RUD燒肉 (天耀廣場)

其實啲野食嘅味道係唔錯，碗紫菜飯超大碗，但肉就唔係好多，你見到個價錢，會好自然套餐咁叫，但唯一唔好係等候時間實在太耐，真係耐到有啲懷疑佢有冇落到單果種，有時到左一個人嘅餐，另外嘅人都唔係即刻接住到餐，佢手機落單嘅，個火亦都有得自己調，野飲都多選擇，沙律得菜，好細碗，碗湯都係超細碗，基本上你食完碗飯，如果食得哂嘅話都會好飽，但我要強調返肉真係唔多，抵唔抵食就見仁見智，主要佢開喺天耀商場，附近落黎食嘅人都多。…Read More

係天水圍打完波，約朋友食飯，打開Google map 找到附近天耀商場，體育館行到過去十分鐘左右，入到商場門口見到韓樂同RUD，今日本想來就想食燒肉，所以就揀左佢。睇佢餐牌除左燒肉，還有丼飯，種類好多。正好朋友帶埋仔囡出來，所以點左熟食比佢哋小朋友食先。咖哩玉子配脆炸雞球丼飯，配熱茶。咖哩是日本咖哩，唔辣但有咖哩香味，送飯一流。炸雞球係用另一個碟仔上，啲炸漿依然好脆，唔會因為咖哩汁淋哂。雞肉鮮嫩有肉汁，一個個小球，小朋友可以自己用叉食。半熟玉子鰻魚丼飯， 鰻魚好正，有咬口，加埋鰻魚汁，半熟雞蛋，剛好每一啖都會有餸可以一齊食，非常美味，鰻魚係小朋友至愛。每個餐都有麵豉湯和椰菜沙律， 營養均衡。我地大家就點左一些燒烤分享食。香蔥薑漬牛五花，每一片牛肉上面有蔥花，浸過薑汁，因為油脂比較多，所以燒起上來好惹火。 豚雞之盛合 280G，有兩個盒，岩哂大食嘅我，雞肉是一舊舊，不是像牛肉豬肉一片片的，所以燒起上來要均勻受熱有點麻煩。但俗語話辛苦得來自在食，雞肉燒完之後，啖啖肉，可以保留雞肉嘅肉汁，好好味。豬肉有些是帶軟骨的，灑上少少鹽，味道甚佳。可以將薄薄嘅豬肉包起紫菜蛋飯，一齊食用，又是另外一種層次。牛小排 牛胸腹 200G，兩個唔同部位嘅牛肉，有的多雪花的，有的少脂肪，口感又唔同，簡單灑上少少黑胡椒已經好好食，但係都可以試下佢嗰調味醬汁。燒肉可以點餐時加錢轉紫菜蛋飯/紫菜飯。食燒烤會熱氣，所以我地點左佢特色野飲，即時降温。海鹽柚子梳打，海鹽不會好鹹，柚子清甜，可以降火。洛神花蜜桃乳酸和杧果乳，酸酸酸甜甜的有開胃。小朋友睡醒吵鬧，店員見狀，為佢送上一粒獨立包裝西梅，旁邊的小朋友又吵著要，她又送他一粒。這些都是她自己私人的食物，可見佢無私奉獻，希望其他客人可以有一個安靜嘅用饍環境。雖然冇限時，但係我哋都食左個半鐘，這間RUD午市都很爆場，下次可以再返來食多次。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…Read More

約朋友一家大細過來天水圍聚會午餐，選了這家RUD燒肉，除了燒肉，還有各式丼飯，食物和飲品都很多選擇，性價比也高。咖哩玉子配脆炸雞球丼飯$68，份量很多，小朋友沒這麼大胃口的話，可以點一個餐share食。這裏的咖哩是日式甜咖哩，拌飯吃很香甜，也不怕辣到小朋友。炸雞球香口，小朋友當麥樂雞來吃，很喜歡呢！半熟玉子鰻魚丼飯$78，半熟玉子可拌勻入飯，滑滑的，小朋友也吃得開胃，鰻魚有燒汁，份量也多，味道鹹鹹甜甜很不錯。香蔥薑汁牛五花100 g $78，加紫菜蛋飯$10。有燒肉一人餐，值得一試。這裏的燒肉非常新鮮，有香蔥薑汁灑在牛五花肉上，燒完的牛肉更香，脂肪分佈均勻，咬下有香軟口感，很好吃。這裏的燒汁調味料都是每桌有一份，可以自助加調味。紫菜蛋飯拌勻在珍珠米飯裏，除了紫菜香還有蛋汁的滑溜，整碗飯都吃光。豚雞之盛合280g $98有腩肉和雞腿肉。腩肉因為是切薄片，所以就算有軟骨都可以吃掉，因為油脂豐富，燒完的豚肉非常爽口。牛小排、牛胸腹100g $96。牛胸腹肉質嫩滑，燒到剛熟時候吃，口感最好；牛小排則軟滑多肉汁，吃著有輕微油脂爆出來，是吃得到的新鮮。我選擇加紫菜飯$6，不要蛋，紫菜多得鋪滿飯碗，味道夠鹹香，又有芝麻味，吃珍珠米飯都已經很好吃。吃燒肉，想喝點凍飲解膩，見到有梳打和乳酸飲品，都是$22一瓶，也點了不同口味來試試。海鹽柚子梳打，微微鹹味配柚子清甜味的氣泡飲品，吃過燒肉後喝一口，很清爽。洛神花蜜桃乳酸，蜜桃香甜味配乳酸味道很夾，洛神花味道微酸得來清新，整個飲料很醒神。杧果乳酸，芒果味頗突出的，有熱帶夏日氣息，酸甜到剛好，在火爐邊吃烤肉再來水果味乳酸，真的不錯。埋單$511，有燒肉又有丼飯，吃得又飽又滿足，最重要是小朋友都適合吃，當親子活動都很好。…Read More

琴日晏晝我諗住同個女食完飯就番學，12：43入座，當時只有兩枱人，一枱係我同個女，一枱係一個媽媽同仔仔，我坐低之後用手機落咗單，1支汽水，1份日式咖喱炸雞飯，隔左5分鐘左右，另一枱已經有野食，等到13：10，我見個女汽水都飲完，等咗咁耐，所以我就問下侍應，睇下會唔會係甩單，佢就覆我丼飯係要啲時間，要煮所以要耐啲，當下心諗半個鐘啦，仲唔夠耐咩（張單上面表明由於時段煩忙，客人60分鐘用膳時間），個下真係嬲嬲地，不過就算點都好我知唔關侍應事，所以又等多一陣，等到13：20左右，我再問到未，心諗再唔到就唔要直接走，侍應就覆我炸緊雞球，就出得，隔咗2分鐘左右就見侍應拎緊份炸雞餐向我呢個方向，另一個侍應突然大聲講份餐比左43號枱先（43號枱係我張枱），我聽到呢句個時，心諗佢呢種講法好奇怪，好似份餐本身唔係出畀我，總之成餐飯畀我嘅感覺就係好差，我諗唔會再係呢間餐廳度食丼飯，我都唔建議喺呢間餐廳度食丼飯…Read More

天耀的相同鋪位只要開食肆，一定旺，包括這RUD. 星期日晚等5位等了1小時，是任何時候都要等位，吃60分鐘。燒肉和醬汁都很好，一個餐有齊飯，沙律和湯。即使額外多叫牛油粟米，魚肉，每人都只是百多元。店員有禮貌又肯幫忙，很好的屋邨小型韓燒店。…Read More

女朋友話想食燒肉～又唔想去咁遠..咁岩屋企樓下開左間新燒肉餐廳😗就去試下啦！～～叫左一個牛胸腹牛舌定食 一個豚腩肉定食定食包左一個味噌湯·一個白飯我地加左$10升級做紫菜玉子飯仲叫有個魷魚🦑尼個出色 燒完好香口！肉類佢有分克數咁叫 岩哂小鳥胃既佢😂肉類都不錯 性價比高！味噌湯味道好出 紫菜玉子飯好好味！我後尾忍唔住再叫多一碗😂叫左一杯青蘋果檸檬梳打 好味！好香💓原來佢九點後仲有優惠 加$10多一碟肉仲要冇限時間你食幾耐都得！岩哂放工想食燒肉既大家！…Read More

天水圍分店星期六下午1點幾,過左午飯時間，員工就可以返緊工2個人坐卡位,邊食邊工作, 冇其他3-4人客拎票情況下, 寧願吉左d卡位，2個人等左45分鐘 都唔比入。眼見個個都2個人食, 又唔係飯鐘時間, 食幾百蚊野,叫客只可以對住幅牆食。 店員話卡位星期六,日 只可以3-4人先可以入坐,就算冇4人客等緊都唔會比你坐。唔好意思,我已經等到第一張2人票都走左。咁既服務態度,10問9唔應, 睇住你d卡位 3個人食48蚊餐, 會唔會賺得多過2個人食200蚊? 生意都未識做 學人開鋪。…Read More

認真唔掂檔囉見佢新開就去試下啦 點知岀撚左事 啱啱新開張都搞到咁樣 🫠🫠🫠D牛舌完全唔新鮮 🙄🙄嚴重懷疑擺咗好耐好彩無再加其他牛姐🙄🙄🙄D牛仲劣質 衰到一個點呀 夾上黎散晒未試過食一人牛可以食到咁樣🙄🙄🙄試一次夠哂 唔會再去食囉 😡😡😡…Read More

今天放假，天耀廣場新開了一間吃一人燒肉RUB，同媽媽去試試，用餐時間為60分鐘，今天星期六較為多人，拿票後等了約40分鐘才有位，店員都好有禮貌，環境乾淨舒服，我們用QR code點了2個餐，一個是豚雞盛盒280g,$98另一個是燒肉拼盤盛盒360g,$128，另外叫了2樽白桃烏龍冷泡茶$12×2也很快送到，整體上吃得很滿足，下次會再光顧試試其他款盛盒。…Read More