44
11
3
2-min walk from Exit A, Sai Wan Ho MTR Station
continue reading
Telephone
34605119
Opening Hours
Today
08:00 - 21:00
Mon - Sun
08:00 - 21:00
Above information is for reference only. Please check details with the restaurant.
【東區】【犀牛廚房】上次要同朋友食生日飯，不過準備不足之下，要去到夜少少先有枱。好彩朋友本身都係夜鬼，晏啲食都冇所謂，咁就玉成咗之前食燒肉嗰餐，詳情就參考返 1am0832 嗰篇。不過食之前都要搵個地方坐吓等張枱，就搵到呢間。我飲杯 $40 嘅「髒髒咖啡」，佢寫就係凍鮮奶加 Double Ristretto，係任由 espresso 弄髒純白嘅鮮奶咁話，飲落去，喂好好飲喎！爭啲即場買多杯呀！朋友飲 $46 嘅「單品冷萃咖啡」，佢本身幾中意 Cold Brew，佢覺得 okay。而佢仲食咗件 $42 嘅「檸檬芝士蛋糕」，佢最特別之處係喺本身 American Cheesecake 餅底上面插上一片以 18 小時風乾嘅檸檬片嚟點綴吓件事。我有食一啖試吓，都幾好。咁樣兩杯嘢飲加件 cake 就 $141，唔緊要，我畀。食完呢次冇耐之後又有機會過嚟呢邊食嘢，我就建議食吓呢度啲正餐，咁我又可以寫吓嘢吖嘛。而家我身邊嘅人大多數都好就我，去邊都冇所謂，咁就再入去坐低咗。我同朋友 share 食，主菜、甜品、飲品各兩樣就啱啱好啦。主菜食咗 $95 嘅「油封鴨髀香蒜橄欖油意大利麵」，初初都有擔心成件事會唔會太乾，不過食落又唔會，個傳統意大利橄欖油蒜片意大利麵都易入口，又夠大兜。不過隻鴨髀講到皮金香鬆脆、肉軟嫩多汁，又好似吹大咗咁。之後到 $198 嘅「紐西蘭頂級PS草飼肉眼牛扒」配新鮮烤蔬菜，五成熟算係做得啱啱好，因為肉眼通常中間會有一塊明顯嘅油脂，五成熟左右就可以將啲油脂燒透，散發出牛油香味而又肉質鮮嫩。不過佢得 10 安士，唔多夠喉。叫正餐再叫嘢飲有半價，所以杯有藍柑、青檸、菠蘿、藍莓、梳打嘅「海洋奇緣」只係 $18，呢個組合幾清新，個顏色又似海洋。朋友嗰杯「夏日果旅」都係 $18，由菠蘿、橙、檸檬、石榴、薄荷、梳打組成，佢冇乜意見。甜品就叫咗個 $46 嘅「小朋友雪糕朱古力」，即係「兒童 Affogato」呀，有花生、朱古力片、雪糕同埋熱朱古力奶，幾甜幾得意，仲有棉花糖喺裡面。另外仲有 $42 嘅「三重朱古力蛋糕」，幾濃幾正嘅。夾埋 $459，合理價錢吖。。。（地址：西灣河聖十字徑2號地舖）#1amfoodie #hkig #foodie #hk #hongkong #hongkongfoodie #thatfoodiething #instagood #love #hkigfood #hkfoodlove #hkfoodblog #globaleats #foodieman #1am東區 #西灣河 #犀牛廚房 #髒髒咖啡 #冷萃咖啡 #檸檬芝士蛋糕 #油封鴨髀香蒜橄欖油意大利麵 #紐西蘭頂級PS草飼肉眼牛扒 #新鮮烤蔬菜 #海洋奇緣 #夏日果旅 #小朋友雪糕朱古力 #三重朱古力蛋糕 #1am0852 #1ambackup
continue reading
基本上入東區過咗太古城 大部分都係民居 餐廳都係做街坊生意🍴所以普遍都係茶餐廳 茶樓等等食肆 比較少西式野食呢間犀牛餐廳簡直係漆黑中嘅螢火蟲🦏係返工附近唯一嘅一間好西餐廳🥹最推介係（排名不分先後）😋茄湯通粉早餐 $45雖然唔係All day breakfast🍳 除咗個湯粉本身 其他配料有齊炒滑蛋🥚 香草炒蘑菇（呢個真係好推介） 香腸兩條 同埋茄汁豆🥫而個通粉嘅湯底本身亦都好jeng 係偏酸嘅蕃茄濃湯味🍅連埋個價錢 真係覺得超抵食🙏🏼😋鴨髀意粉🍝本身做鴨髀嘅西餐廳就唔多 通常都係專做法式或者高檔小小嘅餐廳先有得食呢到嘅鴨髀意粉絕對可以話係最多人order嘅嘢食鴨髀既無怪膻味 肉質又滑嫩個意粉係蒜油底 加小小嘅乾辣椒絲啲辣椒絲吊曬個味出嚟 超級夾 😋下午茶嘅窩夫🧇有得揀配香蕉🍌 炸雞🍗 or 鴨髀😂我有試過叫炸雞 唔係咁夾🥀都係焦糖香蕉最好食個窩夫即叫即整 配埋球雪糕 熱量Party😙😙🔥題外話 呢個餐廳係協青社期下大方向係希望幫到有需要嘅年輕人但係啲野食真係一啲都唔馬虎 仲要Keep到QC 每次食都差唔多味道值得大家支持下🍻
continue reading
位於西灣河嘅犀牛廚房，燈光十分之好環境亦都好闊落，坐得好舒服。👍👍下午茶有好多選擇，例如全日早餐同waffle餐等等。同朋友叫咗個全日早餐🍳、waffle拼鴨髀同一份薯條。🍟叫左份Smoked Salmon and Avocado份量適中，都幾開胃。三文魚都切得幾好，牛油果夠健康，所以成份都好健康。💪🏻而Waffle拼鴨腿，鴨髀係用法式慢煮油配蜂蜜，非常之好味。再加埋杏仁、百里香。簡直係五味俱全。薯條亦都非常之脆、成件事嘅感覺係好chill好relax
continue reading
下午茶時間，今日到西灣河嘅犀牛廚房，我哋去到嘅時候人唔多，餐廳環境舒適，食物質素可以，服務一般。點左炸雞腿🍗窩夫，朱古力心太軟雪糕跟餐點左杯英式檸檬茶，點錯晒，味道一言難盡😅英式紅茶淡，雖然叫左少冰，但是都係令到茶味更淡。朱古力心太軟，暖暖的朱古力蛋糕包住流心朱古力，軟糯而又唔會太甜，配上麥維他餅碎，有軟又脆，加埋雪糕，冰火二重奏。炸雞腿炸得好香脆，唔會覺得油膩，雞肉唔會梅，窩夫🧇外脆內軟，亦唔會太甜膩。
continue reading
行完山落到去西灣河，朋友介紹 話附近有間社企餐廳，就不如試下餐廳外牆有塗鴉，充滿文藝氣息。裡面闊落，木枱木椅，加上有綠色植物裝飾，坐得幾舒服🌿下午茶時段，自家鬆脆窩夫，南部炸雞鎚 $58見到Manu好吸引，炸雞槌較圖片細隻，但配上酸忌廉，紅椒粉，香葉，保持外脆內軟，熱騰騰， 味道可口。窩夫做得夠挺身，已加了蜜糖，甜度剛好Matcha Latte $19 （原價$38 下午茶半價）香濃，啖啖回甘 黑松露雜菌長通粉 $58朋友略嫌比較多汁同濃味，如果鐘意吃味濃的人，相信會喜歡。Cappuccino $20 （原價$40下午茶半價）拉花好靚，朋友滿意有機會會再來
continue reading