Video
Additional Information
此店同時經營中西餐及酒吧
Opening Hours
*餐廳營業時間:11:00-22:00 酒吧營業時間: 18:00-04:00
Mon - Sun
11:00 - 04:00
Above information is for reference only. Please check details with the restaurant.
是日主角：食野好鬼厭尖o既舅父仔好鍾意周圍食野o既媽子是日財神爺...即係我早係12月頭o既時候，舅父仔話約我同媽咪去間BAR度食平安夜聖誕大餐，聽到真係有D驚(係平安夜o既晚上係間BAR度食聖誕大餐都係第一次)，係無咩信心o既情況下，聽完舅父仔講間舖頭名之後拿拿聲上OPENRICE度CHECK下掂唔掂，點知唔CHECK好過CHECK，間野連一個食評都無 個心即刻往下沈....呢間餐廳如果唔係我舅父仔極力推介都唔會諗住去食因為間舖又唔係o係大街大巷，真係一個唔留神都會行鬼過o左好在舅父仔識食，如果唔係就走寶lu~~~~~~~~哈!今晚7點鍾就準時去到(約左媽子, 準時係必定o既)間舖頭度，望入去小貓三四隻，個心就好似身處北極咁，冷到唔冷...見到門口有個聖誕老打扮o既哥仔向我招手...真係想當運高睇唔度掂行掂過，不過媽子同舅父仔已經坐左係入面，唯有硬住頭皮頂硬上啦!!入到去個氣氛都幾好，似餐廳feel多個似BAR囉，又有聖誕歌仔聽下，個心都定D。 個PAT PAT都未坐定，就有個姐姐仔好快咁遞張餐牌同杯水比我 (服務幾好)，坐定定之後就同叫左3個聖誕大餐食 (平安夜食聖誕大餐你又食過未?!?! 呵呵!!)頭盤： 農夫燒春雞併雜菜沙律 (配金巴利汁)初時以為成隻燒春雞咁大手筆添。原來係燒春雞*片*，食落好鬼嫩口，加埋個汁甜甜地好得開胃餐湯： 波士頓龍蝦湯好鮮唔*渴*喉主菜1) 紐西蘭大蝦牛柳 $208大蝦就未食到，因為舅父仔三扒兩撥已經將隻蝦分屍，留番d蝦殼比我六成熟o既牛柳好嫩口，好juicy (簡直係有血有肉汁呀)主菜2) 燒焗寶雲蘇羊扒 $173其實我都唔知咩叫寶雲蘇，有d脆脆地o既外層，好易切開，食落唔係太*蘇*伴碟個汁係用奇異果做，酸酸甜甜~好味！主菜3) 雜菜千層龍脷柳 $133偷左少少食，係唯一一次食魚柳係係鯹味(除左炸魚柳外)媽子話個廚師事前功夫整得好所以唔鯹喎甜品： 心太軟朱古力蛋糕係唯一覺得唔好食o既野...個皮太厚...d心太軟大流唔夠*傑*甜品： 焗蘋果金寶初時以為係成個熱辣辣蘋果類o既物品，上檯原來得一舊冷冰冰o既正方形物體 (真係大鄉里出) 食落又幾好食，味道唔識形容，總知外表同內在係兩件事啦!!飲品：都係一般o既奶茶咖啡，不過餐牌無寫以為無夥飲之嘛加一/小費：唔駛 (正!正!正!正!)後記：食完之後個兇神惡殺o既疑似老細仲走埋黎問我地d野食ok唔ok，有咩要改善?? (仲以為佢埋黎尋仇) 又一次証明呢個世界外表同內在係兩件事...哈哈!!雖然個老細無比**電視框**我，不過我都會再同朋友去食下佢地o既小菜，希望再有驚喜啦!!是次係因無準備，係用電話影o既.....下次再去食再影番d靚相post比大家睇
continue reading