SAMJIN AMOOK (Closed)

放工係北角碼頭落船，因為趕住上堂，諗住輕食一下。 見到呢間專賣韓國魚餅的特色店，想試下。 店舖位於商場地下，面去商場花園及海，景色一流。魚餅有好多選擇，客人要自己夾，然後先付錢。 店內有輕波爐供給客人番熱魚餅。 仲有園景的座位。 試左個套餐（$68）蟹肉花魚餅-真係食到一條條蟹肉香菇魚餅-香香菇味火腿魚丸卷- 啱哂食肉既人魚餅棒（魷魚）外面還有爆米花，食落比較脆。店員仲主動幫我番熱，還送上一杯熱熱的魚糕湯😋😋…Read More

去到北角匯見到間裝修幾靚嘅店，聽到店員講韓文，諗應該幾正宗。店裏面好多唔同既小食，好吸引。買左串魚餅！味道唔錯，好食，不過如果再熱啲就好。下次會想試埋其他嘢食。…Read More

放工後約左個傻婆成日lur我食魚糕🙈平時行過都聞到好香見天氣唔錯心情好就俾你得逞一次啦🤭——————————————————舖頭以麵包店形式自助選花多眼亂 件件都好似好好食最後揀左6款入面有啲吧枱俾你坐喺度食仲有微波爐翻叮翻熱👍🏻對住個海景食魚糕幾爽最好食係蟹肉花魚餅🤤好彈牙入面仲有蟹籽增加口感個烤肉夾心最後唔知點解係咖喱味究竟係擺錯定本身真係咁樣❓魚餅棒外皮好似牛脷酥甜甜地幾得意年糕魚棒變咗冇乜特別因為其他太好食😂😂😂魚糕湯店員仲附送舊蘿蔔食完真係飽到上心口🤭🤭🤭🤭——————————————————✖︎ 蟹肉花魚餅 $20✖︎ 韓式烤肉夾心黃金魚球 $20✖︎ 魚餅棒（魷魚） $18✖︎ 年糕魚丸卷 $22✖︎ 培根魚餅棒 $26✖︎ 原味魚餅湯$24…Read More

一間可以當正餐食到你飽既真正韓國魚糕🤤原來幾有歷史一代傳一代，原材料來自韓國🇰🇷（見到staff係韓國人，又見到員工親手製作魚糕過程！）北角店裝修別緻，有得自助加熱又有得坐系度食🍢好多「魚糕乜乜乜」既選擇 眼花撩亂🤩大家真係唔好睇小個份量😂串串都係有魚糕包住，好飽！🤰➖魚餅湯套餐 $28最想推薦係依一個，亦係我本人最愛😋食完魚糕串再飲湯好正好有！如果冬天食更加暖粒粒～個湯用左胡椒加豉油調味 好暖胃🤤➖另外仲有其他魚糕炸物：培根魚餅棒🥓蝦卷魚餅🍤芝士棒魚餅🧀咖喱夾心黃金魚球curry croquette魚裡藏椒Fried chilli pepper🌶👆芝士同蝦卷魚餅比較出色😋…Read More

原味魚餅湯，闊身魚糕質感煙韌、爽口；傳統韓式魚餅湯有香濃嘅胡椒、鯷魚乾味道；白蘿蔔味道清甜、無渣；有2款沾魚糕醬，包括：茄汁、甜辣雞醬，甜辣雞醬，微甜帶辣、比較獨特。奧蘭達魚餅棒，90%魚肉，啖啖都充滿住彈牙嘅魚肉。蟹肉花魚餅，蟹肉味道鮮甜，魚餅口感Q彈，蟹棒製成花朵嘅模樣，非常適合打卡。大蟹肉卷，蟹棒嘅長度接近手掌嘅長度，口感厚身，鮮味十足、帶葱香味道。培根魚餅棒，經煎香嘅煙肉包裹住魚糕熱狗，再蘸上麵包糠炸，炸嘅火喉幾好，煙肉依然Juicy唔算乾身，整體食落都唔覺得油膩、幾有飽肚感。魚餅吐司，外層係炸得香脆嘅魚糕，內層係夾滿超多芝士、火腿，口感好豐富，味道咸香，外脆內軟嘅芝士火腿魚糕嘅三文治。…Read More