93
1
0
6-min walk from Exit A2, Sham Shui Po MTR Station continue reading
All Branches (3)
Telephone
36191133
Introduction
Mala spicy chicken hot pot is their signature dish, that the chicken is so soft. You may choose the level of spicy. Their fried beancurd roll with cheese and seaweed is also a must try item. continue reading
Opening Hours
Today
17:30 - 01:00
Mon - Sun
17:30 - 01:00
Payment Methods
Cash
Number of Seats
100
Other Info
Online Reservation
Alcoholic Drinks
May Bring Your Own Wine
Cake-cutting
Phone Reservation
Delivery
10% Service Charge
About Reward Scheme
Review (97)
今晚同朋友一齊嚟到深水埗買嘢 咁行過呢一間火鍋店覺得好肚餓同埋有啲想食雞煲咁我同朋友就試下呢一間火鍋店。 入到去我覺得 都幾企理, 另外坐得都寬敞,咁我哋就叫咗以下食品:豐鍋招牌麻辣雞煲:我叫左半隻雞小辣, 咁大概煮咗十分鐘左右就可以食 ,要讚嘅就係佢個麻辣醬真係幾辣,味道我亦都幾濃味, 最主要就係個主角,隻雞幾嫩滑 ,就算我煮耐咗少少,雞都保持嫩滑。 我建議大家叫多碗白飯嚟送呢一個雞煲,咁我覺得都幾好,因為我覺得佢啲飯都幾香。頂級雪花肥牛: 呢個肥牛其實大家可以睇到我幅相,個肥牛都唔使講啲乜嘢, 新鮮同埋好有牛味, 其實自己覺得食火鍋最緊要就係配料新鮮 ,同埋佢啲肥牛肥瘦都balance到所以自己覺得係靚嘢嚟嘅。手工即炸魚皮: 呢個魚皮大家又可以見到我幅相,佢呢一個真係好似喺魚刮咗層皮出嚟再炸咁樣,自己食落去覺得個魚皮都幾脆, 另外佢唔似係街出面叫嗰啲咁行貨。麻辣雲吞: 呢個雲吞你食落去個餡料都足夠, 以佢最神奇之處就係放咗少少辣椒落去所以食落去我自己覺得都幾辣,再加埋頭先食麻辣雞煲嗰種麻辣,條脷都已經麻痺曬啦哈哈。最後如果大家鍾意食雞煲同魚皮,我建議大家可以試下深水埗呢一間火鍋店,而我自己就幾鍾意食佢個魚皮我覺得個魚皮係必點嘅。 而我飲咗杯特飲烏梅汁就走嚕。 自己下次可能會再幫襯試下中辣。 continue reading
(The above review is the personal opinion of a user which does not represent OpenRice's point of view.)
Level4 2020-03-31
765 views
呢日落深水埗搵朋友食飯,慶祝佢新居入伙!朋友帶咗我去佢屋企附近食雞煲,話呢間性價比好高!入門前先量體溫同消毒雙手,座位之間距離充足👍🏻✨醬油費 $8/位醬料區十分乾淨,有沙茶醬/炸蒜/辣椒絲/蒜蓉/蔥花/芫荽/麻辣醬。✨豐鍋招牌麻辣雞煲(半隻) $188雞煲上枱時,有大量芫荽蓋面,啱晒鍾意食芫荽嘅我!店員幫我地炒熱雞煲時香氣四散,邊等食邊流口水🤤半隻雞嘅份量其實都幾多,夠2-4人食。我地叫咗bb辣,香料味香濃,帶點香辣,好惹味!雞肉嫩滑入味👍🏻✨手工即炸魚皮 $53炸魚皮好大塊!賣相霸氣!魚皮炸得超級香脆鬆化,上面仲灑咗椒鹽,咸香十足!✨牛柳粒 $88牛味濃郁,同時油脂甘香十足!肉質嫩滑腍身👍🏻✨花心蟹粉丸 $58次次打邊爐仲要叫啲丸腸先滿足😂蟹粉丸好味!✨油麥菜 $38油麥菜新鮮爽脆!✨水蜜桃梳打 $42朋友嘅水蜜桃梳打,味道香甜。✨藍蝶雪梨 $42我嘅藍碟雪梨,賣相吸引😍飲落仲有好清甜嘅雪梨香👍🏻 continue reading
(The above review is the personal opinion of a user which does not represent OpenRice's point of view.)
Level4 2020-02-25
552 views
之前試過石門總店的雞煲,很想再encore,見佢原來喺深水埗都有分店,今晚就去幫襯。疫症當前,揀餐廳都額外小心。豐鍋深水埗店夠晒闊落,每張枱之間都有足夠的距離。我和男友兩人用餐,也可坐晒成張四人枱。除了雞煲打邊爐,深水埗店仲有很多小菜選擇。筆者到店時間很早,廚房仍在準備當中,先點兩杯特飲解渴。蝶豆花雪梨特飲味道清甜,感覺天然,不會加太多糖水;男友的檸樂亦不過不失。上菜前侍應姐姐主動拿來熱水盤讓我們清洗碗筷,是因應疫症的新措施,讓顧客食得更安心👍🏻👍🏻👍🏻👍🏻這段時間大家咳多聲都疑心自己瀨嘢,筆者也不例外,因此也不敢叫太辣的雞煲,來個輕鬆版的BB辣。醬汁香濃,雞件嫩滑有雞味,不是雪藏貨色;洋蔥依然是MVP。今次試埋小菜,邊爐配料就只選了生菜和手工炸魚皮。生菜十分爽脆,用微辣的湯汁灼過十分惹味;原條的魚皮一上碟就夠晒搶fo,比起平時的魚皮一烚就淋,豐鍋的出品可以烚耐啲,吸滿湯汁的同時仍然keep到脆卜卜~小菜方面店員推介這款翠椒炒肥牛,青椒沒有筆者討厭的苦澀味,只有淡淡草青味,醬汁配搭得宜,肥牛切得厚身,口感實在,難得一啲都唔鞋,沒想到豐鍋的雞煲出色之外,小菜也有驚喜。走的時候見到門外有一幅打卡牆,霓虹燈的翅膀感覺玩味,打破雞煲店的傳統形象🤪 continue reading
(The above review is the personal opinion of a user which does not represent OpenRice's point of view.)
Level4 2020-02-19
356 views
特殊時期少了出街食飯,這幾天天氣轉凍,忍不住來食熱辣辣的鷄煲。之前經過這餐廳時便覺得這裏環境較爲光猛以及寬敞,今日入到來,店家果然非常注重衛生,爲客人准備了酒精搓手液,客人需要先消毒雙手以及探熱方可入座,保障大家的健康安全。店内非常整潔及企理,枱與枱之間有相當多空間,裝修新潮。蒲坐下,侍應姐姐亦立刻奉上滾水讓我們消毒碗筷。令人感覺非常舒適與放心。 豐鍋招牌麻辣雞煲 (小辣,半隻$188)上菜的時候雞塊大概8成熟,已經聞到鷄醬的香味非常吸引,侍應姐姐在我們面前翻炒幾分鐘並細心叮囑我們由細件鷄肉食起。雖然只是半隻雞,件數亦比到非常足。鷄肉非常嫩滑,鷄醬惹味,不會過咸,小辣沒有想象中辣,嗜辣的朋友可以大膽嘗試中大辣。鷄肉差不多食曬的時候,店員會幫手加湯變成打邊爐。即炸爆芝紫菜響鈴 ($46 三件)是響鈴包住紫菜和流心芝士,即叫即炸,口感豐富又香脆,一試難忘,必叫之選。輕輕煮過或直接當小食都非常正。生炒鳳梨咕嚕肉 ($88)店員特別推薦這周開始供應的中式小菜,打邊爐的同時也有叫餸食飯的選擇。我點了我最中意的中式小菜鳳梨咕嚕肉,想不到甚有水準,咕嚕肉炸到香脆,醬汁的酸甜程度亦剛好。另外店家推薦的特飲亦十分出色:鹹檸七: 已經很少有餐廳提供,清爽解膩藍蝶雪梨茶:造型已經非常吸引,漸變效果,飲落是清甜的的雪梨茶的味道,不會過甜。 continue reading
(The above review is the personal opinion of a user which does not represent OpenRice's point of view.)
Level4 2020-01-12
459 views
天氣凍凍哋,又突然想食雞煲打邊爐去完電腦商場睇嘢,行行吓搵到呢間雞煲店環境唔錯,好光猛,鍾意相機食先嘅人可以唔洗打燈或P圖都可以影得靚正常價錢,交通方便,食到好高質嘅雞煲,好抵食!豐鍋招牌麻辣雞煲 (半隻$188)我唔太食得辣,所以都係叫咗BB辣而佢真係唔會BB辣變真係小辣個煲勁多芫荽,我好憎芫荽,好彩男朋友勁鍾意芫荽,即刻掃走晒啲芫荽未食已感覺好高質!一睇個煲真係好多舊雞而且雞肉部份佔好多,唔係好多唔係好食嘅雞骨雖然我覺得連住骨嘅雞肉反而係最好味例如雞背,絕對係最滑嘅部份而今次呢個雞煲食落感覺同樣高質!好少食到真正有雞煲醬味嘅雞煲要將雞煲醬調到啱啱好其實好巧功夫雖然愈辣係愈惹味,但我覺得BB辣反而更加食到雞煲醬味BB辣嘅辣味唔會搶咗雞煲醬嘅鹹味唔使好辣已經好惹味蒿筍片 $38我最驚喜係有蒿筍食!打邊爐我好鍾意食蒿筍淥到剛剛好時,啲蒿筍爽脆又鮮甜嫩鴨血 $63打邊爐食辣湯底另一樣要叫嘅係鴨血不過呢隻鴨血平啲,同新鮮鴨血有分別當然比新鮮鴨血遜色,賣相同口感似豬紅只係香港好少有新鮮鴨血食自家製鮮蝦木耳雲吞 (8粒 $70)雲吞值得食,幾有心思同幾足料雲吞皮唔係厚,餡料亦好充足真係包咗蝦喺入面,而木耳亦有益特級牛柳粒 $88牛柳粒賣相一流,食落亦超軟腍入口有油脂香,同時有肉感粒粒雪花分佈均勻,唔會太肥或太瘦建議淥3至5分鐘若少過3分鐘就太生3分鐘其實都有啲生生哋偏粉紅,但可以食,入口可能有少少難咬4分鐘就都仍然有粉紅色,但已唔算生而5分鐘就最好,剛剛無粉紅色,又未至於好啡色6分鐘就已經過熟,全啡色,入口已有柴皮同肉絲feel烏梅汁 $42/杯酸酸哋,平時鍾意食梅可以試吓不過唔係好口啱我水蜜桃梳打 $42/杯我不嬲鍾意水蜜桃味嘅嘢所以我當然覺得好飲但一定要攪勻,否剛下面會太甜出面原來仲有個小型打卡位又幾有諗頭,簡單整個彩色霓虹燈天使翼就引到人望過去 continue reading
(The above review is the personal opinion of a user which does not represent OpenRice's point of view.)