Red MR (Closed)

真係唔好講少，好耐都冇試過唱k可以咁平喇一聽到朋友介紹房間斷鐘計，人數不限，呢下真係非常吸引，可知我係一個唱K嘅咪霸，一聽到朋友問去唔去，梗係要去將工作嘅辛苦抒發出嚟啦佢哋係冇嘢食包，淨係提供一間房，連紙巾都冇，但係出面有一個叫類似食物區嘅物體。入邊有薯片，嘢飲，漢堡包，熱狗，杯面，糖果.....諸如此類初初都諗住唔買佢哋嘅嘢食，覺得間房咁平，啲嘢食都唔方會平啦，但係出去巡個圈，又發現啲嘢食嘅價錢都可以接受喎，一個合味道杯面都係＄15一包大薯片卡樂B都係＄16，熱浪都係18，我哋圍番計，咁樣嘅安排係仲平過去新路向。正因為咁抵所以一定要卜位，Book位係book 鐘數，只可以減少唔可以加多，同斷人頭計啱啱相反。雖然冇乜服務，勝在非常唱k舒暢減壓…Read More

🍋👧🏻終於考完試啦 跟住同六個戰友去打邊爐 直落通頂唱K🎤是常識吧 唱通頂點可以唔叫小食🥜記得之前好似會送爆谷🍿但係今次就剩係得蝦片🦐不過都唔錯 🕛由12點到6點🕕每位價錢$179再加一 不過學生有九折優惠 所以埋單都係＄1300有找💸💸－－－－－－－－－🍜激辛豚骨玉子湯麵($88)味道同埋賣相都好似擔擔麵 🤨本身以為佢係拉麵 食唔到豚骨味 有兩片豚肉 仲比漏咗隻蛋😓 即係但係後尾三番四次問佢先肯補返🥚 不過隻蛋有流心 做得幾好👍🏻⭐️評分：3/10.🍟避風塘炸薯條($68)炸得好脆 面頭嗰啲有少少辣 不過可以接受 份量很多喔⭐️評分：7.5/10.🥔炸薯餅($48)好脆 好吃😋 不解釋⭐️評分：8.5/10.🍢爐端燒拼盤($138)有豬頸肉🐷牛柳粒🐮翠玉瓜🥒雞軟骨🐥同埋雞翼🐣豬頸肉做得特別好食 肉汁香甜🤤雞翼同埋雞軟骨有少少乾😦⭐️評分：6/10.🐥椒鹽炸雞翼($58)熱辣辣 新鮮炸好 超香口 正🤣⭐️評分：9/10.🥦芝士煙肉忌廉焗西蘭花($68)芝士很少 很淡 西蘭花有點濕⭐️評分：3/10－－－－－－－－－個人認為Redmr嘅嘢食比Neway做得好好多 但係估唔到今次我哋七個人去唱K都冇獨立廁所 真係有啲失望🙍🏻間房仲好細.…Read More

放假同好友去唱K，呢度去到開咗間房，房間黑紅色調，乾淨企理，下午茶時間包一杯飲品同茶餐，夠鐘即叫，飲品先到，但食物成半小時先到，時間真係幾耐，忍不住叫服務員，佢都幫我哋追緊，之後陸續到！爐端燒：好多串燒，每樣都試：雞翼：皮脆肉嫩，好味雞軟骨：有咬口，油香滿咀！翠肉瓜：爽脆唔乾！清甜好味牛柳粒：大大粒又唔會韌，有肉汁好味！豬頸肉：幾有咬口，唔乾不過無乜味！ok熱狗：麵包烘過，鬆軟幾彈，粗香腸皮脆有肉汁，加上茄汁同微攻鼻黃芥末醬，簡單好味雞扒湯烏冬：試咗啲，雞扒明明皮脆肉正常唔乾，點解要浸湯，浸淋晒浪費了啲脆雞皮，烏冬幾滑，湯底似豬骨湯，正常！幾好味熱蔘蜜：夠熱，蔘微甘，蜜味唔假，甘甘甜甜好味！蘆薈白桃果醋：試咗一啖，好酸，醋味太強，飲唔出白桃味！食物唔錯，不過等得太耐，門口嘅女店員解釋套餐時細聲到我要讀唇先明佢講乜，我哋間房在15樓（lobby在12樓）15樓嘅服務員都好nice，雖然我哋無加單，佢哋都好耐心解釋佢哋優惠嘅條款）收拾都有禮！唱歌食飯雙重滿足埋單約$250兩個人！…Read More

My friends always say that Red Mr has the best meals among all KaraokesSo here I come:)The soup was great;)Ordered a Fried udon with porkThe food quality is good, but the portion is INADEQUATE:(It's like the size served in convenience stores LOLEven girls are not satisfied with its servingCould even get a dessert ordering its lunch setAlthough I had to buy extra food after lunch time, it's still worth the price~…Read More

難得約到朋友唱k，錯過左k lunch，唱happy hour。其實red mr都幾抵，110有兩杯嘢飲或一杯飲品加份茶餐。比我地想像中平同多款揀，比起另一間k，食物普遍味道都係呢間好啲。溫泉蛋照燒雞肉丼，啲飯稍為濕左啲，味道偏淡，呢個麻麻。呢個係肉醬意粉，如果肉醬可以多小小會較好，味道有啲寡。呢個薯格麻麻，係脆嘅，不過好硬，好似無乜薯仔味。呢間分店嘅食物令我有啲失望，不過我地三個由3點半唱到6點都無cut我地，唔會shape cut，都係口痕下，都係爆谷好。…Read More

朋友約我在2017年的平安夜唱K。所謂平安夜，失身夜，全人類都知道我一向都守身如玉，為免在當晚破戒，我決定重新帶上"躲於衣櫃裡、躲於失落裡、躲於黑暗不想掂著誰"的貞節鏈，而且環環雙扣，密不透風，再加上雙腿緊緊夾著，終於確保萬無一失的情況下，才拍拍自己的心口，如釋重負地前往觀塘亞太中心的Red MR。話晒都縱橫歌壇十多年，獎都拿過不少(不是樂壇獎)，但都只吃過新路線的唱K自助餐，到Red MR吃自助餐還是人生的第一次，而且好像只限定此觀塘分店，感覺上，新路線走的是平民路線(但質素好像每況越下)，Red MR走的是較高檔、精品的路線(當然價錢會稍高一些)，所以今日來試過究竟。朋友們遲到我先到，二話不說，立即用口接住飛雲射給我的機會，連人帶袋飛奔自助區找東西吃，跑到差點連鞋都飛甩去龍門，果然名不虛傳，真的是半自助餐，因為自助區得一半，不如預期中豐富，但是，種類都算均勻，擺設精美，主要分湯品、壽司、前菜、小食、飯麵和甜品(擺放次序真的如此，當然他如有調動，你又好難怪得我)。由於我吃的是頭圍，Refill速度都幾快，除非唔快。正所謂："時間尚早吃得好，遲來一步垃圾佬"。我立即每樣食物都輪迴一次，最愛當然是以炸物為主，如雞翼、薯格、春卷等等，我的朋友還在地球的另一邊，我還幫他們將套都帶上，他們還未入來。結果我連沙律都吃了三次。聽聞好像有德國鹹豬手吃，但來到現場，我連德國鹹豬手指尾都見不到，可能淨係比女仔吃吧，唯有學謝霆鋒咁樂觀的心態："算了算了夠了，我滿足到不得了..."我唱呀唱，他們唱呀唱，我又唱呀唱，他們唱呀唱，個個都當正K歌之王是我。我知道我唱得很淡，但感情很深，同時我的歌聲好像是比以前動聽，剛想報名參加叱咤樂壇生力軍獎2017的時候，突然發覺到原來是Red MR的咪音質的關係。"算了算了夠了，我滿足到不得了..."Red MR歌曲比幾年前多了很多，現在個個都用手機連WIFI點唱，個個都狂點幾百首，這樣點法，如按順序唱，那位朋友到了世界末日都未唱完，所以唯有隨機播放，只是WIFI整日斷線，我也理解無人想的，正所謂：＂個個都斷線，唔通個個都想斷線咩＂。但美中不足還是沒有謝霆鋒，朋友說這是因為他是英皇的關係，"算了算了夠了，我滿足到不得了..."聖誕新年餐都幾有特色，有煙火雞火箭菜沙律、龍蝦濃湯、主菜及甜品，最大的特色是價錢貴很多，我點了檸檬香草烤原隻春雞伴薯菜，嗯，薯菜幾好吃，春雞白白淨淨，包保無病，只是份量太大，直情是兩個人的份量，吃完這餐，我知我無法面對非洲的小朋友，所以我向上天祈求一定要懲罰我將來不准在非洲出世......其它前菜湯及甜品，我無法用言詞來形容，因為煙火雞火箭菜沙律、龍蝦濃湯、主菜及甜品最後根本無來到，但最經期的是我寫這篇食評的時候才發現沒有吃過，都幾可笑，原來大家除了懂跳忘情森巴舞，還懂忘情地唱：我只想跟你未來浸在K房，而你那張單絕得不能絕，絕到溶掉我...…Read More

之前唱k唱夜晚時間見到個k buffet 都好想試！但要早幾日book，今次同朋友早幾日book左個dinner k buffet試下先。有唱開k既人都知 red Mr 係好食好多既，所以都有d期待咁去，佢係semi buffet 包兩杯野飲，200左右，main menu得3樣，雞扒，ribs同魚扒，呢3樣野其實得ribs係揀得落手，因為你唔會想比200食雞扒....點完main就出去外面睇下有咩食，點知係...無，應該係話本身種類唔多，而refill得太慢，一出就已經清空曬，幾乎無野食，都幾失望下。好彩份main都叫做保持水準，係好食既ribs，叫做有食飽 ...(4個人都係叫ribs因為真係無人想食雞扒！)(好辛苦先等到既小食)唱k既朋友都係揀返min charge 每人200都可以叫到main同小食， menu上面既野我覺得好食好多！…Read More

Finally have a day off and have time to sing K with sister!! We choose red mr as the price is acceptable for happy hour, only $119 and you can sing for around four hours and included a drink & tea set. We haven't have lunch yet so we choose one tomato chicken noodles and beef spaghetti. The tomato soup is very yummy!! They do put a lot tomatoes and fresh veggies which quite fresh. And the chicken is juicy as well. Spaghetti is quite spicy and not bad. I would say they do better for good compared with Nxxxy. Drinks are average and you can pay $13 more for seasonal drink as well …Read More

成日都會去red mr.唱k, 但係未試過夜晚去！今次新嘗試...食下buffet...結果係強差人意。 食物味道一般..本身期望唔高... 款式唔多..甜品係少..近乎無乜好揀..無雪糕雪條最令人失望既係...啲食物係等好耐都唔會refill... buffet 時間係去到2130... 但2030 出面已經空空如也...無咩野好揀 有時食物成盤清哂...eg: 炸物類 小食類既 炸餃子 魚塊 薯格 pizza等 都唔見有人去refill...仲見到招待個邊玩緊電話（取食物位置近招待）有啲食客同我一樣..都係兜一圈就返去.. 終於忍唔住問係咪唔會再refill... 結果告知已經最後一轉...當時時間係9點 9點我理解既...但係我由8點半出入到9點..出面啲食物都係不變....好失望...唔會再試buffet…Read More

Planned for a nice chill day off singing karaoke with my Mr during lunchtime 💝 We thought it should be safe walking-in another karaoke service provider on such weekday, but surprisingly it was all full till happy hour time... (wondering how come those secondary school students could arrive the shop at 11ish am 😒）. That's why we came to the next building to Red Mr, and found that it is cheap (below a hundred dollar for each set) as well as doubling up the singing time (4hrs) vs another provider (2hrs)! 😍 Perfect! Steak - very decent quality for such price: tender steak with freshly fried potato; will be even better if the steak iron plate is hotterSeafood pasta - acceptable amount of seafood with mussels, shrimps, etc. The sauce is slightly too thick and the overall quality is so-so. Honey lemon - sweet enough for you to dilute it into 1.5 cupsThey also gave us a big room which apparently can cater as much as 6-8 people. It is a great value even just for the food and private room 😜 And the best part is of course listening my Mr singing love songs! Great day! 😘😘…Read More

想寫k房食物嘅食評好耐~這次俺終於可以下筆~開心！^^~俺一直與友人去neway同redmr.唱k,歌必定係neway的多，但韓文歌就redmr多，而若要以食物質素比，俺必然選redmr...這次與友人唱三個鐘k,lunch hr:$88-118價位嘅餐都有，包一杯飲品一配西湯一個甜品，算不錯T___T打牙際~~因為俺每次去redmr k房都覺得冷氣溫度開得太低，所以一定食熱嘢飲熱飲@@~這次俺就叫了一客韓式粉絲㷛同一杯檸蜜(潤喉的說@~@會唱到聲沙嘛~)。不久就先上一碗南瓜湯，與外面西餐廳比毫不輸陣，南瓜味濃，質地滑如忌簾湯，又夠熱，好好飲~粉絲煲一上枱，俺就知不妙QAQ~份量太少了有木有~俺沒食早餐的說~嘛~試過一口後這感覺更加多烈了...那麼好吃竟給這麼少！！！？粉絲滑溜，湯辣味十足，雖帶點泡菜的辣味但並不全是，那種辣味會令全身暖乎乎的，很適合冬天吃但為毛份量那麼少？！！！才六分飽~(怨念...==)有隻流心蛋，俺一開始還糾結過要攪拌來吃還是完整地吞了去呢真頭痛呢~~~~@w@嘛~最後都係攪拌了吃，之後個湯變得好好飲啊呵~甜品是這個:)一粒大小如一蚊硬幣，俺的味道是芝麻lucky~友人的是芒果味！*幾別~@v@b***要加一啊~~~…Read More

是日下午星期五：HAPPY FRIDAY每星期的星期五下午相信是很多打工仔都想食得好D,或食D特別D既一日。今日下午我連同幾位同事一齊係Red Mr享用左一個K Lunch。平時我比較小去Red Mr 唱K，常去的是Neway。這間Red Mr 我只光顧過三次，但每次的服務和食物水準也不錯。下午消費會根據你所點的午餐而收費，套餐要加一等。餐牌上有四個主要主菜選擇或是正在推廣的拉麵套餐。而午市家食，午餐價錢以$65-$98左右。$65-$70是最低消費。剛好星期五，吃午飯時段，位於12樓的接待處，有6至7個人，剛好共三組人想登記入座，剛好我們排第一，所以登記不久就不用等位就進房了。我們一行四人的房， 是四人房，有兩張餐桌，以紅黑為主要顏色。選食物方面，我們四人也受價錢和菜式而影響了選擇。我們選擇了2。黑松露鮮蝦闊條麵。因為價錢不算太貴，名字好像比較吸引。定食價錢$73送一杯餐飲及一個是日甜品（ＪＥＬＬＹ）。食物賣相不錯，闊條麵被青綠色的香草汁，小量黑松露包著，三隻中蝦身無殼跟蝦尾有殻。份量適合女孩子。闊條面咬感不太硬不太軟，是我們喜歡的口感。味道比較淡，但感覺清新。不足的一點是食物的溫度，不是熱騰騰那種感覺，而是快不夠暖了。但還好味：）我個人喜歡吃洋蔥，這次有紅洋蔥伴面，紅洋蔥味道很香：）環境房間衛生乾淨，地下無黏黏地既情況。有四吱咪，四個紅色咪套。冷氣不能選擇太高，有限制設置。所以對女生來說有點冷，記得帶返件外套。唱K系統是用電腦螢幕點唱而無搖控。可選擇下載他們的App。無App既話就要成日進出座位點歌，由於比較窄，有兩張餐桌檔住，所以行出行入有點不方便。常去Red Mr的話，用手機App點歌會容易得多：）。上菜時間快，落單後，大概10分鐘左右就上菜了。期間定時進來為我們的房間清理碗碟。服務不錯，友善態度，音響系統還算好，沒有太多咪和音樂走音的情況。是開心的一個下午：）…Read More

    今次應該是第四或五次來red mr，還記得上次唱通宵k是半年前的事，唱了六七小時沒甚間斷 ，那次令我印象極深刻是小食，一碟兩枝極瘦的串燒條，撒上一堆鹽伴碟，實在我見猶憐，上碟時我與友人都禁不住笑起來-__-     而今次是星期六，但人流不算多。接待處有三四人，態度ok，而且比起N字karaoke沒有煙味。兩小時的午餐k也太短了吧! :( 若時間長些應該更盡興，與中學同學聚會，一行三人。友人前一天打電話book房，原來這間店有兩層，在13及15樓，先到低層counter，再搭lift至15樓的k房。    上到十五樓，很大的房間，三人來說足夠有餘，黑色的牆身配上紅色梳化，"紅黑紅紅黑，就係咁簡單"xd。而且有獨立廁所，設於房門旁，即使經過爆石後仍氣味芬芳xd ，但本人看見廁所的鏡子有點被自己樣子嚇一跳，因燈光太白，令臉無血色xd 。    先點餐及進食，後唱k，因為實在太餓了。有四五個lunch set，我們都點了最便宜的set a，$62的吉列豬扒飯跟餐湯及甜品，而且每人附送一飲品。我們book了1點，但12:45便到了。待應提醒我們數次最遲點餐時間是一點，心想，若我們照原定時間一點才到那不是不能點餐嗎?      飲品先到，現在冬天不點凍飲了，我們點了兩杯熱朱古力，一杯熱奶茶，飲品分開奶及糖上，貼心，而且有三款糖選擇，雖然只是同味haha。熱朱加了奶及糖後不會太甜，又ok滑，不會太膩，本人覺得比起茶餐廳的略好。      飯5-10分鐘便送來了，不是很熱，豬扒咬下去鬆軟，有頗多汁拌飯，一開始覺得還夠味，但加上麵豉湯愈吃愈鹹，湯應是調味粉混水。而甜品應是木槺加啫哩，在尾段才上，應該是完結前的9個字上的。總括而言，食物質素，份量高於我預期，味道不過不失，算ok飽。      好，現在開始亮點吧! 吃完飯唱到一半時，本人看見red mr厚厚的窗簾，就想起，咦，這裏是one pacific centre(差點打了pacific ocean)，景觀應不錯吧!但印象中N字頭karaoke好像沒有窗，而且窗簾不能拉開，心想k房的窗應該也不能拉開吧。    豈知，伴上勁歌心血來潮的一拉，給我拉開了另一番洞天!    Omg !首先窗簾可以拉到，但更難能可貴的是那一望無際，仿佛大地(觀塘)就在我腳下的感覺xd，有點誇張。那景觀就像從apm三聯書局望下去或apm starbucks旁的大堂落地大玻璃望下去的景觀，但red mr座落位置更高，看見了警察宿舍後的山脈，那是什麼山?而且令我明白為何月華街被稱為觀塘半山，從高處望下，就看到協和街上聯合醫院的馬路，是慢慢斜上去的!    當然，看見重建中的觀塘，不禁唏噓，從出生而今一直住在這裏，當中搬走了五六年，最後亦是回來了，十多年了。 :( 高處向下望，政府合署，銀都戲院，仁愛圍附近，迄立物華街十五年的麥當勞(兒時及初中時常去)，不是清拆中，就是被移為平地，或已經搭上高高的棚架，成為地盤。整個觀塘已在耄耋之年，有點荒涼，與我兒時記憶的觀塘有點不同，觀塘好像在這四五年間突然轉變，突然老去。 :( 以往的觀塘雖然也年老，但至少仍有人氣，五光十色，但現時能拆的都拆得清光，表面的風采一點也留不住了，一幢幢變黑，剝落的大廈讓人看的有點心寒，尤奇在夜晚，就像鬼城般，一個個深黑色的窗就像一個個黑洞，白天轉為灰黑色的舊廈，像一個奇異的城市。但，這就是觀塘不同亦引人入勝之處，實而不華，舊而不廢。    觀塘道的創紀之城幾期，舊月華街巴士總站現時的"望月"樺峯(很質疑這名字的真確性)，其實他們才是突然侵入的奇怪一群，好像在侵吞著觀塘舊城區的生氣...... 而這強烈的對比就在身處red mr的我眼中一覽無遺。    最後，要珍惜中學同學難得相處的時間，即使前路不同，但有你們在旁，已經很開心滿足了。期待下次再會!(明年)P.s.   第一次寫食評，亦自覺離題了，變成在抒發自己對觀塘的感情，但又何防?環境一直是很重要的因素，相信沒有這盡覽觀塘景色的窗子，我也不會寫這"食評"吧。  而且相片都是用手機拍攝，質素......請見諒hehe       但可惜的是，這麽開揚的景色，都被厚重的窗簾遮住，誰說唱k一定要黑漆漆才有氣氛? 那開揚景觀更令我欣賞，但只浪費了這一地段，用來建書店，餐廳，健身房，游泳池，搞搞綠化，露天市集更可物盡其用吧?當然前提是要平民化，讓廣大觀塘市民也享受到這繁華鬧市中的"日光浴"。 …Read More

「去唱 K 吧？」「幾時唱 K？」「唱通宵 K 再去一蘭食早餐！」 明明不是 K 歌發燒友，只有技安的歌喉，但最近總是很想唱 K。瘋狂到三不五時便向朋友提議，不過兩個月以來居然無人理我。這一天，我和安娜原本約了朋友看電影，可惜沒有合適的場次，在沒有計劃下反而造就了一次唱 K Dinner。來到觀塘的 Red Mr。環境方面，其實各 K 場都大同小異，主觀覺得這兒會比 Neway 新淨和少一點煙味。我們三人，佔據可容納六七人的房間，但不代表唱得舒服。這分店的設備讓人頭痛，既沒有搖控，也沒有手機 App ...... 點歌一定要走出到觸控螢幕前。實在是一項倒退的安排。　　相反地，在沒有期望下，食物反而帶到驚喜。約 $160 的費用，已包一客晚餐，內容很豐富。餐飲方面，大家不約而同叫了 Fruit Punch。中規中矩合格之作，至少不會淡而無味或甜到嘔。然後，作為前場的蟹籽沙律可能是眾多食物中，比較失色的一個。味很淡，除了沙律醬的味道，吃不到菜蔬絲的鮮味，而蟹籽量少亦不夠爽脆，可以不吃。至於麵豉湯，同樣非常淡，跟沙律是難兄難弟。　　小吃是串燒，有雞肉和冬菇。雞肉合格，冬菇看起來很乾身，但吃起來沒有想像中差。雖不 Juicy 但軟腍中尚有一點水分。　　主食方面，安娜點了雞柳明太子忌廉汁意粉。忌廉汁略嫌質地比較黏結，不夠流質，但味道算不差。雞柳屬正常快餐店水準。明太子不是很特別，但作為豐富味道的角色，也基本發揮了它的作用。中規中矩。　　而我和另一位朋友，點了日式豚肉石頭鍋飯。為什麼選擇這個？純粹因為個人覺得，熱辣辣的石頭飯，是信心保證，難食都會有個譜。材料豐富，但只是普通貨色，而飯焦只有少量。混醬汁、打蛋一起吃，在重味道和熱辣辣的作用下，最後我都清了大半碗。　　至於甜品，是木糠布丁，味道一般。　　總的來說，作為唱 K 附送的晚餐，算是不錯了。份量豐富，水準上優勝於 K Bufflet 但後者亦有它的樂趣。問題是，如果不改善環境設備，唱得不爽快就本末倒置了。…Read More

平時k lunch的話次次都係去neway，但假期前夕，Neway冇無限唱而Red Mr可以11點半唱到4點所以就揀左Red Mr唱k lunch,可以唱耐d嘛。今次去的係觀塘的Red Mr，好似係二月頭左右係進駐觀塘就咁睇地址One pacific Center應該唔會知邊度，但位置不難找就在APM I.T同Jusco supermarket之間果層一出向左行，見到渣打就係果幢環境，大堂比較暗，以紅色黑色為主當日的服務員都幾有禮貌和笑容，不錯！新開的關係，房間內都會比到你覺得好新既感覺。午餐價格由$55-$67，學生證冇免加一款式選擇相對Neway係比較少，只得四款a)日本吉列炸蝦飯，b)鐵板ribs配白飯(忘了中文)，c)肥牛湯烏冬d)焗葡國雞飯/意粉Lunch set包是日餐湯，飲品及甜品，但都估到會係咩貨色。加錢可轉特飲，甜品加$9可轉日式甜品是日三人，點了1a2b先上了兩客鐵板，k lunch黎講，單看賣相確實不錯那ribs同平時西餐食到既係兩回事都尚算多肉，只能夠話係一舊有骨的豬肉：(唯有食少少然後用黑椒汁食飯。要讚的是用鐵板上的關係，所有食物都係好熱辣辣，正！同埋吃同睇得出唔係超多油好多時吃鐵板餐都會見到汁同好大堆油混和餐湯之後先上，日式麵豉湯。應該都係粉混水果種甜品比我估中係jelly一杯，不太甜，味道ok感覺上 Red Mr的午餐製作得比Neway認真唱neway唱到悶既人可以試下Red mr不過本地k歌的選擇比較少，鐘意唱英日韓的人岩哂！…Read More