190
36
7
4-min walk from Exit F, Admiralty MTR Station continue reading
Telephone
36184863
Opening Hours
Today
11:30 - 20:00
Mon - Fri
11:30 - 20:00
Sat
11:30 - 18:00
Sun
Closed
Payment Methods
Cash
Number of Seats
35
Other Info
Wi-Fi
Delivery
10% Service Charge
Outdoor Seating
Review (262)
Level4 2021-08-17
1146 views
近月不時需要到灣仔辦理公務💼,這次特意在中午時間⏰前來灣仔,處理好公事就來處理自已的肚子啊!思量過後決定走到被譽為「全香港最好吃的咖央多士」的人氣🔥叻沙專賣店碰碰運氣娘惹濃厚叻沙 $98(青檸冰茶 +$15)來到這裡除了吃咖央多士外,叻沙已聽說頗受歡迎當然要來一個🙋🏻‍♀️店家聲稱用上粗米粉配獨家調配的椰子🥥雞濃湯,搭配鮮蝦🦐、魚餅、雞絲、雞蛋🥚、豆腐、豆芽跟香菜,配料十足,期望值變得更高😚上菜一刻叻沙的香氣已經傳入我的鼻👃🏻,湯頭色澤看得出濃郁,濃稠杰身,椰奶味香,紅油多但辣度比預期中溫和,未入口就已經覺得很吸引🤗 但吃當我喝下一口湯頭時,😳咦?!是我錯覺嗎?再吃一口更加覺得詭異,因為這碗🥣的味道實在比想像中淡,完全不對勁🤨,怎麼可能呢?這碗無論色澤跟香氣都已經非常對辦✅,可是味道卻是來得不一樣呀!不是不好吃,只是跟我期望的實在有點距離📐麵底用上粗米粉而非傳統的摻摻(油麵 + 粉絲),質地偏腍身但不會發脹而令口感變得更差,還不錯的~ 食材款式多調味也正常,略嫌蝦肉跟雞蛋味道一般🙁,但配湯頭會更顯惹味😋整體質素算🈴格,湯頭、麵質跟配材都是一般,難免令人有失望的感覺青檸冰茶🥤味道較好,有點像🇹🇭泰式的凍檸茶,甜度適中👌🏻咖央多士 $38來到這個「鎮店之寶」👑~ 擁有這個稱呼也不為過,因為每檯也會點一客,而且風評也是非常好👍🏻!麵包🍞表面烤至微焦,非常鬆脆,中間的咖央醬用上椰奶跟班蘭汁製成嘅,無論質感或顏色也與牛油果🥑非常相似,口感介乎於忌廉與雪糕🍨之間,入口輕盈軟滑,帶少許班蘭香,香甜不膩咖央醬入口冰凍🧊,配上烘熱脆口的多士,冰火交融,口感更好!個人認為這個是在香港🇭🇰吃到最好吃的一款!驟眼看店家的門面還以為是一間Cafe☕️,黑白格仔地磚、雲石檯,配上落地玻璃的裝潢及開放式廚房,簡潔時尚,採光度高,打卡📸一流菜單只得一頁紙📄:三款麵同四款飲品,兩款人氣小食就顯示於牆上的黑板,雖然只有幾款食品,已足夠吸引👀客人來光顧當日見到不少上班族排隊光顧,我也差不多等了大半個小時才安排入座,可想而知店家有多受歡迎👏🏻單單為著這個🌏世界級咖央,排隊一試也絕對值得啊❤️ continue reading
(The above review is the personal opinion of a user which does not represent OpenRice's point of view.)
Level4 2021-07-08
2626 views
咖央多士 $38咖央多士經乎每枱都叫 多士烘過好脆口 而且咖央醬好香滑 有啲似吉士既texture 食落有淡淡既班蘭味 加上味道唔會太甜 食兩舊都唔算膩 整體黎講都幾特別 值得一試🥰評分: 9/10🌟娘惹濃厚喇沙 $98w/鮮蝦、魚餅、雞絲、雞蛋、豆腐、豆芽、香菜、粗米粉、芳香REMPAH椰子和雞濃湯喇沙既香味係出面排隊既時候已經聞到 平日既1點左右去到都要等大概40分鐘 見到有唔少上班族都會去食 人氣十足🔥 講返喇沙既配料十足 而且個湯底真係好濃郁好有椰奶味 配埋米線同入味既配料食就更加出色🤩 不過成碗份量偏少至適中 就算係女士都食得哂😋評分: 10/10🌟 TEH (配煉乳) $30呢杯類似係泰式奶茶既味道 但個茶味會比較濃郁啲 而且甜度都比較高 如果唔鐘意太甜就可以等啲冰溶咗少少先飲 感覺順口啲haha🤣🤣🤣 但係門口排到好熱再飲返杯凍野真係好爽🥳 評分: 8.5/10🌟青檸冰茶 跟餐+ $15呢杯係平日中午跟餐有特價 本身以為加咗青檸會好fresh 甜度比較低 點知飲落發現茶味好濃但都好甜 而且係愈飲愈甜 仲誇張過TEH既甜度😹 所以個人都係鐘意奶茶多啲 個味道都比較易接受😚評分: 7.5/10🌟———————————————————————Rempah Noodles (灣仔)灣仔軒尼詩道18號地舖 continue reading
(The above review is the personal opinion of a user which does not represent OpenRice's point of view.)
Level4 2021-06-26
141 views
網界有名氣既叻沙店,餐單款式唔多但每樣都做得好出色,絕對係貴精不貴多。.Nonya Laksa Lemak 湯叻沙💲 98⭐️ 4/5椰香味重但係比想像中淡口清淡,配料不少蝦好新鮮,麵底用比較少人用既米線底而唔係傳統油麵溝米粉。麵唔夠食可以任加底。雖則食左一底麵後個湯都飲得7788,我地都照叫多底麵干埋佢。.Dry Laksa 干叻沙 💲 98⭐️ 4.5/5干叻沙同湯版本完全係兩個唔同既汁,唔係簡單就咁分有湯同無湯咁敷衍。干版本比湯版本味濃好多,同埋有明顯辣度。個人喜歡呢個版本多好多,可能一向都係邪惡派鍾意重口味。餸大同小異,但麵底佢係用銀針粉,好掛汁。.Kaya Toast 咖央多💲 38⭐️ 4/5必點既招牌kaya toast。多士香脆係基本,中間夾心係凍凍地既cream,但一d都唔甜行清新風格。同一般咖央味茶餐廳塗醬式多士做法完全唔同,餐廳用新鮮嘅班蘭葉溝cream 做中間既餡。.Pai Tee 金杯💲 60/4⭐️ 4/5金黃香脆既咸點金杯,作為小食佢好出色,雖則相對上佢偏貴。但再去都會照舊encore(反正佢都無其他小食🤪).🔴 好食同口味上有餐廳特色。雖則係網紅店,但都會歸入排隊都有下次系列。.不專業食評 nei.foodie continue reading
(The above review is the personal opinion of a user which does not represent OpenRice's point of view.)
Level4 2021-04-25
3195 views
今次終於試咗人氣新加坡餐廳 成日都大排長龍除咗食物之外店內環境仲非常之Igable😋餐廳食物嘅選擇唔多 只有三款面同嘢飲啱晒選擇困難症嘅人🤣不過建議大家要早啲去 我哋差唔多臨收舖去到好多嘢都賣晒🥲面本身係跟米線 但係米線先賣晒唯有轉蛋麵同米粉想試嘅咖央多士都賣哂.🎈娘惹濃厚叻沙 ($98)👉湯底方面店員一放底碗麵就已經聞到好香既椰奶味🤤味道都同預期一樣咁濃厚 仲食到d炸蒜頭炸蝦米碎 但係食到尾就覺得有少少太濃 如果有幾粒青檸解膩相信會好好多👍👉配料方面麵既配料算係充足 有蝦 雞肉 豆卜 魚片 魚片頭 芽菜 雞蛋蝦既質量唔錯 有鮮甜味得嚟都爽口 仲有好多隻🤣雞肉比較碎 不過同豆卜一樣索哂d汁 好惹味 👉麵質方面可能原本跟嘅米線真係會最好因為我哋食蛋麵加米粉 我自己就覺得麵質淋左少少評分: 7.5/10.🎈優質蝦麵 ($98) 7/10👉湯底方面蝦麵湯底比想像中淡 冇出面做得蝦味咁濃郁同出面帶微辣既蝦湯都唔同不過都飲得出真材實料 唔係味精湯但相比起鰂魚涌既蝦麵店 就有少少相形見絀👉配料方面配料有蝦 豬肉片 芽菜 同豬油渣蝦同叻沙一樣都係咁鮮甜 豬油渣就最特別 係似d炸左既燒肉皮咁 非常香脆評分: 7/10.🎈KOPI/TEH 凍咖啡 ($30) 咖啡比較普通 叫做好飲過茶記🤣不過一樣係幾打卡able👍評分: 6.5/10.🎈青檸冰茶 ($28) 冰茶味道較好 似係泰式嗰隻凍檸茶你都唔算好甜 所以相對起來茶味會比較突出要挑剔嘅係黎既時候冇攪勻 上凍下熱🥲評分: 7.5/10.🎈總括而言一定要早啲嚟唔係就好多嘢都賣晒🥲我會推薦叻沙多過蝦麵 比較適合重口味人士👍店內環境都幾靚 有望住馬路窗邊嘅座位不過比較可惜嘅係咖央多士已經賣晒😭評分: 7.5/10 continue reading
(The above review is the personal opinion of a user which does not represent OpenRice's point of view.)
有一排好鍾意食馬來西亞菜、新加坡菜,尤其係叻沙同埋咖央多士,做個一輪資料蒐集,見到依間嘅咖央多士同叻沙非常吸引,bookmark左好耐之後終於去試。叻沙係國民美食,無分早午晚,就好似香港既雲吞麵咁,個個馬來西亞人、新加坡人都好鍾意,不過大家成日食叻沙,其實又知唔知叻沙既來源同歷史呢?叻沙最常見係新加坡同馬來西亞,不過對於邊個先係真正既發源地其實無確實既答案。叻沙隨左唔同地方同族群會有唔同既版本,好似係馬來西亞中部、南部同新加坡既叻沙叫咖哩叻沙,而大家平時好常聽到既娘惹叻沙其實係咖哩叻沙既主要形式,甚至有歷史學家話娘惹叻沙係叻沙既最雛型版本。咁娘惹兩個字究竟點解? 係15世紀時,中國移民同東南亞土著居民聯姻之後,生出黎既女叫做娘惹,如果係男仔就叫峇峇,華人既飲食習慣慢慢同當地飲食文化結合一齊,當時既婦女會將D香料同椰奶加入中國既麵條入面,所以可以肯定叻沙係由馬來人、華人同娘惹唔同文化結合出黎既食物。由於馬來西亞同新加坡共享好多共通文化,兩地係咖哩叻沙做法上其實分別唔大。呢間新加坡菜係2018年開業,由來自新加坡既大廚主理,因為全日淨係賣娘惹叻沙、乾叻沙同蝦麵,曾經比人睇死好快會執笠,點知變左人氣長龍店,仲掀起左食叻沙既熱潮。Rampah係馬來語,解香料既意思,一般星加坡、馬來西亞做法都係混合香草同香料作為香味既基礎,而呢間Rempah Noodles係用香草同香料炮製出自家獨門秘方,同時展示融合傳統同新派既煮法。雖然佢個位置唔算近任何地鐵站,喺灣仔區但地鐵站行過去要起碼6分鐘,係金鐘站行過去又係6分鐘,但每次經過都見到有人排隊。第一次去嗰時係星期五夜晚,見到排隊嘅人唔算多,諗住排到隊就食到,點知排到前面仲有兩個人嗰時,侍應行出嚟講話叻沙已經賣晒,果次唔成功食到,之後去咗同區嘅bibi & baba,冇期望過點知係非常好食,但bibi & baba咩都有,唯一一樣冇嘅就係咖央多士,所以想去依間Rempah Noodles食咖央多士嘅念頭一直仲喺度。之後第二次食,為左一定要食到叻沙同咖央多士,就選擇日頭去,星期六大概下晝一點半去到,有人龍但係唔算人多,等咗大概10至15分鐘就入得。餐廳既門面就咁睇仲以為係CAFE,黑白格仔地磚、雲石枱、落地玻璃既裝修,簡潔時尚,開放式既設計,而且餐廳採光度高,所以吸引左唔少人黎打卡,最厲害係行過就會聞到好香蝦麵既味道。餐廳嘅左右兩排係面向牆嘅位置,中間有一張雲石大枱,枱上擺左鮮花同一啲東南亞作者著作,摩登帶幾分文青氣息。近門口會有隔住玻璃嘅兩張枱,一張係室內面向街既,另一張就係對住,但就係室外位,如果唔介意坐室外位,排隊應該會快啲入到。餐廳嘢食唔多,屈指可數,貴精不貴多,Menu上淨係見到三樣嘢食,娘惹叻沙、乾叻沙同蝦麵,嘢飲就只有四款。除咗店員俾你嘅Menu之外,喺牆上有塊黑板,會有一款小食叫金杯,另外就係甜品咖央多士。餐廳冇好多嘢食,但已經足夠令好多人山長水遠排隊一試。叻沙、咖央多士都係我嘅主要目標,比起其他餐廳佢有特別嘅乾叻沙,所以都叫咗黎試,而金杯因為上次食過bibi & baba覺得好特別好食,所以叫左試比較下。落完單就會見到餐廳淨係收現金,而且張單上面會有餐廳嘅wifi password。店員會提供檸檬水,就算唔特別叫野飲都足夠清口解膩。-1️⃣ Kaya Toast 咖央多士 💰38(👅: 9.5/10)外表同平時內餡係偏啡色嘅咖央多士唔同,佢嘅內餡係綠色,顏色似牛油果,因為佢係加左新鮮班蘭葉嘅醬。另外佢唔係一般咖央多士咁,淨係係多士入面抹上薄薄既斑蘭或者咖央醬,而係將斑蘭葉同椰奶打成CREAM,令到CREAM充滿係香脆既多士之間,超級飽滿。多士烤到金黃色,麵包焦香唔強,但非常鬆脆可口,外脆內軟,唔會硬邦邦,食落係熱辣辣,內餡咖央醬係非常之厚同creamy,口感有啲似吉士同雪糕中間,食落小小凍,小小似食雪糕多士,一咬落去咖央醬咇哂出嚟,入口輕盈順滑,帶小小斑蘭香,熱辣辣既多士配上小小凍既咖央醬,冰火交融,係一啖接一啖嘅滿足感,因為唔會覺得過甜,食完又唔會覺得好heavy,香甜不膩,令人欲罷不能,就算一個人食哂成份都不為過份。雖然佢係冇好似其他咁加塊牛油既咖央多士(例如好似蘇媽既牛油咖央醬),但味道已經勝過好多牛油咖央多士,而且加左牛油可能會比較HEAVY,就咁班斕咖央食落就清新,但咖央多士如果唔係趁熱食應該會差好多,因為麵包會凍左同比較硬身。如果鍾意食滿滿醬汁嘅咖央多士,呢件就最適合,甚至我覺得依個係我食過咁多個,最好食嘅咖央多士,因為有好多咖央多士個醬係唔夠,或者味道唔夠濃厚,要做到醬汁濃厚,就唔可以係兩塊麵包夾埋一齊中間差啲醬就算,做法要好似依個咖央多士,將一塊厚嘅麵包入邊嘅麵包肉挑空再打成CREAM塞滿多士入面,先可以做到醬汁比其他咖央多士更多更豐富。-2️⃣ Pai Tee 金杯 💰60/4件(👅: 8.5/10)金杯有分6件同4件,因為有叫咖央多士所以淺嚐4件。金杯係一款非常受馬來人歡迎既地道小食,的骰既金杯,外表好似燒賣,溫度唔凍唔熱,大細係一口可以食得哂,建議用手食,因為用筷子好似跌左上面既蝦。外表炸到金黃酥脆,杯身炸得好薄脆,食落係乾爽、唔會有油膩感。金杯內餡係紅蘿蔔、沙葛、煎蝦、香菜、豆乾粒,食落口感豐富,酥脆既金杯,帶點水份既沙葛,加上鮮甜既蝦味,配合上面既芫荽同參巴醬,只係簡單幾種食材,但夾埋一齊,鹹鹹酸酸,帶少少甜嘅脆口,帶清新芫茜香,所有香味融合為一,爽脆味濃,開胃惹味,係一樣好好既前菜小食。-3️⃣ Nonya Laksa Lemak 娘惹濃厚叻沙 💰98(👅: 9/10)首先講湯底,呢碗既叻沙做法正宗,用上叻沙膽係用上乾葱、南薑、黃薑、石栗、檸檬草、大蒜、辣椒等材料炒製,之後再加入雞骨、豬骨湯同椰漿煮成叻沙湯底。但對比起某D叻沙,呢間係唔落螄蚶既叻沙,未食之前已經聞到好香,入口幾creamy,濃稠杰身,不過我係香港有食過更杰身(鰂魚涌 小娘惹),係濃厚嘅椰香味,每一啖麵同湯都係濃濃嘅味道,飲落有叻沙葉、椰漿既香味同咖喱香料既濃香,對比起小娘惹佢係椰奶味較重,但唔會成口都係油。而碗叻沙雖然係橙黃色,紅油多但唔算好辣,辣度比預期溫和,就算唔食得辣嘅人都可以食到,不過如果鍾意食辣D叻沙既可能會覺得唔夠喉。碗湯唔會好重味精,係咁飲都唔會話覺得太口渴,一路一啖麵一啖湯咁食,甚至食完飲埋剩低啲湯都唔過分,因為碗喇沙湯都係真材實料咁煲出黎,飲完唔會覺得好膩。麵底係粗米粉,唔係傳統既摻摻油麵、米粉兩溝,食落質地小小彈煙韌,比較腍身唔算好爽口個種,不過就算食到最後都無發脹到變好腍身。食厭左摻摻食呢個粗米粉,會有一啲驚喜同新鮮感,不過如果配上摻摻可能會更掛湯更入味,因為蝦麵佢係兩溝而叻沙就只有粗米粉,如果有得自己揀更好。至於配料有半隻蛋、5片鮮蝦肉、炸魚片、豆卜、雞絲等等,質素算正常,蝦肉好細心拆晒殼得返蝦肉。餸料係叻沙入面不嬲都係配角,不過雞絲食落都嫩滑有雞味、魚片食落彈牙外皮好煙韌香口、豆卜依舊吸湯,係比預期中好食,香甜鹹味俱全,略嫌蝦肉食落蝦味唔重唔夠鮮味,同雞蛋無蛋香。湯、米線同餸料既比例岩岩好,成碗分量來講我覺得正常,因為我唔算好大食,但大食嘅人會覺得呢碗叻沙偏細,但餐廳好在可以免費加麵底,依樣係其他餐廳好少見,但大食嘅人就唔需要好擔心食完都唔覺得飽。雖然佢係無螄蚶既叻沙,有人會覺得唔夠正宗,但我覺得百花齊放,呢間叻沙令我暫時忘記螄蚶。-4️⃣ Dry Laksa 乾叻沙 💰98(👅: 9/10)係其他新加坡菜、馬來西亞菜既餐廳都無呢個乾叻沙,幾特別所以叫左。佢其實係一個撈麵,不過唔係摻摻,而係銀針粉底。銀針粉食落爽彈,爽中帶綿,而且非常掛汁。特別既係呢個湯汁同娘惹濃厚叻沙既味道係唔同,初頭以為只係濃同淡D分別但唔係,對比起娘惹濃厚叻沙混入椰漿同骨湯既喇沙,佢係店鋪特調既叻沙醬,百份百無添加其他元素,原形畢露既味道。 乾叻沙湯汁食落無咁重椰香味,比較重咖哩香,但甜甜辣辣既味道依然,食落濃稠芳香,辣香同椰香兼備,香氣複雜具層次,依然好惹味,醬汁雖濃但不至於膩。雖然叫乾叻沙,但其實湯汁係非常足夠,一啲都唔乾,份量夠撈埋所有銀針粉黎食。叻沙濃汁結合鮮蝦、豆芽、雞絲、魚片、雞蛋、香菜,合而為一,配搭平衡。-5️⃣KOPI/TEH 💰30(👅: 7.5/10)MENU上係KOPI/TEH 配煉乳,單上寫既係Iced Milk Tea,其實無寫錯。新加坡既野飲,每餐必備既就係水,而平時見到既TEH、TEH O、TEH C,其實係奶茶,而KOPI、KOPI O、KOPI C,其實係咖啡。TEH係奶茶,O意思係加糖,而C就係加糖又加鮮奶,KOSONG就係唔加糖唔加奶,最後BING係加冰。除非你講KOSONG,如果唔係基本上都會加糖,TEH、TEH O、TEH C分別就係加煉乳、加糖唔加奶、加鮮奶既紅茶。所以KOPI/TEH 就係紅茶配煉乳,就好似香港既熱走咁,用煉乳沖出黎既奶茶。飲落唔算好甜,比起一般奶茶帶多一重茶味香味,呢種係拉茶既味道,不過我係香港飲過更好飲既KOPI/TEH,所以呢杯唔算特別突出。-🌟食過香港唔少叻沙,呢度嘅叻沙絕對係有top3嘅水準,因為香港要搵可以飲得落、唔係味精、係真材實料嘅叻沙湯已經唔多,叻沙其實只要個湯做得好,麵同餸唔需要做到好突出都已經好足夠,因為每食一啖麵或者餸都會伴隨住湯。價錢算中價,質素差唔多既bibi & baba都係差唔多100蚊,唯獨鰂魚涌小店小娘惹70蚊食到一碗質素同份量都唔輸既叻沙,但鰂魚涌較遠同埋只做午市,以灣仔金鐘地段黎講,100蚊碗叻沙唔過份。因為同區有bibi & baba,兩間都係有喇沙、蝦麵、金杯,食啲嘢好類似,不過我覺得唔同嘅係,bibi & baba 除咗叻沙、金杯,仲有其他好多小食、炆雞、椰漿飯、甜品,同埋會有大家熟悉嘅拉茶同milo dinosaur,而呢間Rempah Noodles就獨沽幾味。味道質素來講,我覺得兩間唔差太遠,兩間嘅喇沙質素都類似,不過bibi & baba 會比較辣少少,而金杯質素都係類似,不過個人覺得bibi & baba 既金杯入口比較滿足啲,可能入邊嘅沙葛多啲,個人覺得就依兩樣嘢食黎講,bibi & baba 會更出色少少,但Rempah Noodles就有佢冇既咖央多士。如果我係好簡單想食叻沙或者咖央多士,我會揀Rempah Noodles,但如果我係想食好多嘢、或者想坐耐啲、又或者係星期五晚想飲下酒,我會揀bibi & baba,因為bibi & baba好多酒提供,小食同主食嘅選擇都比較多元化,而且最重要係bibi & baba唔會趕客走,基本上夜晚一坐低,都差唔多可以食到9、10點,但Rempah Noodles基本上八點可能已經食唔到叻沙,已經賣晒,而且邊食邊見到出邊嘅人龍,就算店員唔主動趕你走,都有無形壓力會想快啲食完走。咖央多士食過幾間,發覺其他幾間咖央多士冇辦法超越到呢間,一黎其他嘅咖央多士入邊個醬冇打成cream,味道唔夠濃厚,二黎其他嘅咖央多士醬唔夠多,又或者係本身多士就咁兩塊麵包,冇辦法塞到更多既醬,所以話佢係香港第一嘅咖央多士完全唔過分。至於叻沙我覺得好難講邊一間係第一,因為有啲叻沙係重海鮮味,有啲係重椰香味,有啲叻沙比較辣啲,有啲就完全唔辣,各有所好,至少呢間會係我想食喇沙會諗起嘅三間其中一間餐廳。-👅味道: 9/10🍴環境: 7/10💰消費: $324 (服務費: NA) continue reading
(The above review is the personal opinion of a user which does not represent OpenRice's point of view.)