Video
Opening Hours
Today
11:30 - 23:00
Mon - Sun
11:30 - 23:00
Above information is for reference only. Please check details with the restaurant.
About Reward Scheme
提早食團年飯, 今晚就同家人去將軍澳PopCorn新開呢間嘆咗餐超豐富嘅台式火鍋放題。一共有五個套餐價錢選擇, 數款湯底自選, 其中將軍澳店設主題湯底 - 佛跳牆湯底 (+$28升級)餐廳大部份為卡位, 坐得舒適; 自助區設於餐廳中央位置, 闊落企理, 店員不定時refill食物。而自助區放有火鍋食材, 包括有醬料區、菜蔬、丸類、麵食、台式熟食、雪糕雪條、台式芋圓, 而飲品放滿幾個大雪櫃, 汽水、啤酒、果汁、冷泡茶等….我地揀咗三款湯底, 每款都好足料, 食完都冇口喝, 証明唔係味精湯。+$28 椰子雞鍋: 湯底味道清甜潤喉, 雞件嫩滑。+$18 風味沙茶老鍋: 沙茶味香濃, 香氣樸鼻。+$28佛跳牆湯底: 有鮑魚、海參、雞件、香氣獨特嘅藥材配料, 例如杞子、紅棗、冬瓜、栗子等。Order佛跳牆湯底仲有呢個毛巾公仔送。我地揀咗---LV5殿堂日本A4和牛海鮮 套餐主打嘅日本A4黑毛和牛, 色澤粉嫩, 牛脂紋理分佈平均, 肉質鮮嫩。之後我地再encore咗碟。LV5套餐可以盡享餐廳所有肉類, 有齊多款牛、豚肉、羊、雞。卡樂BEEF(牛五花): 牛脂雖少, 不過肉質不帶筋, 沒有咬口感。牛爽腩: 口感煙韌軟糯牛舌芯薄切, 口感爽彈。任食海鮮類同樣多選擇, 珊瑚蚌、鮑魚已清除內臟, 口感爽彈, 虎蝦大大隻, 爽彈有鮮味;鱔片厚切, 爽脆有鱔獨有嘅鮮味。魷魚爽彈。台式小食款式多, 但眼闊肚窄只係食到蚵仔煎、府城蝦卷、金沙芋泥球。飲品方面除咗有自助區外, QR code order仲有數款台式飲品, 例如黑糖珍珠奶茶、鴨屎香檸檬茶同埋手工啤。標榜120分鐘限時任飲任食, 非繁忙時間都唔會催促交檯, 限時前20分鐘截單都可以繼續慢慢食, 服務方面待客有禮, 食物黎得又快又齊, 不錯的用餐體驗。
continue reading
台式火鍋山見登陸將軍澳Popcorn，選上Lv4特選澳洲和牛海鮮套餐，有120分鐘時間，足以大快朵頤。是夜湯底選了佛跳牆，湯鍋本身材料豐富，有鮮雞鮑魚刺參等，湯味醇香濃厚。入坐不久，侍應已經送上一碟澳洲和牛肩胛肉眼，切成薄薄的一大片，放入湯中很快見熟，肉質鮮甜嫩滑。其他牛肉如月見封門柳和牛爽腩則肉味重油花少。海鮮方面可以選擇原隻鮑魚、刺參、海蝦、白鱔片等，原隻鮑魚真材實料，入口彈牙。福隆刺參品質不俗，平日火鍋甚為少見，肉質爽滑。海蝦從外觀上就已經很吸引，入口鮮甜爽彈。除了牛肉，山見有不少別具台灣特色的食材，如台南烏雞玉卷，台灣鴨血等。蔬菜方面亦具不少特色，如鉛筆菇、花生芽、人參葉、水蓮等，新鮮清脆爽口。甜品方面可以自製愛玉或仙草凍，每碗都有基本的芋圓，另外自加椰果芋蓉爆珠等，成為獨一無二自家甜品。值得一提侍應服務親切細心，面上掛上笑容，加湯時小心翼翼，以防滾湯彈出。
continue reading
如果有食開任食火鍋，每次入去既感覺都好似打大佬咁 - 挑戰食量。今晚打 lv 4。場地乾淨又闊落，特別鍾意枱夠大，叫野食唔駛就住就住。有分唔同lv，越高lv食物款式越豐富。可以揀既湯底多，見到佛跳牆湯底又真係未試過。湯頭金黃色，鮮味濃郁，又唔會蓋過食物既味道，值得一試。Lv 4雖然唔係終極大佬，但有澳洲和牛肩胛肉眼已經好夠做。油脂同細緻既肉質一碟真係唔夠喉，要不停追加。除此之外，淨係牛都有牛舌芯、牛爽脯、里肌肉、牛扑肉、牛小排同埋封門柳等好多花款。想食下豬同羊又可以揀黑毛豬，羊肩胛。除咗火鍋配料，另外仲有好多台式小食供應。出面飲品櫃有好多唔同款式，熟食區，甜品區都好多選擇。最驚喜係有榴槤雪條同紅豆沙，兩樣啱晒我口味。
continue reading
如果你係鍾意火鍋嘅食客，咁「山見台式火鍋」絕對係你唔可以錯過嘅地方！位於將軍澳PopCorn嘅呢間人氣火鍋店，以其正宗台灣風味而聞名，吸引咗唔少食客光顧。今次我就嚟到呢度，體驗下佢哋嘅「Lv 5 殿堂日本A4和牛海鮮吃到飽」套餐，準備好一齊享受呢場美食盛宴！🎉首先，當我踏入餐廳，映入眼簾嘅係一片熱鬧嘅氛圍，香氣四溢，令人忍不住流口水。尤其係自助區，超過50款食品令人目不暇給，有台式小食、前菜、甜品等，讓人一眼就想試個遍！😋當然，最吸引我嘅係嗰盤日本A4和牛，肉質滑嫩，色澤紅潤，每一片都散發著肉香，讓人一見就心動。火鍋湯底選擇多樣，我選咗經典麻辣湯底，辛辣又開胃，剛好可以平衡和牛嘅油脂。當和牛輕輕浸入湯中，瞬間散發出誘人香氣，一口咬下，肉質鮮嫩，配上湯底嘅香辣，真係令人陶醉！🔥至於海鮮方面，珍寶海扇蛤同廣島蠔都非常新鮮，口感彈牙，搭配檸檬汁更加提升味道，讓人食得津津有味。🍋食完主菜，唔好忘記自助區嘅甜品！我試咗台式珍珠奶茶同芒果冰沙，唔單止視覺享受，味道亦係一流，甜而不膩，好適合飯後清口！🍧總括來講，「山見台式火鍋」不僅食物多樣化，味道出色，服務亦非常周到，絕對值得一試！下次有機會再嚟，無限享受呢個美食之旅！😉
continue reading
今日終於輪到我啦✌️餐廳好大，梳化坐得好舒服揀咗Lv4 特選澳洲和牛海鮮吃到飽套餐佛跳牆湯底（融合多種珍貴嘅海味同肉類，包括鮑魚、海參、雞件）在配搭香氣獨特嘅藥材及配料，如杞子、紅棗、冬瓜、栗子等😍海鮮有：原隻鮑魚、生蝦、新鮮白鱔片、、無骨墨魚片、福隆刺參、黃金鮮蝦球等，品種繁多，勁滿足❤️然後再狂食肉質嫩滑的澳洲和牛和滑捋捋的月見封門柳😋除咗牛類，仲有不少別具台灣特色嘅食物，如台灣鴨血、台南烏雞肉卷，蠔仔煎等，更有大量不同種類的蔬菜、菇類、丸類👍甜品DIY，自己喜好用不同味道的爆珠配搭新鮮果肉、九份仙草、十份愛玉最後再食埋甜品和雪糕✨
continue reading