Video
Telephone
35471991
Opening Hours
Today
11:30 - 23:00
Mon - Sun
11:30 - 23:00
Public Holiday
11:30 - 23:00
*Last Order: 22:30
Above information is for reference only. Please check details with the restaurant.
Recommended Dishes
去開香港仔就想試下呢間一人燒肉。下午茶時段一個人唔使等位。一入座店員就俾左個新gen嘅QR Code, 上面話繁忙時段每人用餐一小時，但我用咗成十分鐘先至決定到食每個星期嘅優惠餐（$78），有雞，豬腩肉，同牛胸肉，包麵豉湯，沙律同一碗飯。我第一次食，擔心得幾片肉，所以追加左個香蔥薑漬牛五花（$49）。等左5分鐘，個送餐機械人就上左我個餐喇。我急不及待即刻燒左個雞肉先，因為雞肉要全熟，之後燒牛胸肉，佢係薄切，中火燒3分鐘都已經有7，8成熟。每個位右邊都有5支調味料，電動黑椒研磨器，電動海鹽研磨器，燒肉醬，辣醬同蒜蓉汁。啲牛本身有少少調味，點椒鹽可以食到牛味多啲，蒜蓉汁就可以解膩。之後就食雞肉，我本身覺得雞肉應該無乜特別嘅，但估唔到有驚喜喎，佢啲雞有調味，而且係雞脾肉，好滑，好彈牙，加上我燒到有少少焦，又有焦香味，好似平時出去食日式雞串燒嘅味道同口感，唔使點醬都好好味。之後再燒追左嘅香蔥薑漬牛五花，佢同牛胸肉都係薄切的，我包住啲蔥花咁燒，但好似唔係好食到蔥味，再用啲牛包住啲飯食，都ok嘅。食過3款之後我開始有啲飽，但原來仲有一款豬腩肉未食，因為啲豬真係好多油份，即使厚身過牛肉，但燒完之後都好薄身，唔似韓國嘅燒豬腩，不過好脆口點返啲蒜蓉汁都幾好食。食完4盤肉，我已經食唔晒成碗飯。。。。其實淨係個星期一特惠餐有3盤肉已經夠一個人食，我以為每款得幾塊先追加，最後食唔晒所有野，覺得自己好浪費整體來講，80蚊唔使就有3款肉食，仲要味道，質素唔差，抵玩
continue reading
呢間RUD餐廳，真係有料到！荷里活呢頭有間RUD餐廳，成日都見到好多人出入，今日終於有機會入去試下。餐廳外觀唔算好誇張，但入面裝修真係好有特色。一入門，就見到色彩繽紛嘅塗鴉牆，充滿潮流感，座位闊落又舒服，暖調嘅燈光令成個環境好有氛圍，好啱同朋友一齊嚟食飯傾偈。今次叫咗牛肋條同牛小排兩個套餐，埋單大約300蚊。先講牛肋條，呢個部位嘅肉好正，帶筋又有肉，脂肪分布均勻，喺業界呢啲叫做「大理石花紋」，呢種紋路嘅肉質，燒烤之後口感特別豐富。烤完之後，外層微微焦香，入面嘅肉軟嫩多汁，咬落去啲筋位又有彈性，肉香四溢，搭配佢哋嘅特制醬料，味道層次更豐富。牛小排亦都唔輸蝕，雪花紋路超靚，脂肪同瘦肉完美融合。燒熟之後，入口即化，肉質細嫩到唔使點咬就滑入喉嚨，牛肉嘅鮮甜喺口腔中爆發，真係好滿足。套餐入面嘅海苔牛肉飯都好有特色，海苔碎嘅鹹香、生雞蛋嘅滑溜同白飯混合，口感獨特。蔬菜沙律酸酸甜甜，好解膩，平衡咗牛肉嘅油膩感。同我之前去過一間主打和牛燒肉嘅日式餐廳相比，嗰間強調牛肉嘅原汁原味，蘸料比較清淡；而RUD餐廳嘅牛肉，喺突出本味嘅同時，醬料味道更濃郁，好啱香港人口味。不過，呢度都有啲小瑕疵。餐廳人氣太旺，服務員有時照顧唔到，加水同埋換烤網都要叫多兩次。而且套餐搭配嘅飲品選擇唔多，唔能夠完全滿足我呢啲飲品愛好者。其實我一直都好鍾意食牛肉，細個時阿爸阿媽成日帶我去食牛肉餐，嗰啲溫暖嘅回憶一直留喺我心入面。RUD餐廳嘅牛肉套餐，雖然有啲小問題，但味道真係唔錯，又勾起咗我好多美好嘅回憶。希望下次嚟呢度，可以有更好嘅體驗，服務可以更周到，飲品選擇可以更多樣啦！
continue reading
今日趁午飯時間來到香港仔食飯，香港仔中心都幾多野食，行左一圈終於搵到燒肉，原因係見佢裝修吾錯，而且環境大吾伯坐到好迫。坐低用手機掃code叫左300g既牛肉，叫之前都覺得吾夠食，來到份量都幾多，有3碟每碟有7塊左右，價錢$98，包左飯，沙律同面豉湯，黎到每個人一個爐自助燒，食幾多燒幾多，生熟程度任由自己決定，我同同行朋友都讚，另外有燒肉醬，檬檬汁，鹽，黑椒粉供客人自己調配，雖然有限時60分鐘要離場，但一般無客人都吾會催你走。呢間燒肉店都多分店，下次會再幫親佢。
continue reading
假日同朋友突然間好想食燒肉，見到呢間嘢幾有特色有燒肉定食！價錢又唔係好貴，即刻試吓。 正值今日係星期二，香蔥薑汁牛五花做緊優惠，呢個肉本身已經醃咗，所以燒起上嚟非常惹味，啖啖肉汁好Juicy。另外亦都叫咗個雞豚之盛盒，雞肉好出色，只要燒果時自己控制岩個熟度，就可以燒到雞肉非常多汁又鮮嫩。豚肉就正正常常不過不失啦。平民價錢一餐食到雞牛豬 值得一試！
continue reading
呢間係我都幾鐘意食嘅烤肉店，價格親民，可以用平民價食烤肉。環境正常乾淨，客人都幾多。當時叫左個200g牛胸腹套餐。肉質鮮美，油脂豐富，令人滿足。非常推薦放工想用少錢享受下烤肉嘅人去食。
continue reading