88
40
25
4-min walk from Exit B1, Kwun Tong MTR Station
continue reading
Telephone
24981932
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
Recommended Dishes
2635 views
今日又係駱駝漆工廠大廈的樓上鋪餐廳，揀了「山田海韓國料理」。內裏裝修同工廠大廈內的大部份其他樓上鋪餐廳一樣，非常普通、可說是有點簡陋，只是較工廠飯堂好一點，甚至差過連鎖集團的街鋪快餐店 / 茶餐廳。牆上貼上了許多即影即有相片，當然全部都是餐廳老闆同客人的合照，其中幾張竟然是香港電視明星！老闆當然不會錯過宣傳機會，將照片放大貼堂！午市套餐的款式選擇超過40款，調味及材料當然以韓式風味為主打，亦添加了一些港式元素；總之款式多樣化，雞、豬、牛、魷魚配搭炒粉絲、白飯、石鍋飯、冷麵、泡菜湯等，總有一款啱口味。韓國料理當然不能缺少泡菜。估唔到雖然只是工廠大廈樓上鋪餐廳，竟然也有多達六款韓式泡菜，味道相當出色⋯⋯ 只是偏偏欠缺最經典的大白菜。石頭雜菜拌飯(豬肉)（$75）賣相一般，未似坊間較高級的韓式料理，將各種色彩繽紛的蔬菜切成幼絲鋪砌在石頭鍋飯表面；望落去很凌亂、唔吸引。韓式石頭鍋飯重點在於熱辣辣及辣醬味道，這兩點皆做到了，彌補賣相不足之處。鮑魚人蔘雞湯(半隻)（$90）用上一個兩邊有煲耳的銻煲上菜，充滿庶民家庭風情。味道方面同大部份韓式人蔘雞湯相同，偏向肥膩，有清淡雞鮮味及鮮人蔘的甘澀。午市套餐缺少了韓式烤肉，只好從主餐牌中揀選幾款。烤肉之外，還有大量其他款式韓式料理，甚至更勝坊間其他韓國餐廳。「山田海」始終只是家庭式韓國餐廳，未有採用嵌入明火烤網爐，而是龜背生鐵板加氣體爐；龜背生鐵板雖然已經可以避免油脂浸著烤肉，但仍然不似明火烤網，未能做到燒焦的香味效果。生菜拼盤配瓣醬（$55）是韓國人食烤肉的必備配搭。爽脆清甜的生菜可減低烤肉的油膩，配辣豆瓣醬既可刺激食慾、又可刺激腸道排毒，加上蔬菜纖維，可説是健康之選。食韓式燒烤當然不能錯過烤牛肋骨(有醃)（$288）。這個價錢有兩大件牛肋骨，分量多、夠抵食。採用韓式傳統醬料醃製，味道鹹中帶甜；牛味濃郁，肉質鬆軟。雖然並非最優質的牛肋骨，油花分布未夠平均、亦有少許筋膜，勝在性價比高。烤五花腩肉（$130）及烤牛舌（$130）解凍未夠徹底，影響了賣相。牛舌並非最優質的牛舌心，未夠爽口彈牙；不過，味道尚算不錯。五花腩肉賣相同樣不佳，質素亦比較一般；肉質偏向乾硬、豚脂亦未夠油潤。特色之處連着一層薄薄的豬皮，香港其他韓式烤肉店罕見；增加了少許豬皮的煙韌口感。烤豬腸頭(有醃) （$130）有豬腸獨有的淡淡臊味，可以接受豬內臟實在不容錯過。只嫌沒有經過挑選，質素唔平均。部份軟淋有咬口；部份則非常韌，多單咀嚼也未能咬爛。室內環境簡陋、服務態度一般、加上明顯由居港韓國人一家大細自家經營；整體感覺充滿韓式家庭風味，亦同電視上韓劇內的韓國小餐廳一樣：環境有點地踎、沒有殷勤員工服務 ⋯⋯ 不禁令人想起多年前金巴利街上、同樣由韓國人經營的多間韓式料理（註：現時很多已經結業了。）。「山田海」優勝之處，在於料理味道雖然未算突出，但價錢合理、亦有地道韓式風味。離開餐廳後，發現「山田海」毗鄰剛巧又是韓國食品店，是否同一個老闆呢？
continue reading
10月生日之星🌟🌟今晚一行七人，其中已有兩位朋友是生日之星！就讓我替他們出去拆一餐豐富而深刻嘅生日飯先！聽朋友介紹位於觀塘駱駝漆大廈第三座有一間專食韓國料理而且自行買生日蛋糕是免切餅費及好有氣氛的，也聽聞老闆是正宗韓國人，非常親切！今次就讓我們去體驗一下先！🥳🥳🥳環境方面： 沒有豪裝、沒有打卡位，但勝在好有住家feel，令人食得舒服，更可以放鬆心情享受這特別的晚餐！🔪🥢🥄🍴🍽服務質素： 無論老闆及店員態度~禮貌真的值得表揚，我會畀一百分💯💯💯落單後，店員會預備多啲不同款式自製的韓式小食，其實款款都好好食，但至愛的一定是泡菜囉！🎎 辣炒芝士年糕 $118使用韓式長條年糕，整碟年糕上已鋪滿芝士碎，煙韌度適中，醬汁味濃而不太辣！份量剛剛好！🎎🎎辣豆腐海鮮煲 $118一啲都唔辣,個湯仲好好飲, 可以做泡飯，好鮮味添！🎎🎎🎎 辣泡菜豬肉煎餅 $118好正宗韓國泡菜及饀料十足，切到八件，人人有伤，味道很不錯！🎎🎎🎎🎎 辣醬烤魷魚 $158原隻魷魚上碟，肉厚入味，有彈性又惹味，但唔可以食得太多，因為膽固醇高！🎎🎎🎎🎎🎎 韓式炆豬手 $338秘製炆豬手好入味，好有骨膠原及有口感， 正呀！ 朋友仲攞咗嚿大骨頭返屋企煲湯！😆😆😆😆🎎🎎🎎🎎🎎🎎 燒牛肋骨（無醃）$278燒牛肋骨自行燒五成熟，非常juicy，冇醃的牛肋骨更原汁原味，舆生菜、泡菜夾埋一起食係最佳拍檔！🎎🎎🎎🎎🎎🎎🎎 燒辣椒醬五花肉 $138燒五花肉真的很邪惡😈😈因為燒完再食、食完再燒，夾埋配料一起吃更加會不停手及不停口！🎎🎎🎎🎎🎎🎎🎎🎎 原來店舖隔離有醬油 蝦及醬油蟹賣，然後取去店舖加工，老闆仲私下整幾個好味飯團給大家品嘗，我哋仲買埋韓國米酒及菠蘿燒酒，真係非常豐富！🍺🍻🍶🥃🧊👨🏻🔬🤵🏽♂️ 最後向店員取出蛋糕向朋友慶祝生日時，等了一會再一會，原來老闆在電視螢幕上揀首英文生日歌之餘，全場燈光突然調暗為生日朋友送上一曲，現場真心勁有氣氛！ 加上老闆在不知情況下呈獻一個靚靚生日蛋糕，一包韓式紫菜及一支韓國酒送給朋友作為生日禮物！🎁🎁🎁講真不是主角的我見到都開心及有驚喜😍🤩🥰老闆的細心看得出無論食物、環境、氣氛都超級好，超級享受！一定有下次💞💯❤💯💕💯💛💯💖
continue reading
二人行, 六碟小菜. 食小菜都食到飽飽地味道有點過咸點了豆腐海鮮湯&人參雞鮑魚湯豆腐很滑, 但太多了...海鮮就只有一隻蝦, 一隻青口, 一隻硯整體味道也不錯人參雞好食,有一隻小小的鮑魚
continue reading
呢間韓國菜餐廳性價比很高，想食韓國菜嘅時候時常想到嘅餐廳老闆係韓國人，所以菜式十分地道，而且價錢親民，份量又多😋第一次同朋友係午飯時間，入到去店員就會俾六碟前菜：泡菜、薯仔🥔，西蘭花🥦、蘋果沙律、花生拌四季豆，菠菜拌大豆芽果然泡菜是最好味的，不是太辣，幾入味有趣是我覺得蘋果沙律🥗唔似係韓式前菜，但味道係好食嘅😂我們叫了兩份午餐，都會包一杯飲品，我們都選又罐裝汽水我選擇了韓式飯卷配韓式炒年糕，年糕煙煙韌韌，同韓式飯卷很配合，食得很滿足。而友人則叫了鮑魚人蔘雞湯，份量也很足夠，大大份熱辣辣咁上枱。清清嘅蔘雞湯食得很舒服，雞肉都有蔘湯味道，仲有糯米吸曬湯嘅精華～只係叫咗兩個午餐，但就食到咁豐富嘅飯菜，價錢又親民，一定會再嚟食飯！😋😋
continue reading
小菜大推，特別係茄子同泡菜，好有韓國啲傳統店食嘅感覺。老闆係韓國人，所以啲野都幾貼近到原本應有嘅味道。烤肉嚟計，五花腩同牛都好好食，不過佢個爐有啲怪，會成日痴到啲焦片。唯一唔推介係醬油蟹，好多次都未解曬凍就拎出嚟，可能因為老細唔係度就hea 做。
continue reading