富堡茶餐廳

Open Now

Now Closed

絕對攞足一百分嘅街坊茶餐廳位於黃大仙區，鑽石山區鳳德邨附近嘅茶餐廳首先食物質素100分服務態度一百分街坊感情一百分香港情懷100分多講無謂你食過一次，你就以後隻腳都自動行過來喜歡吃茶餐廳的朋友望一望張相就知有feel這些地地道道的香港街坊茶餐廳真是買少見少碩果僅存一般平民街坊價錢，而且質素可以保持得咁好一啲都唔hea 既然有一間仍然保持着這樣的地道風情和高質素的身為真真正正的香港人 絕對有責任繼續支持好味到，碗沙嗲牛麵都唔記得影相#茶餐廳#沙嗲牛肉麵#凍奶茶

7月7日靚媽想食星洲炒米，肥華要食乾炒牛河，知道此間茶餐廳在下午茶時段有呢两款食品，茶餐供應，所以同靚媽到此店用餐，靚媽點嘅星洲炒米，此店做得都有一般食店水準，可以叫做好食個類，但肥華點嘅乾炒牛河水準就有商確餘地，雖然此碟牛河上枱時係熱辣辣，感覺到鑊氣十足，而河粉色水圽勻每條河粉都有醬油色，單憑外觀此碟乾炒牛河算OK，但一食落口問題就來了，成碟炒粉都係淡而無味，而此店調味架又無豉油供應，肥華想用後天補救佢先天不足嘅問題亦做唔到，加上牛肉有一朕燶味，呢碟乾炒牛河係失敗之作，加上在下午茶時段此店茶餐收費，在此區亦唔算平，所以日後肥華都會考慮來唔來呢處用餐👎🙅‍♂️

同朋友行完大老山，諗住落黃大仙食個下午茶，就求其入左間門口有個傳統大招牌嘅茶餐廳開餐。下午茶餐B: 吉列豬扒配西多士 $35做運動消耗完熱量之後梗係要食返啲高熱量食物補充下。下午茶餐免費配熱飲。豬扒睇落好大塊，但其實揼到好薄，咬落香脆唔油膩。西多士花生醬餡份量適中，配糖膠牛油簡直係邪惡之選。下午茶餐H: 豬軟骨米線 $42茶餐廳好少會有豬軟骨食，餣得入味唔會死鹹，米粉軟硬適中，菜芯鮮綠。總結下午茶性價比高，食物水準正常發揮。

兩位仔仔已先後同靚媽提早慶祝左今年母親節，到5月9日輪到我呢個肥佬出場，因衹得兩公婆撑枱腳就去左間係鳳凰村開左好多年而我就因呢間食店個門面吾討好及出入門口好细及窄關係，雖然在該區住在幾拾年但從來未光顧過呢間食店，今次係相試佢個黃酒鷄兩人套餐，先至會第一次幫襯呢問茶餐廳，點知吾試尢自司一試就後侮咗，原來呢間茶記D野咁好食，做乜之前一路都以貌貌取店而泠落左佢，講番個主角黃酒鷄做得非常好，鷄肉夠滑黃洒湯味夠濃郁，湯料内有紅棗，糯米，洒糟，和芽熱辣辣上枱份量足夠兩人亨用，再加上自行選擇的一碟腰果炒肉粒小菜，和隨餐佢話付送的炒菜心，两碗白飯，一杯熱檸水，和另加$4元改為一枝大可樂，合共都係$202呢個同老婆慶祝母親節套餐抵食超值，呢間食店會成為我揾食肥華嘅飯堂

每次黎親黃大仙，都一定會上黎富堡度食個早餐先走。除左因為野食好味，仲係因為覺得佢地好用心。腸仔煎蛋會比2隻蛋，腸仔上面會用刀幾刀，而奶茶都係用黑白奶去整。而且面1底仲要係用出前一丁而唔洗另加錢! 用心製作的美食先會有長期捧場客!

Cha chan tengs are the one type of restaurant that pretty much symbolizes Hong Kong. There are so many of them from chain restaurants like Tsui Wah to modern hip ones with a retro feel. But what about the old ones. The ones that have been here forever and refuse to make it look retro and hip because it already is old.富堡茶餐廳 is an old cha chan teng located in Wong Tai Sin.  Menu is in Chinese only. There is no 10% service charge. The menu is also found on the walls of the place. It's small and cra

每次嚟呢間茶餐廳總係有驚喜，雖然佢只係間唔起眼、無裝修，也唔算得好坐嘅茶餐廳，但樓下雅座經常座無虛席，常要食客移玉步上閣樓。價錢與附近食店比較也不算便宜。答案係此店以食物的質素及獨特的烹調技巧取勝。淨係餐目嘅選擇已經非常特别，特餐分A丶B，每個餐牌有十二款飯選擇。早餐、下午茶餐分别有十個餐可供選擇。晚餐更接近有百款餸菜以供選擇，簡直目不遐给，令我樂透了！常餐嘅配搭很特别，有腸仔、雙蛋、牛扒，一般的茶餐廳只提供牛油方包。而呢度係一個鬆軟嘅餐包夾住塊冰凍鮮牛油，淨係呢點已經抵讚。仲有一啖咁多嘅茄汁豆附送，通常好西式嘅早餐先會見到，可見老闆將一份簡單的常餐加咗唔少成本及心思。细看炸腸仔的做法，師傅將條腸割咗十幾刀先炸，一來易熟、二來炸面多D，食落較香口及腸皮較脆。绝對睇得出厨子嘅心思，用原始的方法做出極致的效果。真的很讚歎，所以腸仔是我每次光顧此店必選的，在别的茶餐廳根本唔會存在。呢個係下午茶餐，揀咗沙爹牛肉麵配炸雞中翼及腸仔。麵係出前一丁（唔洗加錢），牛肉用沙爹汁醃的，入味非常，觀其色已知其味吧！雞中翼即叫即炸，皮脆肉滑，極之新鲜。一個簡單不過的下午茶餐，已盡見厨子的心思及老闆不計成本的付

今天外出在黃大仙工作。中午時份，我的肚子開始肚餓；就在銀鳳街找間茶餐廳吃飯後再工作。早前在這幾條街的餐廳吃過飯，今次就選了一間之前沒有吃過。叫「富堡茶餐廳」。餐廳內觀都可以和光線都充足。但是，座位不夠寛敞。侍應生的待客服務態度不太友善。整個餐上枱時間需時十五分鐘左右。我點了黑椒牛扒拼炸帶子飯，羅宋湯及熱奶茶。黑椒牛扒拼炸帶子飯有牛排，炸帶子及白飯。微微䁔，賣相可以。牛扒很細塊，是屬於長條型。驟眼看似很大塊，只不過是黑椒汁倒在牛扒上面，而白飯剛襯托出來視覺取巧的效果。牛扒好像落了鬆肉粉般，肉質異常鬆軟，很像混合豆粉似的，不過，牛肉味道濃郁。炸帶子有兩塊，它是類似炸日式帶子。應該是好好吃。不過，它被炸熟後，似乎放了一段時間，凍冰冰的。外面就卜卜脆，內𥚃肉質嫩滑，味道都鮮甜。白飯的飯質粗糙，要拌汁才易入口。可惜，吃了幾啖飯，就會發現黑椒汁很好肥油。好不健康。羅宋湯有蕃茄，椰菜，洋蔥，紅蘿蔔及西芹等湯料。味道很淡，酸甜味欠奉。很像加了水溝淡了羅宋湯。熱奶茶，熱呼呼的。紅茶和淡奶比例不適中。茶味不夠濃。不過，味道尚可以接受。總體而言，黑椒牛扒拼炸帶子飯的牛排太細塊了，口感也異常，肉質太鬆軟了；黑

唔知有無人同我一樣，咁多款奶茶入面，最情有獨鍾始終都係港式奶茶，仲要係茶餐廳既凍奶茶，是晚凍奶茶隱發作（因為本身介凍飲已經一段日子，今晚真係忍唔住啦）搵左屋企附近既茶記，之前黎過呢度食早餐，覺得飲品都可以反正醉翁之意不在飯，在乎餐飲奶茶也！叫左一個快餐，一個廚師推介凍奶茶+熱華田 其實奶茶有點甜，唔記得叫小甜，但當你奶茶隱發作既時候，甜度都不是大問題！熱 華田有加花奶，好味！好怕d茶餐廳就咁用華田粉加水，呢度飲品我比高分！煎龍脷意粉配什菌忌廉汁快餐講求快，不過不失，龍脷柳雖急凍，但煎得都唔錯既，白汁有點結蕃茄牛肉炒蛋飯呢個有點驚喜，牛肉同炒蛋都好滑，蕃茄份量差唔多有1個，碟頭飯來說實在是合格有餘！

洗唔洗咁大碟西檸雞($52)司令今次由朋友帶路，去左間茶記食小菜，望落普普通通，入到去發現小菜有成過百款，仲要好抵食，司令叫左西檸雞，原先以為佢五十幾蚊都係比一碟仔肉，上枱真係嚇親司令咁大碟，足足有兩大塊雞扒咁多肉，而且外皮炸得好酥脆，酸酸甜甜好開胃。-加個飯同野飲都只係額外加$13，抵食到爛。其他小菜亦都相當抵食，沙嗲金菇肥牛、茄子斑腩、海南雞、豆豉鯪魚炒油麥菜，樣樣都大大碟，而且好有鑊氣，可以再戰。

叫個白汁海鮮飯，蟹柳連埋透明果舊包裝一齊煮，白汁又唔係白汁。服務態度又差，唔會再去食啲海鮮求其浸熟，就加啲所謂白汁上面，一啲味都無。凍檸茶甜成杯糖水咁。呢間野食到令人想嘔。

依間野比一般茶記略貴，又或者係我過敏，畢竟唔係太熟依一區。不過無妨，食左個豬頸肉飯，質素可以。白飯份量足夠，豬頸肉很入味爽脆，值得一讚的是它提供的秘製醬料，十分的香口惹味，和豬頸肉一起吃，加了不少的分數。不過略嫌豬頸肉不是太多，所以最後吃的不是完全夠喉

每次返教會都會嚟呢邊幾間茶記揀，而富堡嘅泰式粉麵做得唔錯，就連對面間專做泰國菜嘅餐廳都無呢一間做得咁好。我坐低叫左一碗炭燒豬頸肉，單係佢嘅賣相，都覺得係有誠意。須知道其實有好多唔會另上豬頸肉，因為好麻煩，頂多跟個汁俾你已經人至義盡，但係佢呢度啲炭燒豬頸肉真係燒得好靚。陣陣焦香味，每一片都唔厚，份量都唔少~ 本來我係想食河粉，但唔知點解呢度啲河粉成日賣哂，不過米粉都唔錯，麵質好幼~ 份量亦適中。不得不提舊蘿蔔，因為真係好清甜~ 　呢度其實幾間茶餐廳都唔錯，所以呢度附近係好多街坊嘅搵食地點~~

每兩個月我便要到聖母醫院覆診, 最大的精神動力是這家茶餐廳, 自半年多前不小心走了進去之後, 我就好像著了魔一樣, 無論看完醫生有多晚, 我都一定要來這裡吃個泰國湯河令自己開心一下!!!每次都會點豬頸肉河粉($35)+蘿蔔($4)...有時候想吃辣就加冬蔭功湯底($4), 其實不吃辣, 吃清湯加撈檬汁, 也是不錯的選擇豬頸肉外皮香脆, 中間肉質鮮嫩, 伴碟的汁酸酸辣辣很醒胃那個蘿蔔真是沒話可說的淋, 而且觧甜沒楂, 每件都很大很大, 吃完4件都有點意猶未盡的感覺冬蔭功湯底夠辣, 有泰國菜館風味而河粉煙煙韌韌, 而且簿簿的~~好好吃呀~~~~~這裡除了泰國湯河外, 也有雲吞墨丸類粉麵, 小炒, 海南雞等...除了食物種類比較多之外, 服務更是值得一讚, 由於我兩個月才來光顧一次, 但他們對我這位生客也是很親切就如昨天我吃不完, 想要一個外賣碗+多一份蘿蔔我想那個是老闆娘, 她都很細心問我蘿蔔如果煮淋要等多一會, 又問我為什麼吃不完所以東西等等...見外賣的袋子太小又主動幫我換一個大一點的...而且我見她對熟客也很主動, 小店真的好親切難怪每次來都差不多九點都坐無虛席, 有時候要行上閣樓

今日第四次食这里的乾炒牛河了。实在太好了。 為了一碟牛河就跑回家寫这个食評还是值得的，食咗４次４次都一樣咁有水準，唔讚吓佢都唔得。３２蚊碟伙记一端上來就鑊氣樸鼻，好似將成隻鑊由廚房拎出來放喺你面前，Ｄ河粉在碟上彈彈吓，证明粉本身夠烟靭又唔碎濕濕，當然亦因為炒得好先至唔會一｀ｐａｔ＇嘢咁，凈係呢點己经好多餐廳酒楼做唔到，（試過一間颇有名的唔打仗的“ｘｘ馆”的牛河，就是一ｐａｔ碎河粉了。）牛河味道較得啱啱好，唔太甜又唔覺得有重味精。色水唔會太黑，有光澤又唔太多油。（其實就算油多了一点小弟都唔會太介意，好似食和牛，鵝肝咁都預咗啦．）牛肉夠多夠淋但又唔係拿到死淋冇哂肉質嗰隻，冇留下梳打粉Ｄ苦味，夠香仲炒到有少少燶㖭，好嘢。証明个厨真係好掂，各方面都兼顧到，對自己同食物都有要求，芽菜的份量又適中，三十零蚊我唔介意冇韮黄。亦唔需要加蛋絲上面整色整水．一碟近乎完美，色香味俱全的干牛河就俾我十分钟食哂，好滿足。在香港地干牛河通街都係，試問能碰到值得回味嘅又有幾間呢？（记憶中銅鑼湾的何ｘ记都幾得，但Ｎ年无去了，得閒要再去比較吓．）呢間店平凡中顯不平凡，呢到Ｄ其他炒嘢都水準高，相信就是出自同一个師父，钦敬