54
41
11
5-min walk from Exit C, Hong Kong MTR Station continue reading
All Branches (3)
Telephone
63338036
Opening Hours
Today
11:00 - 15:00
17:30 - 22:00
Mon - Sun
11:00 - 15:00
17:30 - 22:00
Payment Methods
Visa Master Cash UnionPay
Other Info
Wi-Fi
Alcoholic Drinks
May Bring Your Own Wine
Phone Reservation
Delivery
10% Service Charge
Review (125)
大家聽到過江龍,會唔會已經打定輸數食物質數唔好呢? 但其實香港好多話羅左米芝蓮既過江龍,其實只係羅到必比登推介,唔係米芝蓮既一二三星。而今次呢間東京過江龍拉麵,係真正羅到米芝蓮一星既餐廳,必比登推介同米芝蓮一星實際有好大分別,因為後者係好難羅到。而其實東京可以羅到米芝蓮一星既拉麵只有三間,分別係創作麺工房鳴龍、蔦同金色不如帰,後兩間同樣係香港都有分店,但呢間金色不如帰係連續兩年(2019-2020)羅到星,仲係日本食評網Tabelog評為2010至2017年最佳拉麵,我一早係拉麵雜誌《TRYラーメン大賞 2018-2019》入面知道呢間拉麵,因為佢係係鹽味拉麵排名第一,咁猛料究竟呢間過江龍同係日本食有無分別呢?。-分店 香港首間分店就係係2019年12月係中環插旗,之後係上年11月係九龍塘開左首間九龍分店,再係今年2月係尖沙咀開店,呢家香港已經有3間分店。-排隊我幫襯過幾次,係2020年年初時食,夜晚去係唔駛排隊,最近期食個時係紅日放假,咁岩係年初五,食午市時已經係滿座,要禁電腦羅飛等位。個時大概下午一兩點,羅左2人飛,等左10-15分鐘終於入座。係平時未滿座時店員會盡量打散食客分開坐,等大家坐得鬆動舒服D。-環境對比起東京本店,香港中環呢間金色不如帰大細大概有東京既3-4倍,而且係裝修方面同東京有好大分別,東京店鋪細每次只接7個客人,香港既設計偏向高級餐廳,有D似尖沙咀既多賀野,-招牌呢間拉麵有2個招牌,貝汁鹽味拉麵同貝汁醬油拉麵,同樣係128蚊碗,蛋要另外加錢,仲會收10%服務費,對比係東京只係每碗 ¥900。香港店拉麵款式會依季節轉換,但其他拉麵同小食都唔係重點,基本上黎得試呢兩款拉麵就夠。金色不如帰可以羅到東京米芝蓮一星殊榮全靠呢個貝汁湯底,主要鮮味黎自大蜆,香港分店既湯唔係日本寄湯包過黎開水,而係每日用新鮮大蜆熬製,因為香港既新鮮大蜆同日本會唔同品種,所以東京本店創辦人親自黎香港修改左配方,令到香港食到既味道同本店一樣,而因為新鮮大蜆受季節性影響,所以轉季時創辦人會再黎香港調整一下配方。而為左湯底做到品質同日本差唔多,香港店引入左日本ACM 淨水設備,將食水預先過濾,確保飲用同使用食水都係至高品質。因為金色不如帰係米芝蓮一星拉麵,店鋪有拉麵既建議食法,以先欣賞後品嚐,首先用雙手將拉麵捧係手心感受下佢個溫度;再感受由拉麵發出獨特而令人舒適既香氣;之後以一小勺湯頭既份量,加青蔥、香草、牛肝菌醬同煙肉碎一共四款配料,去品嚐湯頭同配料各自帶出既味道;最後就係品嚐拉麵,同時感受多元化既配搭食材。-貝汁鹽味拉麵💰128呢個金黃色貝汁湯底係用湯底係用自家熬製蜆湯、清魚湯(日本係用紅鯛魚) 同豚骨湯三重湯底熬製,大蜆係用上每日新鮮直送60斤加上日本進口海鹽、白松露油、牛肝菌醬、香草同煙肉碎,湯底唔添加味精,賣相係同東京本店有分別,香港既係比較深色1D。湯既味道好鮮甜,蜆既味道非常突出,微鹹帶甜,配搭得非常好同平衝,除左味道仲真係做到色香味俱全,香主要係黎自白松露油同牛肝菌醬,呢兩種帶來既係香氣而唔係味道,有大蜆既鮮甜同兩樣配料既香,表面睇落清澈但飲落個口係豐富同滿足,有層次感,令到呢款拉麵既湯好豐富完滿,每次食我都會飲哂個湯,而且唔會覺得口渴,證明真係無味精,平時係香港飲到既10碗有9碗都係豬湯同雞湯,今次難得係少有既鹽味湯。而拉麵既麵條係自家製,用左五種唔同既麵粉,包括北海道「春よ恋」、再加上幾種小麥粉同石臼磨製既全麥麵粉。麵條會有小小麥味主要係因為北海道春之戀,可以清楚見到麵條有小小麥粒。麵條較幼身,接近九州既直細麵,唔算吸湯,質感唔算硬比較淋身。拉麵其實要好食同突圍而出,確實係需要自家製麵條而唔係羅貨,因為品質控制好緊要,既然用左咁多錢係個配方度,如果仲用羅貨既麵條,係完全浪費左呢個米芝蓮既湯底。而且麵條應該係要針對湯底度身而設,貨羅或者由第三者去整就好難控制到麵條可唔可以配合到個湯,而且代表個麵條1D都唔特別,因為好食既麵一定係唔外傳既秘方,唔會咁易比其他人整到同知道。配料方面有兩片,一塊係低溫叉燒,肥瘦均稱,食落嫩口軟綿綿,有入口即溶既感覺,同時食到豬肉既甘香,呢個係好多拉麵店既叉燒做唔到既野。而呢一塊就係三層肉,油脂比較豐富,叉燒質數可以,稍嫌叉燒厚度唔夠。-貝汁醬油拉麵💰128同樣係蜆湯、清魚湯同豚骨湯三合一既湯底,不過加左醬油、自製黑松露醬、牛肝菌粉同牛肝菌油。醬油都係用日本直送既島根縣產非加熱無過濾丸大豆醬油、長野縣產杉桶丸大豆醬油同石川縣產非加熱醬油、白醬油。湯既味道會比鹽味拉麵複雜D,同埋味道較濃,飲到充滿菇菌香同多左D鹹香,雖然都唔會話過鹹,反而其他配料會搶過大蜆既鮮甜無咁易飲到,如果想專心飲到鮮甜大蜆湯,貝汁鹽味拉麵會更加適合,呢款就可能鍾意重味既人會鍾意D。-🌟呢間米芝蓮一星過江龍拉麵,食完覺得係無中伏既,甚至係我香港既TOP3拉麵,絕對係可以一食再食,而且環境甚至比係東京本店更好。除左環境,店員既服務態度都無令呢個米芝蓮跌星。東京本店既服務會有D似澳牛咁,唔會係好既用餐體驗,但香港食到既拉麵質數,同東京已經非常接近,既然呢家去唔到旅行,無得去東京本店排兩個鐘先食到呢碗拉麵,不妨黎呢度試一試,究竟好食既米芝蓮拉麵,係咩一回事。題外話,「不如帰」係日文既意思係杜鵑,所以可以睇到佢地個logo係一隻金色既杜鵑。 continue reading
(The above review is the personal opinion of a user which does not represent OpenRice's point of view.)
Level3 2021-04-15
419 views
網上面睇到好多人介紹呢間過江龍難得過到嚟中環就試吓佢午餐時間真係好多人等咗半個鐘先至入到去餐廳好大個範圍係open to all 都幾嘈下想傾吓計嘅話就唔好揀lunch hour去啦叫咗一個貝汁醬油拉麵再加溏心蛋我同朋友都跟足佢嘅食法去食先講個湯底 有海鮮味而且濃郁嘅但煮出黎好清旁邊有少少黑松露但又無搶咗啲味個人來講係覺得湯底幾出色佢有兩塊豚肉 一塊肥一塊瘦 成件事加埋係好balance 麵底亦都好食 continue reading
(The above review is the personal opinion of a user which does not represent OpenRice's point of view.)
Level2 2021-04-15
364 views
在附近四季酒店staycation幾天,逛街時突然想吃日本拉麵,所以下午茶時間來附近的金色不如歸嘗一嘗。 名字挺有創意,被它吸引。下午不用等位。吧台座位比較狹小(不過香港大部分拉麵館或食店都是小小的)。- 店員服務態度斯文良好。-桌面上的台卡座上的招牌拉麵畫功有趣生動,所以就點了碗招牌貝醬拉麵嘗嘗。- 廣告版上還寫上什麼米芝連推薦,不過個人覺得米芝連推薦不代表好吃,只能作個的參考, 讓駕駛者有個guide而已、評分視乎評審員的主觀判斷和刻板印象而已,不過就可幫店主賣貴幾十塊錢。所以這碗面定價是比較高。- 雖然比較喜歡重口味,但這湯地清晰外觀的味道也挺濃郁。面底爽滑可口,加上配料,口感比較豐富。值得嘗試- 埋單不到一百五十元,七分飽,在高端的商場來說性價比挺高的 continue reading
(The above review is the personal opinion of a user which does not represent OpenRice's point of view.)
Level2 2021-04-13
220 views
農曆新年前天氣又轉涼,同朋友仔去左ifc食飯,朋友推介呢間係米芝蓮一星拉麵。因為我地早食,所以唔洗排隊。我地一個叫左貝汁醬油拉麵、令一個叫貝汁鹽味拉麵。我地覺得鹽味湯底好味點,雖然個麵底好正,不過百幾蚊碗拉麵黎講,佢份量就比較少,我同朋友食完麵覺得唔飽。 continue reading
(The above review is the personal opinion of a user which does not represent OpenRice's point of view.)
Level2 2021-04-05
465 views
今日放假同朋友黎左IFC呢間拉麵店,午餐時段唔使排隊即刻入得,朋友叫左招牌「貝汁鹽味拉麵」,我就叫左「貝汁醬油拉麵」,第一啖飲左湯先,個湯底比「貝汁鹽味拉麵」濃d,好香松露同牛肝菌味,但可能個人比較重口味,覺得湯底可以再濃味d會更好 continue reading
(The above review is the personal opinion of a user which does not represent OpenRice's point of view.)