Rose Kitchen

今日（31-5-2025 Sat）端午節，同老公實踐由西環行到北角，但由於晏咗，就取消，改喺灣仔呢喥食咗晏至出發，我哋嚟到時，都算多人，老闆俾我哋坐四人枱，睇完menu，就一定要佢哋嘅招牌$88.00嘅金牌脆皮燒雞配薯條，$8.00嘅羅宋湯，$8.00嘅熱奶茶，$90.00嘅酥炸脆皮牛腩配意粉。落完單，即到嘅就係金牌脆皮燒雞配薯條，然後係兩個飲品，我即飲啖奶茶，澀，要落糖，落咗一茶匙至叫做攪得掂。1分然後食薯條喇，熱騰騰嘅粗薯條正常冇問題，金牌脆皮燒雞熱到老公戴手套都撕唔到，寧願用叉，個皮真係好脆，我食雞上脾，佢嘅雞油好夠，肉質又滑又juicy，枱上有好多調味料俾客人自己落，我就落淮鹽食，之後食雞胸位，嚡啲係正常嘅。5分然後我飲羅宋湯，料都多嘅，味道唔錯。5分酥炸脆皮牛腩配意粉到嚟，睇見意粉另上，同有一兜咖哩汁，意粉用茄汁撈過，唔太酸，口感係香港人口味，唔係中間硬嗰隻，啱我；酥炸脆皮牛腩個皮真係脆，牛腩夠腍，味道亦濃，咖哩汁濃唔太辣，幾好味。5分服務：落完單，即刻俾膠手套，濕紙巾同碗。等客人食完晒嘢至一次過收嘢，唔會太騷擾或有趕客嘅感覺。環境：呢喥設有兩間私人房俾客人。3.5分其他：枱上已放咗好多唔同嘅調味料，重有紙巾同水，好體貼。…Read More

周六下午4點鐘左右路過見到唔使排隊，急急入去試吓，上次朋友介紹來要等位，所以冇試。上次朋友介紹食燒雞，但怕一個人食唔晒（午餐後還有點少少飽）。所以叫咗羅宋湯意粉配香煎雞扒炒蛋+熱檸檬茶，另一份叫芝士炒蛋豬扒包+熱奶茶。豬扒包有驚喜（與餐牌幅圖一樣），比其他餐廳少有的酸青瓜👍 都有蕃茄、芝士、好似有少量蛋、生菜，豬扒（略嫌細咗d）亦好香口，個包皮脆，仲有炸薯條，咁嘅價錢，冇得輸😊 另外，羅宋湯意粉，湯的分量都算多，可掛入意粉吃，香煎雞扒炒蛋，雞扒有香草味，好。檸檬茶及奶茶都算OK。員工友善，收嘢快，服務OK。枱面有隻小黃雞，cute！其實，見到幾枱都叫燒雞餐，下次一定再來試吓。…Read More

行完書展～甘岩又係灣仔，見好多人推薦食呢個餐廳，重點行完都好夜，已好難搵到間營業到凌晨12:00😭😭兩個人食，主要係書展零食世界，食左唔少野，都有點飽，所以叫左；❣️❣️🩵金銀蛋娃娃菜 $50，味道清脆鮮甜！娃娃菜葉嫩多汁，配金黃蛋絲和銀白蛋花，入口爽脆不膩，蛋香滑順裹住菜的自然甜味.💙燒春雞 $88 即炸即食，一入去基本每枱都會叫一客,外皮薄脆油香，咬落爆汁嫩滑，帶淡淡鹽香和香料風味，啖啖肉不柴,外皮香而脆，物超所值❤️維他奶紅豆冰 跟餐+$18 可能係用維他命奶關係？！真係出面飲唔到既紅豆冰🤣好飲又特別🧡熱情果什果特飲 跟餐+$18 正常飲料😂…Read More

昨晚6點幾，朋友带我去食呢度吃晚餐，我們點了最出名的炸雞配薯條，份量都幾大，半隻炸雞好juicy好惹味, 配埋羅宋湯同可樂，好美味既一餐! 羅宋湯好足料，值得推介!…Read More

呢度出名燒春雞，特登嚟朝聖吓，果然名不虛傳。平日嚟好多打工仔都嚟呢度lunch，大約12:15nn 嚟到都仲可以即刻有位唔使等，如果唔係嘅就要去出面排隊。茶餐廳嘅格局，當然亦都係茶餐廳嘅節奏，快靚正，一坐低已經即刻有人問你食乜嘢，落咗order後眨眼隻燒春雞就會出現喺你眼前。燒春雞熱辣辣，皮脆肉嫩，餐廳可以Offer膠手套方便食，但收取$1一對，不過我覺得真係需要嘅，值得豪爽啲。一路食啲雞油不斷滴出嚟，隻燒春雞真係唔細隻，首先一定食咗隻雞髀先，怕肥嘅都冇辦法所有雞皮都要食晒，跟住就食雞翼，去到個雞胸，我已經飽到食唔到落去，不過我都試咗兩啖，雖然係雞胸，佢都唔算太嚡。配菜我就揀咗薯條，脆卜卜好好味唔係腍啤啤嘅。都講吓佢嘅服務，茶餐廳水準，但係都有啲窩心，服務員見到我攬住個大袋，特登拎張圓凳擺喺我隔離俾我放袋，值得一讚👍🏻…Read More