料 一條份量好多秋冬晚餐-和風牛肉便當🍱$85前菜有中華沙律🥗 再加味噌湯 主食和風牛肉份量勁多 食唔晒 加上沙律同餃子🥟 餃子炸到脆卜卜 超豐富 珍珠白飯都成大碗 性價比極高照燒雞扒拉麵$65🍜雞扒另上 但勁大份 煎到好酥脆 肉質夠juicy 拉麵可以揀湯底 叫左醬油豬骨湯 清清地 配埋雞扒就剛好雖然係屋邨餐廳 但有呢個質素 值得推介👍🏼

今日路過見到這間日式食店晚市有不少客人，看來好受街坊們歡迎喔! 不妨試試吧! 是日點選菜式 💮青瓜伴蜜糖芥末汁冷盤前菜，青瓜爽脆多汁， 配甜甜的蜜糖及加點芥末汁的刺激，兩者好配合，豐富了味道，更好吃喔！ 💮日式薯仔沙律賣相仿如兩大雪糕球，入口幼滑，再咬薯蓉夾雜薯粒及蛋粒，這款沙律我喜愛呀！ 💮牛盛鍋選九州豬骨湯底配烏冬 鍋內已經有日本油揚，粉絲，日本菇，魚蛋，金菇，小棠菜及娃娃菜，而肥牛份量都不少，一份肥牛大約有10片，肉質鮮嫩， 愛吃牛的我一定追加肥牛肉啦😜！ 火鍋爐值得讚，體積不算大但火力夠，這是食火鍋的靈魂，食得暢快！ 💮燒鯖魚 鯖魚油脂分佈平均，燒完散發一種香氣，令人 垂涎，營養價值高又少魚骨容易食， 唔怪得是日本常見一道家常菜啦！ 這間日式食店性價比高，價錢合理，款式選擇又多，壽司，便當，石燒，火鍋，拉麵，串燒，冷盤，小食，甜品，飲品…… 整體感覺非常好，食材新鮮，上菜有效率，服務員招呼好。我會再次光顧，點其它款式。

沙角商場好多餐廳選擇，下班後跟同事們去響一品。昭和年代的裝潢，餐廳夠大多座位海底椰黑糖薑母茶黑糖味香濃帶點薑味，又有海底椰好足料。牛盛鍋 $93牛肉賣相鮮艷，肥瘦適中有幾個湯底選擇，這個是龍蝦蕃茄湯底，有嗚門卷、豆卜、小棠菜、娃娃菜、金菇等。牛肉輕滾幾秒就得，肉香嫩滑龍蝦蕃茄湯底濃郁鮮味，配肉類及蔬菜味道一流，烏冬是幼烏冬，吸湯一流，美味。西京比目魚便當 $115賣相精緻吸引沙律有新鮮的魚刺身粒、蟹籽，再配上芝麻醬，鮮味之餘也頗有驚喜。西京比目魚好嫩滑炸物乾身不油膩，炸蝦大隻、炸蠔多汁。

自從大學畢業之後，一直都冇再探訪沙角邨，今次搭港鐵重遊舊地 ，估唔到變得咁先進咁方便，商場好多嘢買，沙角商場 食肆選擇款式都好多。今晚去搵舊同學拎帖，佢帶我去食 CP值高的～響一品。晚餐滿座，門口都好多人排隊等位，環境不錯，店員有禮貌，邊等位邊行餐牌，選擇多，價錢合理。肥牛盛蕃茄龍蝦湯底配烏冬值得推介～肥牛盛 小火鍋，天氣凍冰冰，一人一鍋啱晒！牛肉大大片、肥瘦均勻，一碟有十片，份量都唔少。蕃茄龍蝦湯底鍋底，味道濃郁，配料豐富，蔬菜、粉絲、金菇及日本腐皮。湯用火保持溫度，熱辣辣，特別暖胃。味道方面，湯底好鮮甜，牛肉入口柔軟嫩滑，食落多汁。烏冬彈牙，吸收了整鍋的精華，想不到有意外驚喜！鰻魚便當吉列炸蝦鰻魚便當材料豐富，厚厚的鰻魚，肥美多汁，夠腍身又冇骨。一啖鰻魚，一啖日本米飯，鰻魚汁好甜，好滿足！加上吉列炸蝦，即叫即炸，熱辣辣上枱，炸得恰到好處，外皮極之鬆脆，味道十足。蜜糖芥末沙律，去油解膩。溫泉蛋照燒雞扒丼軟綿綿的溫泉蛋汁，又香又甜的照燒雞扒，飽肚又滿足！白桃沙冰甜甜的白桃沙冰，好冰涼好爽呀！

城門河兩岸的屋苑各有特色，今日來到沙角商場，食埋晚飯先返屋企，《饗一品》新開一段時間，今日有機會試下。火炙芝士炸豆腐~沾上薄薄一層麵漿，輕輕散炸過，豆腐面淋上芝士，熱辣辣勁香口。霜割牛氣之選~牛肩肉(五本)+牛舌(五本)，採用石板燒，牛肉質素唔錯，輕輕烤熟，入口感覺到牛脂的香味，的確唔錯。蒲燒鰻魚便當~呢個晚餐便當配吉列炸蝦(兩件)，蜜糖芥末沙律，味噌湯及珍珠御飯，成條鰻魚仲有蝦，大家爭住食。三文魚刺身便當~當中包括加州卷，魚生飯，仲有三文魚刺身。即炸日式餃子~脆卜卜，熱辣辣新鮮炸起。白桃沙冰~大大杯好抵飲。

今晚去沙角邨搵朋友拎野，順便係附近沙角商場食飯，2樓有間響一品，今晚就試下，環境不錯，晚餐時間都滿座，負責店員反應快，殷勤餐牌選擇多，價錢合理。滑蛋吉豬定食帶吉列帶子-套餐先上前菜中華沙律，蔬菜之星，味道十足，營養豐富帶爽口麵豉湯-不會跟市面帶鹹，味噌味道好平均，不錯。到滑蛋吉豬飯-成碗滿滿材料豐富，厚厚吉豬，夠腍身又不鞋加上滑滑雞蛋，帶有甜甜洋蔥及菇，一啖一啖，滿足肥牛泡菜湯配烏冬-似一人火鍋，牛肉有一碟十塊😍鍋底有小堂菜、粉絲、金菇及油楊，選用泡菜湯會帶帶小辣，味道方面，湯底好濃，秋意涼涼時候食最岩，牛肉份量多於一人，烏冬彈牙，整鍋非常飽肚炸榴連球-見隔離枱點我又點，熱熱上枱，炸得剛剛好，外皮鬆脆，切開入面帶流心，榴連味濃同甜，一定必點想不到意外驚喜，值得推介

去開沙角邨商場，搵到一間抵食嘅晚市定食同火鍋餐廳。佢嘅價錢平民，晚餐定食由$78起。首先介紹佢嘅晚餐定食，其中一款滑蛋吉列豬扒飯定食只需$80，仲配有兩件吉列帶子作為配料，同埋前菜有螺肉、味噌湯同飯。呢個定食真係物超所值，滑蛋吉列豬扒飯的滑蛋加上豬扒，味道唔錯，配合螺肉同味噌湯，真係一個飽足又滿足嘅晚餐選擇。而如果你想試下火鍋，佢嘅牛盛鍋絕對值得一試。牛盛鍋$85內有粉絲、菜、金菇同油揚，配料豐富。揀咗龍蝦蕃茄湯嘅鮮味。牛肉一大盤份量足夠。餐廳服務好好，食物價錢平民，真係一個適合與朋友或家人一同享受嘅地方。無論係滑蛋吉列豬扒飯定食定係牛盛鍋，都味道豐富同份量足夠。

又再黎到響，每次特然想食拉麵就想去，每次去到必叫壽司食住先，出品絕對保持水準，今次去上野有少少慢左，可以接受的慢，不箅等好長時間，下次再想食會再去的，加油💪💪

公眾假期下午茶時間(16:30)，餐廳唔算多人，可能因為沙角商場太多食肆，競爭太大。我地一行二人嗌咗3個餐，分別係：魚生飯、壽司拼盤同埋叉燒拉麵。先講魚生飯：份量好足，賣相好靚！味道正常，對得住佢$49嘅價格；壽司拼盤($33)就差啲，明顯係雪咗一段時間，毫無新鮮味，只可醫肚不可談論味道；最後叉燒拉麵($35)反而有驚喜，佢個叉燒味道淋甜，而湯底有少少咸味，拉麵硬度啱啱好。每份下午茶都係配一杯熱飲/冰紅茶/味噌湯，我地嗌咗2杯熱奶茶同1杯冰紅茶，熱奶茶奶味唔夠；冰紅茶就係康師傅罐裝飲品。服務方面十分良好，侍應反應迅速、殷勤。環境方面亦算中上，四正闊落，相信就算多人嘅時間都唔會話坐得好逼gip。呢一類平民日式餐廳買少見少，大家行過不妨支持下~

田園野菜盛壽喜燒鍋配蕃茄龍蝦湯底跟烏冬$68：這個春日晚餐，適合愛菜之人！各式各樣的菜，包括有娃娃菜、金菇、本菇、紅蘿蔔等等，還有日本魚蛋和油揚！最重要是通通吸收蕃茄龍蝦湯汁，又香又甜！另有烏冬可以放入湯中，與蔬菜配搭一流！最後，當然把湯喝清光啦！牛肉壽喜鍋配厚燒玉子跟飯$ 88：很多地方的牛肉壽喜燒偷工減料，但這邊的牛肉合格合理，牛肉大大片、多肉少肥，配合甜甜壽喜汁而且明火鍋可以熱辣辣入口，跟飯飽肚又滿足！值得一讚的還有玉子，兩件玉子蛋味十足，而且軟綿綿配有鰻魚汁甜甜的，好吃！炸榴槤球$ 32：即叫即炸，熱辣辣上枱，小心燙口！榴槤球炸得恰到好處，外皮極之鬆脆裏面流心，愛吃榴槤一定要叫，因為榴槤味濃郁甜甜的，而且很少地方可以吃到！吃火鍋，當然不要缺少沙冰，這裏的果味沙冰有四款，我們點了葡萄柚子沙冰和芒果沙冰，酸酸甜甜，而且非常滿，跟餐優惠價$ 18！

$55 只限外賣角切魚生飯本身已經冇乜期望過會有好多魚生但係你尼個係咪叫做正常嘅份量呢定係你唔記得咗放其他魚生落去如果係唔夠”角切”嘅話 其實可以拎多幾塊魚生出嚟切㗎

街坊食堂「響一品」，繼［冬日暖暖心鍋］饕客，在春回大地之際，以［春日晚餐］奉客。我們兩款的［春日晚餐］:滑蛋吉列豬扒定食和汁燒豬軟骨炒烏冬。還有照燒雞扒配拉麵豬骨湯。小食:醬燒魷魚與芝士年糕，醬燒魷魚肉質鮮爽冶味，大家都很喜歡，芝士年糕是家人每次必嘗極品！芒果沙冰 汁和白桃沙冰餐飲，清涼解膩。滑蛋吉列豬扒定食~開胃漬蘿蔔、味噌湯、吉列帶子。我覺得香滑的炒蛋、菇、洋葱絲與汁液，混和珍珠御飯吃，蛋香、汁鮮、飯熱已經十分美味可口了！吉列豬扒也吸收鮮味汁液，雖然有損脆口，但回饋味鮮。汁燒豬軟骨炒烏冬~汁燒炒烏冬味道香濃不過鹹，但炒粉麵烏冬之類，始料會較油膩少許，因此也多選一款較清淡的湯拉麵，可以平穩一下味蕾。照燒雞扒配拉麵豬骨湯~配料很豐富也合味道，色調奶白的豬骨湯，質感柔滑，味道不錯；照燒雞扒賣相亮麗吸引，味道與口感都滿意的。