Sai Yat Cafe

老婆話約咗朋友食飯，既然是夜無飯開，要食自己，當然「嗱嗱淋」趁機約啲老友出嚟短聚吓，食餐飯，傾吓偈。地點無所謂，茶記就最無負擔架喇，一來平靚正，二來啱我哋啲麻甩佬。踏入餐廳，一室以湖水藍為主調，樓底亦較高，以茶記而言，空間感很好，加上地方企理，夠光猛。話就話香港經濟唔好，但唔喺講笑，接近坐滿，聽到店員跟顧客啲對話，就知街坊多。基本茶記設定，枱面放咗啲調味包，枱側枱桶就放滿餐具，排列整齊。講到食物，茶記勁就勁在乜都有，由鐵板精選，到常餐、蔥油系列、日式蛋包飯、世一金牌炸雞、西式碟頭、秘製馬來咖喱、皇牌焗飯、意國風情、健康蒸選、鮮魚湯泡飯、小食，以及各款飲品。晌門口仲見到有啲二人小菜套餐、二人蒸餸套餐，定價亦好實惠。羅宋湯啲套餐寫明奉送基本熱飲，不過，落單無耐，店員就奉上例湯，真有心，雖然無得揀，喺羅宋湯，但我哋都啱飲，而且，味道夠濃，酸香醒胃，裡面又多料喎，真唔錯。豉汁蒸倉魚 $70老友向來食嘢比較健康，所以，瞄準晌健康蒸選度揀，餐牌都標明蒸魚需時15分鐘，食好嘢當然等吓無所謂。揀豉汁就特別惹味，條倉魚好大條，望落去色澤閃閃爧，食落去真喺蒸得啱啱好，啲肉無黐骨，而且，肉質挺身而嫩滑，又好有魚嘅鮮甜味，當然啲豉汁都好正，撈飯真喺無得輸。梅柚子梳打 +$9老友話想試特別少少，就揀咗呢一杯梳打，有相你睇，真喺落咗好多柚子蜜，所以，佢話入口已好有柚子香，口感清爽，再將粒話梅篤爛去，再入口帶點酸咪咪嘅感覺，多添加一份酸香感，佢更建議食鐵板餐配呢個一流。花膠三黃雞魚湯泡飯 $62肥隔離枱啲鐵板餐咋咋聲，都想試試店家嘅鐵板餐，不過，顧及老友，我都揀咗個幾健康嘅鮮魚湯泡飯。雖然話泡飯，但上菜時喺湯飯分開上，所以，小弟倒大半碗飯落湯，小半碗就撈豉汁食。講番個泡飯，啲雞真喺幾滑，以為份量唔多，卻喺越食越有咁，個人而言，花膠都OK，再炆腍身啲就更好，且有很多菇菌，而魚湯滲入少少雞油，就更加正，伴上飯，真喺好味。紅豆冰 +$9朝早早餐飲咗咖啡，晏晝午飯整咗杯奶茶，夜晚就節制少少，改試紅豆冰，因為見佢加$9都唔喺貴。杯紅豆冰一睇就知有非常多紅豆，而且，煮得又綿，味道好清甜，撈勻啲奶水，好飲又好食。雖然兩個人試嘅嘢唔多，但都食到有質素，招呼又唔錯，地方企理，食茶記好就好在又無加一，所以，真喺值得翻兜。…查看更多

又嚟食世一冰室，雞就係一定要叫上次叫咗湯飯， 今次就叫其他好食嘅餐廳就真係座無虛席，等咗一陣先有位今日大家都好肚餓，所以就叫足一隻雞未有雞食住，就先嚟一個羅宋湯，係好有驚喜，好好味，好濃世一金牌炸雞雖然叫全隻雞，但佢都分開兩邊一嚟到香噴噴，就好想一手拎上手嚟食。不過要留意，真係、真係、真係好熱、好熱、好熱，要冷靜一下攤一攤先呢隻雞外皮炸得金黃香脆，一咬就會微微脆響，雞肉好入味帶微微的淮鹽香，雖然另外再配有啲淮鹽，但係已經唔需要再點，好夠味內裡肉質保持多汁嫩滑，我覺得好食過上次，雞胸都滑，脆皮嫩肉，好鍾意呢種炸雞，唔會有厚厚嘅炸皮，雞皮都覺得係香口惹味。炸雞仲配兩個配菜，可以揀意粉飯薯菜沙律。 因為我哋另外仲有一個肉醬意粉，所以就揀咗沙律同埋炸薯角今次係芝士肉醬焗意粉，肉醬味道濃郁帶點香甜，芝士勁厚又拉絲，每啖都好滿足。貪得意叫咗一份小食吉列豬扒，外皮炸得夠脆，肉質保持嫩滑落單時問了一下，竟然真喺有浸菜，仲要魚湯浸菜只係19蚊抵食食咗咁多肉，加一個菜心，成個人都覺得舒服咗好多價錢唔係貴，有一種大快朵頤的感覺環境方面，餐廳光線明亮，座位舒適，侍應態度友善，落單迅速，整體用餐體驗舒服愉快。…查看更多

今日去長沙灣試左呢間特色茶餐廳 - 世一冰室。坐低無耐就送左兩個羅宋湯俾我哋飲，好足料。半隻世一金牌炸雞配茄汁意粉 （$78）呢份炸雞絕對係世一冰室嘅名物，見到差不多枱枱都有order嚟食。雞係用左新鮮三黃雞，食得出比出面炸雞嘅雞味係濃得多，而呢度炸雞做法亦都似酒樓啲炸子雞，所以唔會食到好厚嘅炸粉外皮，而係炸到薄脆嘅雞皮，同時雞肉仲可以保留肉汁，就算唔係脾位肉質都好嫩滑。另外，呢份炸雞係跟埋泰式辣醬同淮鹽一齊上枱，夾埋嚟食味道更有層次。土魷蒸肉餅配白飯 （$56）肉餅即叫即蒸，上枱見到超大塊直頭大過隻碟，肉餅本身夠厚實，但食落又唔會覺得蒸得過火，主角土魷就舖到成塊肉餅面都有，加埋個豉油撈飯食剛剛好 。魚湯時蔬 （$19）今次揀左食菜芯，浸喺鮮魚湯入面咁食可以平衡番呢餐其他餸嘅油膩。紅豆冰 跟餐（$9）蜂蜜百香果 跟餐（$9）呢度跟餐叫特飲都只係加$9，都幾抵，紅豆冰唔算太甜，紅豆份量多，而且煮得夠淋，另外蜂蜜百香果亦夠清新，甜甜酸酸，非常開胃。…查看更多

今日同朋友行完街睇完戲有d肚餓，便來了這間餐廳吃晚餐。價錢非常經濟實惠。蔥油雞排雙蛋飯（$55）：雞排外酥內嫩，搭配雞肉的鮮嫩味道，讓人每一口都非常滿足。雙蛋的加入，使得口感更加豐富。蔥的香氣與雞排的香味交織，讓整道菜品更有層次感。而雞排的調恰到好處，充滿著誘人的鹹香，搭配米飯一同享用，是平衡口味的絕佳選擇。牛肝菌意粉配原塊板燒雞排（$65）：牛肝菌意粉配原塊板燒雞排是一道令人垂涎的美食。牛肝菌的獨特香氣與意粉的Q彈口感相結合，帶來了豐富的味覺享受。而原塊板燒雞排的外皮焦香，肉質鮮嫩，充分保留了雞肉的原汁原味，搭配牛肝菌意粉的香濃醬汁，更是美味無比。魚湯時蔬（$19）：新鮮時令蔬菜🥬幾鮮甜，不錯。湯頭清甜，喝上一口讓人感到暖心。香脆吉列魚柳（$38）：每一口都能感受到外皮的酥脆與魚肉的嫩滑相結合，口感層次分明。魚柳的肉質通常非常鮮嫩，不會有過於油膩的感覺，讓人一口接一口，停不下來。…查看更多

今晚我去咗長沙灣一間出名嘅茶餐廳，聽聞佢哋嘅燒雞特別好味，於是約埋朋友一齊去試下！今次我哋叫咗一隻燒雞，外加兩杯飲品，仲配咗意粉同薯角，另外再叫咗一份蠔仔肉碎泡飯，真係食到好滿足！一入到呢間茶餐廳，環境幾熱鬧，充滿了地道香港特色，裝修樸實無華，但卻有種親切感。座位唔算太多，但排隊也唔需要等太耐，服務員態度都幾好，落單時快手快腳，仲會主動問你需要咩，真係幾有心。首先上嚟嘅燒雞，呢隻燒雞真係好正！外皮金黃酥脆，咬下去嘅時候聲音清脆，肉質滑嫩，味道香濃。雞肉有一股焦香味，搭配上店家特製嘅醬汁，真係令人一試成主顧。每一口都係滿滿嘅肉汁，完全冇油膩感！配菜方面，我哋選咗意粉同薯角。意粉煮得啱啱好，軟硬適中，搭配上少少醬汁，味道清淡，正好中和咁重口味嘅燒雞。而薯角就更加唔錯，外脆內軟，味道香濃，搭配上少許番茄醬，真係好味！再嚟就係我哋叫嘅蠔仔肉碎泡飯，呢碗飯真係好驚喜！蠔仔新鮮，肉碎味道入味，搭配上熱騰騰嘅米飯，整體口感滑順而且唔會太鹹。湯底清甜，飲落去好舒服，特別適合呢個季節，真係一碗暖心飯！飲品方面，我哋叫咗一杯凍檸茶同一杯特飲，話梅特飲。凍檸茶清新解膩，檸檬味道酸酸甜甜，飲落去真係好過癮。至於話梅特飲就更加特別，味道香甜，帶有少少話梅嘅酸味，飲下去真係令人心情愉快，仲有啲清新感，真係一個好選擇！呢間長沙灣嘅茶餐廳真係一個值得推介嘅地方，燒雞味道正宗，環境舒適，服務周到。無論係燒雞、配菜定蠔仔肉碎泡飯都好好味，價錢亦算合理！…查看更多