29
11
3
4-min walk from Exit A2, Tin Hau MTR Station
continue reading
Telephone
26177135
Opening Hours
Today
08:00 - 22:00
Mon - Sun
08:00 - 22:00
Above information is for reference only. Please check details with the restaurant.
Recommended Dishes
今日30-9-2023(Sat)追月,同老公帶亞姨出銅鑼灣行,由於未食晏,老公上網搵嘢食,搵到呢間,亞姨未食過越南嘢,就嚟食吓啦.我哋嚟到,店員叫我哋坐最入面,最入面剩返一張正常枱同bar枱,bar枱夠長,咁我哋坐低啦,點知原來得兩張高凳,我老公就要企喺喥,其實重有一張方枱,只要另一張枱嘅客人坐去通道位,我哋3個就可坐嗰張枱;又或者,我𠲖o家至諗到,就係索性將張枱拉到bar枱位下面,咁就3個都有得坐,呢方面,店員唔係咁識做.我哋睇menu研究,店員就嚟咗兩次問要咩嘢,唔使咁急啩.最後我哋要咗:2. $42.00嘅鮮蝦紙米卷呢個好快到嚟,每件都有一隻大蝦,食落,香草味都幾濃,大蝦爽口,蘸附上嘅醬汁幾好味,因為米粉冇乜味.味道:3分4. $32.00嘅Latte老公飲嘅,冇問佢覺得點.3. $78.00嘅越南餐肉蒸米糕端上嚟時,店員叫我小心熱,撩開撈埋啲嘢食,覺得似腸粉.係咪可以叫做越南腸粉?呢個本身味道唔太濃,加上魚露幾好味.味道:4分1. $38.00嘅酥皮免治豬肉批呢個都幾耐到,酥皮脆,味道同樣唔算好濃.味道:5分5. $48.00嘅椰子水感覺呢個應該好快到,但唔係,我重以為漏單,原來係成個椰青,可能因為雪到結冰,所以佢要開好耐.呢個正常清甜冇問題.6. $78.00嘅三文治由於老公覺得可以叫多樣,喺同樣$78.00嘅番茄蟹肉湯麵同呢個揀,亞姨揀咗呢個,同埋有豬肉,香茅雞肉同素食揀,亞姨揀咗素食.上到嚟,店員話幫我哋切成三件,真好.我哋分好食得,最突出係芫茜味,食到素肉時,食到咖哩味,幾好食,個法包又烘我夠脆,我哋都讚呢個好食.味道:5分抵食係 2.5 分
continue reading
🚩正宗風味 難得一遇的越南菜🚩📍 星越曾經留在美國一陣子,發現那裡的越南菜非常美味,回港很一直難以找到那個味道。最近天后就冒起一間越南菜小店,不要只看門面以為是普通餐廳,可能因為好評如潮,我去那天也足足等了二十分鐘。🍴蕃茄蟹肉湯麵 ($78)先講湯底,蕃茄味十分香濃,淡淡的蟹肉味不會喧賓奪主,同時又令人嘗到蟹的鮮味,兩者調和相當不錯。另外檬粉亦口感一流,軟硬適中,亦盡收茄湯精華。最令人意想不到的絕對是餸,在平常的越南粉是非常少見豬紅和類似獅子頭的肉球。不過出乎意料地跟湯底頗夾,亦給人新鮮特別的體驗。🍴越南咖啡 ($38)提到越南,一定會想起咖啡。這裡有基本款咖啡出售,例如 Latte, Americano,但亦有不常見的越南咖啡。所謂越南咖啡,主要分別就是用上煉奶,所以整體上會比其他咖啡甜。雖然真的很邪惡,但煉奶的甜中和了咖啡的苦,有順滑易入口的口感。個人認為必試。若你在天后附近,又想不到吃甚麼,記得要試試。
continue reading
唔好睇我係食博,但我次次食野都要嚟份真心話。嗰日行過間唔算太大的店,心諗,試吓佢啲越式法包啦!揀咗個香茅雞肉越式法包(Lemongrass Chicken Bahn Mi),我就中意咁解!😋 開始咬落去,嗰啲脆卜卜法包皮,同入面嫩滑多汁嘅雞肉巧妙結合,啖啖肉香茅味勁突,真係正!個包夠晒層次感,有甘荀絲,有青瓜,食落爽口得嚟唔會膩。另外,治本啲,我又試咗蕃茄蟹肉湯底(Tomato & Crab Bun Rieu)。湯底嘅蟹味真係攞嚟講嘅,鮮味滿分!啲豆腐又滑,啲蕃茄又鮮,就係啲蟹肉似乎有啲躲貓貓。🦀 不過質素上算係過得去,食一碗下嚥,窩心!攞事實嚟講,店員服務就真係加分不少,親切得黎又唔會過分煩擾,我啲食物體驗可以用「舒服」兩個字嚟形容。🌟 想搵個地方,食完心情又好,肚又圓,呢間店我敢講一試難忘!
continue reading
舖頭細細 三人主理平日中午撞正放lunch我地黎到咁岩有人走先立即有位😗食飽已經見到五六人係門口等緊餐廳只收現金!!呢part有丁丁唔方便至於質素 岩既 人人口味唔同既🤔我地唔岩食唔等於人地整得唔好食建議大家自己試過先知岩唔岩口味!⍥ 香茅雞肉法包 ❙ $78食越南菜梗係要食banh mi 😌餡料有三款選擇 全蔬菜、豬肉及香茅雞肉 法包😯已經焗到無晒水份所以完全係外脆內脆🤣我本人比較鍾意外脆內軟多啲既內餡有青蔥 醃紅蘿蔔 醃蘿蔔 青瓜及香茅雞食落好似加左少少美極及沙律醬可惜醃製既紅蘿蔔、蘿蔔唔夠酸同爽口存在感好低 雞肉又唔夠香茅🫤慶幸既係由頭到尾都有餸😮💨整體表現相當平庸!!仲要七十幾蚊非常非常唔值丫~~🫨🫨🫨⍥ 蕃茄蟹肉湯檬 ❙ $78好大一碗 非常有溫度有豆卜 豬紅 扎肉 仲有一千零一舊蟹膏😵💫相當矜貴 大量平價生菜芽菜 好似健康左🫣可惜湯檬碎濕濕 湯底又無咩味係咪走緊清淡健康路線?整體😕😕真係好失望⍥ Flat white ❙ $32無拉花既肥威表現正常😬
continue reading
我地下午茶時間去,一行兩個人,坐窗邊位置,食到一半發現左有隻曱甴係台面上面遊走🤢🤢🤮🤢行黎行去仲要不停行近我地d 食物,好驚羅。我老公即刻用紙巾殺死佢,只野仲要不停走黎走去,勁恐怖羅我地就叫左個店員過黎睇,佢過到黎就只係叫我地調位了事,無講d 咩羅。都明外面食野係咁上下,正所謂眼不見為淨,但係你面前走黎走去,點搞呀大家黎到食野要小心睇清楚下先至好食呀即刻無胃口食羅🤢🤢🤢🤢,我地俾左錢就
continue reading