Video
2-min walk from Exit C, Causeway Bay MTR Station
continue reading
Introduction
This local style hot pot restaurant provides a lot of VIP rooms. It offers special soup bases to pair with fresh ingredients and sashimi, which are imported from around the world, such as Japan, Australia and Spain.
continue reading
Opening Hours
Mon - Sat
17:30 - 23:30
Sun
17:00 - 00:00
Public Holiday
17:30 - 23:30
Public Holiday Eve
17:30 - 23:30
Above information is for reference only. Please check details with the restaurant.
搵過銅鑼灣好少有任食嘅打邊爐，所以嚟咗呢一間有得任食雞煲同埋打邊爐嘅放題我哋揀咗個B餐有手切牛肉同埋刺身送佢寫話係食兩個半鐘然後兩個鐘就last order 跟住佢俾咗個QR code然後打咗個交叉話而家用紙落單😂👌🏽首先佢俾咗個刺身，正正常常，個帶子幾好食但係我等個雞煲足足等咗差唔多九個字先嚟😅😅😅期間仲叫咗啲小食但唔知點解會無啦啦未叫就比小食我係咪想快啲執飽人個胃？喺嗰九個字入邊我見到遲過我哋入嚟嘅人都已經有雞煲，咁我就問啲職員點解咁耐？佢唔係去廚房了解㗎喎，佢直接一句勁大聲:得㗎喇！廚房整緊啦！個人認為態度極之惡劣！我然後真係等到有啲唔耐煩，我冇叫嘅小食都已經比我食埋😅😅我再問多次職員過咗半個鐘啦喎，點解仲未有雞煲？然後佢即刻見到有個同事迎面行緊過嚟，佢問過同事雞煲有未呀？個同事啤一啤我，然後又係話廚房整緊結論我個第一轉嘅雞煲九個字先嚟！仲要一次過出咗5煲😊真心未試過食一間餐廳可以九個字先比一雞煲然後個師傅行到過嚟，佢問我：你係咪叫咗唔辣㗎？我心諗，根本落餐嘅時候個職員都冇問我食唔食辣或者食幾多辣😂然後我同佢講：冇人問過我辣唔唔辣，不過我食辣！然後佢就諗都冇諗到就擺咗個雞煲落嚟走咗。然後個雞煲係一啲都唔辣😀😀自動幫我走咗辣？本身都諗住食多一兩轉雞煲，因為佢聲稱雞煲係飲食我先黎，但係見到佢上雞煲嘅速度，算啦，我轉打邊爐🤔竟然個湯底同埋個碟海鮮，超級快到👍🏽👍🏽個湯都幾濃郁嘅，好有椰子雞味！咁任食打邊爐主打就梗係食牛啦！咁佢張黃色紙我就一次過叫晒我想食嘅嘢～佢其他配料嚟得好快👍🏽但係我啲牛就唔知點解遲遲都未到所以我就再落咗另外一張，最後都係第二張單落左後再等多咗四個字先來！但係第一轉叫嘅牛完全冇嚟過😂但係啲配料有嚟㗎喎，失蹤咗？然後我叫咗幾次午餐肉都係冇嚟過😂其實依間餐廳係咪貴嘅嘢就會遲遲先嚟呢？然後冇叫嘅嘢即係例如小食嘅就焗飽咗你先！最後，我幾欣賞佢出邊有類似手搖嘅嘢飲可以飲然後我揀咗右邊第三格瑰麗既茶返到去一飲，原來係竹蔗水！？竹蔗水係擺喺右邊第一格（我已經唔係拎頭嗰浸係拎入邊嘅嘢飲，究竟係邊個擺錯呢？）整體嚟講覺得好失望！嘢食係中等以上嘅，我覺得個海蝦好好食但係服務態度極之惡劣，除咗收碟收得好快之外，我冇諗過食嘢係可以食到成枱冇晒嘢都喺度等等等，然後叫埋職員唔該佢幫幫手，都唔會幫我入去跟一跟！簡單啲嚟講，我今次剩係得一個鐘可以叫到嘢食
continue reading
因為上次新年上黎冇book枱，冇位食唔到比佢大大個掛係到嘅餐牌寫手切牛吸引左咁啱清明放假路過就去食一開始問個職員有冇紅日加一佢話冇咁我都覺得幾好因為好多餐廳公眾假期都會再收多錢咁我同男朋友就決定去食即刻已經可以入坐滿懷期待入去食點知呢個就係惡夢嘅開始入座率不足五成，一半人都冇，得4枱客就咁睇佢出面個牌以為好多食物種類點知埋到位到為先發現原來呃人嘅柬左個b餐$398有好多嘢食都無左其實已經覺得少貴，通常呢個可以食到更加好一入到去佢就話有刺身食，上左個刺身先大約等左15分鐘，左望右望睇下餐牌先上菜中間職員俾左四張點餐紙，一張白色3張黄色白色係無限任食小食黃色係無限任食火鍋配料已經好多年冇見過火鍋店係仲用點餐紙🤣覺得幾特別，好有懷舊味道仲興奮左一下飲品方面都係中規中矩有白桃烏龍茶：正常無糖茶竹蔗汁等等嘅茶包茶罐裝飲品 ：有好多芒果荔枝玉露，我見雪櫃有加入其他野泰國飲品紅酒白酒清酒最特別係有王老吉✨️最特別一定要講就係，個雪櫃係臭嘅，似壞咗嘅食物，因為雪櫃經常開山，最底個層已經積哂水，好核突，全程都冇人去處理呢度就開始黎料餐牌講嘅小食黃金蝦 冇手撕雞 冇炸金磚豆腐 冇反而有個芝士黑松露蝦同三文魚沙律取代左我地因為都認為放題三文魚好食得去邊就冇叫到其他都叫哂黎試下因為張單都係寫一隻隻一份份應該唔會大份得去邊✨️首先講咗個刺身先整體其實都幾好食 做得唔差有鮑魚有三文魚有貝類有蝦大家都係冇雪藏味食得出原本個海鮮嘅味道見到鮑魚覺得又幾驚喜依家好少放題連殼嘅鮑魚仲要處理好上盤一夾就食得最好食係有個貝類，唔知乜黎🤣但又有幾爽口✨️食完就好快上雞煲2人份個份量係幾少不過可以任食咁就幾好味道偏甜微辣雞肉嫩滑佢一邊有個腐乳or魚腐係幾好食，吸哂啲味道冇平時食開雞煲入面麻辣嘅麻我男朋友就話同平時唔同唔啱食而我就覺得好普通食緊嘅中途就有小食黎啦✨️泰式鳳爪：喺入邊咁多樣小食入邊我覺得係最好食，就算去啲泰國餐廳我諗都冇咁好食，佢夠辣夠酸好惹味✨️芝士黑松露蝦：我諗係打錯字，似係黃金蝦，不過乜味都冇，蝦就幾彈牙，有炸過✨️炸魷魚圈：食左一啖就冇食，好臭咸魚味✨️椒鹽魚皮：就係係上面落左椒鹽，冇特別好食同難食✨️毛血旺：幾辣紅油靚，中規中矩✨️芝士松露墨魚多士：果塊多士索哂啲油，又食唔出有咩味，上面果一滴芝士醬唔知想點食到一半就問邊爐上得未？雞煲都未食完職員個樣仲要黑面串咁款正常餐廳應該會問你洗唔洗仲要雞煲呀佢就好似趕客咁✨️我最後柬左冬陰功湯底真係我成世食過最難食湯底🤮🤮🤮🤮🤮冬陰功湯有陣好奇怪嘅味無酸味好重椰奶好多啲香料係到湯底到一路食痴住啲火鍋料好煩🫥打足咁耐想嘔咁耐個湯底真係唔適合打邊爐就算飲野飲清清個口都好難頂✨️手切牛喺唔錯嘅肉質易咬，有牛味但係咁樣嘅湯底都搞到連佢都好難食✨️最核突既野喺呢度海鮮🤮🤮🤮🤮🤮佢所有海鮮都結哂冰未解凍就送上黎硬過你條命💩💩💩💩💩✨️隻蠔係發臭架放左落口一下已經嘔番哂出嚟完全食唔落✨️蜆 好重既雪櫃味都係好臭 即使有個咁難食嘅湯咁重口味都掩蓋唔到佢哋嘅臭✨️黑毛豬個肉本身幾好食但可能個湯底太難食，果肉吸曬啲奶味，食多幾舊就想反胃✨️白肉唔知點解食左好多碟都好都係有浸奇怪嘅味道好啦諗住出去食下啲菜啦清清個口一打開佢放火鍋料個雪櫃哇 ..... 好大陣酸餿臭味湧入我個鼻啊點解可以咁嗅我覺得衛生情況好惡劣飲品雪櫃已經係擺包裝飲品罐裝飲品已經冇汁漏落去，都臭了隔離放火鍋料嗰雪櫃都咁臭呢間野個體驗真係好差我食完就搭地鐵返屋企邊度都冇去路程大約半個鐘我搭緊嘅時候就搞肚痛啦我同我男朋友都係一齊同時間發生差少少就瀨屎 急到 好啦諗住痾完就無事啦第日訓醒痛到醒左全日乜都冇食過不停攪肚痛同柯水證明呢間野有幾唔衛生警惕世人啊！🤡🤡🤡🤡🤡🤡🤡🤡大家想食之前一定要睇我黎條評論伏 ！！！！！！！
continue reading
book左枱準時到。。一來係門口叫你選set...問佢餐牌係邊。。舉手指指幅牆。。跟手又問你要咩湯底。。其實可唔可以比客人坐低睇下先選呢。。都係選個a餐。啲野好普通。。服務又一般。。咁既價錢。。唔會再試
continue reading
門口staff同經理態度都好差…未入去已經成肚氣，問佢哋幾時有位竟然係反問返我：「你見到有人走咩？」然後唔理我哋，淨係問遲過我哋嚟嗰台客食咩餐。最後等咗1個半鐘，先同我講一開始講嘅預計入座時間唔可以作準。世界級 食物質素如何我評價唔到，因為到最後都係無位比我哋，但態度真係好差。一心想返工開開心心同朋友食餐飯，點知未入去已經成肚氣。都好嘅，無得打邊爐都叫有嘢落肚，諗番轉頭可能都要多謝呢位staff同經理等我哋有嘢落肚😀
continue reading
响openrice見到, 決定一試, 立即致電訂位, 除夕火鍋每位附加$30, 因為想食本地手切牛肉,所以選擇價值$398/位嘅B餐 用餐時間150分鐘,坦白講真係無下次, 員工態度有待改善,1730進場, 入座率不足五成, 有小食有雞煲有刺身, 上菜速度都正常,但手切牛肉上得非常之慢, 我哋係要停哂手等好耐, 好難想像如果人多嘅時候,枱枱都落手切牛肉單情況會點,兩個人埋單差不多一千蚊, 市場上質素更好及有更合理嘅選擇.
continue reading