紅茶冰室

Open Now

Now Closed

在1:45的時候去到餐廳，門口有沒有人排隊，坐低直接叫午餐C，普通的焗豬扒飯餐，往後不停等，等了15分鐘的時候侍應就說要等20 分鐘，到等了25分鐘，侍應又說今天人多，催單後要30分鐘。 😡假如要吃快餐，就不要選這間茶餐廳，嚴重浪費時間。純粹是遊客看社交平台多了，全部都吹捧及被騙到這間餐廳。一早知道要等30分鐘，我就不會選擇吃這午餐快餐。焗飯的質素亦不外如是，再選的話，大家樂比它好多了。 這裏唯一比較可取的是早餐，其他的不敢恭維。

兩三年前的確係茶記之中既神枱宜家質素平平無奇塊丹多牛油查到好核突 烘到半天吊咁樣 又唔脆麵包必定係凍碟頭出到黎又唔熱本身張枱已經細過人 冇埋檔板 對面講句野 啲口水噴哂落你碟飯到淨係諗住做食一次既大陸客 最慘係啲大陸客食完都面有難色 呢個唔係三年前既紅茶

7點22分已下單外賣。等外賣區冇人。但被短髮帶眼鏡呀嬸指嚇不能在內𥚃等。天氣熱。冇人等都不可以在內。當有外賣放在外賣枱，她不理，只照顧叫客人入內坐。我不斷問了3次。她都推說沒有。又不准我入內看號碼。半小時後。連門外都沒人排隊。我就沖入內查看放在外賣枱上的2份外賣。已經10分鐘前放低的。原來真的有我那份。我一氣之下就羅走左。。疫情時求客人買外賣。現在當外賣不是人。同樣食2盒外賣都141蚊。今時今日服務態度極差。而經過途人問她有沒有位。她就惡聲惡氣排隊啦。呢間餐廳有呢d甘既帶位。半小時就眼見佢趕走4個客人。

茶餐廳嚟講，紅茶啲水準都算係唔錯一直以來都知道紅茶除咗一般茶餐廳有嘅午餐快餐同常餐之外，亦都有好多其他款式嘅餐可以揀，例如泰式粉面。一直都冇試係因為覺得一間茶餐廳食泰式嘢，好似好冒險琴日去開尖沙咀，又想食個快飯，都係揀咗紅茶嚟食。見唔係幾肚餓就試咗個泰式豬頸肉炒河，諗住就算唔好食都唔緊要，反正唔係太肚餓🤣🤣🤣嚟到真係好香，而且熱辣辣，食到中段啲煙都仲係係咁飄上嚟。個粉好有鑊氣，豬頸肉又大片好食，好滿意，不過食到後段就覺得有啲鹹

好抵食平民餐廳，一個T骨扒餐大大塊，重有餐包餐湯同餐飲都係83蚊，下次會再去試佢個個招牌沙嗲牛肉麵同法蘭西多士。估唔到係尖沙咀咁嘅遊客區可以食到咁高質但又抵食嘅餐廳，一定要推薦下。

早了上班，平常午餐晚餐時段很長人龍，見今早較少人，就特意品嚐。點了招牌牛肉麵，丹麥酥加嫩滑炒蛋。招牌就是招牌，沙爹牛肉麵不錯，牛肉軟硬適中，麵質還可以。丹麥酥就較油膩，不太喜歡，下次改面包。蛋就不過不失，奶茶都有水準。

去尖沙咀睇戲，見仲未搵嘢得，得返一個鐘又唔想食太飽。所以諗著食個撻，我去到係曲奇皮，不了！叫咗個冰火菠蘿油餐跟紅豆冰，唔知係咪太耐冇食，好好味但冇理由食兩個㗎！估唔到間舖d包咁好食，下次可再試下其他包。

🔸歐陸套餐 西冷牛扒伴德國腸       $47 Salon steak and German sausage 配丹麥蘇加嫩滑炒蛋入到餐廳坐落，見全場座無虛席都爆滿嘅，叫咗個餐要等咗十二三分鐘先到有杯茶上，一個大碟就盛齊整個套餐，牛扒係一般茶餐廳標準，都喺一片薄切牛肉，並唔係扒房嗰啲厚切西冷牛排，件頭當然唔算大，煎得外表幾靚，入口有點韌，應該係用蘇打腌太過啦，完全無牛味，肉本身無味道，全靠個蒜茸醬汁勁咸起味。德國雞肉腸都算幾大條，只係滾水烚熱嘅，皮脆但肉就過咸。炒蛋分量只有一只蛋左右，食落完全無味，比唔上真正地道茶餐廳用混合幾國雞蛋並加鹽加鮮奶做出嘅炒滑蛋。丹麥蘇個名可能有啲卓頭，其實就係一片多士，麵包係用蘇皮做法，咬落成一絲絲麵包絲，有少許牛油味。不過個人反倒喜歡其他街坊茶餐廳就一件多士（大家樂起大集團會跟一磚貴價鮮牛油），顧客可以吩咐〝多士多油〞，服務到位嘅餐廳就會特別貼心為你多塗一些牛油在多士上，那食嘅既是豐富嘅牛油，更是地道香港人情味。份量就係噤多，十分鐘內就食完，難怪餐廳翻枱好快，觀察下平均20分鐘就可翻一次枱。最後當然有杯餐茶，我要咗熱鴛鴦，茶味唔夠香郁，啡味都無，比唔上其

香港餐飲業，就係畀啲結服務員做死，或者係公司定落嚟的奇怪規矩搞死。 我們叫了很多不同的食物，想攞幾個碟 share食物，服務員態度非常之掘話冇，我指著賣麵包的位置話嗰度未有囉， 佢話冇就冇， 只可以畀個碗你， 我話想要碟， 他繼續非常掘的語氣冇碟你，淨係畀碗你。

普通一個午餐麻辣乾炒牛河跟個白湯一杯凍奶茶啲粉唔會黐埋一嚿嚿其實依家一星期最少都有三日返工係會食紅茶附近所有茶餐廳根本同佢有距離，雖然講真佢價錢真係貴$6-7蚊，但冇辦法佢真係有質素之前食有日咗一個楊州炒飯好食乾身唔會太鹹

趕時間、求其買個包食、近近地就買左個雞尾包同埋腸仔包入面有椰絲、甜得黎有口感、加上包可以中和份甜膩感🤣腸仔比左較出色、加上面頭架芝士🧀、香脆得黎有食仲感😉

約左同事一齊返早d去食個早餐、就擇左間成日都有人排隊架茶餐廳、次次返工時都可見有人排緊😆所以就入去試下啦好出色架太陽蛋、麵包鬆化、同出面的餐包不一樣、比較軟綿、點上太陽蛋汁、蛋味充足、鮑魚火腿通粉就一般啦😆叫埋個早餐全餐、佢個吉列魚柳、香脆惹味、加埋魚柳幼滑質感、最出色係個方包、佈滿牛油及煎過、淡淡牛油香味👍🏻佢間舖頭最出色就係麵包同埋沙嗲牛公仔麵、公仔麵麵質不會太淋、煙煙韌韌、牛肉味出色😆

紅茶門口往往有一條人龍～但我們三人行差不多即時有位了 早起的鳥兒🐦～想吃個豐盛的早餐沙爹牛肉麵⋯麵身剛剛好不會太軟，有彈性！味道不會太咸、牛肉是嫩而不靭。丹麥酥⋯香軟而不油膩 早晨全餐⋯魚柳皮薄脆口 *難怪人龍滿滿⋯

此連鎖集團可以black list ，以金錢為本，毫無人情味也不要緊！門口嬸嬸 冇禮貌、冇靈魂、咀臉不屑呼喝客人。我同個女，個女有我咁高還當小朋友，食係食你2個餐，絕非2人食一個餐。每次入座也機械式被安排坐一邊，腦袋怎會不曉轉彎？難怪要做門口位．．！！不過這應該是集團指引，以利為本，賺到盡、算到盡、基本尊重也不會，禮貌更不要說！！沒有質素培訓！ 「花無百日紅」真香港人絕𣎴幫襯！而且食物質素水準一般，又普通、食物調咪又鹹又凍冰冰．．冷清清⋯⋯香港茶記係吃人情味，吹下水。猶如人間煉獄，陣守這店！慎入！香港墮落皆因此存在！

👉🏻👈🏻🙇🏻‍♀️🙇🏻尖沙咀最多就 #茶餐廳最方便最方便就係 #紅茶冰室連續兩日 #晚餐 #午餐 都係食佢介紹吓我食咗啲乜先～🔸#叉燒拼貴妃雞 原來紅茶係有燒味嘅#叉燒 係用靚梅頭，一片肉加少少肥肉質軟腍腍，帶肥嘅叉燒通常特別香佢又切得特別厚，所以咬落去肉汁非常鮮味👍#貴妃雞 顏色已經麻麻地，一般～🔸#泰式豬頸肉 豬頸肉比較乾身，所以好嚡🔸#泰式無骨鳳爪 味道、質地剛好，而配菜嘅洋蔥最為好食外面有好多做得太酸，根本食唔到🔸#冬陰功海蝦球湯金邊粉冬陰功湯酸酸辣辣很惹味蝦球亦都大隻爽脆🔸#香葉肉碎煎蛋飯 豆角～爽口，肉碎～亦都唔係太乾身所以每一啖餸加少少飯，一啖一啖唔停得口我覺得呢個最好食😋🔸#泰式蝦餅 其實係兩個圓形切開四件賺得剛好，有肉汁加甜酸醬更好食🔸#招牌焗鮮茄豬扒飯很多芝士鋪滿飯面小朋友淨係食晒啲飯同芝士🧀麻麻哋鍾意豬扒🔸#榨菜肉絲湯米粉賣相不討好，但米粉爽滑，清清地幾好食🤤#食茶餐廳都食到滯咗#我食之前食咗兩粒輕體片#block糖block澱粉