83
19
23
1-min walk from Exit A2, Tsim Sha Tsui / East Tsim Sha Tsui MTR Station
continue reading
Telephone
52280514
27218970
Opening Hours
Today
11:30 - 15:00
17:30 - 22:30
Mon - Sun
11:30 - 15:00
17:30 - 22:30
Above information is for reference only. Please check details with the restaurant.
About
About Reward Scheme
Signature Dishes
Recommended Dishes
#2girlshk尖沙咀📍三木韓國料理 (尖沙咀)雖然香港有好多韓國餐廳，但係正宗好食同新鮮既韓牛真係唔多🫣呢間座落於超方便既尖沙咀區，座位寬敞，坐得舒服，餐廳由韓國人主理✨韓牛仲係韓國新鮮直送🇰🇷，食物質素有保證❗️個日平日都好多食客，仲見到幾多韓國人黎食，前菜都好齊全，種類好多，泡菜正宗夠晒辣。😍😍太多無去韓國食韓牛叫了-韓牛套餐１-有牛上腰、牛薄桾肉、牛排肉、牛后胸肉，可以食到唔同既部位，而我就最中意食牛上腰位最細嫩多汁😋牛薄桾肉就口感帶有嚼勁，油花豐富但不油膩，牛排肉相對厚實，更有口感，濃郁既牛香味，牛后胸肉就多肉汁得黎有嚼勁，各有特色，整體韓牛質素都好高，套餐配有生菜同麵豉醬比你包肉食～韓國豬肉眼扒🐷另外叫左豬，呢個搭配生菜包住黎食仲正！！油脂既香味同烤香，同埋肉質都好好。唔鞋口～泡菜煎餅🍕係我最近食過最好既泡菜煎餅！！！一定要叫！！佢煎得外皮香脆得黎又唔會太乾身！咬下入面係好軟熟，泡菜味濃郁，勁大份，但真係勁好食，我地兩個女仔都食晒😂炸醬麵🥘醬料好夠多，味道好濃郁，麵條好柔軟順滑，與醬料粘稠和肉末相結合，有著豐富口感。柚子蘇打&西柚蘇打🥤唔飲酒一定係配蘇打食韓國野😋夠爽又解膩解辣～📍地址：尖沙咀堪富利士道12-16號宏貿發展大廈2樓
continue reading
尖沙咀真係好多韓國餐廳，呢間地鐵一出就見到大大個招牌🔆呢度主打有韓牛食，韓國新鮮直送，唔係急凍貨🥩當日見其他客人大多都係韓國人，老闆都係韓國人，相信實正宗🥙韓式小菜一入座就送上6款唔同小菜，有泡菜、魚糕、芽菜等😍🐮韓牛套餐特選(2-3人份) $920/ $1148(包韓牛生牛肉)🥩有牛肉眼扒、牛肩肉、牛腩、厚裙肉，拼盤份量好足👍🏻肉眼扒好厚身，👨🏻🍳店員會主動幫你燒，韓牛肉質好juicy💦牛味濃郁🐮，配埋附送既生菜、紫蘇葉🌿、生蒜片一齊食，正😋🥩韓牛生牛肉第一次食，有水梨絲、麻油、生蛋黃🍳等，牛肉好新鮮，食到牛肉既甜味🤙🏻🐷生豬腩肉(180g)$200 / 豬肉眼扒(180g) $230韓燒一定要叫五花肉食🥓，點知豬肉眼扒都好有驚喜🥰完全唔會韌，2款都好有油脂香，加埋麵豉、泡菜、生菜食無得輸😂🥘雜腸湯 $150唔好見到紅色以為好辣，其實無咩辣味🙉裡面唔只有牛腸，仲有牛雜🐮好足料，好岩送飯食😆🍜凍湯蕎麥麵 $140見韓國人食燒肉都會叫凍蕎麥麵🫣有牛肉、雞蛋、梨、青瓜🥒，賣相以為會好清淡，食落好夠味，水冷麵仲好解膩😚，配燒肉食岩哂👍🏻Overall📝menu款式好多🤩，肉既份量好足，以上份量普通食量4個人都夠食🤰🏻，餐廳都係卡位坐得舒服，留意餐廳3點落場😬想食韓燒呢度都係好選擇
continue reading
👍🏻韓牛套餐特選 $920/2-3人份店員介紹係選用由韓國新鮮空運直送嘅雌性牛，唔會有肉羶味同和牛唔同，韓牛建議燒到medium well 7成熟，帶點焦香更好食😛套餐包括肉眼扒、牛肩肉、牛腩、厚裙肉四款韓牛，另一款套餐有唔同部位 (可參考post尾menu)整體四款韓牛脂肪唔多，但肉質唔鞋，反而肉汁多好juicy，牛味濃厚當中以厚裙肉最嫩最多汁，肉味最濃🤤份量約2-3人份，但始終肉量較多，如果女仔去就3人share會好啲除返開人均，加上尖沙咀地區，性價比唔差味道：8/10性價比：8/10-👍🏻豬肉眼扒 $230/180g呢個有驚喜！肉質軟嫩，煎到焦脆燶燶地都唔會鞋口逼出油脂，豬肉味超香超濃又多汁🥹強烈建議擺埋伴碟嘅蔬菜落去燒，用啲牛油同豬油炒香，好肥但好正🤣呢個係單點價，套餐會比較抵食，又可以試埋其他部位味道：9/10性價比：7/10-👍🏻海鮮蔥花餅 $170用鐵板喳喳聲熱辣辣上枱，一路食仍然keep到溫度邊位非常香脆，中間唔粉團，餡料有魷魚、蝦肉、蜆肉、韭菜、紅椒，好足料可以點泡菜魚露，鹹鹹辣辣，香口惹味雖然價錢偏貴，但比起一般煎餅大塊，夠3-4人share味道：8/10性價比：7/10-👌🏻韓式魚丸湯 $300 份量比想像中多，除咗兩大串魚糕串，仲有好多大大舊唔同款嘅韓式魚蛋不過湯底就鹹咗啲，同埋價錢真係偏貴味道：7/10性價比：6/10-整體韓牛質素唔錯，部位款式選擇多，豬肉眼扒好有驚喜由韓國老闆主理嘅韓牛韓燒，店員都係韓國人，地道正宗另外地方整潔，抽風做得幾好，食完都冇成身油淋淋一陣油煙味😆-📍#三木韓國料理 @sammok_bbq尖沙咀堪富利士道12-16號宏貿發展大廈2樓
continue reading
自從去完韓國旅行之後，對韓國嘢食一直念念不忘，尤其是當我諗到自己喺韓國冇食到韓牛，就似有一種遺憾，見到呢間餐廳有得食韓牛，所以想入去彌補返失去嘅感覺🥹 呢度大部份店員都係講韓文，仲有唔少韓國食客添😳 餐廳老闆仲非常健談，見我地第一次黎就主動分享佢經營理念，就係希望普羅大眾可以以合理價錢去試到最正宗最新鮮嘅韓國美食☺️，例如牛肉，正常牛肉由產地開始急凍冷藏，再經船運到香港，最快到要大約一個月時間。但餐廳堅持用最快運輸時間將牛肉空運到香港，新鮮程度比坊間優勝，所以價錢真係反映質素！❤️ 連牛肉嘅稀少部位，喺呢度都可以食到！一坐低已經有八款前菜食，有西蘭花、大豆芽、薯仔、菠菜、泡菜等，非常豐富🤩 ▶️海鮮煎餅上面仲鋪滿好多海鮮，真材實料😍 海鮮夠晒新鮮彈牙！在場每枱食客都有叫一份你就知幾好食🤣▶️辣海鮮豆腐大醬湯有好多海鮮同豆腐喺入面，每啖都食到唔同嘅食材😳豆腐仲好滑溜‼️老闆話呢個辣味係配合香港人口味而設，冇平時韓國食嘅咁辣☺️▶️牛肉拼盤呢個真係今晚嘅重點，我叫左一份牛肉set, 包左牛肉眼扒、牛肩肉、厚桾肉同薄桾肉佢會跟埋蔬菜，麵豉醬同菇等食材！牛肉夠晒鮮紅色，食落好重牛味，油脂比例均勻，肉質仲嫩滑多汁，完全明白到老闆對食材新鮮度嘅堅持🤩▶️豬腩肉豬腩肉咬落肉質鮮嫩多汁，豬腩肉嘅脂肪同肉質相間，每一口都能感受到豐富的口感層次😍▶️豬肉眼扒肉眼扒肉質細嫩，外面就算烤到焦香，入面仍然保持著肉汁豐富嘅狀態，完全唔會比牛肉失色！😍
continue reading
尖沙咀傳統韓國餐廳，無論裝修定食物都好有韓國feel🇰🇷 見到唔少韓國人幫襯～聽老闆講原來餐廳最近先轉手，食材品質同食物味道等都大大提升咗！呢度食物份量都幾大，啱晒一大班人share，同埋食到比其他餐廳更多唔同種類嘅食材～—————韓牛套餐特選 ( $920 )適合2-3人分享，包括牛肉眼扒、牛肩肉、牛腩同厚裙肉各150g，呢個價錢食到咁多款新鮮韓牛都幾抵～ 雖然唔係1++嘅韓牛，但質素都唔錯，而且係韓國新鮮直送，唔係用冰鮮急凍肉！食落完全唔會有雪味怪味，肉質好嫩，肉味鮮甜，色澤又靚🥩 燒完都仲keep到juicy😂 如果中意食生牛肉嘅，加$228就食到，夠爽甜多汁😉-生豬腩肉 ( $200@180g )用上韓國直送嘅新鮮豬肉，肥瘦均勻，切得厚薄適中，燒到面頭脆脆哋食就啱啱好🤤 脂肪部分唔會好膩食到成口油，反而有啲彈牙，五花肉包生菜食就perfect! 或者點埋魚仔醬汁，～-泡菜煎餅 ( $130 )平時食韓式煎餅，最怕就係好厚粉漿，食完兩塊都飽晒😹但呢度嘅泡菜煎餅煎到又薄又脆！而且好多泡菜，一啲都唔油膩😋-凍湯蕎麥麵 ( $125 )韓國人食完烤肉好多時都會配上一碗水冷麵解膩，呢度嘅麵同平時食嘅口感好唔同，少少煙韌之餘又好易咬開，配上牛肉、雞蛋、梨同青瓜，再加埋清爽嘅湯，同烤肉簡直係絕配！-聽老闆講嚟緊仲會出新menu，包括鰻魚、雪蟹等等，全部都係韓國直送！有興趣嘅不妨留意下👀
continue reading