金莎冰室

Open Now

Now Closed

真係估唔到，街坊生意都做得好差，唔講好唔好食，半隻豬手上桌，見到豬手邊有毛，以為只小部份，點知後來發現 黑椒汁下，成隻豬手都有毛，同餐廳反映，收返入廚房，原來用 煤氣爐燒d毛再出返來，成陣味，仲要用煤氣爐燒，真係想食死人。已經食唔到豬皮。真係好失望，冇下次！邊有餐廳用有毛豬手去做食材，又唔去毛，直接煮熟。😑第一次出去食豬手，成隻豬手都係毛😑😑仲有間鋪，伙記的態度勁差，呢間鋪都係做街坊生意，但點返轉頭，第一次食，亦是最後一次。

12.05.2021 呢間金莎冰室之前喺田景，食過晚餐幾次，宜家轉左去中央廣場。今次見deliveroo 做七折，真係抵到爛🤣，大大塊牛扒餐，包飲品，$62，仲有七折，而且味道不錯。另外同事叫飯/意粉，「菠菜汁海鮮燴意粉」、「黑松露卡邦尼意粉」同「香草龍利柳飯」本身賣相應該不俗，味道濃淡各人口味不同；但惟一包裝真係唔得，玩層層疊，結果其他同事用錫紙包裝嗰啲意粉/飯全部壓扁哂！🤭因為落單時無得留remark，專登打電話去叫「凍檸茶走甜、薯菜走薯條、醬汁另上」，餐廳職員一一仔細記低，而且全部做齊；看似簡單小事，唔好以為無理由做唔到，但事實好幾次有啲餐廳即使留remark、打埋電話，最後送到嚟都無做到，所以今次值得讚下餐廳姐姐同廚房哥哥。

叫咗外賣，總共係2份套餐。但係店員執漏左一份餐湯同埋兩份甜品於是我哋打去問佢點處理我哋提出叫佢補送返，佢唔願意退翻部份錢，佢都唔願意咁我哋問你想點處理？女店員直指「總之今日唔會送畀你」收線時仲要大大力cut人線從來未見過態度咁差的餐廳自己執漏畀個客 重要比氣個客受舖頭位置已經偏遠態度仲要咁差唔怪得知堂食都無人食自問都算係熟客仔，成日叫平時係個男店員，態度好好多但依個女店員態度差劣浪費晒廚師的一番心機

好耐無食呢啲懷舊風鐵板扒房，又平又抵食。店面唔大，我地揀左bar 枱坐，都坐得幾舒服。一個餐有齊餐湯，餐包，野飲同甜品，大滿足。忌廉湯個味好懷舊，好耐無飲過，好味～個碗都好靚！餐包係蒜蓉包，焗得唔燶又鬆化，讚！加多左個淨蒜蓉包食～叫左個雞扒焗飯，加左2粒吉列帶子同珍寶腸，跟洋蔥汁，新鮮焗出黎好好味！洋蔥汁都較得唔錯，飯夠乾爽，如果有炒飯底會更好，而雞扒都好嫩滑！男胖子就食12oz 嘅紐西蘭牛扒，真係好大塊，一塊鐵板都裝唔哂，淋左黑椒汁喳喳聲勁香，肉質都唔錯，鬆軟得黎又好香口，而個薯條都係新鮮炸，好味～野飲就揀左熱杏霜同凍檸茶，有水準。甜品有啫喱同雪米糍揀，我地試左好少有得食嘅青檸啫喱，加埋花奶好味～

今日同女友人放工後黎左屯門覓食， 經朋友介紹就去左金莎冰室, 我地黎到之後就發現原來呢間餐廳我之前食過架, 佢前身係係屯門市附近既村屋地鋪黎. 嗰陣已經覺得佢唔錯,底食夾大件，味道又唔錯好平均. 今次佢地搬左黎屯門中央廣場，我地依舊食返佢既港式風味. 只係佢環境唔同咗, 簡潔左同熱鬧左.. 今次我地叫左一個12安士既紐西蘭牛扒，跟黑椒汁配薯菜， 女友人就叫左個洋蔥汁焗雞扒飯..我地亦追加左蒜蓉包, 佢本身餐湯都有跟一塊, 但我地發覺好好味所以就叫多左一客.. 味道方面, 個牛扒好大塊，既鬆化又好濃牛肉味 點埋d黑椒汁真係完全無走樣 同之前係舊鋪食一樣既水準, 女友人就話個焗飯做得唔錯份量好多多到食唔晒..最後飲埋杯凍檸茶同熱杏霜已經好滿足. 點知原來佢仲有必殺甜品青檸啫喱.. 好fresh好清新既味道， 為我地呢個晚餐加上美滿既句號..

平時好少入屯門，今日咁岩要同同事去到屯門碼頭呢邊做野，聽同事介結話呢到開左間冰室唔錯，價錢又ok，唔熟路既我一放飯就即刻狗衝左黎呢間「金莎冰室」。置地中央廣場入面食肆唔多，所以好易就搵到呢到。午市都好多人，排左一陣先有。入面裝修唔錯，好有冰室feel，特別係佢張枱布同餐具，令我諗起啲傳統冰室，唔錯！望下menu，都好多選擇，仲有冰室特飲紅豆冰、黑牛金牛，呢啲唔係到到有得飲。最後我叫左個咖喱農夫包加紅豆冰。等野食既時候，有得睇電影，唔會等得好悶，呢個我覺得係抵讚既。農夫包黎到，個包好脆，係新鮮出爐。啲咖喱夠杰身，仲有加埋芝士，唔會因為太濕而整到個農夫包淋晒或者漏晒出黎。雞肉好足，幾抵食，食到好飽。本身叫左紅豆冰，但可能因為太好賣既關係已經無晒，咁我就轉左叫杯凍菜蜜。野飲用個靚玻璃杯裝，唔係求其用啲茶記膠杯仔，一黎美觀，二黎堅大杯，正呀！最後埋單係98蚊，好抵食，環境又靚，下次黎再試下佢個鐵板餐同黑牛先！

強調唔關野食事，係個老闆居心不良。嗌外賣自取比埋錢然後cancel我張單。落去拎仲扮晒蟹冇我張單，打去先知cancel左。最後堂場落返張一無一樣嘅單，本身99蚊，變左148蚊。難怪佢唔肯接。第二，講明要飯，前後up左3次，拎個陣佢仲呃我話係飯。返到屋企發現係意粉。飯變意粉，牛變豬。食屎啦。夜晚食飯等位，個staff從來都冇講過d位係留比booking,就咁叫人係到等。等左幾一個字終於有位，然後就話要hold位，叫我地等下一張。等到下一張又係比booking。又唔出聲，留住d客做乜。由始至終根本就唔會有位，但就叫人係到等)

今日同男朋友去屯門玩，行過海旁見附近有間冰室就入左去食。😛點知味道好驚喜呀，而且呢個位置人流唔多，坐得好舒服😋坐低兩個鐘鋸個扒為今日畫上完美嘅句號🥰蒜蓉包咁啱佢畀咗一個蒜蓉包係有焗過，但另一個嘅蒜蓉係好似冇焗過咁樣。 🤔試咗冇焗嗰個，覺得食生生地既蒜蓉感覺麻麻，有少少辣辣地，😳都係鍾意蒜蓉有焗嗰個，味道好好多，非常香口。餐湯我就揀咗忌廉湯，湯唔會好稀，味道夠濃，😍入邊有少量粟米，一個好嘅餐湯係對一餐鐵板餐嚟講係好重要，呢個忌廉湯做到呢種效果了。🥳美國安格斯板腱牛扒 配意粉 （$118）牛扒叫了7成熟，配了黑椒汁。118蚊雖然係全部套餐入面最貴，但食完就會覺得係物有所值。🤩牛扒唔會好韌或者太難咬，口感不錯，而且牛味十足。👍份量仲好大份，比左兩塊手掌咁大塊嘅牛扒，仲配一碟意粉，非常足料😋！甜品跟餐送嘅甜品有得揀啫喱或者雪米磁，啫喱仲有提子同青檸兩種味揀。我就揀左青檸，可以refresh下清下口氣。佢仲配埋花奶，非常細心🥰

去咗屯門玩，想食鐵板，就搵咗呢間金莎冰室。不過屯門路不熟，一開始喺鳴琴輕鐵站附近行，以為間餐廳喺鳴琴附近， 但原來鳴琴嗰度係舊餐廳嘅地址，最後去返屯門泳池嗰邊先係新店。講返環境，坐得好舒服，個氣氛好適合鋸扒。蒜蓉包 （跟餐）蒜蓉包好香，好脆口。👍忌廉湯 （跟餐）濃得黎唔會好膩，好啱我口味！🥰9安士西冷牛扒 配吉烈蠔（$98）西冷牛扒叫咗七成熟，牛扒好軟熟，有少少入口即溶的感覺，有時好怕牛扒太硬好難咬，呢塊西冷牛扒咬得好舒服，正呀！配埋吉列蠔，愛食蠔嘅我非常喜歡。另外我揀咗配薯菜，薯條正常發揮，不過不失。整體嚟講都幾高分，價錢唔貴又大份，不錯！👍😚凍奶茶 （+$3）茶味同奶味都配合得非常好，呢杯凍奶茶我幾鍾意。😆住屯元天既朋友可以過去一戰，係幾有質素的。

真係估唔到屯門原來都港式扒房，地點唔算近市中心，如果有揸車會方便d👍🏻餐廳位置係商場入面，外面睇落幾普通，不過入到去個裝修都幾靚估唔到扒房都有bar枱😂Menu款式好多，最尾叫左份豬扒配司華力腸，同埋一份帆立貝海鮮焗意粉餐包係蒜茸法包，烘得非常脆口😊羅宋湯好足料，配菜好多，成碗肉同薯仔😂味道偏酸，非常開胃上菜好港式，放低鐵板係枱面再倒汁，jar jar聲😂豬扒好大塊，塞滿晒成塊鐵板，亦都好好味，又淋又juicy👍🏻至於司華力腸亦都好高質，同薯條一樣炸得好鬼死香口成份鐵板既性價比真係相當高至於海鮮焗意粉，賣相都相當𣎴俗，面頭海鮮相當多，而下面意粉亦都份量好多，如果落多d白汁會重好。餐飲當然都好大杯😂甜品亦都係港式雪米滋👍🏻👍🏻

放工個肚餓到咕嚕咕嚕，聽朋友講過屯門中央廣場有間冰室CP值十分之高，聞名不如見面，輕鐵站屯門泳池一出行2分鐘就見到呢間有霓虹燈sharp醒招牌既金莎冰室內在裝修採用傳統港式冰室設計元素，有吊燈+中國風瓷器碟，好有懷舊feel呀朋友話呢度既咖喱🍛係唔錯既選擇，餐牌上咖喱系列+$20就可以有埋餐湯、蒜蓉包、是日甜品，熱飲，晚市價錢黎講相當抵食跟餐蒜蓉包+羅宋湯：首先，要讚下呢個紅湯，蕃茄蔬菜好足料，唔係罐頭🥫制品，味道唔會太酸岩岩好，即刻開胃哂蒜蓉包夠哂香脆咖喱農夫包- 雞 $88（跟餐價）主角出場！小妹最後揀左呢個廚師推薦既大大個農夫包，一上枱已經聞到香濃咖喱同麵包香size方面，個包簡直有我塊面咁大呀我先用脆包面沾上少少咖喱汁，咖喱唔會太辣，而且重椰味，唔食得辣既朋友都可以一試包入面放滿雞絲、青椒、洋蔥🧅，配埋濃厚既咖喱汁，絕對係味覺享受食到最後用叉慢慢挑起內層已吸盡精華既軟麵包，小妹一啖又一啖，停唔到口是日甜品：雪米糍食完咁大既一個農夫包，小妹個胃已經飽左9成，揀左呢個一口迷你雪米糍，為呢個晚餐畫上完美句號呢個價錢食到咁豐富又特色既一餐，好超值呀最後仲要一讚老闆娘同一班年輕既侍應熱情

屯門雖然距離比較遠，但食店一向不少，交通都方便，今日工作後，順路去探朋友，逛了一會，見到這家餐廳人頭湧湧，人氣高，排隊排30分鐘都值得。終於到我啦，一入店內俾牆上面的碟裝飾吸引，有中西合璧的感覺，餐牌價錢平，飯麵選擇算多，今次想食扒類，鐵板就最正。八安士西冷牛扒 西冷牛扒足八安士，牛扒有肉味，雖然西冷比較瘦，但肉質淋又滑，食落有彈性，厚身有口感，啖啖肉夠juicy，鐵扒夠熱，配搭惹味黑椒汁，保持溫度，不會過老。鴛鴦扒拼珍寶腸份量果然夠足，豬扒入味夠淋身，肉質細嫩又滑，牛扒淋身又入味，珍寶腸爽口，配搭黑椒汁同脆身薯條，惹味又飽肚。茶餐廳凍奶茶特別香滑上菜快，乾淨企理，職員友善，可以輕鬆食個午餐，悠閒

點評:-性價比高嘅鐵板西餐-跟餐有包，有湯，有野飲，重有甜品-可加錢換蘇皮湯餐牌:-有全日餐牌-但都再有分下午茶同晚餐嘅餐牌等候時間:-是次幫襯係假日晚市，都少少多人，要等一陣-但可以電話book位先食物種類:鐵板餐，焗飯，意粉，小食價錢:晚餐鐵板78蚊起，到200幾不等依個係全日嘅餐牌加二十蚊可以升級成蘇皮湯跟餐法包同餐湯128蚊嘅十二安士西冷扒，都真係好大塊雜扒(有帶子，雞翼，腸，雞扒，豬扒)跟餐薯菜跟餐意粉

其實本身一直都有食開金莎冰室，又未搬位置開始，今次轉左新地方當然要去捧場一下！新地方當然都係屯門啦，新裝修環境好左又光猛，特別既牆身裝飾，但都保留左原來餐枱果種冰室感覺！比起之前新餐牌更加清晰同多選擇！焗豬扒飯配洋蔥汁（$68）最抵食莫過於精算晚餐，價錢平民之餘仲要係套餐上，包埋餐包餐湯甜品，真心性價比太好了，豬扒都保持住一貫水準，入口唔會老，焗既火喉配合醬汁一流！牛肉意粉配鮮茄汁（$68）呢個真心要推介，唔好睇佢係精選系列，上碟賣相都超值，大份量既牛肉加茄汁好入味，配埋意粉超級搭配又唔會太油膩，加埋杯紅酒簡直一流享受！最後送多埋精美既甜品，細細個做飯後甜點好貼心，唔會好飽又食唔落，令到你岩岩好十分滿足。

之前曾經食過佢係山景既舊鋪，今日特意試下新鋪。對比舊鋪，新鋪光猛好多，全黑既牆身貼上多隻繡左花既碟，多左一層時尚感，但係仍然保留左我好喜愛既傳統舊式扒房果隻格仔檯布，新舊交融。尚算係新開張，店鋪特意送上一杯餐前紅酒。有埋welcome drink，成件事特別elegant！佢既苦澀味唔重，屬於易入口既品種。夜幕低垂，坐係面向玻璃窗外面既長檯位，睇住街邊人與車歸家既腳步，甚是享受。一杯紅酒，當然配搭番牛扒就最為不過。叫個鐵板餐，先附餐湯同麵包。蒜蓉包為薄脆既一片，羅宋湯則茄膏香濃。我點左一份澳洲T 骨，menu 提到有足8 安士。T 骨扒有左右兩個部份，帶來兩種不同口感。一面切落較結實有咬口，自帶肉香，另一面則較為鬆軟，入口多汁，整體上算係保持番舊鋪一貫水準。飯、薯菜、意粉揀左意粉，裝既係牆上同款都幾靚既碟。一直都覺得甜品同飲品係呢間餐廳既加分位，因為佢既甜品係雪糕or 啫喱杯，同埋有得叫黑牛呢d 特別有港式情懷既東西。啫喱可以揀提子同青檸味，揀左青檸，食落似我夾糖必夾既綠色熊仔糖，好食。本來想叫金牛，不過咁岩佢無芒果雪糕，所以叫番黑牛。實物比舊鋪大杯，而家成個jar 咁大！我見其他人叫