蕃茄仔

Open Now

Now Closed

位於Mikiki一田嗰層，餐廳以特製鮮茄濃底為賣點。入面唔算好大，但位置都幾闊落，平日6點黎都唔使等位。▪️慢火牛肋條刀削麵 ($78)一望到個賣相非常一般，不過濃郁嘅蕃茄湯底有驚喜，唔會水汪汪。而且牛肋條煮得軟嫩，牛味十足。刀削麵口感彈牙，整體份量都唔少。▪️炭香脆嫩雞扒刀削麵 ($68)雞扒皮脆肉嫩，浸左湯都仲係微脆，都有少少炭香。性價比都算高嘅，對女仔黎講份量都ok，而且免加一服務費，坐得幾舒服。

外送平台外賣點了一盒翡翠萵筍，送到屋企打開，份量少得可憐，味道亦欠佳，同網站張相完全差天共地（如圖），嬲到想講粗口。其他麵食或小食就普通，一定唔會再幫襯。可以的話想俾負分！

蕃茄湯真係超濃郁，感覺好似用咗幾舊蕃茄咁，每一啖都有蕃茄泥！試咗佢牛骨髓嘅牛魔王，可能多少少鹹味調味會比較好，牛舌好食煎到好香，個樣嘅牛肉都配搭得好滿足！跟餐食都幾抵，有小食飲品甜品，有機會會再嚟The tomato soup is really rich and feels like it’s made with several tomatoes; every bite has tomato puree! I tried the beef marrow dish, which could use a bit more salt for seasoning. The beef tongue is delicious and pan-fried to a great aroma, and the beef looks very satisfying as well!The meal is quite worth it, with snacks, drinks, and desserts included. I would definitely come back to try more.

午市唔洗等位, 免加一服務費餐廳用手機QR code 落單, 有提供WIFI 以便落單$85 美國安格斯牛肩胛片配刀削麵 麵揀上海麵或刀削麵就唔洗加錢，葛絲、烏冬、米製通粉櫻花蝦要再另外加錢刀削麵有咬口好掛湯蕃茄湯底係濃郁似醬多過湯但完全見唔到有蕃茄牛肩胛片有四塊，食得出鹽味同煎過既眼見同台既周事叫雞扒同埋雞胸都有調味同烹調過午餐必須加錢配罐裝汽水／枝裝飲品

香港食野愈黎愈貴，性價比極低。老實講期望唔大，留錢去旅行食會更好所以現在經常在家煮飯，儲彈藥外國消費見網上咁多人比好評，所以都黎試左只能夠講 香港飲食業比租金整衰味道可以 ，但不值得$80 牛肉係美國牛肉，肉味夠 有口感，蕃茄湯底沒有太驚喜，即使他們的招牌是蕃茄味味道好淡，可能沒有加其他野麵底則合格，沒有太特別的感覺現時經濟唔好，非一般人願意花$80 食一碗麵。這個地方岩有小朋友來，成年人可以試其他牛肉蕃茄上海麵 $80🍅

🍜慢火澳洲和牛𦟌刀削麵$8️⃣2️⃣🍅蕃茄湯底味道偏淡，唔夠濃郁，又唔夠熱°🐮牛𦟌就炆得太腍身，過份地淋pat pat，失去左牛𦟌本身Q彈嘅口感，可能豉油或者滷水味炆得太耐，變得太重豉油味同蕃茄湯底格格不入。刀削麵似煮左一段時間，因為麵條黐埋一舊舊，麵條有D硬有D就淋，總括來說碗麵真係麻麻地，而且坐得迫，環境麻麻地，回頭指數極低。

超鍾意食番茄湯麵嘅我一定唔可以放過呢間 @redobjectss 每日自家新鮮製嘅番茄濃湯 🍅再加入番茄蓉 ❤️❤️ 真材實料，酸酸甜甜好清香～ 慢火豬軟骨 📍$116好食好食 😋 豬軟骨炆得好腍好入味+$8 可以轉稻庭烏冬番茄湯配烏冬，真係絕配豚三寶 📍$1283寶有齊豬扒、豬軟骨、豚片好豐富 👍🏻配咗強力掛湯嘅上海麵晚市套餐包咗1款小食、一個甜品，同一杯飲品 🥤65度有機溫泉蛋 📍一羹落去，蛋心流心 ❤️好滑捋捋忌廉蟹餅 📍一客2件，外面炸得金黃色，好香脆 內裡充滿住忌廉蟹肉 再點埋沙律醬好惹味番茄仔有3間分店· 新蒲崗 · 九龍灣 ·銅鑼灣好方便

🔸 牛魔王（雙拼）湯麵     $90有牛肩胛薄薄兩片， 牛展亦有兩大枚，厘間【蕃茄仔】出品嘅牛肉似台灣牛肉麵做法，炆得超腍，好有牛肉鮮甜肉香味，尤其牛肩胛肉，大大塊薄薄地，咬落唔會靭，鮮牛肉味濃郁😚選擇面底──讚岐烏冬 +$8讚岐烏冬比較硬身，即使放湯裡浸耐咗，麵身仍然好靚條條分明，入口爽滑，烏冬雖然好食，但太大碗份量太多，一個人食唔曬。麵底可以換為上海麵、刀削麵、葛絲或通粉拌櫻花蝦。湯底揀咗 香滑蛋花 +$8，就係將滑蛋蛋花放埋入蕃茄湯裏面，蛋花好多，有細嗰時媽咪整茄蛋嘅風味。湯底亦可轉麻香拌麵或麻辣。另加咗一隻65度溫泉蛋 +$12，係半生熟嘅無菌雞蛋。味道：8/10性價比：7/10🔸麻香牛展 （3片）   $42食完碗麵覺得啲牛肉實在太好食唔夠喉，所以叫多個小食，3片牛展大大塊，味道更濃， 有好厚重嘅藤椒香味，但係食落又一啲都唔麻唔辣，仲係甜甜地好惹味。味道：7/10性價比：7/10🔸翡翠萵荀     $123枚十分翠綠嘅萵荀片，食咗噤多肉食要素葷均衡一下，點嗰青嫩嘅萵荀就最啱啦，食落清爽脆口。味道：7/10性價比：7/10🔸香脆炸餃子   4粒 /  $32呢個唔係一般煎餃子

有冇人都係好鍾意食番茄湯麵嘅呢？呢間番茄湯麵專門店有三間方店，之前見銅鑼灣分店成日都有人排隊，今次去咗mikiki分店，唔算好大，但座位都舒適闊落～ 任何主食加+$36就可以升級做套餐，有埋飲品、小食同甜品，都幾豐富！🔸特級牛魔王套餐 $164牛魔王一定要叫呢個麵，有牛肩胛、和牛𦟌、厚切牛舌同牛骨髓，有咁多牛都值呢個價錢～ 雖然牛骨髓望落有啲肥，但原來係幾有益架～ 厚切牛舌幾爽口，和牛𦟌啖啖肉，好正！麵底加$8揀咗讚岐鳥冬，好爽滑，同番茄湯幾夾！番茄湯濃郁，茄味自然👍🏻🔸豚三寶套餐 $146另一碗叫咗豚三寶，有豬扒、豬飲骨同豚片，唔係好好牛嘅推介揀呢款，豬扒鬆軟，入味好食！豬軟骨帶肉，好夠腍，豚片正常味道～ 呢碗加$8轉麻辣番茄湯，好推介吃得辣嘅轉呢個湯，加辣更惹味！同埋麵底加$10轉米製通粉拌櫻花蝦，呢個米通好煙韌，吸滿麻辣番茄湯，好正！🔸必食忌廉蟹肉薯餅套餐小食有幾款選擇，必揀呢個薯餅！食落好香脆creamy又唔油膩！🔸茶走飲品推薦加$28叫茶走，本地冰室製作，香滑好飲！

主打食蕃茄湯底, 味道正正常常, 試下無妨 食物 : 熱溶芝士厚切牛舌刀削麵+忌廉蟹肉薯餅+甜品+檸檬百香果凍花茶 晚市套餐 $118 ~ 牛舌厚切, 質地幾淋, 湯底蕃茄味濃偏咸, 蟹肉餅炸得香口, 唔油膩, 甜品是蛋糕仔一件, 味道普普通通, 飲品味道偏淡 環境 : 店內乾淨 服務 : 店員唔多想回答問題, 鄰座想叫代下單, 店員指定要用QR code落單 價錢 : HK$118 (無加一服務費)

我哋經常喺新蒲崗食嘢, 但甚少去Mikiki嗰邊. 有次夜晚經過見到呢間餐廳以蕃茄為主題, 從佈置裝修到顏色都環繞住蕃茄, 連個名都叫做red object🍅作為一個蕃茄迷, 馬上就俾佢吸引到, 二話不說就入咗去. 餐廳內客人唔少, 但座位做到寛敞舒適. 呢度主要供應麵線同米飯定食. 每日新鮮熬製嘅蕃茄湯底🍅🍅🍅係呢度最大賣點, 湯底滿滿蕃茄蓉, 真材實料✨每個套餐都包埋小食甜品飲品, 小食方面都有好多選擇, 可以按照個人口味挑選✨🐮特級牛魔王套餐-麻辣番茄湯小辣🌶️ 配上海麵特級牛魔王麵係餐廳招牌之一. 手打麵線彈牙有咬口, 配菜有牛肩胛同牛𦟌. 牛𦟌足料厚實有嚼勁, 一口咬落去就係爽💆🏻‍♂️牛肩胛肉質軟熟, 配埋薄薄脂肪夾喺中間, 比例剛好, 而且牛肉味好突出. 湯底我加咗蛋花, 令湯頭更濃稠, 成碗麵線色彩更鮮豔, 食欲大增⏫️🐔炭火香脆嫩雞扒-溫泉蛋🥚 配葛絲麵如果你係肉食愛好者, 呢度嘅雞扒套餐絕對係你另一個最好嘅選擇. 雞扒每啖咬落去都充滿著炭香嘅誘惑❣️外皮酥脆得嚟肉質keep到柔軟juicy. 雞扒份量十足, 足足有六塊, 飽到喊🥹特別之處在於我哋配咗葛絲麵, 麵質類似薯粉,

食蕃茄嘅愛好者一定要黎，喺香港真係好難搵到好食嘅蕃茄湯底餐廳🙌芝士澳洲和牛漢堡葛絲，使用特級澳洲和牛，所以製成伊肉汁特別多，配埋燒過既半溶芝士，一啖芝士一啖牛肉，好夾呀❤️❤️而葛絲吸收哂蕃茄嘅濃郁味道，另外再加咗蛋絲喺蕃茄度，多重口感🤩特級牛魔王，呢個一上枱真係好震撼，有牛肩胛，和牛腱，厚切牛舌，牛骨髓，我最欣賞嘅係厚切牛舌，真係厚身得來咬落去仲係嫩嫩的😙刀削麵，煙煙韌韌，配上溫泉蛋嘅蕃茄湯，好正呀！最後既忌廉蟹肉薯餅好脆口，薯味creamy😝聽説台瘋奶茶🥤是必嗌的，果然係睇得又飲得呀❤️

嚟到蕃茄仔當然要試吓佢哋嘅蕃茄湯底麵食，這個自家製蕃茄湯底，非常清香蕃茄味，酸甜味道平衡，少少杰有啲質感，當湯飲都唔覺得膩，做得好出色非常吸引，而他們晚餐都送甜品，一件Tiramisu蛋糕，亦包飲品，價錢$70起，好抵食。◇ 牛魔王（雙拼）牛魔王應該係餐廳必食，有兩款，雙拼同特級，牛肩胛同牛𦟌必有，特級多咗厚切牛舌同牛骨髓，小編冇貪心揀咗雙拼，牛𦟌爽腍剛好，牛肩胛有濃厚牛肉味，麵揀咗刀削麵，爽口彈牙，仲額外叫咗65度溫泉蛋同忌廉蟹肉薯餅，溫泉蛋混合在湯底味道更好，而蟹肉薯餅炸皮唔厚，蟹肉濃郁。◇ 慢火豬軟骨另一款嘅麵底揀咗米製通粉拌櫻花蝦，冇失望之餘仲要有驚喜，櫻花蝦濃香味令蕃茄湯底味道進一步提升，小編更額外加香滑蛋花，真係冇得輸，正到暈，好似湯底先係主角，不過豬軟骨都一樣出色，好腍好入味

以前去九展睇show會食一間蕃茄濃湯麵餐廳，最近佢哋喺新蒲崗Mikiki都開咗分店😍好近我屋企可以成日去食！餐廳除咗主打蕃茄濃湯麵之外，仲有滷肉飯同埋各款小食。晚市套餐非常抵食！《自家鮮製番茄濃湯麵 晚市套餐》▫️自選一款餸▫️可選麵底：上海麵｜刀削麵｜葛絲｜稻庭烏冬｜米製通粉櫻花蝦▫️自選一款配料或小食▫️甜品及飲品✰豚三寶 $140▫️有豬扒、豬軟骨、豚片。一次過試晒三款🤩啱晒多心嘅人😎▫️佢哋嘅蕃茄濃湯依然好濃郁，保持到總店水準。▫️自選小食或配料，我揀咗加特濃煙燻芝士落個麵度🧀同蕃茄湯底好match！好邪惡🤤✰牛魔王（雙拼） $134▫️自選牛類兩款，揀咗牛肩胛、和牛𦟌，牛類都好軟熟幾好食。▫️我哋兩個都揀咗刀削麵，幾煙靭有咬口。▫️是日甜品係意大利芝士蛋糕仔，唔係好甜幾好食。▫️檸檬百香果花茶，清淡茶味唔會好甜。▫️小食揀咗忌廉蟹肉薯餅 🤩必食⭐️ 炸得香脆入邊好Creamy！✰媽媽手工餃（3粒） $22 ▫️追加小食，餃子皮都幾滑，餡料豐富。💵2人食👩🏻‍🤝‍👨🏼人均$150

刀削麵不彈，湯底普通，牛展一大舊又唔切開，牛舌還可以不過太厚，加12蚊芝士得小小。得兩塊牛肉好食，148這個餐完全不值，建議食牛肩麵個餐可能較好，不會再幫襯。性格比不高😩