Video
Telephone
28773690
93118877
Introduction
Hot pot restaurant which their chicken pot and fresh seafood as the selling point, it is suitable for friends’ gathering.
continue reading
Opening Hours
Today
12:00 - 15:00
17:00 - 02:00
Mon - Sun
12:00 - 15:00
17:00 - 02:00
*Last order : 14:30
Last order : 01:30
Above information is for reference only. Please check details with the restaurant.
About Reward Scheme
今晚朋友帶我去咗尖沙咀一間私房菜 睇波 食雞煲 打邊爐 超正😉 呢度喺樓上鋪 有好多卡位同房間 好多電視 可以睇波或者卡拉ok😎😎 ✨牛牛餐$398/位 餐前小食有泰式鳳爪 木耳 合桃 好惹味😋 ✨招牌麻辣雞煲（任食）雞煲可以揀辣度 我哋揀唔辣 調味啱啱好 加熱後 反三次 最後加埋油炸鬼就可以食啦 雞塊新鮮入味 真係想encore😋 ✨仲有蝦多士 正價時段有蝦多士送 炸到酥脆 唔會太油 好食😆 ✨刺身拼盤首先每人一隻冰鎭鮑魚 爽口彈牙😋三文魚 北奇貝 赤蝦 螺肉 蟹棒 樣樣新鮮鮮甜👍 食完雞煲刺身 就可以打邊爐啦 有幾款湯底可以揀🥰 ✨蟲草花椰子花膠湯底🍲✨本地手牛頸脊一份✨M9澳洲和牛 任食✨美國極上牛肉 任食✨熊本一口牛 任食✨安格斯牛小排 任食每款牛都各有千秋 我鍾意食牛小排 油脂分布均勻 好鮮甜😉 然後仲可以加火鍋配料 有30幾款火鍋配料可以揀 有墨汁墨魚丸 台灣鴨血 其他地方好少有🤣 飲品方面 出邊有兩個大雪櫃 可以任揀任飲㗎 仲有雪雪糕 真係好滿足🥰🥰 整體來講 飲酒 吹水 睇波嘅好地方😉 🎈新南苑私房菜 (尖沙咀)尖沙咀寶勒巷3-7A號萬事昌廣場2樓1號舖 #香港火鍋任飲任食#新南苑私房菜#新南苑餐廳#香港美食推介#香港火鍋推介#尖沙咀美食#meimei foodie#hk foodie
continue reading
慶祝朋友生日，最好嘅選擇就係吾限時嘅任飲任食打邊爐，每個人可因應自己需要鍾意食咩飲咩叫咩，無需就住就住去order預早响open rice訂枱，方便快捷，無需費心。座位舒適，餐廳內還有很多模型展示櫃，喜歡模型的男生非常欣賞。食物質素不錯，點好餐後，服務員便先上日式刺身，之後食雞煲，可以refill 雞煲，食完雞煲後開始打邊爐，其實食完刺身和雞煲後已經半飽了。第一轉嘅牛肉是最好質素和賣相而且會有紙片說明是邊款牛肉，其後續加那些就沒有了，食完牛肉已經8成飽，其他可以任叫嘅火鍋食物其實只係叫左好少因為太飽食吾落。任飲飲料方面，有大家都鐘意嘅樽裝汽水和其他茶飲，任飲啤酒是無酒精，有酒精需要另外付費，但我寧願任飲方面亦有含酒精的啤酒，平價啤酒亦沒問題。除了洗手間衛生情況麻麻地外，整體來說，餐廳環境，食物質素是不錯的。
continue reading
今晚相約老朋友食飯，去左尖沙咀新南苑私房菜度打邊爐，貪佢地點方便就腳，而且有180分鐘任食，可以慢慢食，最怕趕頭趕命。我地點了牛牛餐，係最平的180分鐘餐。跟餐有冰鎮鮑魚，仲有刺身拼盤。鮑魚好入味，好結實彈牙，好食！刺身都好厚肉新鮮！之後我地要左雞煲，有半隻雞，都好滑，雞煲味道調教得不錯，不太辣又惹味！之後揀左冬瓜盅湯底，幾有趣！而且比想像中鮮甜！牛肉拼盤，有M9澳洲射和牛，美國 極上牛肉， 熊本一口牛和中國安格斯牛小排和本地手切牛頸脊！牛肉賣相普通，但食落牛肉味濃，口感不錯！丸黎講，各款丸都唔錯， 唔係粗製濫造丸！ 個人幾鍾意 豬骨濃汁貢丸和蝦丸，真彈牙有咬口！飲品選擇多，仲有自家製茶品，雪糕雪條就普通d, 雀巢牛奶公司為主。
continue reading
2024年6月5日 星期三今晚約左幾個舊同事係尖沙咀食飯，一邊打住邊爐一邊傾計當然係賞心樂事啦，所以就選擇咗呢一間餐廳，因為一個價錢除咗可以任打邊爐之外，仲有雞煲同刺身食餐牌上面可以選擇唔同嘅套餐，豐儉由人，我哋就要咗個牛牛餐，因為已經包括咗好多唔同種類嘅食物，例如有澳洲和牛同美國極上牛肉任食，仲有刺身拼盤同雞煲任食添，食足180分鐘每人都係$400左右，所以冇考慮太多已經即刻點咗餐等待食物期間，店員告知可以去中間嘅位置拎醬料，醬料區唔算太大，但要既基本醬料都有提供，除咗豉油、辣椒、香菜等等，仲有炸蒜同芝麻醬添，要辣要唔辣都可以飲品區都可以任拎任飲，除咗有紙包同罐裝飲品之外，仲有餐廳自家製飲品提供，應有盡有等咗一陣雞煲就首先送到，嚟到嘅時候已經充滿香味，店員仲建議我哋要焗多一陣炒幾炒，香味會更加突出，由於有同事怕辣，所以我哋叫咗個唔辣既，但同樣地雞肉吸收晒醬汁嘅味道，除咗雞肉滑嫩之外，仲好惹味，唔會煮到好乾身，咬落去都仲有水份，好快已經俾我哋清晒食完雞煲之後，店員就幫我哋準備火鍋，同一時間有一張火鍋配料紙可以任點任食，款式都幾多，大路嘅火鍋配料都有，我哋每樣都叫少少喺火鍋仲未準備好之前，店員再送上刺身拼盤，全部刺身都好新鮮，三文魚刺身十分厚切，牡丹蝦都夠爽口，但最好食係餐廳整既鮑魚，已經剝晒殼清理好內臟，咬落去有少少唐心，啖啖肉呢個係蝦多士，真係見到成隻蝦放咗喺多士上面，咬落去十分脆口，除咗食到蝦好彈牙之外，中間仲食到有蝦膠添最後當然唔少得有火鍋必食嘅牛肉，冇諗過餐廳都提供咗咁多款唔同嘅牛肉，除咗澳洲和牛之外，仲有熊本一口牛、安格斯牛小排同美國極上牛肉，當中個人覺得安格斯牛小排最重牛肉味，口感比較有咬口，肉味越咬越濃郁四個人食咗差唔多$1750，飽住個肚咁走
continue reading
如果在尖沙咀附近漫遊，又對美食有著無限渴望，不妨來到新南苑私房菜。在開始品味各種美食之前，先來一份小食，包括香氣四溢的雲耳、酥脆的雞腳以及香甜的核桃。不僅滿足胃口，更為整體的用餐體驗增添了一份開胃的氛圍！當品嚐到招牌麻辣雞煲時，被它辣而不燥的口味所驚艷。豐富的辣椒和香料調配出的湯底，讓每一口雞肉都能夠充分吸收其中的風味，令人回味無窮。火鍋湯底選了南瓜公仔蜆湯。湯以南瓜為基底，融合了蜆的鮮美，每一口都帶給一種溫暖的感覺。要注意的是，南瓜是冰會溶化的，打卡又香濃南瓜味。花雕醉雞鍋帶給一種醉人的享受。花雕酒香濃，咬下去，肉質鮮嫩多汁，酒香在口中綻放，令人愉悅不已。帶來一種濃郁而又和諧的口感。刺身提供了新鮮的海膽、帶子、三文魚、蟹柳、北寄貝和榮螺，每一款都展現了獨特的口感和鮮美的味道。而本地手切的牛頸脊也是一道不可錯過的主菜，肉質鮮嫩多汁，令人垂涎欲滴。這裡有超過30種不同的火鍋配料供選擇，因選擇海鮮餐，更可以隨心所欲地搭配蝦、乳山蠔、紐西蘭貝殼、脆鯇片、花膠和龍躉等豐富的食材。此外，自製的冷泡茶、水果茶和五花茶也可供選擇，在用餐的同時享受到清爽的口感；不要錯過這裡的任食雪糕雪條，冰涼的甜點帶來一絲絲涼爽的愉悅感受，使整個用餐體驗更加完美。無論是與家人、朋友還是情侶一同用餐，都是一個理想的場所。從招牌麻辣雞煲到新鮮的海鮮和刺身，與摯愛共享美食，絕對是一個令人愉悅的體驗。
continue reading