料理番之銀次 (Closed)

今日經過屯門，突然想起之前商場送了$100現金券到指定餐廳用餐，碰巧未吃午餐，我就去了試試這間餐廳。進入餐廳前，在門口看了一下，想不到今天假日都有午市套餐可以點，使我感覺不錯，而套餐包了主食外，也包了餐湯及飲品。最先上的是凍奶茶，不過飲落味道怪怪的，果然在日本餐廳不應該叫凍奶茶等了一會兒，主菜終於上了，我點了一個海膽汁燒蠔定食，但海膽汁比較濃，覆蓋了炸蠔的味道，其他前菜跟沙津就一般。不過餐廳環境算不錯。

叫左個假日二人餐，由18:30入泥，一開始上刺身/沙律，上餐速度冇問題，之後差個軟腳蟹、烏冬同銀次豆腐鍋，等左45分鐘都冇，分別每隔15分鐘問左3個唔同樓面，個個都話幫你跟單，之後見住啲樓面聽完我講企番個接待位係度，完全冇幫我跟單。完全心淡，直至有個經理出泥，我再問個經理佢都話幫我跟，但冇任何完全冇表示任何歉意，之後泥左個軟腳蟹，之後等半個鐘又冇其他野上。。。之後同樓面講賣單，之後問個樓面點解咁耐，佢話廚房得一個人，呢個理由咁都得？咁我落單時候直接同我講啦。。

叫了個二人餐原本看到餐牌還心想會不會不夠吃打算吃完這個還再加叫其他食品但是當上菜來到了感覺真的很抵食六百幾元但物超所值說是二人餐但感覺像是三人餐一樣沙律好吃但加了豬肉其實有點奇怪蛋好吃用料足份量十分之足夠以這個價錢來說是很多的味道方面也好吃飯是夠熱的不過豆腐湯就淡了一點魚生正正路路不算突出但不是x鮮那水平炸豬排正爽口的明顯是新鮮炸起來另外個人喜好加飲了支清酒整體而言可以用抵食來說如果情況許可的話下次也會和家人同來

同朋友係V city買完野，行過見到呢間餐廳就試下啦，職員安排我地坐木桶既卡位，有花花咕𠱸同埋坐墊都幾舒服架刺身拼盤2-4人刺身拼盤係廚師發辦，因應當日食材而定問完職員，我都唔係好記得佢講邊幾款刺身🤣黎到勁大份呀！D刺身都好新鮮呢個價錢仲有海膽食👍🏻值回票價炭火燒拼盤6串（汁燒或鹽燒）我揀左汁燒，串燒一上枱勁香有雞軟骨、雞肉串、雞中翼、燒豚肉、青椒仔、冬菇沖繩黑豚炒苦瓜份量都多苦瓜入口回甘黑豚滲透住苦瓜既味道蟹肉厚燒王子推介👍🏻要叫呢個切開勁多蟹肉個蛋整得好滑又唔會太漏食完一件又一件好滿足😋下次再試下其他野食先

今日行過vcity, 又想食日本餐，其實一年前黎食過，當時真係覺得好差，不過又好想食，就比多次機會佢啦，但估唔到現在唔同晒，可以遲d黎食晚餐試下😋海膽汁燒蠔 外脆內軟，仲保留爆汁既感覺豆腐炒野菜份量都算很多，大份鰻魚芝士卷呢個超有驚喜，味道一流。燒蝦見到隔離枱有，好香但menu找唔到，就膽粗粗問店員，原來係黎緊會轉menu會推出，仲要原來係用新鮮蝦燒既，真係ok喎。燒魷魚都係見到隔離枱有，所以都叫埋🤣但覺得蝦好食好多

「夏日炎炎 特別喜歡日本菜 🎌👺」📍料理番之銀次 (Vcity）✨海膽汁燒蠔定食 $118 (7/10) - 第一次試海膽汁，係幾creamy 又濃味，不過略鹹- 燒蠔原來係炸蠔 😅 外皮乾身得濟，但尚可接受，依然保留爆漿口感✨鹽燒油甘魚定食 $118 (7/10) - 原本抱高期望，因為油甘魚魚油非常豐富，但做法 （可能係半煎焗）chur 乾左條魚既油份，食落有點乾柴 🥲 -漬物、沙律、麵豉湯 - 正常-總計：$260 （連加一）P.s. 假日時間同朋友行完商場坐低食飯係唔錯既選擇，坐得耐唔趕客，但食物中規中矩 抵食程度 - 3/5美味程度 - 3/5衛生整潔 - 寬敞舒適 4/5服務態度 - 正常 3/5-

set menus served with lots of sorry looking salads, bland 4pcs pork cartilage +4pcs chicken bones (only good one) but $118!, sliced beef on bland water soup $88, and day old sashimi set $138 (the wasabi has no kick), set drinks cold coffee and tea are no consolation . don't waste your money here. pictures are deceiving- wait til you eat. the japanese grocery below is fresher and tastier at a third of a price.

轉名前都幫襯過好幾次，唔錯架今晚去開V City，同埋個心想食日本，所以決定再去，點知食完之後極度後悔，如無意外唔會再返去食7:30入座，3大2小，應該唔算夜，先叫壽司，但好幾款竟然賣哂，包括牡丹蝦，赤貝，最後只係食咗海膽軍艦，油甘魚壽司，帶子壽司，火炙鰈魚邊壽司，質素還可以仲叫咗個吞拿魚醬油漬，但擺碟好似打完風咁，仲要無醬汁嘅…之後叫熱食濃厚雞湯飯 - 送到黎完全唔熱嘅，不過味道還好牛肉壽喜燒 - 牛肉質素比任食火鍋仲要差，壽喜燒湯十分甜燒油甘魚鲛 - 又係唔熱嘅炸芝士年糕 - 上檯後即食，點知呢個仲離譜，個心仲係凍嘅明太子煎蛋捲 - 終於有樣嘢係熱，但完全無蛋味…軟殼蟹天婦羅 - 熱嘅，不過炸過龍，有啲燶咗鰻魚炒飯 - 唯一一個叫做好食嘅熱食同埋服務有待改善，有個後生仔落單，叫一樣野要重覆又重覆佢先寫到，只係落單都落咗10分鐘…Total 食咗$1800左右，底唔底食就見人見智