R66 旋轉餐廳 (Closed)

是日小妹生日,老公一早book定我最愛的r66中我最愛的半圓枱...可以自成一國同我最愛的老公睇我最愛既夜景野食好少款,我揀得好少野食咋,亦唔係好好食我鍾意個炸蝦,有蝦餅同蝦,蝦餅口感好D,炸蝦就冇咩口感,又冇咩味,炒飯冇咩味,薯仔幾好食,唔太粉,干燒伊麵好夠味,不過好咸,菜好淋,西蘭花都係好淋我呢位細心既老公竟然發現到我最愛既D記雪糕,竟然拎岩左我最愛果隻味!!(同佢食過一次之嘛..)又拎左杯CAKE比我,仲要暖既TIM,好軟熟仲搵到蒸魚,HAHA,老公去骨好勁!!深得老爺真傳呀XD不過D魚蒸到好老最好食係D甜品!!不過我剩食左D朱古力味既甜品咋...我主力都係食甜品 D雪糕雪到好硬....朱古力噴泉冇咩野玩,得綿花糖同百力支,不過整完唔好放碟喎,乾左會痴住隻碟拎唔返xD佢仲有送個芝士龍蝦比我地,不過我係唔識食龍蝦,今次係老公拆肉比我食,HAHA*縱壞我喇!咁大個人都唔識食龍蝦!!跟住老公教我拆肉,我都拆返比佢食隻龍蝦幾細隻下架,但幾鮮甜!!肉質又冇霉,送既都唔錯喎,不過係就冇咩芝士味,又黑蚊蚊,唔講真係唔知有芝士但講真,係道食飯真係唔會為左食架喇,係為左個環境既姐,好彩我同老公都唔

我提早了2星期訂位的, 當天11時, 侍應再致電確認我是會到的, 現場坐無虛席, 侍應服務也很好我約齊朋友一起去食lunch buffet, 一行5人, 食得好開心及滿意...食物選擇十分之多, 不比酒店自助餐少, 我最鍾意基圍蝦, 大大隻, 好鮮甜,當然唔係樣樣好食,,但試想只係一百蚊多少少一位, 淨坐睇風景, 都抵啦! 全香港都搵唔到第二間, 有這麼壯闊的美景, 但收費如此平! 我要在她未加價前, 食多幾次, 哈哈! 餐廳旋轉一圈, 大約一小時, 感慨維港愈來愈窄, 樓愈來愈密!

位於合和中心62樓,望住件三文魚卷,望住維港,望住件黑森林,望住跑馬地,望住粒朱古力波,望住山頂,望住杯茶,望住中銀,望住張單,都只係一百五十幾...三文魚鮮甜;吞拿魚幼滑;朱古力波入口微冷,咬下外脆內軟,散發酒香;流心朱古力蛋糕微暖香濃;黑森林鬆軟得入口即溶....好食極,都只係食物,只係口同鼻既享受,環境先係我真正品嘗既,果種大地在我腳下既感覺,享受香港最繁華,最美麗一面,一日最美麗既時刻62樓,望出去就係山頂.望住現值四億,每月月租五十萬,一層一千呎既獨立屋,剩係個泳池都大過我客廳..咩叫天堂?欲知詳情,請到香港灣仔皇后大道東183號合和中心62樓

今日在下生日~所以就去左R66~食下野..睇下景去慶祝~由於一早BOOK左位..所以唔洗等~好在佢安排左WINDOW SEAT~唔係都睇唔到d景!!d野食全部都係凍既...熱盤都係凍...真係唔得lor真係淨係食個景..如果夜晚食咁貴一定唔抵...試一次就夠~~

BUFFET方面分三個地帶,方別有冷盤,熱盤和甜品~食物不斷refill,種類也不少~當中令我留下深刻印象的是那條清蒸海斑~又滑又鮮~食多幾口已覺值回票價~但食物也不是這裡的賣點,重點在環境~一流的香港夜景令人坐到不願離去!!如果您不明白為什麼香港被稱之為東方之珠,您去了這地方便會深深體會~!p.s.預約前要注明窗邊位,晴天晚上效果最好

為試而試，原本都唔係好特別姐。地方其實都好舊下，好多邊邊位都好污槽好多塵 食物選擇都OK既，唯一唔好係冇sushi !!! 煙三文魚好味，燒肉呀果D就唔得。炒飯試過都OK。甜品質素都算係咁架啦，種類都算多既，但忌廉蛋糕係冇cream既 芝士蛋糕以經係軟果隻已經算數啦，仲要係一D芝士味都冇我話呢個先係忌廉蛋糕就真。麵包布甸唔好食 好似未夠火路，布甸底唔滑，麵包又唔脆。 係就係有個雲呢拿汁，搞到我滿心歡喜，但係原本勁難食!!! 雲呢拿汁唔係用雲呢拿枝做，唔香又唔滑，有D好假既感覺。 咁樣真係冇好過有燉蛋係比較好既一個，夠滑夠甜。 但係得幾粒雜莓就慳皮左小小啦......焦糖汁都做得不錯朱古力噴泉有其實等於冇因為根本冇野好玩...淨係得幾塊曲奇同手指餅，最多得棉花糖，食黎左咩... 所以見到都冇咩人食囉...最好食係忌廉PUFF 入唧滿晒吉士，麵頭有白朱古力，不過就甜左D囉....環境係幾靚既，不過靚就淨係得中環or銅鑼灣果邊靚，其他地方都冇乜好睇。試過就OK啦，唔洗再食第二次；不過價錢係實惠既。

跟女朋友來DINNER，之前睇過大家的食評，都預左麻麻地，不過去到反而覺得OK。大部份BUFFET有的食物佢都有，不過係冷盤差左D。無生蠔，唔太開心。刺身都有5種，切到長方形起角咁，奇怪。龍蝦仔，D味道有DD奇怪，但又唔算難食，壽司就.....見到都唔太想食。熱野大致上滿意，條魚好正好滑，炸蝦都係好食。甜品其實都唔係少，不過我喜歡的CAKE就唔多選擇。雪糕係一杯杯的D記，唔知係咪之前去另一間係食M字頭，總係覺得D記無咁好食，個感覺好唔實在。服務方面，唔大問題，不錯。最覺得不好的，係燈光真係真係太暗，話就話有人覺得浪漫，但我個人認為光DD好D。用VISA就會有15% OFF，埋單三百一個。有網友話他們的食物唔值三百，但我認為當中有一半係畀左個景，所以還接受到。

單說食品，三百幾蚊一位的BUFFEE，著實不值，食物味道和賣相也普通，勝在食品多選擇。食完再食的有凍食的松葉蟹腳、沙律吧和熱食的翡翠螺，其他的淺嘗便可，魚生帶雪上碟；燒牛肉熟得濟，無乜肉質感；首輪的湯都唔錯，其後再飲竟然咸到爆；炸春卷和天婦羅蝦放得耐有油味；扇貝乾爭爭，千祈唔好試；甜品類有杯裝雪糕、涼粉、楊枝金露、豆腐花、朱古力噴泉和各款蛋糕，全部賣相也不吸引，酒樓味道貨色。現場有LIVE BAND演奏英文歌，帶有懷舊的味道。不過當你去澳門觀光塔或是香港山頂也要俾幾十蚊，而只能夠企係度睇夜景，在這樣卻能置身於這個舒服的環境食晚餐，碰巧八點鐘時，剛好轉到望到維港兩岸景色的方向，還可以欣賞到幻彩詠香江，便值回票值。在這裡不是享受食物，而是享受環境，聽著LIVE BAND，望著窗外的景色，感覺浪漫！在這裡有百三蚊係俾個環境，二百蚊BUFFEE的質素，唔好咁多要求都過得去。

第一次到旋轉餐廳食嘢，大家都好開心好興奮！估唔到咁平！食 Tea 之餘，仲有360度香港View 睇，真係值回票價！第一碟：中西合壁頭盤+小食 (真係普通貨仔！)中式：春卷+燒賣+生煎包+腸粉西式：三文治+吞拿魚番茄包+西多士+薯條第二碟：主菜 (疑似心形番茄伴碟)炒飯：求其兼無料炒河：似雜菜炒河，但係又少料第三碟：甜品 (一睇就知係幾細件，大部分係一口甜品！)我最鍾意食甜品，呢度啲款真係唔多，我已經攞左8成嘅甜品！無 cheese cake ，食忌廉蛋糕都 OK!圓形曲奇：味道好似麥維他消化餅！ 最終，都食得飽！

灣仔吃東西好多選擇，但我喜歡吃得舒暢！相約朋友來吃自助午飱，個景好靚，食物種類都好多，有湯，十數款熱盆，白灼食物，凍蝦，凍龍蝦仔，數款日式前菜，數款冷盆，日式冷麵，數款沙律，甜品及生果！款式足夠，價錢超值！我最鍾意沙律 ：把磨孤+菜+凍蝦+凍龍蝦仔+煙三文魚+日式前菜+沙律醬 (超級好味)黑森林蛋糕 ：好香，唔太甜

Dessert:Cheese Cake : 無芝士味Bread Pudden : OK Hot Food:拃魚 : OK炸蝦 : 算最Good青口 : 個汁好味Starter:Ham : GoodSpice Sausages : BadCold Noodles : 好味總結:個景好正,D食物好差,可一試午餐!

老婆生日...膽粗粗試下....................雖然好多師兄話唔得.....結果...........又唔係好差姐!!!!講真味道就見仁見智...我就覺得可以接受。尤其甜品都唔錯呀! 噴泉朱古力棉花糖更係首選。環境方面唔洗多講啦....我就覺得價錢嘅一半係用嚟比"維境"!!!!

同其他食評一樣, 對食物完全無期望, 不過一點左右已經無晒壽司刺身就有D奇熱葷只對燒牛肉有印象, 都有肉味; 其它既 no comment。甜品相對好, 特別係第一次食既 "噴泉朱古力棉花糖", 有機會再試 最唔明係只可以order一杯飲品, 唔通D茶水真係咁高成本景觀唔錯, 不過轉得好慢, 要個半鐘先再見中環，想影相就要慢慢等平心而論, 食午餐$163 ($148 加一) 就OK, 晚餐$330($348 加一; 15% openrice discount) ... 就唔多值啦

一直對旋轉餐廳的食物抱的希望不大, 果然如我所料!!!凍蟹...真係無咩味. 魚生係一夠冰.... 食''冰''....食物種類比澳門旋轉餐廳少....裝修就真係無得比....同行者覺得個場太暗, 同感!!! 食物放於檯面都睇唔清係咩!!!(可以加小燭台, 有氣氛, 又FUNCTIONAL)

垃圾，垃圾！！！何解今時今日重係食垃圾，今天招呼親戚食晚餐（自助），讓我為大家介紹下餐牌，開始先介紹無味凍蟹，除了食到鹽水味之外，完全係同塊冰接吻，好，試下其他，煙三文魚（好霉，好爛），唉，再食，咖哩牛腩，完全無味，連咖哩味都無，死，食乜好！再試牛仔骨，咬落口，d粉重厚過我阿姨（60歲），咁無計，試下佢地個牛仔肉同意大利雲吞啦，諗住有個廚師專業負責睇住會好點吧@___@問佢拿個雲吞，聲都唔聲，指住個盤，我徐徐打開，噢，唔應啞老師！今晚餘下的時間，我！！要留下我第一次的食評了，我希望，它不要再轉了，要轉，先轉了大廚及食物先吧