42
2
4
Telephone
25752236
25752239
51110276 (WhatsApp)
Awards and Titles
MICHELIN Bib Gourmand (2023-2024)
Opening Hours
Today
11:30 - 15:00
18:00 - 23:00
Mon - Sun
11:30 - 15:00
18:00 - 23:00
Payment Methods
Visa Master AlipayHK Alipay Cash Octopus AE UnionPay Apple Pay Google Pay WeChat Pay
Other Info
VIP Room
Phone Reservation
10% Service Charge
Above information is for reference only. Please check details with the restaurant.
Review (50)
Level4 2024-03-30
3057 views
生記飯店家傳手磨生煎蓮藕餅煎蓮藕餅充滿精心磨碎嘅蓮藕香氣,當中亦包含濃郁鯪魚味。蓮藕帶出細膩口感同微妙甜味,突出傳統手工製作嘅技巧同獨特滋味。涼瓜菜脯煎蛋涼瓜菜脯煎蛋散發出誘人香氣,色澤亮麗。蛋煎得剛剛好,內裡鬆軟。搭配著涼瓜同菜脯,增添口感層次,而又健康豐富。蝦籽古法扣柚皮蝦籽古法柚子皮口感清香獨特。柚皮軟綿綿,味道微酸甜,入口即溶,與蝦籽嘅鮮味非常夾。呢道菜唔係度度都食到,所以份外驚喜。菠蘿生炒骨菠蘿生炒骨色澤鮮豔,香氣誘人。生炒骨口感鮮嫩多汁。菠蘿酸甜味同生炒骨嘅甜味非常口感,令人回味。生記招牌古法鹽焗雞生記招牌古法鹽焗雞係一道非常傳統嘅經典菜式。雞肉經過鹽焗處理,保持鮮嫩多汁嘅口感,並且非常入味。外皮酥脆,肉質鮮美。俾到人一種難忘嘅滋味同滿足感。薑蔥焗生蠔薑蔥焗生蠔滋味濃郁。肥美嘅生蠔,以薑蔥爆香,再以香氣相互襯托,經過焗烤後,用沙煲盛載,保持住豐富嘅風味同口感。熱辣辣嘅生蠔口感豐富滑爽入味,薑蔥增添咗一絲辣味同清新感。白糖糕餐廳嘅餐牌上面係冇甜品類,但偏偏餐廳嘅其中一道出名菜式就係白糖糕。餐廳為我哋免費送上呢一度經典嘅甜品,作為一個完美嘅結尾。白糖糕口感柔軟,味道香甜,質地綿密,令人愛不釋手。 continue reading
(The above review is the personal opinion of a user which does not represent OpenRice's point of view.)
Level4 2024-03-29
2148 views
今年嘅米芝蓮其中一個推介係大家都好熟悉嘅生記飯店,好多人都奇怪,點解佢會重新上榜,原因佢搬咗舖之後,米芝蓮就當新店處理,位置就喺大家應該都好熟悉嘅三湘大廈。新店比舊店大好多,有勁多房,幸好有朋友識人,攞咗一間細房,比以前舊店更加舒適,當然地點上可能冇咁方便,但係我又覺得其實交通都四通八達,唔難去唔難搵。當日太過輕敵,冇諗過七點幾蝦多士都已經賣晒,不過幸好都有其他精彩菜式,大家去食飯記得要預留。冇食幾年,當然最掛住佢嘅上湯枸杞浸厚切豬膶,比起漢發麵家我覺得佢嘅豬膶做得較為高貴,而且個湯加上豆苗後特別鮮甜。第二個菜式一定係掛住佢嘅家傳手藝生煎蓮藕餅,呢個係絕對出色,基本上完全冇失色冇退步。燒味又係出色,同附近嘅喜萬年各有特色,我都幾鍾意佢哋叉燒,乳豬同古法鹽焗雞,後者嘅脆皮,尤其出色,叉燒係半肥瘦嘅感覺,好得。好多人都話佢嘅咕嚕肉好出色,可能之前食革新會個咕嚕肉太強,呢個冇上次咁好嘅經驗,但係如果你唔係非常高要求呢個絕對合格有餘。另外佢嘅柚皮都係傳統嘅手藝,同好多間城中出色嘅中菜同樣做得好好,仲有杏汁白肺湯都係傳統嘅好野。不過最出色嘅係佢嘅砂鍋菜式,食咗個砂鍋菜煲已經感受到佢嘅厲害,最推介嘅係佢嘅砂鍋鮑魚雞粒焗飯,食到好飽驚我哋都食咗幾碗,一定一定要試。喜歡加多個椒鹽魷魚鬚同甜品白糖糕,都係當天favorite 。最重要食咗咁多嘢都係幾舊水一位,又坐得舒適,幾日後推薦左朋友食都好鐘意,絕對係同朋友聚下食飯嘅選擇。 continue reading
(The above review is the personal opinion of a user which does not represent OpenRice's point of view.)
Level4 2024-03-23
1790 views
身為粵菜老字號的生記,自然不缺懷舊菜式,我們也特別在招牌菜上選擇。多年來水準保持,整體夠鑊氣,調味恰當,份量正常。懷舊蝦多士 $148傳統做法,鮮嫩的蝦膠肉被酥脆的多士包着,面頭灑滿白芝麻,香脆與鮮美交替。家傳手磨生煎蓮藕餅 $128傳統做法,蓮藕人手剝碎煎香成餅,外層金黃略脆,咬落完全不硬但又不軟,口感獨特。蝦子古法扣柚皮 $118柚皮炆得軟透入味,保持少少甘香,蝦子豐富,醬汁黏稠度剛好。雜菌乾燒豆腐 $128好吃的豆腐,皮外一層衣香惹掛汁,內心白滑,雜菌柔韌入味。懷舊金錢雞 $168從前的燒味,現在若非懷舊飯店唔會做,因為工序繁複,由雞潤、冰肉及瘦肉合成的三層肉,需要隔晚製造。入口外脆內酥,最最特色是冰肉,非常爽口,入口溶化了才有些油,一點也不似肥豬肉。馳名肉鬆梅菜蒸菜芯 $118梅菜魚肉粒酸酸美美令人開胃,佐飯一流,成功為菜心提味。川香辣炒雞 $178本來想點招牌鹽焗雞,點知一早就售罄,青椒比雞件多,而且是有辣籽的青椒,辣到頗高,有些西芹絲很入味,反而雞件只是微辣,味道唔錯。白飯每碗$18,茶錢每位$25。環境樸實如一般街坊飯店,光猛熱鬧,服務態度正常,價錢合理,怪不得星期二晚亦滿座。 continue reading
(The above review is the personal opinion of a user which does not represent OpenRice's point of view.)
Level4 2024-02-25
3868 views
粵式老飯店「生記飯店」由灣仔協生大廈搬到三湘大廈,創於1976年,連續10年榮獲米芝蓮指南推介餐廳🍽️有質素保證✨🍖上湯枸杞浸厚切豬潤 $188黃沙豬膶超級出色,每塊都好厚起碼有成1-1.5cm厚度!咬落去爽口得嚟唔會太過粉,吸收哂枸杞湯味!清甜得嚟一啲都無豬羶味!🍲生拆泥猛肉丸粥 $188 4位成煲上,附油炸鬼~ 裡面有肉丸、泥猛肉,味道帶有陣陣魚香味,粥底鮮甜,稀稠度適中,裡面無魚腥味!最重要嘅喺我無食到骨啊👍🏻🍈蝦籽古法扣柚皮(1件)$118嘩!人生第一次食古法柚皮,原來柚子皮都可以食😳 柚子皮入口超級軟腍無苦澀味,吸收哂汁啲味道,仲帶有柚子絲添!🍗生記招牌古法鹽焗雞 半隻 $195超級香噴噴嘅雞🍗有埋雞頭!雞肉質嫩滑,就算喺雞胸部位都保持到嫩感😳🍍菠蘿生炒骨 $148好夠獲氣嘅生炒骨,甜酸度適中~生炒骨肉質都唔錯,菠蘿都唔會好酸~愈食愈開胃!🥨家傳手磨生煎蓮藕餅(8件) $128煎得香香入口爽脆嘅蓮藕餅,用上冬菇粒、臘肉粒、豬肉、鯪魚肉、芫荽同蓮藕粒製作而成~🫖每位茗茶$15 continue reading
(The above review is the personal opinion of a user which does not represent OpenRice's point of view.)
Level4 2024-02-18
3189 views
我相信有咁上下年資嘅人都應該聽過生記飯店🫢🫢 生記原來已經有47年歷史🤩 而家仲由灣仔軒尼詩道搬左去洛克道三湘大廈,環境更光猛,更寬敞,仲有獨立房方便私人聚會🫶🏻生記咁多年歷史,儲埋儲埋好多招牌菜式,今日就試咗去其中四樣,全部都賣相好靚🤩🤩🌟家傳手磨生煎蓮藕餅一碟有八件咁多,份量十足🥰 蓮藕同豬肉嘅比例啱啱好,食得出出蓮藕嘅甜味😍 最緊要係佢煎得到香口,好食🫶🏻🌟椒鹽鮮魷隻鮮魷好靚,好厚肉,薄脆嘅炸粉唔會搶咗鮮魷嘅鮮味同口感,由於夠厚肉,味道非一般餐廳嘅出品, 唔錯唔錯😎🌟招牌古法鹽焗雞估唔到半隻份量咁多,皮脆肉嫩,鹹香鮮味,我認為係必點之選😎🌟梅菜蒸菜心平凡中見不平凡,梅菜嘅甜味配合返熟油,豉油同埋肉碎,已經好好味,再加上菜心既口感同甜味,清曬之餘仲用埋啲汁撈飯添😗傳統嘅菜館有一個特色,就係菜式嘅出品一定對得住個招牌😎 生記飯店好明顯就做到呢點。生記用料靚,而且好明顯著重煮法同煮功,係食得出有唔同👏 所以生記飯店開咗四十幾年,絕對係有原因,鍾意食中菜嘅朋友質定要嚟試下,真心推介🫶🏻 continue reading
(The above review is the personal opinion of a user which does not represent OpenRice's point of view.)