彩虹串燒專門店 (Closed)

我本人係唔識粥，不過睇YouTube杜汶澤個Channel介紹呢一間串燒店，我又好想試吓，難得佢喺荃灣再開分店，我又喺附近住，佢話佢嘅蟹粥係每日限量出售咁所以我嗰日打電話去問，佢話有喎，咁夜晚就去咗外賣啦，事實上我覺得佢係我人生裏頭食過嘅粥裏面，都算係最好食，其次就係佢啲串燒，話明彩虹串燒佢係主打食串燒，我超級鍾意食佢個慢煮豬仲有牛舌。其實佢仲有好多菜式㗎，不過佢嘅粥都真係幾貴，所以我嗌嘅串燒唔多下次一定會再叫，Menu我都拎左。你哋煮得好好食，多謝你！

I went to this restaurant for dinner before convid 19 , the restaurant is small but the food is good! Highly recommended the Thai 豬頸肉 and 牛舌, those was supper juicy and yummy. But the price is a bit high

👍💛⭐️ 彩虹串燒專門店 (荃灣)⭐️💛👍杜文澤先生係哩騷都公開介紹好味既餐廳，大家冇理由吾識既～各位大埔友同荃灣友真係要多多支持，特別係疫情期間，老闆娘叻姐都話搞吾掂呀！⭐️馳名椒鹽大鮑魚⭐️送帶子($220）一落碟感覺好surprise ，因為鮑魚真心大隻，有蟹籽係面做襯托，一咬落去係好薄既酥炸感，鮑魚既鮮味擁上黎，好幸福！⭐️852咸濕沙冰⭐️（$32）食串燒一定要飲杯冰到入心既野，menu見到呢杯招牌沙冰決定試試佢。一黎到大大杯，最緊要係沙冰夠晒凍，夠晒透心涼。杯野特別既地方係咸咸酸酸，有d似咸檸7，但輟落有淡淡梅肉，好特別，我地encore 多左一杯。😎⭐️初戀芝士撞棍⭐️($26）由大埔總店食到荃灣分店，非常喜歡既一道串燒。燒響鈴似是平平無奇，但加上芝士鋪面，配上店鋪特別自製嘅醬汁，再加上心形小碟，食起上嚟甜甜酸酸又脆卜卜，老闆娘「叻姐」話可以重拾初戀既感覺🤣☺️。特別想講，喺其他串燒店係真係唔會食到。💎⭐️泰式緣份豬頸肉⭐️（$59）燒豬頸肉都似係平平無奇，但係配上佢哋秘製嘅醬汁加上泰式酸辣醬，令成道串燒好Juice，好好味。🕋環境指數：7/10 店鋪較細，大家坐迫少少，手足吾好計🤝😋美味指數

真係未食過一間串燒係咁難食既，完全唔覺得係燒過既，似係烚熟d肉再淋d醬汁，完全不能稱得上係串”燒”，沒有任何一點惹味的感覺外賣叫左8-9樣野應該得椒鹽類會比較好少少而串燒真係一款都唔得，而燒既汁都可以係唔好食既，完全沒有串燒既風味。燒茄子難食，燒一口牛d牛肉係鞋既，無味既，燒豬頸肉都係無味既，燒牛舌淋既，燒雞翼難食，燒黑豚肉難食。得椒鹽軟殼蟹同多春魚係ok既最重要係價錢唔便宜，但食物質素卻這麼差差差差差。

荃灣路德圍一帶以前有好幾間串燒都好好味，可惜都經營不住，只剩下一間長年經營的小吃檔，串燒非常麻麻。作為宵夜熱門地點的路德圍幾個月前新開左間彩虹串燒，更是黃店💛 亦因此長期大排長龍。前排有晚深夜見冇乜人，終於可以買外賣試下。✅ 買左牛舌、雞軟骨、韭菜同翠玉瓜。食物質量不錯，燒烤程度也適宜，食落唔會太乾或太淋。有啲串燒店一食就知係一早燒定再翻熱，彩虹串燒食落唔多似，口感幾好。✅ 可選辣的程度，我選了小辣十分惹味❇️價錢合理，晚上經營到凌晨兩點（不過最近疫情關係可能有改動），為荃灣人提供宵夜好選擇評分：

去 之 前 請 睇 一 睇 ！1. 入座問題訂左位都要等一個鐘。我知佢地方細，但安排唔到就唔好接walkin客。2. 串燒一般佢串燒好一般，純粹想食串燒就搵啲無咁多人等位既，但蟹粥好食。（蟹粥一定要早一日訂先有。）3. 價錢貴+老闆態度同埋唔知係咪上左杜xx個show，都多人食，間野都幾貴，老闆都幾串。食完1次都覺得一般，但想食蟹粥所以食第2次。但感覺一次比一次差，真係無下次了。

首先，啲「串燒」食物感覺上落咗大量味精嚟煮。食完個人非常口渴。但離奇在又唔覺得啲食物惹味，冇燒出嚟嗰種火候。個人感覺啲食物係煮熟再用竹籤拮起，過火燒一燒就上碟咁樣。反而買一送一嘅海鮮味道正常。但係啲海鮮明顯係煮熟或蒸熟嘅，反正就唔係燒出嚟啦。雖然招呼係好熱情同周到，但啲食物質素完全對唔住咁嘅價錢。唯一滿意只有杯飲品。另外啲枱櫈仲有虱，一坐低見到枱面有一隻，已經唔出聲㩒死佢，但依然成程都俾嘢咬。唔會再有下次幫襯。

見荃灣有新串燒店，就去試吓。 整體嚟講都唔好食，價錢亦偏貴（以咁嘅質素）⋯首先，所有「燒」海鮮都係蒸熟嘅⋯ 毫無燒過嘅痕跡。 其次，所有肉類都係先用水煮熟再燒，一啲都唔香口之餘，冇任何一串送到嚟係熱嘅，全部只係暖暖哋⋯ 再者，調味亦不好吃，沒有串燒的惹味，香料欠奉環境方面，坐得唔舒適。手臂放在枱上一會便開始痕癢，腳亦一樣，我同行的朋友及附近的食客均表示好像有蚤咬😰最後快快吃完便走人⋯ 呢間真係冇下次，又貴又唔好食

我好難食 d野烚完先燒叫左九樣野食 得一樣係真係燒 就係金菇肥牛卷 其餘全部都係烚完燒 個茄子勁難食雖然係黃店但都唔係甘囉 食到好嬲唔會再去 仲要唔平 貴但好食我ok 但又貴又難食真係好嬲

之前經過見韓閣搬左鋪, 比呢間燒烤店頂左個位心諗"好丫, 響荃灣食串燒又多左個選擇"可能又新又係黃店關係, 平時經過都見排哂長龍今日經過見人龍仲未出現, 就衝左入去呢間串燒鋪既食物款式真係好多, 除左小食同串燒外, 就連粥, 意粉同沙律都做埋我地都唔係好餓又未食過, 所以唔敢叫太多叫住小小地試下先天氣太熱, 就叫番杯醒胃野飲份量都大杯酸甜味適中仲有d碎碎話梅肉, 飲下又趙下, 都幾過癮沙冰原故, 所以好透心涼, 爽呀~~呢個令我諗起麥兜既"雞包紙包紙包雞包雞包紙"同台式烤雞腿相似, 但分別係烤雞腿係成塊雞排卷住黎烤, 呢個就用雞皮包住免冶雞肉黎烤雞皮燒得好香脆, 咬落真係索索我承認係好想知係咩黎先叫一上檯....哦~~~芝士響鈴燒~~芝士味淡, 令存在變得無咩價值響鈴靱好在伴個甜甜地既醬汁比響鈴索下, 又彌補下芝士味淡金菇肥牛卷 ($40): 算係全晚最好食既一個, 都係因為搽左甜甜地既燒汁去燒, 所以惹味雞軟骨串 ($16): 平平庸庸, 響超市買一包幾串果隻一樣安格斯一口牛 ($30): 我買幾十蚊一塊自稱安格斯牛排番屋企煎,  都叫有牛味丫, 但呢串野....因為我好鍾意食大啡菇

好耐之前喺大埔嗰間總店食過因為我住新界西嘅關係大埔來講有啲遠一直都冇乜機會再去之前見佢喺荃灣開分店真係太好啦今次因為工作關係唔能夠坐低食唯有嗌外賣takeaway 等咗大概三個字左右外賣就攞得啦店員好有禮貌仲請我去坐低等外賣總括左呢個外賣性價比唔錯嗌咗個豆卜佢燒得好好人唔會好乾身咁嗰個燒菠蘿唔會話甜得滯燒個程度啱啱好仲有嗌左一盒豬軟骨嗰啲鹽好match 分量啱啱好下次有時間一定帶埋屋企人去堂食嗰度地方又方便又近巴士總站。嗰度個裝修環境一流

推薦燒海鮮類別：椒鹽鮑魚+貝殼類串燒用料及味道別樹一格，惟大量食品並沒有標明價格，用兩字「時價」就混水摸魚收幾多錢都得。加上等候時間過長，建議食客到該餐廳前必先訂好檯，否則walk-in的話等N年都唔會入到。因人流較多，該新餐廳在處理分流訂檯及walk-in客的時間上較為混亂，欠缺程序。選擇walkin的食客無論你們幾早到都好，只要後來有訂座客遲來或亂入「打尖」，佢地訂左檯既話，你就要無了期等待。雖然是黃店，但基本的服務水準及質素更要保持一定水平，疫情關係，店內坐位已經過逼，缺乏阻隔，如有一個確診患者光顧，後果確實不堪設想，希望餐廳做好分流訂座與walkin時間上的管理及防疫工作。

雖然店細細但坐滿人，九點幾去到都要等一陣～睇睇個餐牌都有幾多款串燒組合未見過～整體我覺得海鮮類係比較出色，大大隻十足份量，食材新鮮啖啖肉肉，帶點鮮味。串燒唔係行川燒風味，係用甜甜地既燒汁，加辣係用指天椒容，咁食法帶點苦味，真心我覺得辣味方面可以轉用辣粉會比較落得平均點，可以改善。串燒最好食係包皮包雞皮包！其實開頭估唔去包咩，問問老闆娘話係包免治雞肉～外面脆卜卜入面有汁唔會乾～好香口！芝士燒響鈴，呢個有點失望有點油益味。海鮮粥算抵食，一鍋大約分都三碗，食下串燒又食下粥唔洗咁單一，夠哂飽肚～

粥同蟹好明顯分開煮 我7:40落單一心等個煮 等到8:24分先上但食落口好失望 蟹粥入面有埋花甲蟹同粥都係主角 但粥好明顯係0蟹味純粹係蟹煮熟後再掉白粥入去再加上佢地加入花甲 其實用花甲煮既粥一定係鮮甜但粥真係一啲味都無 所以好明顯分開煮再講返串燒 串燒即叫即燒包皮串比較好味 其他不過不失雖然話支持黃店但名物 有好大改善空間

呢間嘢開在我屋企樓下，每次放工返屋企都見到好多人，咁今日就試下，見到張餐單，真係多到唔知要乜好，咁就隨便叫幾樣，除左鮑魚,牛比較硬之外，其它都算合格，只係味道比較淡