Video
Opening Hours
Today
11:00 - 22:00
Mon - Sun
11:00 - 22:00
*Last Order: 21:30
Above information is for reference only. Please check details with the restaurant.
薩莉亞唔使多講，相信好多朋友都食過，親民嘅價錢，款式又多，飲品款式亦多，甜品又多，有時夜晚都幾旺場，通常去到薩莉亞，無論係下午茶定正餐都好，我一定會點佢嘅雞翼，個皮好脆真係好正，醃得好入味，淨係講個顏色已經好靚，只係差在食四隻定八隻，另外每次嚟到都會有一個選擇意粉困難症，鍾意食嘅意粉實在太多，個人偏愛，簡簡單單嘅肉醬意粉，呢度嘅意粉口感非常好，肉汁足夠，真係帶個白飯嚟送飯都仲得，餐湯都好飲，都落足料，整體嘅份量都對得住個價錢，如果兩三個朋友嚟食，仲可以叫好多個餸share嚟食，一個三五知己聚餐嘅好地方
continue reading
呢間我同屋企人成日去嘅平民意式餐廳。環境幾大下，人流超多，所以要預先早去拿位。價格比起其他餐廳係非常低，而呢個都係佢嘅吸引之處。起16/01嘅時候走左去，除左其他舊品外，我地都叫左佢新品，包括炸魚柳，豬肋骨，蝦海鮮意粉等。食物的確唔錯，尤其是豬肋骨彈牙易脫骨。總體而言，食物起預製菜來講係唔錯，尤其是價格的確幾低下，非常吸引。推薦同親友起唔想食太貴嘅時候去食。
continue reading
去到香港仔薩莉亞，平時好多學生排隊，而家暑假就少啲，入去輕食一個午餐。小食叫咗羊肉串，焗田螺，煙肉菠菜，主菜叫咗漢堡扒拼腸仔，同香辣蜆肉意粉。每人加$13非酒精飲品任飲。羊肉串：用鐵板上幾有誠意，羊肉亦醃得唔錯，每吋都係肥瘦相間，幾香口。煙肉菠菜：鹹咗少少但整體都係幾好。蒜蓉焗田螺：配埋focaccia，索曬啲蒜蓉牛油，好正！黑椒漢堡扒配意式腸：呢個就一般，薯仔好乾，黑椒汁黑椒味唔夠濃。香辣蜆肉意粉：呢個處理得好好，意粉真係al dente！整體感覺非常好，場地衛生，有闊落，食品價格合理，兩個人食咁多嘢$188~
continue reading
以下係我為您撰寫嘅薩莉亞食評:**薩莉亞 - 墨魚意粉係挚愛之選，新推出Pizza同樣出色**最近我再次造訪咗我最鍾意嘅餐廳 - 薩莉亞。作為一名忠實嘅顧客,我必須講呢度嘅墨魚意粉仍然係我嘅心頭好。濃郁醇厚嘅墨汁配上彈牙嘅意粉,簡直係人間美味。唔過呢次我都想試吓佢哋新推出嘅Pizza,結果都冇令我失望。Pizza餅底薄脆,邊角微焦,散發誘人嘅奶香。芝士鋪得好厚實,入口即溶,非常滿足。最令我驚喜嘅係配料相當豐富,每一口都可以品嚐到唔同嘅食材,口感層次鮮明。此外,佢哋嘅炸雞球都好好食,外皮酥脆,入面肉質嫩滑多汁。如果唔好出去食,你都可以買佢哋嘅即食凍餐品帶返屋企加熱食用。總括嚟講,薩莉亞仍然係我嘅餐單top選擇。唔論係佢哋經典嘅拿手好菜,定係新推出嘅創新美食,都堪稱上品。強烈推薦俾大家!
continue reading
次次嚟呢度都會叫好多嘢食，因為所有嘢食都好便宜。食物不算太多，但個人認為ok。因為可以叫多啲種類嘅餸菜。今次要了煙肉🥓菠菜和芝士蘆筍。朋友次次都會揀沙律，叫大蝦沙律🥗和芝士橄欖。法國田螺充滿蒜蓉味，三重芝士薄餅唔會太大份啱啱好夠分🍕。咁啱姨姨話見到人哋隔離食啫喱，我就知道佢講緊士多啤梨蛋糕，所以亦都叫咗一份俾佢食。可惜佢嫌太凍啦，因為呢度啲蛋糕由雪櫃攞出嚟。佢食咗一啖就冇再食啦，亦都叫咗一個Tiramisu蛋糕。要咗個煮蜆同埋煎三文魚Auntie都話OK今次佢就一次試呢一間餐廳。價錢都係好平，可以叫好多嘢食☺️☺️
continue reading