薩莉亞意式餐廳 (Leung King Plaza) (Closed)

試過呢度唔同嘅飯、意粉、pizza，經過試驗，結論係意粉真係麻麻地，pizza都好勉強，但肉醬多利亞飯真係好食，而且非常抵，只係$30！雖然份量係細左啲，但今時今日嘅香港$30可以食到個咁嘅飯，確實冇得挑剔！

好耐冇食呢間平民西餐廳，價錢超值，份量適中，可以叫多幾款都食得哂，感覺好抵，味道亦幾好。甜蝦沙律 $24，長期人氣No.1沙律，都幾大盤同多生2菜，個沙律醬都重味，配甜蝦好正，而且甜蝦真係幾多。水牛芝士薄餅(8") $29，用左雙重芝士，水牛芝士都多，香味濃厚，喜愛芝士朋友不容錯過，批底薄薄地，而且唔油膩。酥香炸蝦，份量多，炸衣薄而酥脆，蝦肉微彈，大隻過甜蝦2倍，好抵食。墨魚汁意大利粉 $32，墨魚醬配以魷魚圈，意粉反而唔太大碟，不過價錢仍吸引，墨汁味突出，意粉煮得有咬口，但超級咸，所以好失望。溫泉蛋肉醬多利亞 $32，薩莉亞人氣肉醬多利亞配溫泉蛋，口感豐富，完美配搭。肉醬多且蕃茄味重，好惹味開胃，焗得夠香，飯比例較少，料過多，變得太濕太腍。

好耐好耐無食薩利亞了。行過諗緊食乜之際，見到薩利亞無人排隊，實在太難得了！所以行左入去。薩利亞咁多年都無變過，一樣的餐牌、一樣的座位、一樣按鐘叫職員落食物，總是有一種舊舊的感覺。幸好望落周圍都是乾乾淨淨的。自己一個人食，叫左一客肉醬多莉亞（＄27）同一客芝士焗薯角（＄17），食物係用兜上，焗到熱辣辣咁，好好食！食到飽飽都係俾＄44！抵到爛！不過去食薩莉亞有一樣野唔係咁好，就係要飲野就要加錢買飲品吧（＄13），個人覺得好難飲得返回本！所以我都係決定飲水就ok！

一間餐廳無得叫外賣就唔緊要嘅～亞男同事，唔駛cut線嘅！你門口咁多蚊，次次黎食等親位都比野咬，唔夠人又唔比入，咁即係要一家大細係度齊齊餵蚊啦～～真係唔知係蚊定「室」！真係好多野咬了，小朋友咬幾啖真係成晚唔駛訓！成餐飯都食唔安坐唔落！唔想比野咬真係唔好係門口等！架貨𨋢又污穢又垃圾味，推輪椅/bb車真係諗清楚先黎！你地服務態度又差，我又唔想食野食到成肚氣，先唔想係度等先叫外賣黎拎，想叫賣外都成肚氣真係第一次！

之前食過新墟間分店覺得ok,平價西餐黎講算唔錯，點知我懐住新墟間店既預期質素黎食呢間，發覺良景呢間甘差，差到要black list首先衛生好差，啲杯無洗乾淨，我倒左杯汽水，飲落口係油菜味!!即時想嘔!我再拎其他杯都係油淋淋無洗乾淨!啲刀叉都差不多。跟住叫左個pizza同兩款意粉，肉醬意粉啲茄醬水流流甘，好稀。另外海鮮意粉啲海鮮好猩，啲青口猩到嘔，即係勁唔新鮮喇，或者廚師明知唔新鮮又唔會落啲白洒去辟味，pizza味道都麻麻地，只可以講好惡劣，成餐飯我食左幾啖食唔落!真係難食到嘔!都唔明甘難食又甘污嘈都開甘耐。重要有人排隊。

昨晚，和母親，兩個不足2歲的孩子到餐廳用膳，這裏的取票方式是按人數拿飛，由於孩子在bb車上的關係，我只按了1-2人的票，當輪候到我們時，某一位負責叫飛的員工看到 即時用非常惡劣既態度 責怪我們為什麼不拿3-4人的飛 她說不能給4人桌我們 淨係可以給我2人桌 那一刻我們認為坐2人枱也沒所謂 反正有足夠的空間，但最不能接受的是那員工的態度 因為看不清楚她帶我們到那張枱 亦很好態度又問她一次是坐那一張枱，然後她繼續用惡劣的語氣說：「你要禁2人枱既飛，咪比反張2人枱你」這位員工沒有體諒到客人的需求 作為客人到呢到消費 我唔希望要受反氣轉頭 比錢買難受 經過這個經歷 對這間餐廳嚴重失望

這間薩莉亞，位於屯門屋村的商場，不知怎麼，這間分店總是人流比較少。明明其他區的薩莉亞，都有很多人在外面排隊🤔，這家卻永遠沒人排隊，可以長驅直進。見到餐牌上面有一個以往沒有見過的粗管麵，就點了一試。想不到，相片不少，實物來到的時候，感覺這個粗管麵，只有幾十片，分量相當少，幾個人就分得幾條一樣。還是點個肉醬多莉亞比較穩陣，因為肉醬多莉亞，你一向也知道它的份量不算太多，就是一個細細的盆，薄薄的一層飯，而這次，多了一隻溫泉蛋，相信是新的吧，因為我之前來薩莉亞也沒有看過😯溫泉蛋肉醬多莉亞。肉醬仍然多，飯都算太多，加了流心蛋，就更加容易撈飯。餐廳不算太多人，加上薩莉亞餐廳有任飲的安排，其實，閑來坐下聊天幾小時也可以。

突然間好想食薩利亞嘅辣雞翼，咁就去左食晚餐。本來諗住食青醬邦哥尼意粉，但見到餐牌竟然無左，咁就叫左個新出嘅黑松露野菌意粉，有驚喜，好香黑松露味，配撘菇類真係好好味，下次要再食。雞翼辣辣地好惹味，要趁熱食。魷魚大大隻，無咩味道，要配搭埋醬汁一齊食。雞肉粗管粉，雞肉細細粒，芝士多好濃味。烤焗香腸有肉汁，熱辣辣，好好味。我本身唔係點食菜，但呢到d沙律菜新鮮，沙律醬好好味，煙三文魚份量多，我都食左半碟。周打海鮮湯都幾好飲。

今日食薩莉亞，真係超平，29蚊平時食個大排檔雲吞麵都唔得，去呢間嘢，你揸住29蚊可以叫個「水牛芝士pizza」，29蚊你可以叫「野菌忌廉意大利飯」，29蚊你可以叫個「番茄煙肉意粉」，10蚊你仲可以飲個「周打魚海鮮湯」👍👍最欣賞係「水牛芝士pizza」，味道唔會太濃，皮唔會太厚，份量啱啱好，一人兩件食晒，好過食pizza食到好似食緊麵包皮咁，最終都係浪費，「周打海鮮湯」材料十足，唔會好似水稀稀咁，乜味都冇，而意大飯係我平時最鍾意嘅，29蚊食倒，已經好滿足，仲想對佢有咩要求？

薩利亞，對於年青一代，又或者其實本港市民都不會太陌生，本來打算運動前來喝個早茶，想不到屯門居民，對於酒樓更加熱愛，酒樓大排長龍，反而薩利亞可以長驅直進。四五友人來最好，看著餐廳猶如放題一樣點餐😂大份的友人吃很少🤔先點了幾道，洋蔥蒜蓉雞扒，雞扒不算雪味很濃，蒜蓉洋蔥將雞扒味道完全覆蓋，夠香又夠臭😏後來點了這一個鴨腿，味道也有點兒咸香，向來只聽過鴨腿湯飯，沒有見過鐵板上面放鴨腿，味道香濃。鐵板羊架，奇怪的是，我們的羊架不知道為什麼竟然有五隻，餐牌上好像只有兩隻和四隻兩種類別，難道是看見吾等共有五個朋友，因此免費多付一隻？味道有點兒羶，羊羶味不是個個都接受得來，但是我卻覺得香味濃郁。煎雞翼味道也不錯，少少辣，非常之開胃。雖然不是鐵板上，放在碟子上，但剛剛煎出來還是溫度夠熱，不知不覺我也吃了兩三隻。墨魚汁意粉太黑髒，沒吃；另外的煙三文魚意粉，有點菠菜，惟意粉還是比較咸。這個鐵板漢堡板好像比較鬆散，吃了一小塊後經已不見了。肉醬多梨亞還是最美味之作，肉醬及奶白汁將飯焗起，每顆飯都大約被肉醬及汁圍繞，美味熱燙。門口阿姐有時很惡，有時卻很盞鬼。

天氣好，當然要同陽光玩遊戲啦，下午約上一班年青人去屯門行山，便於餐廳先填飽個肚先。來到餐廳時剛好12:00左右，人流未算多，自行進入找位坐便可。同年輕人食飯，選擇唔算多，一係麥記，二係呢度，當然後者係容易有位坐，又唔駛赶住食，最緊要同大家可以吹吹水，分享生活趣味，學校奇事等。。。下單等左約5分鐘，先上枱既係蒜香法包，已經差唔多次次都會叫，因為法包軟度適中，表層塗上薄薄一層蒜粒，味道恰好，而且蒜香味不會搶奪了麵包原味，唔錯哦！之前食過芝士法包，個人都係鍾意前者多d。其後上枱既係肉醬多利亞，呢款都係最近愛上的，表層有厚厚蕃茄蓉，肉粒及洋蔥粒，肉質軟熟適中，中間有奶油，酸微微，底層是飯粒，混合一齊食，酸酸甜甜，好開胃，醒神。今次略微味道上淡了一點，加上芝士粉，配搭剛好。一餐飯不只是享受，填飽肚子，而是能陪伴一班年青人，同佢地分享，已覺滿足！

為甚麼薩莉亞那麼多分店都不去，小人由灣仔老遠到屯門吃意大利菜？為的是相就大部份在附近居住的飯腳，沒所謂啦。一名飯腳二話不說，率先點了挪威煙三文魚。實實在在的三文魚就是如此的砌成一個五角形，果然軟綿柔滑，滿是燻香。雞翼亦不遑多讓，肉質細嫩，辣度不會過份，一人吃兩隻不是難事。脆香雞球則較乾，一客只得6粒，是用來攝牙縫的。很重黑椒味的焗蜆，蜆肉是爽的，但蜆味已被黑椒味完全掩蓋了。再來者也是黑椒牛扒，莫論幾成熟，總之肉不靭，啖啖黑椒汁，夠惹味。整餐最愛的乃海鮮意粉，海鮮爽致清新，意粉十分彈滑，不會膩口。鍾情的意粉或小食都有驚喜，飯腳的好介紹。

這間客人多為家庭為主，不同荃灣街客比較多，吃時比較不吵，這餐廳不收加一，待應算有禮跟勤快，會主動收碟，是日人手比較不足，結帳時看到店員送餐後急忙趕過來。點餐需按牆上的鍵，埋單則自行出去櫃檯結帳。甜蝦沙律 $24蝦是發過的蝦，沒什麼彈性，菜算新鮮不老，醬汁比較多，味道跟千島醬差不多再酸一點點，份量適中。中華沙律 $9  就是海草，價錢尚可，酸甜的吃素人仕也能吃。挪威煙三文魚 ＄24份量蠻多，大圍下抵食前菜之選，照片色偏黃，實色比較粉嫩。栗米忌廉湯 $10味道跟某菲律賓的栗米波類似，也像日本自動販賣機的栗米湯，一小罐一百日元不止，現在＄10便宜大碗，儘管不是鮮栗米製，但值回票價。周打海鮮湯 $10蜆肉跟海鮮不算多，但總算能見到，偏稀身味道不過不失但比薄餅店好。蒜汁魷魚筒 ＄24跟日式店吃差的就是那點炭香，鐵板不熱始終沒有灑汁後煙霧爆發驚喜的感覺，味道還是可以的肉質不會太韌。菠蘿煙肉薄餅  ＄29SIZE比一人份大一些，餅底是超市即用餅底，沒有麵粉香，也不脆口，兒童會喜歡的口味。水牛芝士薄餅 ＄29看上去不錯，芝士算多略欠香氣，餅底不脆仍然是硬傷。墨汁意粉 ＄32日式包裝意粉的味道，算是有保

自從有左呢間餐廳後, 一個人突然想食西餐都可以有選擇, 今晚放工諗起佢既中華沙律就一於食返個, 大量沙律菜墊底, 面頭係我至愛中華沙律, 淋上千島汁, 配以小量車厘茄, 夠晒凍, 作為前菜都好唔錯!小食點了鷄翼4隻, 熱辣辣再加辣椒仔汁一齊食, 夠晒惹味, 好快被我KO!當然要食埋個主菜, 差不多每次都必叫既卡邦拿意粉, 份量唔會將貨就價, 意粉質地有咬口, 個醬汁味道奶味中帶點甜味, 但因洒上黑胡椒粒又有少少香辣味, 每條意粉都可沾滿醬汁, 好味道! 一d 都唔輸蝕得過其他西餐廳！分店愈開愈多, 上菜速度夠快, 價錢親民又唔收加一服務費， 難怪每次門口都出現等位人龍!

薩利亞食慣食熟，父親節唔想上酒樓所以又去食，一行5人去到薩利亞，門口已經人山人海，等了11張檯！足足半小時，間舖好忙，等好耐先有人來落order。我們先點:-野菌忌廉意粉,普普通通, -墨汁意粉,加入洋蔥粒同炒好香!-雞肉多利亞飯, 雞肉芝士焗飯芝士很香好好味!-水牛芝士pizza十分煙韌, 裡面沒有其他配料,這樣更可吃出原汁原味。-帕馬火腿pizza, 平時我們會叫2個水牛芝士pizza, 今次因早排在其他食店吃過帕馬火腿pizza,覺得很好吃, 所以改了1個為帕馬火腿pizza, 但家人都覺得麻麻, 可能全家人都不喜歡吃火腿等醃製食物吧!-黑椒牛扒都算多汁!吃得七七八八，但因份量太少, 我們通常都要叫多一round, 我們叫了鐵板蜆肉和2個意粉:野菌肉醬意粉和蜆肉意粉, 這裡的意粉不會太港式, 太稔, 所以都OK總括而言薩利亞味道好, 又精美, 細細碟可以多試幾款, 埋單$307！