Video
5-min walk from Exit F, Admiralty MTR Station
continue reading
Telephone
36184863
Opening Hours
Today
Closed
Mon - Fri
11:30 - 20:00
Sat
11:30 - 18:00
Sun
Closed
Public Holiday
11:30 - 20:00
Public Holiday Eve
11:30 - 20:00
Above information is for reference only. Please check details with the restaurant.
Rempah Noodles📍灣仔軒尼詩道18號地舖朋友經常放工由金鐘行過嚟灣仔搵我食飯，真係辛苦佢啦，今次我想佢行少啲，所以同佢去咗一間留意咗好耐嘅新加坡餐廳食晚飯。我哋行經呢間Rempah Noodles多次，每次都見裡面座無虛席，午市時間仲大排長龍，遲遲都未的起到心肝去食。呢日平日嘅晚上，我哋好幸運地唔洗排隊就有得入座。店員安排我哋坐係店舖中央嘅大長方檯，並親切地話俾我哋知檯底設有掛勾，方便食客放置個人物品。仔細一睇，原來檯面上有貼上藍色圓形貼紙，咁樣就唔洗盲摸摸咁搵個勾喺邊，設計實用、貼心又美觀！餐廳裝潢簡約，主要採用黑白兩色為主，黑白格仔地板最為搶眼。向街嘅座位前裝咗可以打開嘅玻璃窗，加上open kitchen，令空間感增加，放置少量植物同多件富懷舊風情嘅擺設，令整體感慨非常舒適，營造獨特嘅復古風。除咗裝修特別，供應嘅餐點亦係其特別之處。有別於新加坡大部分餐廳，供應各式各樣多元化嘅美食，呢間麵店只提供三款麵食，專門程度可以媲美日式拉麵店。店名Rempah係香料膽嘅馬拉文，象徵住每一款供應嘅麵食，都用咗獨特嘅香料膽炮製，做出味道香濃嘅娘惹風味。 💰$115優質蝦麵 🦐廚師將蝦頭蝦殼落鑊炒香，混入豬骨湯，花上5小時慢火熬製出蝦麵嘅湯底。麵底係摻摻（雞蛋麵+米粉），蝦湯湯底色水偏深，味道偏甜，蝦味芬芳。蝦麵配料非常豐富，有切片鮮蝦、caramalised onion、炆豬腩肉、菜、豆芽同自家製豬油渣。不得不承認，佢嘅豬油渣真係香而不膩，最重要係無油膉味，好抵讚。不過可能因為我唔太鍾意食摻摻（因為唔鍾意粗幼麵口感硬度不一嘅感覺），同埋的洋蔥碎浸住湯好快淋晒，所以影響咗整體嘅食用感。可能只係我個人口味問題，朋友話好食，講嘅時候仲不忘飲幾啖湯，所以我認為口味嘅嘢，真係見仁見智。 💰$115娘惹厚濃叻沙 🥘我叫嘅叻沙最吸引人嘅地方，就係個橙橙黃黃嘅靚湯底。廚師選用南薑、黃薑、乾葱等近十種香料，人手炒香後，加入香味濃郁嘅椰漿同以雞骨豬骨熬製嘅湯底，飲落鮮甜帶微辣嘅後勁，淨係個湯都咁足料咁有心機，未食麵都已經好滿意。麵底用上我至愛嘅粗身米線，索湯力不比米粉差。配料有切片鮮蝦、魚餅、雞絲、半隻蛋、豆卜同豆芽。蝦肉同樣彈牙、雞絲出奇地嫩滑、芽菜新鮮爽口無臭青味、豆卜吸滿湯汁...最重要係所有配菜都比較淡口，配濃香無比嘅叻沙湯底食，就最適合不過。 💰$45咖央多士 🍞點完兩款麵食之後，店員主動推介咖央多士，問會唔會想試下。因為見價錢唔算太平，所以想考慮下先。我同佢食咗幾啖麵之後，對餐廳出品有信心，唔洗諗就決定要試埋個多士。對上一次食咖央多士，無記錯係朋友去食南洋嘢打包俾我嘅，雖然味道都唔錯，但始終食唔返兒時嘅味道。講返今餐，一上檯見到4件多士堆成一座小塔，放喺傳統瓷碟上，造型有趣搶眼。多士烘得香脆無比，咖央醬絲滑香甜，外熱內冷嘅感覺正到無朋友。咁有驚喜嘅甜品，好彩我哋有叫到嚟食，因為個人認為佢比兩款麵食更出色、更好味。
continue reading
我經常坐車都會經過灣仔，往往見到一條長龍，今日終於扚起心肝去試吓！中午12:15到達，見到有大約10人在排隊，心知不妙！不過等咗大約15分鐘，就有得食啦！餐廳內只有三款麵食選擇，我揀咗最多人食嘅喇沙湯麵，一碗要$115，價錢都幾貴！不過灣仔啲嘢貴啲，呢個價錢都可以接受！當然叫埋佢嘅咖央多士，唔夠5分鐘，碗喇沙就到咗！喇沙嘅湯底好濃郁，飲得出唔係好味精！湯底好自然！都幾唔錯！啲料都幾多，有蝦、有蛋、有雞絲！份量都唔錯！整體係好夾！唔怪之得咁多人幫襯！另外個多士都係啱啱即叫即整，佢嘅咖央都幾多，食落去脆卜卜！真係好享受！只係杯嘢飲比較貴，如果平少少更加好！
continue reading
突然好想食喇沙，於是決定去灣仔聞名已久那家店試試。❧ 娘惹喇沙 👍🏻👍🏻
咪講笑，上枱時湯底的香氣已經飄過來！食落去，湯底有非常濃郁的椰漿及蝦味。🦐🥥 湯入面還有細細既蝦乾仔，令風味大增。喇沙中的香料不會太辣。豆腐卜酥脆有口感，雞絲都幾嫩滑。❧ 青檸冰茶 👍🏻👍🏻
有點似不甜版泰式冰茶，有同一種獨特的香氣及濃厚茶味。中和返個微辣嘅喇沙湯都唔錯。不過，以HKD 115來說，個麵份量比較少及價錢偏貴。
continue reading
叻沙味道一般個湯唔算濃味鍾意食好清淡嘅人就啱囉🤣直頭可以講冇咩味嚟形容唔夠香我會覺得土司工房嗰個好食啲又香啲Kaya吐司佢就比吐司工房個口感好但係佢都係只有口感脆同新鮮味道亦不驚豔 超級普通嗰醬係爆多嘅 但係冇味嘅😅性價比低
continue reading
建议错过高峰期！真的很火爆😂🦐虾面虾仁个头很大，汤头浓郁鲜美，米粉和面条两掺的，面条Q弹劲道，米粉吸满汤汁很入味！嗦面嗦粉的快乐同时拥有。再配上猪油渣和炸蒜、通心菜和芽菜，口感丰富，热气腾腾的一碗下肚超级治愈。🍞kaya toast冰冰凉凉的咖央酱，搭配香香脆脆的面包片，一口下去，好吃到飞起！中间的酱给的很足，冰激凌口感配上松脆吐司，甜度适中，恰到好处的合拍。一份四小块，饭后一份甜品填缝儿！叻沙留给下次，总要有所期待🥰
continue reading
You may be interested in