62
5
5
Telephone
28388811
Introduction
「三希堂」位於北京紫禁城養心殿的西暖閣,是乾隆皇帝的書房,內裡收藏有王羲之的「快雪時晴帖」、王珣的 「伯遠帖」、王獻之的「中秋帖」, 被視為三件稀世瑰寶,故將書房命名為「三希堂」。 為於中環半山的「三希樓」之命名亦是由此而來 - 秉承中華精深飲食文化精神,意示「川希、粵希、點希」,將正宗川菜、 家鄉粵菜及巧手點心結合,以精湛廚藝演繹各式佳餚,為每位顧客帶來前所未有的極致美食體驗。 continue reading
Good For
Family Style Dining
Opening Hours
Today
11:30-16:00
17:30-23:00
Mon-Sun
11:30-16:00
17:30-23:00
Payment Method
Visa Master AE Cash
Number of Seats
150
Other Info
Alcoholic Drinks
May Bring Your Own Wine Details
Cake-cutting Details
Parking
Phone Reservation
10% Service Charge
Signature Dishes
Steamed Chicken with Chili Sauce Boiled Spicy Fish Deep-fried Crisp Chicken Sichuan Spicy hot pot 樟茶鴨 蘿蔔豬骨窩
Review (77)
Level4 2016-12-31
9206 views
新的一年辣局鐵定於18號聚餐,忽然醒起上月終於去到了一波不知多少折的三希樓,媽啊我終於都食到它了😭。期待的辣局便由這個香口小吃為我們揭開序幕🎉!吃辣菜最好的飲品配搭當然係青檸樹🍋🌳啦!後來睇返單先知原來三希樓一杯青檸樹係要$65🙊,真的十分昂貴呀!而且相比臥龍莊的出品更差了一大截認真唔抵飲囉!不過可幸的是這兒的川菜確十分出色,先吃一個唔辣的{家鄉燒白肉}$98🐷,基本上跟梅菜蒸扣肉係大同小異,腩肉質感鬆化肥瘦均稱,豬皮甘香入味,加上切得幼細的甜口梅菜入口即溶,害得大家即時要叫碗白飯呢🍚。{麻辣口水雞}🐥$198/例牌,另外還會配上萵筍薄片一碟,感覺即是抵吃得多了!口水雞麻辣兼備入口麻香十足,而且雞肉亦都夠滑,吃罷雞後再將鍋筍沾上辣汁吃,令我滿意到極啊~{水煮黑珍珠}🐟$368(小)上檯時香氣十分已對版,最重要係魚肉甚多絕對唔會好似上一次咁激動!黑珍珠魚還是第一次品嚐,須然味道不算出眾,但肉質過算不錯,但係就少了桂花魚的那份魚香,但整體嚟講都合格呀,而且內裏的薯粉十分入味,有我同Oli喺度當然要叫多一客啦😀!而且呢度一份大大碗嘅薯粉都只係收28蚊好抵喔。每次吃川菜我都要食呢個{虎皮尖椒}$78,雖然我還是喜歡臥龍莊那口味,但這兒已經算十分不俗,豉香足夠質地不會太淋,可惜嘅係辣椒唔算好辣,不過就啱啲唔係太食得辣的辣友喇。{馳名樟茶鴨}$168/半隻,樟茶鴨還會跟上四個小饅頭,鴨肉煙燻味挺細緻,肉質亦都夠彈性,絕對值得一試的。{蒜蓉炒油麥菜}$88用嫩綠清爽的油麥菜用來清一清味蕾,再繼續努力向辣度進發。加餸時候劉總忽然間要食{宮保雞丁}$128,相信都係好嘢嚟,果然吃落酸酸辣辣,每種配料粒粒均稱吃得好爽呢。{乾鍋田雞}$178田雞尚算夠肉,而且味道亦都夠惹味,如果可辣多點點必定更吸引。有Oli喺度梗係要叫番個{招牌咕嚕肉}$168,坦白講我覺得呢度嘅咕嚕肉真係有D小貴,不過肉質係幾好的唔會乾柴咬口十足,酸甜味也自然恰好,而且其他配料都好新鮮有蕎頭鮮菠蘿🍍等,但自從係食過革新會出品後已經無可取代了!最後甜品整多桶{即撞豆腐花}$78真係好鬼抵食囉!每人都分到一碗㗎,而且豆腐花香味不俗質感滑溜,加埋桂花糖水夠晒滿足😋。 continue reading
(The above review is the personal opinion of an user which does not represent OpenRice's point of view.)
Level4 2016-12-15
6373 views
是的,DK Cuppa Tea後,死心不息的甜媽又再挑戰吃辣啦!由於腸胃早兩天才剛康復過來,這次吃得小心翼翼,加上打足底去,結果挑戰成功,非常開心!要講三希樓很邪很邪,屢約屢改,對上一次就是剛好遇上8號風球!這次其實也連撞兩場誘人約會,人數亦由11人銳減至7人,但憑著一份堅持,終於成功再訪。對上一次來都忘了多少年前,大廈我已忘了,不過還認得這古樸屏風,最近添了很多聖誕佈置來應節呢。不過有一點是拍照/拍片都傳達不來,就是一進門的迷人辣香,誘人極了! 這晚傻豬豬由香港站搭的士上來,等了塞了足一個小時!早到的朋友唯有先享用前菜手拍青瓜及炸雞軟骨,兩款都不錯。又,由當晚那位挺好人的的士大佬教路:要搭,金鐵搭的吧! 大家紛紛點了各自心水啤酒、汽水、飲料,我也小試了車媽媽的 檸檬樹 一口,淡淡的沒甚印象,還是乖乖地繼續喝茶,反正這裡的鐵觀音挺好喝。 第一輪菜式等得較久,而且不接章出牌,一來先是 梅菜燒白,也即川式的梅菜扣肉,分別是梅菜更細碎、底下加了點點辣,比粵式的出品更扣人心弦,害我們一來就幹掉三碗白飯!超美味的必食推介呀! 然後涼菜的 口水雞 才上檯,那辣中有醋香的醬汁很棒,不過雞肉只是一般,不怕辣的,襯上絲薄透亮的萵筍吃會更美味。但那辣度對我有點強,少試一片就好~ 接著是 虎皮尖椒,煮得入味香口,生怕會「中椒」的我穩陣起見,先請車媽媽試味,證實不辣才剪來分享;美味關係都剪了好幾條,嘻嘻! 樟茶鴨 也上檯了,食友都讚出品肉嫩又夠香,但吃過 雲陽的超香樟茶鵝 後,我無法不傾心後者更多。不過同上的饅頭卻成我搶吃對象,因為蘸點充滿油香的梅菜,超美味!!! 必點的 水煮魚 也來了,與 鄧記 一樣賣三百多,這裡足料太多了,我至少吃了4-5片魚!此外還有大量辣豆芽、好吃筍片、青瓜及粗薯粉,粗薯粉後來還添加了一客,飽到吃不完。 再來一碟清爽可口的 炒油麥菜,第一會合完,大家都認為不俗,比鄧記好吃抵吃很多,於是馬上加碼再點! 這次上菜快多了,先來的 宮保雞丁 大小剛好,微辣酸香的滋味十分開胃,讓大家不期然胃口大開、越吃越多。 然後這 干鍋田雞 也令我們拍案叫好:田雞外層的脆漿輕薄脆口、襯托中間汁豐肉鮮,而調味不會過鹹或過辣,份量又足每人都吃到兩件以上,非常滿意! 最後是唯一較遜色的 咕嚕肉,主要是外層脆漿太厚了~ 第一會合後,本來興致勃勃要吃流沙包,但第二會合(還有額外薯粉呢...)又飽到只吃得下 豆腐花。成品以木桶上,份量不小,我們每人都分到大半碗呢。 而且同時配上糖水、黃糖、桂花蜜給食客選擇;其中清香甜蜜的桂花蜜最得大家歡心,襯上質感細滑的豆腐花,味道一流,是個超滿足結尾。 吃到超飽還要打包的一晚,連酒水人均$310,大家都讚比鄧記抵食太多;更開心是今餐後並無不適,日後回復辣媽身分(不是身材)有望了,哈哈! continue reading
(The above review is the personal opinion of an user which does not represent OpenRice's point of view.)
早排同朋友去左呢度食飯,餐廳裝修係傳統中菜館咁,因為位子安排係門口,即刻問下可唔可以轉坐房,點知佢話要消費滿$7000先有房,拜拜~安頓好之後,揀左打邊爐,湯底係清湯+麻辣,配料就叫左最出名既肥牛山,手打丸,魚皮餃等等,另外叫多左個水煮魚, 係等個湯滾既時候就試左水煮魚先,密麻麻既辣椒舖哂係面,完全見唔到d魚,味道方面麻多過辣, 另外邊爐材料都好新鮮, 不過呢到唔係任食,逐樣叫都幾貴,最後埋單每人$500到,值得一提係服務超好,知你著白色衫會比圍裙你遮住! budget多d既可以去試! continue reading
(The above review is the personal opinion of an user which does not represent OpenRice's point of view.)
Level2 2017-08-18
500 views
終於約齊一班愛辣之友到半山三希樓聚餐😋,今晚朋友揸車,但因唔熟路在半出上氹左一陣,還好我地可以承機看看風景、幻想身住半山😂😂我地一到步已經聞到陣陣既花椒八角味道,口水已經開始流😋😋我地叫左期待已久既水煮魚,味道超好、魚好滑,加上薯粉吸晒d汁既味道,正😋🌶🌶豆腐好滑,加上旁邊醬汁配搭非常好🌶炒大腸超香超好味,唔夠喉我地encore多次,但估唔到仲辣過水煮魚👍🏻🌶🌶🌶紅油抄手一般D到最正有懷舊樽裝可樂,麻辣+可樂=正😋😋 continue reading
(The above review is the personal opinion of an user which does not represent OpenRice's point of view.)
Level3 2017-08-10
699 views
每次來三希樓必叫的菜水煮魚!好滑的魚、我不太會吃辣、間唔時吃下刺激一下、正!今次試埋水煮田雞、也很美味喔!這個痲辣涼粉也是我必點菜色!好好味胡椒蝦!yummy萵筍C同炸饅頭都係我好鍾意食架! continue reading
(The above review is the personal opinion of an user which does not represent OpenRice's point of view.)