Video
Telephone
28193338
Opening Hours
Today
10:30 - 20:00
Mon - Sun
10:30 - 20:00
Public Holiday
10:30 - 20:00
Public Holiday Eve
10:30 - 20:00
Above information is for reference only. Please check details with the restaurant.
之前去元朗千色果陣，成日經過呢間韓國外賣店，今次第一次幫襯先發現原來呢間餐廳係由幾位韓國媽媽主理，價錢合理，而且味道地道正宗！餐廳仲設有到會服務，下次一大班朋友聚會嘅話就可以好方便咁叫到會返屋企食啦～涼拌菠菜(S)💰HK$28菠菜翠綠爽脆，加咗白芝麻，味道更香口，係一款健康嘅韓式前菜～韓式炒魚糕(S)💰HK$40魚糕口感彈牙，每一啖都食到芝麻油嘅香氣，呈現出一種好正宗嘅韓式風味～海鮮煎餅💰HK$65海鮮煎餅即叫即煎，煎餅嘅外圍酥脆可口，而煎餅嘅中心口感軟糯，仲有粒粒海鮮肉增添口感，配埋秘制嘅煎餅醬汁更惹味～芝士無骨炸雞(S)💰HK$58炸雞外酥內嫩，炸粉唔會太厚，而且表面佈滿芝士粉，香氣四溢～烤牛肉紫菜飯捲💰HK$53烤牛肉鮮甜多汁，仲多咗一份蔬菜嘅清脆，配埋米飯同紫菜，口感豐富多樣～提子汁💰HK$7暫時生生市場有2間分店:📍元朗店║元朗教育路2-6號捷榮樓地下C號舖📍灣仔店║灣仔堅拿道西15號永德大廈地下G13號舖
continue reading
今朝早落完大雨，而家又出猛太陽，又熱又濕，一家人決定唔出街，買外賣返嚟算了。經過一輪商議，決定去生生市場到買外賣食韓國嘢，見佢而家多咗三款套餐，全部都係for二至三人嘅，最後揀咗個套餐A，感覺上呢個餐最多嘢食😆⭐烤牛肉紫菜飯卷鍾意食佢呢度嘅飯卷，一嚟啲飯軟綿唔係雪咗好耐硬班班，而嚟佢密封嘅包裝感覺衛生，加上啲餡料相當多仲多個飯，哈哈。⭐泡菜豬肉湯湯品揀咗泡菜豬肉湯，貪佢辣辣地夠惹味，除咗泡菜仲有唔少豆腐同五花豬肉，好足料，仲附上一大碗白飯添。⭐原味無骨炸雞炸雞新鮮炸起熱辣辣又香脆，而且冇骨咬落去淡淡肉，雞肉嫩滑多汁，超好食🤤⭐新鮮辣泡菜個餐有新鮮泡菜同原味泡菜揀，店員話新鮮嘅好食啲喎，咁就食新鮮啦，酸酸辣辣真係幾正，大白菜爽口，下飯一流。⭐辣炒年糕怕個餐唔夠食仲加咗一份辣炒年糕，年糕煙煙韌韌有咬口，入面仲有水煮蛋同魚糕片，個辣醬辣勁十足好惹味呀🤤⭐濟州橙汁 &⭐梨汁個餐仲有飲品送，真係好抵食。攞外賣嗰陣店員順手放咗張宣傳單張入去，話而家有到會，提前落單仲有優惠添👍
continue reading
💖韓式料理外賣首選生生市場，菜色選擇同堂食餐廳一樣豐富，又方便快捷，係懶人飯堂😼！1⃣️2-3人套餐A🍽️ $198💖包括4款主食或小食，同埋2杯飲品，有多個選項可以揀，我要左👇🏻：🔸烤牛肉紫菜飯捲：配菜豐富，搭配入口軟嘅韓式甜牛肉同飽滿嘅飯粒，飽肚又唔heavy～🔸人蔘雞湯：雞件好大，咬落滑嫩，包住糯米，湯底清甜帶鮮味，飲落暖笠笠，感覺健康🔸甜辣無骨炸雞：一口size，裹滿濃稠嘅甜辣醬，再灑上芝麻，肉質爽口🔸新鮮辣泡菜：聞落都更酸辣開胃🤤，份量大好送飯🔸濟州橙汁/甜米露：4款中自選2款，全部都係韓國特色飲品，橙汁鮮甜、甜米露清甜帶米渣口感2⃣️芝士紫菜飯捲🌯 $50💖佢地嘅kimbap CP值唔錯，包裝方便外出攜帶或保存。芝士口味嘅配料包括胡蘿蔔絲、青瓜絲🥒、醃蘿蔔、雞蛋絲🥚、牛蒡絲、生菜🥬、火腿🐷同芝士🧀，食落口感更軟。💖元朗分店係千色對面，外賣10分鐘以內拎得，唔想煮飯黎呢度夠曬方便😆。
continue reading
紫菜飯卷有幾款口味可以揀，依款係韓式火腿，包住嘅仲有醃蘿蔔、紅蘿蔔、青瓜、牛蒡、蛋絲，一望就知餡料相當充足，完完全全多過外圍嘅飯，所以口感都好豐富🥢烤牛肉便當會跟4款前菜小食，有泡菜、蓮藕、菠菜，最意想不到嘅係有兩件炸雞，令人覺得個便當更豐盛，就連個大醬湯都好足料，裏面有好多薯仔、洋蔥🧅個人蔘雞湯都唔錯，依度係半份，入面的而且確有半隻雞，食落啖啖肉，糯米都煮到好綿，味道唔錯👌另外仲買咗細份嘅汁煮鵪鶉蛋，醬油味入晒落鵪鶉蛋度，好啱送飯🍚
continue reading
講起韓國菜一定第一時間諗起生生市場😍每次黎元朗點都會買返盒韓式飯卷今晚懶得煮飯 所以行完街就買返去做晚餐🩷🩷-吞拿魚紫菜飯卷內餡料仲多過飯 唔會似出面咁大大舊飯而好少料口感好豐富 真係同係韓國買既味道一樣-涼拌菠菜(S)菠菜好爽脆，加埋白芝麻味道更香-韓式炒魚糕(S)魚糕爽口彈牙，加上韓國既芝麻油成個味道提升左，又香又好味-韓式炒粉絲 粉絲口感唔會痴埋一舊，唔會過腍有菠菜，紅蘿蔔絲同香菇配上芝麻同麻油好香又健康，加上大大份，好好食-蘿蔔魚糕湯講起韓國食物點可以無魚糕魚糕口感彈牙，湯底味道鮮甜-甜米露韓國飲品 每次食韓國菜都要飲味道清甜 解渴原來佢地依家都有提供到會選擇非常之多 黎緊中秋節開party岩晒😍😍😍
continue reading