Video
4-min walk from Exit A, Austin MTR Station
continue reading
Telephone
28858955
28858278
Introduction
It is a teppanyaki-specializing restaurant. It merges teppanyaki and magic together, so as to bring surprise and a new F&B experience to customers. Almost dishes are added with sea urchin. Among them, the 18 layers of sea urchin cup is a highly recommended item.
continue reading
Opening Hours
Today
14:00 - 00:00
Mon - Sun
14:00 - 00:00
Public Holiday
14:00 - 00:00
Public Holiday Eve
14:00 - 00:00
Above information is for reference only. Please check details with the restaurant.
About Reward Scheme
Offers
各自都很忙，接近一年沒與我的美女foodie朋友約會了。難得出來，便選間靚餐廳慰勞五臟廟。作為鐵板燒愛好者，我選了這間在pocket list已久的「樂鐵板燒」。這間屹立佐敦８年的小店，以海膽主題的豪華廚師發辦聞名。人稱「海膽達人」的樂師傅經驗豐富，菜式充滿創意，全晚驚喜一浪接一浪。用料新鮮份量毫不手軟，而且幾乎不加油鹽，以呈現原材料的美味，這晚可謂是視覺與味覺雙重享受。師傅最近更入圍香港版「黑白大廚」，吃完這餐之後十分看好他是強勁選手，愛海膽的話絕對要來朝聖！．小小的餐廳只有約８個座位，神秘氣氛中帶點復古，店內全是哥哥張國榮的忠實粉絲樂師傅的珍藏——他生前穿的高跟鞋、絕版寫真、還有完整黑膠唱片典藏可以播放，彷彿穿越時光，再次欣賞哥哥的絕代風華。．◆ 火焰海膽甲羅燒 x 原隻鴛鴦海膽活龍蝦 廚師發辦 ◆．❇︎ 𝔸𝕡𝕡𝕖𝕥𝕚𝕫𝕖𝕣𝕤 ˚˚♢ 前菜盛盒 ♢ | 磯煮鮑魚溫潤入味，北海道白粟米清甜多汁，大根柚子漬爽口清新，薯仔沙律綿密細膩；味蕾已被打開。．♢ 青森縣王林蘋果蟹籽沙律 ♢ | 師傅有心思地挖空蘋果盛載沙律，爽甜的日本蘋果配上蟹籽與特製沙律醬，清爽開胃。．❇︎ 𝕊𝕚𝕘𝕟𝕒𝕥𝕦𝕣𝕖𝕤 ˚˚♢ 十八層海膽杯 ♢ | 招牌菜！選用北海道紫海膽、松葉蟹肉、藍鰭拖羅蓉、三文魚子、北歐花膠等各種奢華食材層層堆疊。先用白飯魚脆片搭配海膽；再用小勺子挖出十八層配料，撈勻後啖啖爆發海膽香與魚生的鮮香，口感層次勁豐富。．♢ 活斑馬瀨尿蝦 ♢ | 野生斑馬瀨尿蝦足30cm，一看便知貴價貨色！鐵板燒至殼脆肉嫩，蝦膏流心爆漿超鮮甜，再蘸些牡丹蝦膏醬汁，正到難以形容！！．♢ 活龍蝦兩食 ♢ | 第一食海膽醬芝士焗龍蝦，雙重芝士拉絲混和海膽醬與羅勒香，惹味又不搶龍蝦鮮甜。第二食蝦膏牛油竹炭烏冬，牛油香濃，烏冬滑溜掛汁，龍蝦肉彈牙鮮嫩。．♢ 北海道帆立貝原始燒 ♢ | 以傳統的炙燒技法讓糖分與帆立貝在高溫下鎖住糖分與鮮味，鮮嫩中帶酒香與牛油香，連一滴湯汁都不捨得剩下！．♢ 一口海膽 ♢ | 重頭戲！握起拳頭，師傅將大量赤海膽堆滿手背，想豪邁地一口吃下但失敗。看到盒子是北海道浜中小川赤海膽，質地細膩甜美，在口中徐徐融化，幸福感爆棚。．♢ 火焰海膽甲羅燒 ♢ |閃火紙熊熊燒起，裡面的神秘菜式是海膽甲羅燒！蟹膏、海膽、松葉蟹肉、三文魚籽與黑魚籽的奢華組合，是我吃過最浮誇又最美味的甲羅燒。更amazing的是吃到一半師傅奉上松露薯片，超夾，真心佩服師傅的創意！．❇︎ 𝕍𝕖𝕘𝕘𝕚𝕖 / 𝕊𝕚𝕕𝕖 ˚˚♢ 五色燒野菜 ♢ | 燒杏鮑菇、蘆筍、蕃薯仔、車厘茄、南瓜，清甜解膩，為味蕾帶來片刻清爽。．♢ 香煎鵝肝配山芋餅 ♢ | 鵝肝中也釀入海膽，搭配藍莓醬珠珠與山藥煎餅，口感很有特色。．♢ 鐵板豚肉荔枝串 ♢ | 荔枝爆汁，甜鹹交織，簡單愉悅。．❇︎ 𝕄𝕒𝕚𝕟𝕤 ˚˚♢ 黯然銷魂飯 ♢ | 這個港日Fusion有驚艷到我！把醃製慢煮的A5和牛炙燒成叉燒，配搭爆漿的煎蘭王蛋與炒椰菜花飯，伴碟的紅酒蘋果帶著肉桂香。明明已超飽，但太美味還是吃得乾乾淨淨！．❇︎ 𝕊𝕠𝕦𝕡 ˚˚♢ 特色紙包花膠蜆湯 ♢ | 以紙包包裹保留原汁原味，煮滾後漲卜卜很可愛，不用加鹽也有滿滿的海產清甜。．❇︎ 𝔻𝕖𝕤𝕤𝕖𝕣𝕥 ˚˚ ♢ 自家製海膽雪糕 ♢ | 結尾也是海膽！DIY雪糕的奶香滲透海膽味，鹹甜香氣配上紫蘇葉與爆炸糖海膽粒，宛如分子料理，創意滿分。．❇︎ 𝔻𝕣𝕚𝕟𝕜𝕤 ˚˚ ♢ 桔仔人蔘茶 ♢ | 全晚無限refill，味道清香中和膩感。．這晚由樂師傅一人包辦近4小時的饗宴，驚喜連連，數不清吃了多少道菜，捧著超滿足的肚子離開。這間餐廳不僅是海膽控天堂，也是張國榮粉絲的朝聖地，真心勁推介，喜歡鐵板燒的話絕對值得一試。小店每晚只接待幾位預約客人，相信師傅上完比賽節目後會更火爆。支持有heart的小店，師傅加油！
continue reading
好久不見的朋友，早幾晚約她愛吃鐵板燒，大廚選用時令海鮮，強調食材原味。店內設有張國榮紀念展區，增添懷舊氛圍。前菜：季節前菜拼盤～磯煮鮑魚軟嫩，北海道白粟米清甜爽脆，柚子漬蘿蔔開胃，薯仔沙律綿密青森蘋果蟹籽沙律～以整顆蘋果盛裝，蟹籽與蘋果的酸甜搭配得宜海鮮主菜：十八層海膽杯～層次豐富，包含燒白飯魚脆片、黑魚子、北海道紫海膽、沖繩海葡萄、帆立貝、明太子沙律、牡丹蝦、海膽魷魚、凍磯煮鮑魚、北歐花膠、藍鰭吞拿魚拖羅蓉、北海道粒貝、三文魚子、松葉蟹肉等。視覺效果震撼活斑馬瀨尿蝦～野生蝦體型碩大，蝦膏濃郁爆漿，搭配蝦頭膏醬汁更顯鮮味活龍蝦兩食～海膽醬芝士焗龍蝦鮮甜，蝦膏牛油竹炭烏冬香氣濃郁北海道帆立貝原始燒《以酒香牛油烹調，帆立貝鮮嫩帶淡淡酒香北海道赤海膽刺身～份量十足，入口即化又鮮甜火焰海膽甲羅燒～現場炙燒效果吸睛，搭配魚子醬提升層次肉食主菜：香煎鵝肝配山芋餅～鵝肝外脆內藏海膽，山芋餅軟糯鐵板燒豚肉荔枝串～豚肉包裹荔枝，甜鹹組合有創意五色燒野菜黯然銷魂飯～A5和牛叉燒肉質柔嫩，搭配蘭王蛋液拌椰菜花飯吸品：特色紙包花膠蜆湯～以紙包方式烹煮，湯汁清澈鮮甜，花膠軟彈甜品：海膽雪糕～紫蘇葉與爆炸糖帶來驚喜口感，海膽的鹹鮮與雪糕的甜味意外和諧
continue reading
今日喺佐敦試咗《樂 鐵板燒》，主打樂師傅精心設計嘅海膽鐵板燒套餐，每道菜都充滿藝術感，同時展現咗對食材同味道嘅極致追求。季節前菜呈現多樣化：磯煮鮑魚質感柔嫩，北海道白粟米帶出自然嘅甜味，沙葛脆口，而薯仔沙律就係綿密之中帶出清新，味道平衡得宜。青森縣王林蘋果蟹子沙律係一個視覺與味覺並存嘅驚喜。用完整蘋果盛載沙律，酸甜果肉結合蟹子同沙律醬，清新之餘仲充滿層次感。主菜部分，十八層海膽杯層層交疊住海膽、松葉蟹肉、帆立貝同牡丹蝦，帶來濃厚海洋滋味。斑馬瀨尿蝦以酥脆外殼配流心蝦膏，口感豐富，味道深刻。海膽芝士焗龍蝦同竹炭烏冬係一個好特別嘅組合，海膽牛油醬包裹住龍蝦肉，烏冬則為整體添加咗另一層獨特嘅香氣。火焰海膽甲羅燒中，蟹肉蟹膏與黑魚籽一同呈現濃郁豐富嘅味覺享受。鐵板燒豚肉配荔枝，豚肉焦香撲鼻，荔枝既多汁又帶微甜，平衡感非常突出。A5和牛叉燒配紅酒蘋果，牛肉嘅油脂香氣遇上紅酒蘋果嘅果香酸甜，味道層次豐富。燒野菜顏色鮮艷，包括車厘茄、小紫薯等，口感同視覺都兼備，設計上別具匠心。紙包花膠蜆湯帶有濃郁鮮香，湯底同花膠嘅口感相得益彰。甜品選咗海膽雪糕，質感細膩，海膽味道淡雅而溫和，收結整個餐程。餐廳內播放住張國榮嘅歌曲，四周擺放住關於佢嘅珍藏，相當具人情味，為食客帶來多層次嘅體驗。
continue reading
🔸十八層海膽杯 A5和牛廚師發辦（$1680)🔸火焰海膽甲羅燒原隻鴛鴦海膽活龍蝦廚師發辦（$1680)呢間鐵板燒由樂師傅一人主理，由張國榮主題、菜式同每一樣餐具，都感受到師傅嘅心思！呢一餐亦係我咁多次鐵板燒經驗當中，最多海膽元素嘅一次，真心好令人回味😳▫️季節前菜 👉🏻 金色盒子好grand，又充滿日式風情🗻磯煮鮑魚咬落好軟嫩，有濃郁嘅醬油味北海道白粟米粒粒飽滿，爽甜多汁柚子漬蘿蔔非常清爽開胃。做前菜冇得輸薯仔沙律綿密得嚟又帶粒粒薯仔口感.▫️季節沙律（青森蘋果蟹籽沙律）👉🏻師傅挖空清心蘋果肉🍏做Container，超巧功夫！入面係超爽甜嘅清心蘋果粒同蟹籽沙律，超級Refresh🥰.▫️十八層海膽杯 👉🏻見到實物真係會嘩一聲，砌到好似日式芭菲咁靚😍面頭有海膽同黑魚子，可以連埋脆片一齊食，之後就可以倒入面嘅嘢出嚟，包括有海葡萄、帆立貝、牡丹蝦、海膽魷魚、松葉蟹肉，撈埋一齊食口感層次豐富☺️.▫️活龍蝦兩食👉🏻一邊用上海膽醬同滿滿嘅芝士去焗，而另一邊就用上海膽、牛油同原隻蝦頭嘅膏去炒，兩者惹味得嚟又唔會蓋過龍蝦嘅觧味，龍蝦肉鮮嫩彈牙好有咬口！另外仲有竹炭烏冬，一定要最後先食啊，因為可以等佢吸盡所有精華醬汁，就更加鮮味！.▫️北海道帆立貝原始燒👉🏻另一個打卡菜式！帆立貝以酒香同牛油烹調，高溫燒過後令鮮味更加突出，面頭仲有蟹肉同埋魚籽，記得要飲哂d湯，有齊鮮味同清酒酒香冇得輸🤭.▫️ 北海道赤海膽刺身👉🏻身為海膽控，有咩開心得過直接將海膽一啖擺落口！師傅完全冇手軟咁將海膽擺落我手具，粒粒都好飽滿，味道濃厚甘香，非常鮮甜🤪.▫️ 火焰海膽甲羅燒🦀👉🏻 充滿儀式感嘅一道菜😍師傅用火槍燒閃火紙，裡面神秘菜式係鋪滿海膽嘅甲羅燒，面頭仲有黑魚子，撈埋蟹膏同蟹柳一齊食超級邪惡但無法抗拒😈.▫️ 五色燒野菜👉🏻 有車厘茄🍅、小紫薯配棉花糖、茄子、南瓜🎃同露荀，其中茄子配上焦糖醬汁甜甜地非常出色！.▫️ 鐵板燒豚肉荔枝串👉🏻豚肉嘅焦香配上清甜Juicy嘅荔枝，兩者互相平衡，伴碟有蜜糖爆珠為菜式增添口感層次.▫️香煎鵝肝配山芋餅👉🏻鵝肝非常厚切！煎到外面焦脆，入面柔軟😙山芋餅面層脆卜卜，入口甜甜地好軟糯，加埋藍莓爆珠可以提味.▫️ 蘭王蛋液拌椰菜花飯👉🏻我平時去到呢個位已經好飽，唔太食得落炒飯，所以好Surprize呢度用咗椰菜花粒代替，師博炒得好香口，口感軟熟但又唔會過腍好有咬口，撈埋半生熟蘭王蛋汁一齊食超惹味.▫️A5和牛叉燒肉配紅酒蘋果👉🏻師傅將A5和牛用叉燒汁醃製，再火炙成叉燒，食落外脆內軟，油脂滿滿😍伴碟有紅酒蘋果卷成玫瑰花造型，非常解膩🌹.▫️特色紙包花膠蜆湯👉🏻冇諗過食鐵板燒都飲到花膠湯，仲有蜆肉同超大粒花菇，真係超級鮮甜！.▫️海膽雪糕👉🏻 全晚已經有多樣海膽item，竟然連雪糕都係😱帶有海膽嘅鮮甜味同牛奶嘅香味，非常之有驚喜😳師傅加入爆炸糖增加口感層次，仲可以包埋紫蘇葉一齊食去增加清新感——————評分：9.5/10.平圴消費：~$1850
continue reading
最近發現佐敦有一間好正嘅餐廳「樂 鐵板燒」，上個禮拜同朋友試咗，真係充滿驚喜。一推開大門，即刻好似時光倒流，全場掛滿張國榮經典海報！連牆身都貼住佢嘅黑膠唱片封面，仲有玻璃櫃展示收藏品！樂師傅一邊煮食，餐廳一邊播放住張國榮嘅經典金曲，非常有氣氛。🌸十八層海膽杯 A5和牛廚師發辦 $1680🌸火焰海膽甲羅燒原隻鴛鴦海膽活龍蝦廚師發辦 $1680⭐️季節前菜前菜組合一份四款，夠曬心思。磯煮鮑魚軟嫩入味，醬油甜香滲透，咬落彈牙得嚟唔會韌。北海道白粟米爆汁清甜，咬落脆嫩無渣～大根柚子漬，醃得爽脆醒胃，柚子清香，微酸好開胃。薯仔沙律綿密 creamy，口感豐富，有日式家常風味。⭐️季節沙律：青森縣王林蘋果蟹籽沙律師傅將蘋果挖空，造成一個蘋果盒。將蘋果果肉，撈入沙律醬同蟹籽，然後放返入蘋果盒入邊，非常有創意。蘋果爽脆香甜又多汁，配上爆汁蟹籽鹹鮮同酸甜嘅沙律醬，帶來一種小清新感覺。⭐️十八層海膽杯 呢杯嘢真係必試👍🏻必打卡✅一啖食勻北海道紫海膽、松葉蟹肉、拖羅蓉、三文魚子同花膠，一層疊一層，超奢華，超級靚！頂層嘅白飯魚脆片焦香脆口，點埋creamy又鮮甜嘅海膽，一啖就已經鮮到彈起！之後嘅步驟一定要撈勻！用匙羹由頂挖到底，撈勻曬18層食材，啖啖都食到海膽同魚生鮮甜，仲有蟹肉嘅絲絲口感同魚子嘅爆珠感，好豐富，好滿足！⭐️ 活龍蝦兩食（海膽醬芝士焗、海膽牛油蝦膏煮）龍蝦大隻到不得了，師傅用咗兩種煮法，都一樣咁高質，超邪惡！🔸海膽醬芝士焗龍蝦芝士加海膽醬嘅組合真係無得輸，濃郁到爆🫨一啖咬落去，龍蝦肉超彈牙，啖啖肉，好惹味！🔸 海膽牛油蝦膏煮龍蝦龍蝦肉煮得啱啱好，唔會過老，保持鮮甜，配埋個汁真係無敵！最驚喜係個竹炭烏冬！吸曬海膽牛油汁，每條烏冬都掛滿濃郁蝦膏香，仲有微微海膽甜味，好好食！⭐️ 北海道帆立貝原始燒師傅用火槍即場燒到成個貝殼噴火，我哋即刻拎手機影低，視覺味覺雙重享受🔥 燒嘅過程，牛油香氣即時爆發，清酒蒸發剩低甜味，同牛油完美融合，帆立貝表面焦香，咬開鮮嫩柔軟，帶有淡淡酒香，仲有蟹肉同三文魚子做內餡，每啖都有驚喜。 最後用匙羹連汁潷埋嚟飲，超鮮甜！每一啖湯汁都係精華所在！⭐️北海道赤海膽刺身呢款「浜中小川赤海膽」好食到震🫨🫨🫨師傅請我哋握緊拳頭，將份量超多嘅海膽放喺我手背上面，然後一啖啪左佢！人生第一次咁樣食法！一放入口，雪糕咁嘅質地，即刻化開，甜度爆燈，仲帶微微海水鹹香，完全冇苦澀味，係入口即溶嘅海膽天花板！幸福感100☺️💕💕💕⭐️火焰海膽甲羅燒呢個唔係普通甲羅燒，係一道會著火嘅奢華藝術品！師傅即場點燃閃火紙，成個蟹殼被火焰包圍，滿滿儀式感❤️🔥海膽融化係蟹膏入面 ，濃郁幼滑。松葉蟹肉入口鮮甜，黑魚籽鹹香，口感好豐富。將所有一齊撈埋，放上黑松露薯片，香脆又香濃，非常惹味。^_^⭐️ 五式燒野菜車釐茄表面微焦，一咬開酸甜汁液爆發。蘆筍係嫩芯部位，爽脆無渣，帶炭燒味。茄子配上焦糖醬汁，香甜綿密又細緻。南瓜厚片慢烤，入口鬆軟。甜薯棉花糖，好鍾意呢個整法，棉花糖烤到拉絲，黏住蜜糖甜薯，冷熱交融甜蜜蜜。⭐️ 荔枝豚肉卷師傅將厚切豚肉捲住原粒荔枝燒，表面再鋪滿蜜糖味爆珠，一啖咬落去就爆汁＋爆珠，交織甜鹹雙重口感。焦香豚肉，帶微微焦脆邊。荔枝清甜及蜜糖爆珠完美中和油膩 。⭐️香煎鵝肝配山芋餅鵝肝煎到脆皮，油脂香超濃郁，咬開入面似雪糕咁滑，山芋餅煙煙韌韌 ，配埋藍莓珠夾埋一齊食，成個口感酸酸甜甜，好清新又解膩。⭐️黯然銷魂飯 A5和牛叉燒，配上流心蘭王蛋同椰菜花飯，超級好味！呢個絕對唔係普通叉燒飯，師傅用上A5和牛整成叉燒，外表焦香，肉質柔嫩，充滿油香。蘭王流心蛋同椰菜花炒飯，一啖食落去，蛋漿撈埋「飯」，和牛油脂香爆出嚟，真係邪惡到極點！⭐️特色紙包花膠蜆湯呢個紙包湯真係不得了！有花膠、蜆、冬菇，鮮甜到癲，原汁原味，冇加味精！花膠厚身又滑，蜆肉飽滿冇沙，冬菇爽口大大隻，飽到上心口都堅持要飲！飲完成個人暖笠笠～⭐️自家製甜品：海膽雪糕第一次食海膽雪糕，估唔到係咁夾，超有創意！海膽直接放喺雪糕上面，仲要加埋爆炸糖，食落去首先係海膽嘅鮮甜，鹹甜交織嘅感覺好新奇，加埋爆炸糖噼啪響嘅口感，玩味十足！
continue reading