三洋餐廳 (Closed)

食湯飯就要去三洋係我家的口號，自從大同新村店結業後，就𨍭去旺角店，一碗三餸湯飯價餞由$38食到今時今日的$44.由以往的滿足的離開到現在好似只有下午茶份量的感覺。只嘆生意難做。雖然份量少了，但味道依舊。三洋仍然是湯飯首選。

其實三洋餐廳都好多分店，砵蘭街呢間維持有水準，通常我都係食午餐多，有時冇乜胃口，都可以試下佢D湯飯，都好好食，湯底夠濃，服務態度非常好，乾淨衞生，大家不妨試試！

返工成日唔知食咩好，同事推介呢間連鎖茶餐廳既湯飯，話湯底夠晒鮮味，值得一試三洋係油麻地都有好多間分店，但同事指只此一家既湯飯最正宗可能因為咁招牌寫埋湯飯皇$44既價格頗為相宜，而且仲可以揀兩款料加一款菜，健康又豐富，冬天食仲暖笠笠由於即叫即滾所以要等多幾分鐘，今次叫左牛肉、黃鱔同油麥菜驚喜既係湯底真係好甜！冬天可以飲碗熱湯，成個人都好舒服牛肉夠嫩，黃鱔冇骨仲好好肉，加埋油麥菜感覺好清新好健康一大碗湯加白飯一碗真係夠哂滿足湯飯皇果然名不虛傳

生滾湯呢家嘢其實都唔錯，佢夠熱、有湯飲、多選擇，而且主要食食物本身嘅鮮味，唔使點落醬。第二次幫襯呢間湯飯皇，貪佢個湯夠大碗，個飯又成坐山咁高，湯底佢話係用「仙骨」製 ... 咁，佢隔離有幅魚嘅相，我估即係魚湯啦，都清甜，不過最後出嚟個湯係咩味，當然就好睇你叫咩餸喇。兩個餸加個菜、跟飯/粥/粉麵 $44，選擇都唔少，如果晚飯嚟食係幾抵。生滾湯嚟講，我最怕就係要等，不過呢間既然叫湯飯皇，果然早有準備，一入門口就見佢有幾個爐幾個兜同幾個快手呀姐，自然都唔使點等，可能仲快過平時叫碟頭飯。友人叫咗碗豬腰豬膶蕃茄，我就叫咗碗肉片豆腐油麥菜，兩個都唔錯。友人話佢嗰碗嘢份量比較少，可能豬腰豬膶本身貴；我就d豆腐食極都食唔完，同碗飯一樣，大食人士啱哂！另外仲有每日推介，今日有豆腐芫茜紅杉魚($70)、咸菜粉絲九肚魚 ($75) 等，都幾吸引，不過價錢會貴d。今次食完先見到，下次見啱食就試下。P.S. 呢一帶好似有幾間三洋，呢一間係喺砵蘭街、油麻地站A1出口直行轉左嗰間 ~ 其他嗰d冇試過，唔知餐牌係咪一樣

今天早了起床，返到公司時間尚早，便叫了份三洋外賣早餐，醬爆雞丁螺絲粉配凍奶茶，聽聞這餐廳的肉丁和雞丁都是自家製的，配上雞丁的辣油，湯底很濃，雞丁很滑，早餐吃這些可能略嚴重口味了些，但螺絲粉不多，食量不大的人就剛好，如果大食量的人可選配其他粉麵如米粉/公仔麵/米線，不用加錢轉的，至於這間的凍奶茶，好喝，茶膽不錯！雖然這早餐很邪惡，但少吃多滋味，一星期吃一次也不為過。

Lunch是但唔想諗唔想揀，所以見到間三洋餐廳就入左去食飯，食左個中午特價豬扒飯茶記真係最快手，又唔洗諗，食黎食去都係個DD豬扒比較乾身唔係咁好味，食唔出有D乜豬味，連食緊乜嘢都唔知，冇咩肉汁乾爭爭，真心頹左D仲有隻煎蛋，蛋煎得唔錯，仲係流心，撈飯食就一流個番茄汁都係普普通通，鹹鹹地咁樣，食唔出有番茄碎粒，不過個飯都算幾大好夠飽，至少唔會食完好似食空氣咁另外餐仲送左一個老火湯，不過老火湯比較重味精，飲完反而要不停飲水

之前食過另一間三洋嘅咸魚雞粒炒飯幾好，咁今日就試下第二間分店啦。入到去因為下午茶時間，所以冇咩人可以揀位坐，叫左個炒麵($38)一黎到即刻係心入面嘩左聲，乜咁細兜啊，好似只係拎左一個麵餅去炒咁，料都係得小小，其實D個餐38蚊真係唔太值，我覺得以D個份量28蚊就差唔多。講番個炒麵質素啦，其實就炒得OK嘅，麵身都仲KEEP到彈牙，午餐肉又香口，真係哀左係個份量上。下次都係叫番咸魚雞粒炒飯，起碼唔差又夠食先。

油麻地有兩間三洋，一間在C出口對面，另一間在B出口附近。C出口的那間試過一次，味道很一般。而B出口的那一間，很多朋友都慕名而來幫襯過。這裡出名吃湯飯，2餸+1菜 =$40。今次點了最 最愛的豬肉丸、魚腩及豆腐。一大碗滿的湯及餸，再配一盒白飯，份量很大。打開看看，魚腩一如以往至少有３大塊，豬肉丸今次有４粒，比平時多。豆腐數量亦不少。湯飯的湯底很清甜，味道剛剛好，豬肉丸不知道是否自己打，肉味很濃，很好吃。我跟朋友都大愛這個肉丸，其他地方吃不到的。魚腩不至於嫰滑但鮮味十足，亦沒有腥味。吃完這個湯飯感覺很健康 ！

放工後同事吹下水就嚟呢度五點多不用等位,我地試試湯飯棟三個餸:雞子+魚腩+豬膶餸菜份量足又夠大碗,魚腩都算新鮮雞子就一般.鮮魚湯底熱辣辣,個湯不含味精呢度環境係一般茶餐廳格局，地方都算幾大價格一般在現時百物騰貴都算經濟都會有下次呢！

而家早餐貴到無朋友, 是日放假帶點涼意, 回歸中式中價早餐.皮蛋瘦肉粥 - 粥的份量算不少, 粥底都夠濃和棉, 材料份量比較少和普通D.豉油王炒麵 - 味道足但不夠熱 此餐不跟任何飲品, 可惜...環境 - 都幾嘈和要搭枱

以往經過每一間三洋餐廳, 都幾多人幾爆~ 而飯市時間更係坐無虛設. 原因係:湯飯, 可選二款肉一款菜~ 我揀田雞, 鮮雞件同埋西洋菜, 原本湯飯個魚湯已經好甜, 加埋雙雞西洋菜, 肉同菜都好好食, 如果食得辣~記得叫佢比碟椒絲豉油, 嘩!!!!原來湯飯可以好食到咁. 連湯都飲晒~ (因為佢係湯連餸一大碗+白飯一大碗, 所以超抵食)啫啫豬什煲, 整得又香又夠濃味, 有豬潤粉腸豬肚, D粉腸豬肚夠淋身, 豬潤亦岩岩好, 好食~ 呢間茶餐廳既小炒, 真係好食過好多大排檔.涼瓜班腩, 整得唔錯~OK好味.好多人同我講過三洋餐廳D野幾好食, 經過呢一試, 真係幾好. 3個人食 $200有找~

這間是朋友們推薦的茶記。進去之前，我對這裡沒抱什麼期望；由於不想吃太ＨＥＡＶＹ的東西，於是選了魚湯系列($38)。餸菜和湯也很有鮮味，不錯哦 ;)朋友則選了下午茶中的：黑白脆豬($23)夠脆～～這裡的食物質素不錯，價錢方面比快餐店們划算，所以去開附近的話，都可以再去。

豬膶鮑片粥上面三件豬膶 底下有鮑片三四塊來着以$28的價錢來說份量可接受鮑片雖然是加工食材 但這裡的還是有種鮮甜雖然只有三件豬膶 但每件皆是厚切以前不愛吃豬膶 但有次跟朋友來吃飯 嘗了他點的豬膶就喜歡上後來自己也會點來吃 沒有苦味 很新鮮可是這次失望了 豬膶苦味挺重還有之前一直大讚這裡的粥又綿又有米香這次吃了三分一已變成稀水其實也不是現在才發現粥變差了只是這次更嚴重炸雞腿沙律配熱奶茶雞腿偏咸 但是配着沙律吃可以接受還好它仍能保持外脆內嫩就是份量比以前明顯少了 雞下腿鬧失蹤............這是兩年多前吃到的 雞腿超大件沙律有大量Q彈椰果~~近來吃到的只有少量椰果 有時候還完全不放總括來說粥的份量還能維持 但質素差了雞腿沙律卻是質素還在 但份量少了三洋近來開了很多分店 我還是只吃過這家朋友說有些分店質素很差近來價錢在密密上升 質素份量卻每況愈下雖然現在還不到不再來吃的情況但可能這一天已不遠而 

由食家推介認識後已數年, 平均每星期光顧兩三次, 可惜過去已成過去, 主打的魚湯已變咸魚湯, 之前嘅湯底係鮮甜, 現在只感覺到咸同埋味精... 其他用料(這次點了油麥菜, 鮮雞和魚腩)都係新鮮貨, 可惜放在失敗的湯底裡, 只感到浪費食物

魚湯底湯飯 不喜歡飯可選米粉/米線/白粥曾試過要求通粉 侍應也能為你實現這裡的白粥更是一班 綿滑有米香罒ω罒提供近四十款材料選擇 一個套餐可選三款 其中一個必須為菜材料以鮮貨為主 比如鮮雞/泥鯭/魚頭也有較少見的食材 如豬心/豬腰/黃鱔飯與餸菜分開盛載 飯量多得嚇人 兩個女生同吃一碗也未必能吃完魚湯味道濃郁可口 飯後沒有口乾情況 應該沒用上多少味精是次點了豬心冬菇油麥菜配米粉豬心爽口 冬菇油麥菜鮮甜米粉分量沒有飯多 但一個人吃起來仍然吃力 因菜量很多外出用餐 能吃到新鮮食材及大量蔬菜 而且味精少經已難得還要材料選擇多又有少見食材 分量大 味道好 價錢便宜誇張點說實在是世間難求!!