Salamat Cafe

Open Now

Now Closed

係OpenRice 搵下元朗有冇食西餐良心小店，見到menu幾吸引，決定同男朋友試下!餐廳環境唔錯，好多模型擺設，座位幾舒服，近窗邊位置有啲曬會熱小小，食物款式都多。♥️餐湯-羅宋湯幾好飲，唔會太酸。♥️燒菠蘿香煎美國肯瓊’’大Size’’豬肉眼扒配薯菜 $98豬扒厚實，肉質嫩，好欣賞自家醬味道同豬扒好夾，唔會蓋哂豬扒味道，配埋燒烤過既菠蘿食減低油膩感。♥️Flat White 跟餐半價$20咖啡味好香，有水準😋

第三回！店主人好好有禮貌 環境吾錯 ！高質餐廳！第一次係2020年！一試已經愛上！好食好食 價錢又okay 😍😍😍 第二次再再，服務員好有禮貌！今次都係好好！大家快啲去食啦！真心推薦比大家

因為住係附近所以都成日幫襯外賣同堂食都食過btw OpenRice 外賣自取會有85折佢周不時會轉menu 推薦墨汁意大利飯（依家好似冇咗）（$73）同埋西班牙飯（$88）意粉同埋豬扒就普普通通-餐廳環境都唔錯坐係窗邊嘆住咖啡☕️都幾寫意同埋好多主人都會帶埋佢哋嘅毛孩坐係出面食午餐 Chill~-😋海蝦,帆立貝,鮮藍青口配西班牙龍蝦汁海鮮飯 $88呢個係我次次食都嗌嘅飯😋😋🦐蝦幾彈牙，海鮮都好足料，🦞龍蝦汁滲入每一粒飯，一啖一啖好快就比我食曬🤪好味指數：🌕🌕🌕🌕🌕-😋香煎美國肯玻香料-巨大厚切-豬肉眼扒配燒菠蘿，黑松露薯條&烤野菜 $88雖然係店主推介，不過食落有啲失望。豬扒係厚實嘅，但有食落有少少嚡同埋唔太juicy。值得一讚嘅係佢啲薯條都幾脆🍟，同埋菠蘿同豬扒嘅配搭，食落唔會太油膩同埋感覺好fresh。好味指數：🌕🌕🌕🌗-😋熱latte （原價$38 跟餐半價）去食cafe梗係要嗌返杯咖啡☕️望到靚靚拉花成個人都精神曬🤪-人均消費：$100

今日去咗元朗嘅呢間餐廳食lunch，坐得幾舒服，嘢食都唔錯。🟢日本黃金魷魚、墨魚咀、香煎帆立貝配明太子忌廉汁意粉 $128 : 黃金魷魚甜甜哋，配意粉食真係唔錯！🟢燒菠蘿香煎美國肯瓊香料”厚切“豬肉眼扒配薯菜 $128：豬扒真係好厚切，難得仲好juicy，配埋菠蘿一齊食，即時減少咗油膩感。🟢龍蝦仔燒菠蘿蜜糖蛋黃醬甜包配薯菜 $88：menu寫係新菜式，喺元朗好少有龍蝦包，而呢份龍蝦肉都唔少，抵食！🟢玫瑰巴斯克芝士蛋糕 $40：食得出真係 home made，我個人鍾意食甜，覺得仲好味過出面名店嗰啲貴價cake添！🟢Flat White $40：我本身一向唔太鍾意飲咖啡，但今次朋友介紹我試呢杯，又真係好飲喎，after taste仲keep到好耐添，真心推介！

終於等到晚市重開，決定再試屋企附近依家小店。先嚟個龍蝦湯，雖然比較細杯，不過味道都幾足，配埋個招牌黑糖包，正！主菜我order 咗：岩鹽烤脆皮大西洋三文魚柳（檸檬牛油汁)配薯菜$128老公就order :英國 乾式熟成西冷牛扒配烤野菜及脆薯條(秘制黑松露醬）$288先講三文魚柳，係好味嘅，個皮好脆，我問老闆魚身d 白色汁係咩嚟，佢話因為係野生三文魚有豐富既蛋白質形成嘅！哈哈，又長知識了！仲有，onside 個士多啤梨汁好好味👍🏻老公個熟成西冷牛扒，我哋叫5 成。係就係細塊嗰啲，同over 咗小小，不過，咬落去，好多肉汁同牛味，同平時嘅牛扒唔同，佢咬口亦都多啲。最後，老闆仲送咗份朱古力心太軟俾我哋。個心太軟又香又濃😋跟餐，叫咗兩杯蜜糖紅茶，解下油😂😂真係同老公飽到上心口🤣元朗小店已經越來越少，希望大家能夠周圍支持一下香港‘本土’小店❤️

平時好少過嚟呢邊，唔知附近有咩好食，今日喺隔離元朗體育館打完針就求其揀咗一間睇落夠冷氣，有咖啡飲嘅入去食。難食到喊不特止，連煙三文魚都可以半生熟，外面係熟嘅，一掂就散，入面個心就係正常煙三文魚咁嘅樣，大佬啊，其實煙三文魚你拆岀嚟唔洗煮就咁放上面都得，你一係就生食，一係就全熟，半生熟係咩玩法呢？個汁勁勁勁水，佢仲要話係忌廉濃汁意粉。最大鑊係衞生情況，食食吓發現勁多昆虫係我面前飛來飛去，而且周圍都係昆蟲屍體，隻叉上面有達乾咗嘅漬，上面仲封印着一條毛髮，真係絕對冇下次

好少好少寫食評，見今日有啲時間就俾個like呢間小店。人手唔多，上嘢要啲時間，但唔算好耐。而且全程都好有禮貌，依家香港好少見到咁好態度，好誠懇嘅感覺。嘢食方面都唔錯，叫咗個lunch set 豬扒同埋個菠蘿一齊食好flesh，d自家醬不錯，薯條就正正常常，另外個羅宋湯好好飲。

朝早游完水想食下嘢，所以入左呢間咖啡店度叫下嘢食。坐近窗邊，可以望到街景，即使係自己一個都無咁悶。見到窗台佈置都係有啲花同香味，好清雅。叫左雞扒薯菜，有埋酸酸甜甜嘅菠蘿塊，係好豐富嘅早餐雞扒煎得唔錯，而且都厚身，差啲食唔哂係抵食嘅早餐！有紋狀嘅薯條最好食，而食薯條一定要配茄汁！茄汁都係正常水準，唔錯唔錯。個set仲有餐湯跟埋，係唔錯嘅暖胃飲品。游完水飲杯暖嘅飲品，即時成個人都Refresh左又warm左

呢間野真心唔得揀左佢餐牌上mark住推薦既餐我地仲加左$15轉龍蝦湯點知….龍蝦湯完全唔濃，偏稀個all day breakfast 睇落好似幾好樣咁條腸細條都算，仲要只食到黑椒味個餐完全好普通，如果第二到食以呢到既價錢絕對可以食到更好個扒餐更加唔得，一上枱就知質素差塊扒好明顯唔值個價，食落完全灰薯條又唔新鮮，連咸味都唔多食到唔好講黑松露香味以個價錢黎講，成餐飯我可以去第二間食到更好質素差唔多兩餐！lunch埋單$293，我同我男朋友大家俾大家試下對方既野食，大家都唔想再試，食完就走人。間野唯一係服務好似比較好，會提供籃比客人放野

元朗有好多餐廳，但支持本地貨，而又真正用心經營既唔多。搬左入元朗之後，開始決心尋找元朗的用心良心小店，今次就去左依間～離遠已經見到，好靚，感覺好WARM我地叫左寶雲酥羊架，羊肉好嫩，唔騷～～～LIKE！！BB菠菜智利藍青口意粉，好野味，青口多到呢～～～不過，味道濃左DD，可以改善！！朋友點左個蛋糕，老闆話係自家HOMEMADE，濃濃既芝士味～～LIKE好喜歡店鋪俾人舒服既感覺，我問老闆話MENU點解好似唔係太多選擇 ，老闆話佢地既食物盡量都自己整，唔想好似其他店咁只係入D成品貨加熱就算 。心意真係証得讚！眼見良心小店越來越少，我地真係要盡力支持！ 

呢間餐廳元朗人一定有留意，今次就試咗呢幾款野食，有青口燴飯，Burger，班尼迪蛋😊😆(*≧ω≦)一直維持到平時嘅水準，Burger好好味😋⁄(⁄ ⁄ ⁄ω⁄ ⁄ ⁄)⁄，每次黎到必食吖！✨✨

好味又抵食嘅晚餐🍽法式🇫🇷油封鴨腿配自家製士多啤梨🍓醬汁、田園沙律🥗黑松露薯條🍟: 嘩，一落枱，覺得好大碟，份量十足。 鴨皮香脆，肉質不會太淋，又不「鞋」，就係見到餐牌有廚師👨‍🍳推介👍🏻，而我又喜歡吃油封鴨髀，所以必選這款來嘗試😋法式🇫🇷寶雲酥羊架🐏配黑松露薯條🍟及田園沙律🥗：都係份量十足，羊架醃料入味，有3只，味道不錯👍🏻，男朋友不喜歡吃🥗，所以，落單時不要🥗，不想浪費啊！本身喜歡吃黑松露，所以點菜時跟店員說，要多啲薯條，少啲沙律🥗。黑松露薯條味道好出，薯條炸得恰到好處，不會太乾🍟。🥗可以解油膩感😉另外，單點可以加錢變成套餐，我哋加咗雜菜湯🍅🥕🥣配黑糖麵包🍞。 雜菜湯味道濃郁，黑糖麵包軟腍腍，好好食😋飲品方面，可以改為以優惠價配啤酒🍺及特飲🍸店舖不算太大，但有兩張高餐桌椅靠近玻璃窗，獨立空間，自成一角，而且，玻璃窗有靚靚裝飾💡🔮，打卡一流⚗️

西餐質素係好好，性價比高！記得好耐之前大概半年前食過，今日同女朋友去元朗，想食西餐，睇咗幾間，又唔想食啲快餐店style(梳打粉牛扒），所以去咗呢間Salamat，價錢ok!入到去，嗌咗塊西冷，好彩唔係快餐style, 仲真心好味。個龍蝦湯都幾好💪（唔記得咗影相）女朋友叫左個青口，都幾抵食！💪（唔記得咗影相）小弟食西餐，真心最怕快餐style!!! 所以呢一間Salamat絕對可以再來！臨走先留意到原來佢哋有酒賣，下次可以一試!!!

再次過嚟依間小店，原來已經有Tea Set!!!今次叫咗個Egg Benedict。原來兩件Benedict 都唔同材料，一個係煙三文魚，一個係Parma Ham!! 份量適中，又唔Dry! 仲配埋餐飲⋯⋯⋯平時求其一間cafe 都7/8 十蚊啦⋯⋯⋯眼見d大集團改名換姓，開完一間又一間，我哋真係要多啲支持依d 用心嘅小店。加油💪🏻💪🏻P.S. 俾我發現吧枱裝咗個月球燈！勁靚，真係好似！下次再帶女朋友過嚟月下晚餐😃

Used to be good. Not anymore. the food they served me was burnt, rock hard and inedible. the second dish was incorrect and had to be returned. no impressed at all. Staff showed no interest on making the food taste good and just wanted my money. Surely it's not too difficult to cook some pork and put it in a bun. Sadly looks impossible based on my experience here.