ReDivine (CAPRI Place) (Closed)

位於澳南海岸嘅泰式西式fusion菜ReDivine環境幾舒服 仲有鞦韆椅啱晒打卡蟹肉金柚沙律金柚好甜好多汁一啲都唔澀加埋啖啖蟹肉同沙律菜 好鮮甜清新原條燒魷魚呢度嘅招牌菜 魷魚燒得啱啱好肉質柔軟有彈性 本身已經帶少少辣好香好惹味加埋檸檬汁同辣汁 真係好有泰國風味美國燒排骨用baby back ribs煮到肉質軟腍 一切落去就離骨 就咁食就好美式feel 加埋旁邊嘅泰式醬汁 帶少少辣更加惹味芒果糯米飯泰國菜必食嘅甜品 芒果有揀過夠晒香甜唔會酸糯米飯略為淋咗少少 如果硬番啲就完美喇…Read More

將軍澳海旁啲餐廳真係好靚，今日去咗Redivine，好似去咗隱世浪漫秘景。最鍾意係佢嘅韆鞦座位，呢個梳化韆鞦隔離仲有落地大玻璃，十分寫意。🎡前菜：泰式金柚沙律，加拿大蟹肉 $148🥗沙律絕對值得推薦。首先係下獄新鮮，加拿大蟹肉🦀配上金柚沙律醬之後，口感豐富，食出鮮甜嘅蟹肉味。金柚帶出咗鮮甜口感，結合埋爽脆沙律菜嘅結合，可以話係我食過最特別嘅沙律😋主菜：自家製青瓜乳酪醬，印度烤燒春雞，蟹籽沙律 $268烤春雞肉質鮮嫩多汁，🐣上碟時依然熱烘烘，份量滿滿，誠意十足。正所謂食烤雞一定要食埋雞皮😂 雞皮亦焗得非常香脆。🥒青瓜乳酪醬味道清新，略帶清甜，可以為烤雞解膩。蟹籽沙律作為配菜，同時增添層次。一個主菜，三個層次，難怪呢間餐廳喺區內咁受歡迎！主菜：泰式酸甜醬，烤豬肋骨$278🐽烤豬肋骨烹調得剛剛好，外脆內嫩。豬肋肉醃製得好入味，本身已經帶酸甜味。如果鍾意濃味d ，或者食得辣嘅，不妨點埋個泰式酸甜醬🌶️，相信會令你味蕾極滿足！甜品：招牌炸油炸鬼，雪糕 (Churros) $78最後，一定要試ReDivine既Churros!🥖 擺盤十分精緻，又有水果做點綴，而且Churros唔係度度有得食😂 佢嘅Churros 係炸得超級香口，面頭蓋住薄薄一浸砂糖，剛剛好。入面仲保持到軟熟🩷。而且佢有一款自製雲呢拿煉奶醬🍯，點落去真係好滿足😚總括而言，呢間西餐廳完全滿足到各種期望。服務周到、環境舒適、美食高質，回頭指數⭐️⭐️⭐️⭐️⭐️ 最後，一定要book定佢個千秋搖搖位，我都係預先reserve先坐到😂…Read More

今次再嚟呢間泰國西式fusion餐廳，因為上次已經留下深刻印象，所以今次就帶埋朋友嚟試吓。餐廳嘅裝修好有田園風味，仲有搖搖椅，好有味道嘅感覺。而且餐廳嘅空間好大，坐落喺度好舒服。餐具都好精緻，店員嘅服務態度都好好，好有禮貌。我哋叫咗好多唔同款嘅菜式，每一款都有驚喜。首先係阿根廷紅蝦刺身，蝦肉新鮮彈牙，同埋配上個蔬菜沙律，真係好開胃。之後仲叫咗串燒拼盤，有豬肉串、雞肉串同牛肉串，每一樣都燒得恰到好處，好好味。再嚟就係冬陰功扁意粉，真係好有創意，材料都好豐富，有青口、鮮魷同大蝦，味道又酸又辣，非常開胃。另外仲叫咗芒果糯米飯，芒果好香甜，糯米飯又軟綿，好好味。最後嚟就係西班牙油炸鬼配雪糕，西班牙油炸鬼鮮榨香脆，再撒上肉桂粉，味道好濃郁，仲配埋朱古力雪糕，真係好好食。總括而言，呢間泰國西式fusion餐廳真係值得一試。唔單止食物好味，而且餐廳環境舒適，服務又好好。下次如果再去將軍澳南區，我一定會再嚟呢度食飯。…Read More

位於將軍澳海濱附近嘅《ReDivine》主打泰西式fusion 菜，餐廳有室內外座位，裝修雅緻，座位寬敞舒適ღ泰式辣汁·紅蝦刺身 $128紅蝦刺身肉質肥嫩軟糯，蝦味濃郁，加上泰式辣汁辣辣哋好惹味🤤ღReDivine 小食拼盤 $138拼盤份量十足😍面頭有大大隻肥美嘅炸軟殼蟹有長長拉絲嘅芝士波、新鮮炸蠔、香脆嫩滑嘅雞翼😋ღ自家製青瓜乳酪醬·印度炸燒春雞，蟹籽沙律 $268燒春雞雞肉嫩滑juicy🤤蟹籽沙律爽脆清甜ღTiramisu 賣相精緻，Tiramisu 頭一啖食落濕潤，帶淡淡酒香，口感軟滑，味道甜而不膩…Read More

同朋友去咗將軍澳海旁休閒舒適又chill既熱帶風情餐廳，真係有種去咗布吉同峇里島咁既感覺啊！我地仲坐係千秋梳化上，relax既感覺真係太正啦！火腿拼盤真係好出色，賣相精緻又吸引，火腿片薄薄地，食落好鮮美，配埋啲新鮮蔬菜同橄欖酸豆，真係令人食得好開胃。番茄薄餅Pizza更加驚喜，佢用泰式既甲拋肉碎做餡料，真係特別同好食！呢種組合真係好有新鮮感，唔同傳統嘅pizza，但係味道一流，好開胃！再嚟就係海鮮冬陰闊條麵，個醬汁好濃郁，有啲酸酸甜甜嘅味道，好開胃又滋味。入面有新鮮嘅海鮮好似鮮蝦青口同魷魚咁！令個麵更加豐富美味！最後，嚟到甜品時間啦！跟餐係好好味既焦糖燉蛋布甸，真係一個完美嘅結束。佢嘅質感好滑順，焦糖嘅脆甜味同燉蛋嘅香濃味道完美結合，每一口都帶嚟無限享受。最後，我地叫咗兩杯Peppermint Tea，清新涼爽，好啖口，令人放鬆同享受下午時光。去咗呢間熱帶風情餐廳真係好似去咗布吉同峇里島咁既感覺！食物嘅質素同味道都好出色，服務亦好周到，令人感到好舒適同滿足！…Read More

ReDivine 位於南將軍澳，主打精緻嘅泰式＆西式fusion菜😍，環境都幾舒服幾好坐。🔹️泰式辣汁紅蝦刺身🦐首先係非常新鮮的紅蝦，搭配特製泰式辣汁，辣中帶甜嘅風味讓人回味無窮。🔹️串燒拼盤牛肉🐄、豬肉🐖和雞肉🐥經過炭烤後非常香口，調味恰到好處，而且保留著肉汁🔹️泰式酸甜醬•烤豬肋骨🐖烤豬肋骨口感紮實豐盈，好厚身，好大排，每一啖都散發著深厚的炭烤香氣，再配埋酸甜醬真係幾正，配菜仲有串茄🍅。🔹️榛子朱古力撻甜品賣相幾靚，撻皮酥脆，榛子朱古力內餡濃郁，好食呀，而且仲有粒Macaroon。…Read More

ReDivine系間西泰fusion菜餐廳 環境舒適 有啲鞦韆椅 沙發椅 幾有feel😚🔥串燒拼盤 $148有3款 豬牛雞各2串雞肉串肉質幾滑秘製沙嗲醬好惹味🦑原隻大魷魚 $148真系堅大隻 大過塊面🤪用左孜然粉等材料調味 小小辣 加埋青檸汁 充滿泰式風情想再食辣啲 伴碟有辣椒粉同酸辣汁提供🍖燒豬肋骨 $278泰式甜酸醬好滋味 肉質嫩滑juicy👍🏻🥭芒果糯米飯 $68糯米飯煎過帶點焦香 椰汁味重芒果粒好多✌🏼💭餐廳食物質素吾錯 款式特別 有新鮮感😊…Read More

老公情人節病左，無出去慶祝，今晚佢帶我黎呢度補返數。餐廳門面有紅玫瑰做裝飾，內裡環境吹峇里風，燈光淡黃，幾有情調。餐廳選擇都唔少，老公發辦叫左個沙律、串燒拼盤、烤雞同甜品。魷魚青木瓜沙律：有青木瓜絲同紅蘿蔔絲，食落好有口感，魷魚爽口。醬汁係青檸汁再左辣椒，整體清新，酸酸辣辣，真係幾醒胃。串燒拼盤：豬牛雞各兩串，每款醃得幾入味，燒得好香，肉好軟熟，咬落多肉汁。沙嗲醬味道都幾好，帶少少甜味，點埋仲好食。自家製青瓜乳酪醬。印度烤燒春雞。蟹籽沙律：沙律係椰菜，本身已爽口，加埋蟹籽就脆卜卜。燒春雞烤得剛剛好，肉嫩juicy，帶微辣，夠味唔太鹹。旁邊有青瓜乳酪醬，味道清新，同雞一齊食無咁油膩。意大利芝士餅：口感幼滑唔太甜，旁邊仲有雪糕、朱古力脆脆同埋生果做伴碟，估唔到甜品都幾唔錯。…Read More

見到Openrice有呢個情人節套餐：浪漫歐陸Fusion M7和牛海鮮晚餐，價錢以情人節嚟講又唔算太貴，$888未包加一，仲有和牛食，於是就一於試吓佢。餐廳位置都算隱蔽，如果唔熟將軍澳都可能要搵一輪，餐廳位置於將軍澳南既海濱附近。餐廳環境佈置舒適，仲有適合打卡既鞦韆藤椅。食物水準都好高，裝修亦都好靚，有好多影相位。💜頭盤：阿根廷紅蝦芒果米紙配番茄莎莎醬（🌕🌕🌕🌗/5）食得出紅蝦係新鮮，彈牙沒有霉，米紙入面除咗芒果，仲有牛油果，三者互相配合，再配合埋蕃茄莎莎醬，令味道更加豐富，整體好夾。💜主菜（選2）：龍蝦（半隻）黃姜南瓜義大利飯（🌕🌕🌕🌕🌕/5）意大利飯擺盤精緻，龍蝦非常新鮮，配合少少三文魚子，咸淡適中。黃姜南瓜義大利飯恰到好處，不會太硬太軟，南瓜既甜味令到成個意大利飯味道昇華左。💜主菜：澳洲M7和牛板腱•金不換青醬（🌕🌕🌕🌕🌕/5）和牛預定三成熟，有一個炭爐俾你自己燒，鍾意幾多成隨你喜歡，喜歡自主度高🫶。和牛不愧為和牛，肉質鮮嫩，完全冇筋，牛味十足。本身和牛已經有基本調味，所以可以完全唔使沾青醬，最好就原汁原味。💜甜品：甜品拼盤（🌕🌕🌕🌕🌕/5）最尾甜品拼盤都令我覺得驚艷，拼盤有芒果糯米飯、士多啤梨蛋糕、青檸雪葩。每道甜品都好食，並不會太甜，其中芒果糯米飯最出色，糯米飯煙煙韌韌，配合香甜芒果，能夠為這一餐情人節晚餐作完美嘅總結。🍴整體評價：✅CP價高✅店員會時時留意客人需要，態度親切✅因情人節緣故，即時送即影即有✅套餐仲送兩杯冇酒精Welcome drink✅適合情侶👩‍❤️‍👨閨蜜👯‍♀️小團體👨‍👩‍👧‍👦❌出菜有啲慢，飲完湯，等左d時間未上主菜❌洗手間冇得洗手，但冇通知待修💰人均消費：$520…Read More

將軍澳朋友帶咗我嚟呢間喺將軍澳嘅泰國🇹🇭餐廳🍴😂，朋友話呢度食物味美，除咗泰國菜🇹🇭仲有西餐食🍽，想我試吓🤣$148「泰式🇹🇭金柚沙律・加拿大🇨🇦蟹肉」：金柚鮮甜，蟹肉🦀鮮味，全部拆晒肉，配埋爽脆嘅沙律菜一齊食，開胃美味😋$148「原隻大魷魚🦑・混合香料・泰式🇹🇭辣汁」：魷魚🦑真係好大隻，肉質爽滑，燒得香口，仲有一小碟好辣嘅醬汁可以沾嚟食😋$168「蘑菇芝士・黑松露意大利飯」：意大利飯🇮🇹煮得少少 al dente，creamy 得嚟夠輕身，又加咗好多芝士🧀，好似係 Parmigiano Reggiano，又有好多雜菌，仲有黑松露，食落有黑松露嘅清香、又好味👍$78「招牌炸西班牙🇪🇸油炸鬼・雪糕🍦」：首先presentation 擺盤靚靚，打卡一流🤣；西班牙🇪🇸 Churros 炸得鬆脆，外邊沾滿砂糖，夠晒甜食得好開心🤩；仲有味道清新好似係柚子味嘅 Sorbet 😋；又有少少士多啤梨🍓同埋藍莓🫐😋…Read More

ʀᴇsᴛᴀᴜʀᴀɴᴛ ʀᴇᴠɪᴇᴡʀᴇᴅɪᴠɪɴᴇ餐廳設於將軍澳ᴄᴀᴘʀɪ位置比較隱蔽位於ᴄᴀᴘʀɪ與藍塘傲之間設有戶外座位用膳過程人流不多環境非常清靜餐廳環境裝修非常舒服入口位置更有兩張藤製吊椅餐廳主打泰式及西式ғᴜsɪᴏɴ菜不論食物質素至擺碟都非常高質🔸泰式辣汁紅蝦刺身$128每次食泰國菜都必點泰式生蝦一碟有五隻大sɪᴢᴇ的蝦刺身酸酸辣辣的醬汁配上爽彈的凍蝦肉🔸ʀᴇᴅɪᴠɪɴᴇ 串燒拼盤 $148豬牛雞各兩串入口非常好味好少有餐廳可以將泰式串燒處理到入口仍有肉汁伴碟跟上的沙嗲醬非常濃郁香口必點🔸自家製青瓜乳酪醬。印度烤燒春雞。蟹籽沙律。$268燒春雞非常嫩滑時間控制非常好燒雞表面輕輕帶上印度香料味配上冰凍的青瓜乳酪醬清新解膩🔸ᴅᴀɪʟʏ sᴘᴇᴄɪᴀʟ 芒果奶凍$68芒果奶凍配上不同朱古力及ᴍᴀᴄᴀʀᴏᴏɴ既好睇又好食由環境至食物質素、擺盤都非常滿意ʀᴇᴅɪᴠɪɴᴇ(ᴛsᴇᴜɴɢ ᴋᴡᴀɴ ᴏ)📍 sʜᴏᴘ 03, ɢ/ғ, ᴄᴀᴘʀɪ ᴘʟᴀᴄᴇ, ᴛsᴇᴜɴɢ ᴋᴡᴀɴ ᴏ…Read More

👧🏻😋👅🍽✨西泰 fusion高質打卡餐廳 😎-ReDivine 🇭🇰 將軍澳澳南海岸唐賢街33號 CAPRI Place地下G03號舖 🇭🇰-🏖將藍近海濱峇里風打卡餐廳有搖搖藤椅, 真人好chill有度假feel~ 有戶外位置可以帶寵物🏖野食都好高質, 西泰fusion菜式好精緻; 2-6pm仲有ALL YOU CAN DRINK $128/位, 加$1仲有串燒拼盤-🐖 泰式酸甜醬•烤豬肋骨 $278💯ribs好大排夠厚身, 肉質嫩滑但唔削, 仲有豬軟骨好有咬口; 酸甜醬好入味, 烤到表面少少焦香💯配上同樣烤得恰到好處既串茄, 咬開爆汁酸酸甜甜好fresh-🦀 泰式金柚沙律•加拿大蟹肉 $148✨金柚肉超juicy! 蟹肉同柚肉既份量都叫對得起價錢, 兩者mix埋鮮甜有加乘; 底下沙律菜好fresh, 輕輕沙律醋已好夠dressing-🦑 原隻大魷魚•混合香料•泰式辣汁 $148💯原隻大魷魚用竹籤串起, 另外魷魚鬚一大堆放係籤尾, 真係好多肉😂本身魷魚肉有微辣, 側邊放左青檸, 辣粉同店家秘製大辣辣汁, 同海鮮超夾!-🍮芒果奶凍 $68✨是日甜品日日唔同款, 一層奶凍一層充滿芒果肉既芒果漿啫喱, 面頭再加鮮芒果粒; 杯奶凍高身好大杯, 兩個人share絕對唔會唔夠喉✨更欣賞佢個伴碟唔係頹裝飾, 有濃滑朱古力, 鮮果粒, 仲有芒果雪米糍同朱古力條, 誠意之作好食又好影!…Read More

ReDivine瀰漫著濃濃的峇里島風情，既有韆鞦吊椅，又有鳥巢藤椅，配上藤製吊燈及大自然色系裝修，佈置充滿心思。泰式金柚沙律 加拿大蟹肉 柚子肉與蟹肉同等份量，配上清爽沙律菜，入口鮮甜開胃。脆香蒜蓉包 蒜蓉包牛油蒜蓉香氣濃郁，新鮮烤脆。原隻大魷魚 混合香料 泰式辣汁魷魚原隻上枱，魷魚筒與觸鬚分開，筒身部分𠝹開。魷魚新鮮鮮甜，肉質煙韌彈牙，配上三級辣醬，有魷魚本身的小辣，辣椒粉的中辣，及辣椒醬的大辣，十分惹味香濃。自家製青瓜醬 印度烤燒春雞 蟹籽沙律 烤春雞火爐剛好，雞肉鮮嫩多汁，連雞胸肉亦嫩滑可口。雞隻除雞脾雞翼外，已全部去骨，可以優雅地用刀叉享用。青瓜乳酪醬及蟹籽沙律可以帶來清新口感。芒果奶凍 芒果奶凍賣相很美，芒果蓉與奶凍相隔，旁邊點綴上各款生果及不同形態的朱古力，擺盤放上心思。…Read More

REDIVINE係一間非常精緻既泰式西餐廳，裝橫可見用心，有種波希米亞風的感覺，仲有特色座位吊櫈，望落好有度假的感覺，打卡一流！魷魚青木瓜沙律 - 魷魚好爽口彈牙，青木瓜清新得來，酸辣得好過癮，望住依盤沙律🥗五顏六色真係好有食慾！煎焗澳洲羊架 - 其實我好怕羊肉的羶味，但處理得宜，佢既美味又會無人可比，抱住試試既心態去點，令我喜出望外！一上桌陣陣肉香味四溢，肉質嫰滑，肉味濃而不羶👍🏻小火山豬肋骨 - 我地問店員有咩推薦既時候，佢地話依個小火山豬肋骨係隱藏菜單，食完真係意想不到地有驚喜！一食落好有泰式風味，醬料酸酸地好開胃，重點係肉炆得好軟腍骨肉非常易分離，有種入口即化既感覺，好好味！仲有配菜都唔馬虎，我最鐘意蕃薯🍠焗薯蓉甜甜地，好食😋朱古力榛子批 - 賣相非常用心，有朱古力、馬卡龍、不同水果整成擺盤，好藝術🎨感，未食前先加分。內饀既朱古力同榛子味香濃，餅底由餅碎造成好有口感，完美既甜品為今日完美既一餐劃下句號。依間餐廳真係好值得推薦，店員會時時留意我地既需要，態度親切，食物美味，環境又好，唯一有個小缺陷係，餐廳位置唔熟路既人要細心搵下，希望佢地唔好俾依樣野埋沒左，可以更多人認識！…Read More

晚上跟友人，到了ReDivine聚餐，因喜歡餐廳裝修，有如峇里島度假⛱️feel, 坐得舒服寫意，食物選擇多，味道亦不錯，仲可以同寵物一齊去食野，很唔錯啊！冬陰功湯·藍青口，藍青口肥美肉厚份量多，用了多走泰式香料，風味十足，再飲啖酸辣嘅冬陰功湯，味道調配很好，令人好開胃。混合香料燒原隻大魷魚🦑，原隻的魷魚燒得熟度剛好，肉質香甜柔軟很有彈性，配上香辣酸甜醬汁，跟燒魷魚🦑一併入口，惹味可口。泰式豬手，有點像中式的滷水豬手，但帶一點獨特的泰式香草味，第一口先食個豬皮，香淋軟身又黏口，肉質用上泰式香料烹調，味道更為突出。芒果奶凍，芒果🥭奶凍不會好甜，伴碟的藍莓、士多啤梨🍓同朱古力🍫，味道不錯，食完就很滿足的甜品。…Read More