Video
5-min walk from Exit A1, Tsim Sha Tsui / East Tsim Sha Tsui MTR Station
continue reading
Telephone
26333993
Opening Hours
Today
07:30 - 23:30
Mon - Sun
07:30 - 23:30
Public Holiday
07:30 - 23:30
Public Holiday Eve
07:30 - 23:30
Above information is for reference only. Please check details with the restaurant.
📍玄米餐廳（尖沙咀）尖沙咀廣東道68-80號恒利大廈地下3A號舖👉XO醬海鮮蝦球滑蛋飯💰88😋😋😋😋.8/5呢碗XO醬海鮮蝦球滑蛋飯真係好正！蝦球鮮嫩多汁，搭配滑蛋，口感超級香滑。XO醬嘅味道夠濃郁，帶點微辣，令整碗飯更加出色。飯粒吸收咗醬汁，食落去超有味，真係一碗令人回味無窮嘅美食！👉炸雲吞💰50😋😋😋😋.8/5呢款炸雲吞真係一流！外脆內嫩，咬落去有種酥脆嘅快感，餡料嘅肉質鮮美，搭配少少香菜，令味道更上一層樓。配埋醬油或者甜醬，簡直係無敵小食，無論係做開胃小菜定係下午茶，都好啱！👉牛坑腩米粉💰68😋😋😋😋.8/5牛坑腩米粉簡直係一碗暖心嘅美食！牛腩煮得軟腍入味，湯底清甜又濃郁，米粉吸收咗湯汁，食落去特別過癮。加上香蔥同辣椒，味道更加豐富，無論係一個人食定係分享，都好適合！👉凍檸茶走甜少冰😋😋😋😋.8/5呢杯凍檸茶真係好清新！茶味濃郁，搭配新鮮檸檬，口感酸酸甜甜，正好解渴。走甜少冰令飲品唔會太膩，啖啖都好爽。夏天飲呢杯，真係最啱不過，唔好錯過呀！回頭：yesyesyes!環境舒服闊落，食物惹味，價錢相宜，真係大眾恩物
continue reading
🚶🏻♂️➡️🚶🏻♀️今日行過非常熱鬧嘅尖沙咀，沿途見到一間食物多款選擇的餐室，便決定入去試試！🪩🪩裝修：燈光明亮、清淅顏色，營造輕鬆的感覺。🪑🛋簡約設計的木製的桌椅，有卡位、長枱及圓枱選擇，非常方便！讓整體環境更加溫馨舒適。🤭🤗是開放式的設計，方便顧客交流適合快速用餐和社交。📜📃餐牌：設計清晰，食物選擇多元化，令人一目了然之餘顧客找到心儀的美食，確保每位客人都能找到滿意的選擇！有QR Code 掃一掃，方便快速，提升用餐時間。1️⃣金牌牛三寶幼麵套餐＄78包括：一款小食（中華沙律）、油菜一碟及凍飲一杯！細膩的幼麵搭配的牛雜、牛腩和牛筋，每一口都充滿豐富的牛肉香味。湯底十分濃郁，幼麵在湯汁中吸收，風味獨特再配上新鮮香葱和辣椒油，既增加口感又可刺激味蕾……惦呀！2️⃣土魷肉餅煎蛋飯＄82 + 繽紛益力多＄15新鮮的土魷，外酥內嫩，口感豐富。煎蛋的蛋黃微微流出，與肉餅的鮮美相得益彰，為整道菜增添了濃郁的風味。底下的米飯吸收了肉餅和煎蛋的香氣，令人垂涎欲滴，也讓人感受到家的溫暖！3️⃣粒粒西多士＄35外表炸至金黃酥脆，內裹柔軟香甜。厚切的吐司夾了濃郁的花生醬，每一口都能感受到麵包的鬆軟及豐富的口感，搭配一杯凍奶茶，美味又滿足，令人回味無窮！總括：非常滿意的晚餐~因為能夠食到家的味道！😋🤤😋🤤
continue reading
今日出左尖沙咀行街，夜晚試左呢間新式茶餐廳-玄米茶廳。五寶飯今晚想食燒味，所以試左呢度嘅五寶飯，碟飯有5款餸，分別係燒鴨，燒腩仔，切雞，叉燒同紅腸，燒味水準平均唔錯，但我覺得最驚豔嘅係燒腩仔同叉燒，燒腩仔肥瘦相間，塊皮燒得好香脆，入口整體唔會覺得好柴好乾。叉燒係瘦叉為主，但咬落好淋同好入味，表面有少少焦脆。XO醬海蝦球滑蛋飯 平時食開係普通滑蛋蝦球飯，見呢間餐廳竟然會配埋惹味嘅XO醬一齊食，即刻order左一份黎試下。呢度嘅滑蛋煎得好好，唔會過老，仲食到裏面蛋汁，碟飯總共有5隻非常新鮮彈牙而又冇咩雪味嘅海蝦球，而最特別嘅XO醬，佢嘅少少辣味加咸香真係有畫龍點睛感覺，用黎配埋碟飯食一流。香脆炸鮮蝦雲吞 小食嗌左呢款炸雲吞，雲吞餡除左有鮮蝦外仲有少少肥豬肉，炸雲吞外邊炸得酥脆但入面餡料唔會好乾，上碟有7粒，可以配埋沙律醬同泰式辣醬一齊食。繽紛益力多 紅豆冰 兩杯特飲都係跟餐所以加$15，繽紛益力多係益力多加左好多菠蘿粒，飲落酸酸甜甜，非常解膩。紅豆冰入面紅豆香甜軟糯，加埋冰凍淡奶，好適合呢餐飯飲。
continue reading
遲左收工近近地附近食個快飯經過見到呢間新茶餐廳幾多人食好彩啱啱入到唔洗排 小幸運！入去啲裝修低調金色有啲高級感 4人座位都好闊落 坐得好舒服🤎炸雞翼大隻，皮脆肉嫩多汁小食嚟講唔錯🤎金牌牛三寶粗麵套餐套餐已經包咗小食&油菜牛筋 牛腩 金錢肚 每樣都有3-4舊本人比較淡口味呢三樣都入味但係唔算太濃清清地已經食到個牛肉味加埋個至愛港式扁粗麵配埋個辣椒油都幾辣❤️🔥簡單好味🤎土魷肉餅煎蛋飯不得不提佢個煎雙蛋，會稱佢為流糖心蛋溏心得來仲有少少蛋黃漿流出嚟可以撈飯火候啱啱好肉餅大大份，煎得夠香口，但係又唔乾上碟果陣出曬煙 夠熱辣辣 ～ 正總括嚟講地方乾淨企理坐得舒服呢個價錢有呢種嘢食質素，認真唔錯
continue reading
廣東道不嬲都係遊客血拼嘅地方，有唔同牌子進駐，最近上網見到玄米餐廳分享10分驚人，又抵食於是去試吓。餐廳裝修別緻，提供各式各樣粉面及小食。今次同朋友去就試咗忌廉芝士焗海王飯，同埋一個下午茶蟹柳蛋沙律排包。一上枱份量真係超級驚人，忌廉焗芝士海王包括了鮮海蝦，帶子及炸魚柳，魚柳竟然仲長過個盤，炒飯最緊要係個炒底，好多餐廳都炒得唔夠乾身依度粒粒分明配上海鮮及忌廉芝士汁非常惹味。另外叫咗個下午茶蟹柳蛋沙律排包，平時排包都是薄薄一塊，竟然係4塊係包造成嘅下午茶餐份量超級驚人，根本唔會食得晒，有蔬菜蛋沙律及蟹柳絲，非常抵食。餐仲有包括咗杯嘢飲，我哋另外加咗$15叫做雜果賓治好耐都未飲過，係一杯傳統嘅港式特飲。
continue reading