Video
4-min walk from Exit C, Quarry Bay MTR Station
continue reading
Telephone
98339823
56836987
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
Recommended Dishes
餐廳：紅星餐廳地點：鰂魚涌菜式：西餐餐牌：主餐牌主菜15選1，有多款肉類，可以自選配餐項目，包括沙律/餐湯麵包/芝士蛋糕/飲品等。旺市後入座同前離座仲有八折。美國安格斯牛肉眼扒（約八安士）黑松露醬燒汁 $180 另加一美國安格斯牛肉眼扒超大塊，我叫左7成熟，肉質仲嫩帶少少無血水，外皮少少脆，好多肉食。面頭加上充足燒汁同一pat黑松露醬，味道剛好，入口絕對唔會乾。配有新鮮秋葵兩條，車厘茄兩粒同香草滑溜薯蓉。鐵板法式羊扒 腰果芥末醬 迷迭香蒜蓉汁 $130 另加一鐵板法式羊扒一客三件，用錫紙包好方便用手食。熱辣辣用鐵板上枱，服務員仲幫我倒燒汁。羊扒我叫左七成熟，肉質好嫩，連筋。個汁夠鹹香，而羊扒面頭加左迷迭香蒜蓉汁，好夠味。伴有新鮮秋葵兩條，車厘茄兩粒同洋蔥條，仲有少少滑溜薯蓉。琺瑯鍋紅酒雜菜炆牛尾配意大利粉或紅糙米飯 $90 另加一琺瑯鍋紅酒雜菜炆牛尾真係一大個琺瑯鍋上，入面有四大件炆得超淋既牛尾，肉多又嫩又帶厚厚骨膠原。伴有紅蘿蔔同洋蔥，個紅酒汁好味又唔會太濃，撈意粉唔錯。意大利粉另上，擺得精緻而上面加有香草。凱撒沙律 加$30 另加一凱撒沙律好大碟，爽口新鮮羅馬菜加上適量沙律醬，芝士片，甜甜提子乾，煙肉粒同脆脆，口感味道豐富得黎又健康。餐湯及麵包 加$20 另加一湯可以揀意大利菜湯或者白湯，我揀左紅湯。個意大利菜湯味道剛好而有豐富蔬菜，包括蕃茄、紅蘿蔔同椰菜。個餐包好大個，暖暖地上枱，好鬆軟，伴有一包牛油。西班牙巴斯克焦香芝士蛋糕 加$20 另加一西班牙巴斯克焦香芝士蛋糕擺盤唔錯，一隻長碟加上朱古力粉鋪既星星，代表餐廳個名紅星。主角西班牙巴斯克焦香芝士蛋糕非常濃厚滑溜，而焦香味適中，呢個價錢一流。四款果汁有100% 橙汁、100% 蘋果汁、100% 菠蘿汁同石榴汁，加$10就有。我最鍾意石榴汁，好濃厚，香甜滑溜好好飲。菠蘿汁都好香甜。今餐食物飲品令人滿意，呢個價錢實在係太實惠。餐廳環境復古懷舊，座位舒適，好有氣氛。唔怪得平日午市超多人。
continue reading
今日本身想隨便食個午餐☀️走咗入呢間港式西餐廳😅 看似平平無奇但裏面感覺好有格調🪩 皮梳化配上水晶燈好有懷舊港式扒房的風格🪭 加上聖誕樹彷彿有種時光倒流嘅感覺🎄更令我驚喜既係菜色配搭好有心思❤️每種食材嘅同醬汁既設計都經過巧思 絕對唔係現成醬汁🥹 看似平民化但係味道好有水準值得一試💕⭐️ 法式油封鴨腿 🦆保留了傳統既法式鴨腿技巧🇫🇷外皮酥脆帶豐富嘅油香🔥但保持了鴨肉嘅嫩滑👍🏻 不得不提香橙黑加侖子忌廉汁🍊酸酸甜甜既口味更開胃🍇提升了鴨肉既鮮度⭐️ 鑊仔燴香煎鮮龍躉扒 🐟用了實在鮮龍躉果然實肉每一口都充滿鮮味🌊 簡單用蕃茄蓉調味🍅配上薯菜有種家庭既感覺但係好高質🥔⭐️ 美國安格斯牛肉眼扒 🥩肉眼火煎得啱啱好唔會太熟🐮保留了肉汁的香濃😋黑松露醬令肉味更有層次但係唔會太搶味點到為止🍄🟫⭐️ 凱撒沙律 🥗⭐️ 餐湯 🍲好令我驚喜嘅係配菜一啲都唔馬虎🥹 爽脆既生菜加上芝士提子乾調味充滿鹹香🧀 蔬菜湯同埋紅菜頭忌廉湯都好有質素🥕 用上真材實料嘅紅菜頭帶自然既甜味🩷仲好應節添⭐️ 美式叉燒串 🍖⭐️ 板燒去皮雞髀肉串 🍗⭐️ 香煎兵加腸 🥓⭐️ 煙肉秋葵卷 🫛⭐️ 烤雙重芝士茄蓉醬板燒巨菇 🍄見到有個Happy Hour優惠就加點了一D小食😛好有美式BBQ既感覺🇺🇸 特別鍾意叉燒串燒烤醬帶甜味肉質好軟嫩🐷 燒巨菇同埋秋葵配上煙肉同芝士好惹味⭐️ 西班牙巴斯克焦香芝士蛋糕 🍰估唔到自家製嘅芝士蛋糕好有驚喜🤩 芝士蛋糕口感唔會太Dense而且有濃郁既焦糖香🍮整體唔會太膩
continue reading
今日去到北角做野午餐時間要搵野食見到有間以英倫風格裝修嘅餐廳叫紅星餐廳望望menu ，主打西餐就入去試吓啦✨餐湯🍜係蔬菜湯湯好足料，啲料多到浮哂上面👍🏻有洋蔥蘿蔔西芹蕃茄樣樣有齊🧅🌶️🫑🥕餐湯酸酸甜甜咁好開胃✨餐包🥖個包係熱的🔥焗到好鬆軟仲配埋塊牛油可以搽入去🧈誠意滿分🥳✨重量級雜扒配青胡椒汁🐮🐷🐔可以揀用碟上雜扒有薄切紐西蘭牛肉眼扒，豬梅肉扒，雞扒，兵加腸每塊扒都係即煎🔥而且仲真係好❗️大❗️塊‼️每塊都大過隻手掌✋🏻牛肉眼扒雖然寫係薄切但其實都唔係薄切係有返啲厚度🤟🏻而且有牛肉味同埋牛香又唔係煎到全熟中間仲有紅色，大約五成熟左右🤟🏻質素真係可以同出面貴價牛扒有得揮👍🏻豬梅肉扒煎得好香🥩🐽食落唔係肥膏，又係啖啖肉雞扒食落嫩口多汁🐔🥩雞皮煎到好脆好香口個餐係配以薯蓉🥔🧈薯蓉好滑，又食到有薯仔嘅顆粒🤟🏻配埋塊扒流出嘅肉汁真係好好食秋葵燒過，食落脆口之餘又好清新🔥🥒✨凍檸檬茶🍋🧊🧋要走甜真係有走到檸檬係自己加落去🍋🍋餐廳仲用咗保溫杯去裝個凍檸茶用餐時飲落全程都係凍的🧊✨甜品🍰係芝士蛋糕，亦係餐廳自家制🧀🍰攞盤仲有個星形嘅碎朱古力粉🍫配合埋餐廳嘅名稱蛋糕唔會太甜，食落唔油膩配埋朱古力粉真係好夾👍🏻直頭為今次嘅用餐劃上美麗嘅句號🥳餐廳內部裝修好grand枱枱櫈櫈都好企理餐廳侍應態度親切有禮👍🏻👍🏻上菜時好細心將食物放到食客面前又會慢慢講解個menu亦會主動幫客人斟水同埋傾計☕️會問下啲食物好唔好食呢個價錢再加埋一性價比甚高真係可以同時enjoy 到高質食物同埋服務👍🏻👍🏻餐廳另外有個放題menu有機會都想試埋😋
continue reading
母親節，食西餐。 選了這間西餐廳，懷舊裝飾，親民價錢，份量十足，選擇又多。 主餐牌總共有15項選擇，價錢由 $70–$200，+$40 可升級為豐富套餐，包括沙律杯、餐湯、芝士蛋糕和飲品。另外還有 $80 的豐富五道菜套餐選擇，主菜份量較細，其他配料一應俱全。五道菜套餐（包括沙律杯、餐湯、芝士蛋糕和飲品）：- 🏅鐵板雞扒配迷迭香蒜蓉汁 + 溫泉蛋和意粉（$80）** 雞扒香氣撲鼻，鐵板熱辣上桌，配上香濃惹味的迷迭香蒜蓉汁，令人胃口大開。- 🏅燒汁燴紐西蘭牛肉眼 + 溫泉蛋和紅糙米飯（$80）** 用琺瑯鐵鑄鍋燴製，牛肉眼炆得軟腍入味，燒汁鹹香濃郁，紅糙米飯吸晒肉汁，愈食愈香。- 🏅鑊仔燴香煎鱸魚扒配意大利辣蕃茄蓉醬 + 紅糙米飯（$120）** 鱸魚扒大塊厚肉，外皮煎得卜卜脆，魚肉嫩滑多汁。辣蕃茄蓉醬微辣開胃，拌飯一流。
continue reading
$198 Happy Hour 套餐（120分鐘任飲指定紅酒、啤酒、果汁、咖啡、茶、餐湯、麵包及小食）美式叉燒串用豬梅肉粒，肉質嫩滑多汁；板燒去皮雞髀肉串烤得雞肉嫩滑，板燒汁都幾惹味；煙肉秋葵卷外層煙肉香脆，秋葵爽脆多汁；烤雙重芝士茄蓉醬板燒巨菇芝士超濃，菇肉厚實，茄蓉醬帶酸甜，幾開胃套餐仲可以叫埋甜品：西班牙巴斯克焦香芝士蛋糕芝士蛋糕外層烤得微焦，入口芝士濃滑，甜度適中，帶陣陣奶香凱撒沙律凱撒沙律清新，羅馬生菜爽脆多汁，芝士同麵包粒增添咗香脆口感，食落健康又不失滋味寶雲酥挪威鮮三文魚•山葵芥末籽蜜糖忌廉汁（假設選三文魚）三文魚烤得外皮微脆，內裡嫩滑多汁，醬汁入口先係甜香，後有少少刺激，層次豐富，襯托到三文魚嘅鮮味鐵板法式羊扒•腰果芥末醬•迷迭香蒜蓉汁羊扒可以叫碟上，肉質烤得外焦內嫩，羊肉鮮嫩無羶味，醬汁帶淡淡嘅堅果香，配迷迭香蒜蓉汁提昇羊肉味道，食落濃而不膩羊肚菌•黑松露醬•鮮菇•忌廉•意大利粉羊肚菌大大件，好有口感，跟包裹黑松露醬嘅意粉一齊食令菇菌味更突出，意粉軟硬適中，醬汁creamy值得一提嘅係餐廳其中主打用琺瑯鍋炆煮嘅菜式，無論牛尾定羊膝，都將肉質煮得入口即化，而且勁入味！📌紅星餐廳 (北角)地址：北角英皇道668號健康村2期UG樓UG10號舖#foodie #美食 #知己相聚 #foodielife #關注 #foodiehk #hkfood #hkfoodlover #foodinhk #igfoodies #吃貨 #吃貨人生 #香港好去處 #香港打卡 #香港美食 #香港探店 #香港美食指南 #相機食先 #香港旅行 #香港餐廳 #foodblogger #foodiegram#紅星餐廳 #北角 #串燒 #巴斯克芝士蛋糕 #三文魚 #羊扒 #羊肚菌意大利粉
continue reading