11
4
2
1-min walk from Exit D, Tung Chung MTR Station
continue reading
Opening Hours
Mon - Fri
06:30 - 22:00
Sat - Sun
06:30 - 21:30
Public Holiday
06:30 - 21:30
Above information is for reference only. Please check details with the restaurant.
姨媽生日，最開心就係有蛋糕🎂食！另一位姨媽喺聖安娜買咗個黑森林大蛋糕。講真聖安娜從來都唔係我嘅首選，所以食之前都無乜期望，但相信朱古力蛋糕都應該唔會令人太失望嘅。因為有啲難切，我哋決定先食晒上面啲生果先，生果質素都真心有點差。除咗罐頭蜜桃同菠蘿之外，其他都唔好食。蜜瓜好硬好乾，淡而無味。奇異果都係又硬又乾，無乜果汁同埋都幾酸。士多啤梨同藍莓我就無試，但佢哋都話酸。之後食蛋糕🍰部分，咦！好味喎！蛋糕好鬆軟，朱古力味都幾香亦唔會太甜，啲忌廉都好滑，特別鍾意中間一粒一粒嘅啫喱同脆米花，令到成個蛋糕嘅質感好QQ。大家都表示欣賞。所以整體來說都算唔錯，係啲生果出事，希望公司能改善一下。
continue reading
沖繩紫薯麻糬包淺紫色花型造型🌸軟歐包咬落鬆軟紫薯餡唔會過甜食到天然紫薯味💕但份量略嫌較少🙈麻糬則有一大舊軟糯 微微煙靭整體味道較淡係一個飽肚健康之選👍🏻
continue reading
又係散水餅嘅時間，今次同事買聖安娜餅店，講真我已很多年無食過呢間餅店嘅產品，紫色+彩色花花紙盒很老土，入面係最普通最基本嘅切餅西餅，首先講賣相真的比較樸素，仍然是小時候的簡單賣相，一點都不精緻，我選了朱古力味，攞上手已經扣分是——很輕，是無重量感嘅輕，很假，很像攞住發泡膠嗰種輕，蛋糕🍰與忌廉相間，但蛋糕很輕，咬落是彈，但質感很怪，都係咬發泡膠盒的感覺（我無食過發泡膠，但按壓感覺是平時發泡膠外賣盒嘅感覺）忌廉又係很輕，無忌廉嘅「軟滑」而最重要係整塊西餅明明深朱古力色，但蛋糕/忌廉+灑上面嘅朱古力碎，都無朱古力味道，食完會懷疑自己食咗塊道具蛋糕！更肯定個人選擇唔會去幫襯（浪費配額食呢塊蛋糕）很失望的一塊西餅
continue reading
又到榴槤當造季節，有日見到聖安娜推出榴槤蛋糕🎂，作為榴槤控的我當然要買黎試試🍴今期推出左兩款榴槤蛋糕🎂，用上馬來西亞🇲🇾直送D24榴槤肉。屋企人數不多，買左個D24榴槤金裝迷你蛋糕就可以了。記得用會員卡，慳28蚊💕原價：178 元折扣後：150 元很喜歡聖安娜餅店的環保♻️蛋糕盒，蛋糕🎂盒可自行摺疊做碟同叉，不用清洗，對懶人黎講一流。因為係榴槤蛋糕🍰也很窩心提供太空罩比你罩住個蛋糕🍰，咁就吾洗驚「臭」親人同好好保存。以精美榴槤造型示人，幾何亂真，用上大量忌廉，入口有點油膩，空氣感重。配上啖啖馬來西亞🇲🇾榴槤肉，好香濃，海棉蛋糕比榴槤蓋住了，加左朱古力脆脆增加口感，不錯，加埋底部用上牛油餅低，牛油🧈香。整體來講：可以一試，榴槤肉齒夾留香，唯一不足之處是忌廉太多會好油膩。
continue reading
訂了一個生日蛋糕，需要提早數天訂的。不是櫥窗內可以看見的款式，剛好在他們的會員app內看見，用了生日優惠，十分抵。蛋糕味道一般，個樣子十分適合用作打卡，算不錯了
continue reading