蒲東小館 (Nathan Road) (Closed)

一個人無無聊聊，最好慢慢食個下午茶，好好享受Me time。雖然唔係去海旁high tea ，但係食自己喜歡既野食都唔錯。我好鍾意食上海菜，今日經過呢間小店，即刻入黎試下先。舖頭面積唔大，枱既間格比較細，不過一個人又唔會坐得唔舒服既。order 左個下午茶，仲有壺茶自斟自飲，慢慢坐下先。上海粗炒麵 $38 ，+$2 包一杯酸梅湯再加$13 叫左鮮肉鍋貼。好豐富。粗炒好惹味，大大碟，濃厚醬油味但又唔會太咸，不錯。鮮肉鍋貼大大隻好飽滿，不過略嫌唔夠熱。自己一人慢慢hea 下hea下，就一個下午了，滿足。

店舖門口細細，絕不起眼，但室內環境不錯，有唔少kart位，真心覺得坐得幾舒服。員工服務態度本來一般，無乜表情同埋好似要好快完成個叫餐程序咁，但當我同佢地講冷氣太大，佢地會幫忙調節，又幾窩心的。重點始終係食物，我地叫左兩個午餐，每個餐包一個前菜小食，一個主菜同埋一杯飲品，仲可以額外加錢去加一個小食，價錢大約60至80蚊左右，咁既價錢都幾抵食。我地叫左： 小籠飽 （兩件）、 蒜泥白肉、 蒲東小館炒飯、 紅油抄手撈麵、追加雞絲粉皮同埋鍋貼（兩件）可惜，廚師推介既蒲東小館炒飯同紅油抄手撈麵係無味道既，紅油抄手撈麵得個辣，應該無落鹽，好難食。鍋貼個皮太厚又無肉汗，食左一啖就放底。蒜泥白肉，賣相話我知，同我食開既蒜泥白肉完全唔同，佢地既豬肉有啲似肉片炒河果啲豬肉，我未見過用呢個位既豬肉做蒜泥白肉，當然，蒜泥又太小，唉！小籠飽同埋雞絲粉皮，算係比較穩陣啲既食物。洗手間要攞鎖匙上一層，有啲麻煩，洗手間仲要好細同埋有啲污穢。

真心好難食，見openrice無咩負評先擔粗粗去試下但依家食完之後 有人請都唔會再去🤮🤮🤮🤮🤮啲職員又hea，啲野食正係放係枱最出 所有野都要我地自己搬番入去中間一時叫我地遞依樣 遞果樣比佢地好似我地係到做咁一時又一早叫人賣單我8點幾入 未夠9點就叫人比錢 話收銀要賣數唔緊要 但會唔會係賣完單 9點就熄咁半場燈？想我地趕走咁 一係8點後唔好入客啦 啲野食全部都係煮定 微波爐叮番熱拎出黎比人食（個碟熱 但入面啲野食係唔熱/受熱不均）啲茶又係凍 水又係凍之後啲野又咸到食完會生腎石咁款…..真係不可一 不可再 唔明點解咁少負評🤢

假期最後一日唔出去迫，決定買外賣返屋企食，本來諗住買壽司加少少氣炸野簡單D點知去到九龍錶行見到一個折扣優惠望左陣，蒲東我又好耐無食過咁就叫佢啦，68折又真係好吸引架麻😍😍😍兩客小籠包，一客8隻 $38雖然外賣好彩住得唔遠，返來搞埋個窩都係20-30分鐘的事，食落口仲有溫度，唔錯之後試下手拍青瓜-$38，鎮江餚肉-$52，兩款都有水準，平時堂食我會叫5小碟今次有氣炸friend,所以唔叫咁多喇另外叫左兩款包點-鮮肉窩貼-$32，紅油抄手-$42，窩貼凍左少少了，我平時好少食佢地但抄手我下次會再食，辣味唔重但好香好食蟹粉豆腐煲-$118呢個好食不過堂食更好，佢配飯會好好食好好送飯黑醋話梅骨 -$88推介！！！我本身鍾意食梅，佢的酸同甜做得幾平衡，骨的肥瘦都ok幾好咬口，又係送飯一流津白炒年糕- $68呢款下次唔會外賣了，味道好不過無左溫度大打折扣，都係堂食會好味好多老人家一定要食飯咁就叫個蒲東炒飯$75，呢個好食，唔油架，加少少蟹粉豆腐very good

旺角有好多好嘢食，但要坐得舒適，唔想搭枱，唔想太擠迫，而且性價比高，我就諗起蒲東小館😊很有傳統茶僚嘅感覺，卻是新派上海茶式。下午茶時間，更份外抵食👍🏻上海粗炒麵排骨擔擔麵，轉了清湯雖然係下午茶，但份量十足，大大碟，大大碗。一份下午茶套餐，可以優惠價配搭一份小食。我哋揀了生煎包及小籠包，基本上係半價嘅價錢，但十足嘅份量。所以食得好飽！套餐包埋一杯飲品，而茶水係任飲。食吓、傾吓，又一個愉快的下午☀️

路過呢邊 見到價位平民 又免收加一服務就入去一試 點知一分價錢真係一分貨 面食可以一試 但係炸物 如炸銀絲卷、炸饅頭，千萬不要試 因為食完成個喉嚨都係油 粗略影咗少少照片另外 個人認為杯碗洗得唔係甘干淨 但服務態度就不錯 呢間野可食可不食

經開mk，每次經過都諗緊試唔試，因為mk太多美味食品，所以每次只有回看這間，都未能試下今次終於試下了，午餐非常之抵食我們點了一份涼拌粉皮，配蔥油拌麵，熱豆漿另一份就是鮮肉小籠包（2件），配菜肉餛鈍麵，凍奶茶涼伴粉皮正常👍蔥油拌麵，好香蔥油味道，拌麵QQ彈👍👍鮮肉小籠包，皮的厚度👌，雖然不是太薄，但也可以，內裡很多肉汁👍菜肉餛鈍麵，菜肉餛鈍都大粒，湯底都清甜，麵質都ok豆漿不是太甜總括黎講，大件夾抵食👍👍👍而且還包兩杯熱飲可以再次光顧👍👍👍

今次為大家介紹呢間抵食既新派上海菜既抵食下午茶☺️☺️佢既下午茶餐都好多選擇酸辣湯麵⭐️⭐️⭐️麵質彈牙，酸辣湯夠酸夠辣，但湯既溫度唔夠，麵係夠熱既，我諗到既解釋就係佢淥完啲麵之後就倒啲㷫住既湯落去，先會食到呢種感覺排骨擔擔麵⭐️⭐️⭐️⭐️麵質同酸辣湯麵一樣咁得，呢個湯底有濃濃既花生味，排骨炸得好酥脆，食落有肉汁，肉質彈牙，推介呀呢個我哋另外加左兩籠小籠包，$23/籠有四粒皮薄有韌性，餡靚有肉汁，超正呀⭐️⭐️⭐️⭐️⭐️豆漿⭐️⭐️不過不失，甜度適中兩個人埋單$136，咁既價錢咁既質素去邊度搵😋😋

呢日見到一間上海菜既小店，都行到肚餓就黎試一試，見餐牌都幾多款式，樣樣都好想食首先係雞絲粉皮，雞絲細滑，嫩口，如果麻醬再多d濃d就好牛肉生煎包，外皮煎得好香口好脆，牛肉份量多，唔油膩鮮肉小籠包，皮簿得黎但夾起唔會穿入面湯汁好鮮甜，夠熱。肉質粉嫩，好好食脆皮糯米雞翼，每隻$10，好抵食！一咬開見到入面好多糯米皮脆而且雞肉煙韌，高質回鍋肉粗炒，因為加左隻辣椒落去炒，所以微辣，好惹味，亦唔會太鹹豆沙鍋餅，甜度適中，外皮鹹香，豆沙份量可以再多d

行行下街，見到好似幾抵食，咁就試吓喇😋嫩雞煨麵 🐔 $62基本上係食上海嘢既必叫項目✌🏻，個湯夠濃稠適中，顏色夠色奶白亦有奶味🤤青菜雞肉🥬🐓份量尚算充足，麵條食落有彈牙有韌勁，一條到尾唔會「散收收」🍜，整體唔錯😬雪菜肉絲炒年糕 $70對我地嚟講，味道較淡😗。其實佢份量都算多，但年糕始終太滯，我地盡晒力🤰🏻，都食淨左小小🙈四季烤麩 （跟餐）食落好似甜齋，好開胃😛，小食嚟講，份量都多。如果食得甜，推薦大家叫哩個😬紅油抄手 $15我地覺得算係有誠意既抄手，因為唔係得紅油同抄手，佢有埋蔥花、花生、松子，食落都幾辣🥵，整體唔錯🥰豆沙窩餅 （跟餐）普通豆沙窩餅，可試可唔試😁Overall 套餐價，60幾蚊一個主食、一個小食、一杯野飲，仲有茶你飲（茶芥每位$3，無加一）。如果你好上海嘢，經過真係一試無妨！

之前經過親呢間都會想："下次去呢度食"，但次次都沒有……今日聖誕節假期，又經過呢度，睇吓有冇下午茶時間(因為油尖旺區星期六日紅日未必有)……入去問問，服務員話有，量體溫後就坐下……我好喜歡上海粗炒，但又愛排骨（即係豬扒）麵，最終我都係揀上海粗炒+西洋菜蜜，姪女要排骨擔擔麵……我太心急了，上海粗炒差不多食完先記得冇影相(都冇影了)，我覺得個上海粗炒熱辣辣好好味……而我也有食咗姪女一件排骨同幾條麵試吓，排骨炸得香軟，好好食……個下午茶餐48元包一杯飲品，吾加一都吾貴，因為都係好食嘅，假日有下午茶餐都算冇賺到盡，我會下次再幫襯.....

行過見到餐牌寫住抗疫優惠：單點食品68折，不能錯過叫左碗酸辣湯面：上海麵底比較淋身，如果彈牙啲會更好！不過個酸辣湯底就很不錯，酸辣適中，加埋豆腐木耳肉絲配料，折左$40幾蚊碗，真係好抵食

疫情下幾約左朋友出街惟有急急腳去食個晚飯，入座好似包場全店只開二檯四個客人你都咪話唔慘，我係講緊全港食肆。🥢酸辣湯麵下午茶其中一個選擇，酸辣湯味道十足，夠酸夠辣夠惹味，我最鍾意滑滑豬紅同筍絲，麵條有麵香飽肚又可口。😋🥢下午茶追加蒜香四季豆，感覺不錯屬冷盤小食。☕️熱豆腐溫暖豆漿豆味十足。🥢雞麵朋友的雞麵，朋友話湯底一般，雞肉比較淡，還是我碗酸辣湯取勝，其他下次可試雪菜肉絲炒年糕，上次食過棒棒喔！🤣我們都好聽話六點放低筷子。🤣🤣🤣由於今次太急太匆忙沒有拍照，失敗！

因為之前獅子銀行同開飯網合作攪優惠, 買它的信用咭買現金劵滿400元就減200元,見咁抵就搶啦, 又真係俾我搶到蒲東小館的現金劵, 仲係75折, 所以買600元現金劵實際付450元,再減去銀行的200元, 今次的600元現金劵只需付250元就可到手.呢一日早上剛好家姐在旺角洗牙, 便在11時剛開門不久就進入餐館就座, 我們是第2枱客人.本來也想叫埋姪女來食, 但有限聚令2人一枱的限制而只能告吹, 因現金劵就快到期, 加上疫情關係不想太頻密出街, 所以今次打算一次過兩人用晒600元現金劵來食一個豐富的午餐.今次為了不想餸菜太快凍晒, 係分開兩次入單的.以上的點心, 冷盤及話梅骨之前都食過, 水準都保持到.呢個雪菜肉絲炒年糕第一次叫, 都炒得好食, 唔算好油.都未飽嘅, 跟住再叫多4樣嘢.呢個椒鹽排骨一上枱真係好香, 食落都好味, 但份量大概只有2塊豬排, 要80元一碟, 性價比很低.今次小籠包一上枱就即刻食, 熱辣辣無得輸.仍是我和家姐的最愛, 為了這個砂鍋醃篤鮮我們會再來的. 連每人3元的茶錢, 一共吃了610元, 用了600元現金劵, 只需補上10元就可以埋單, 實際每人130元就食

🇭🇰蒲東小館·因為嗰日好想食上海野 所以就嗌咗呢一個外賣 點知超級驚喜 所有野質素都唔錯 而且咁多野食超級開心🥳·全日套餐$60佢呢一個全日套餐都幾抵食 係包1個飯/麵 1個前菜同埋1個飲品 好豐富🤤🤤我哋個主食就嗌咗上海粗炒麵 佢唔會話太油膩 而且個味道都做得唔錯 之後前菜嘅話我就係下面一次過講啦😎😎·鮮肉小籠包$38/4隻因為我嗰日太想食小籠包啦 所以就算外賣會難食我哋都照嗌咗 點知超級驚喜😍😍佢黎到仲係微暖嘅 而且入邊超多湯汁 個皮又唔會太厚 超級好食 佢外賣都咁好味 堂食應該仲正😏·五小碟$112呢個見到都開心 佢話就話小碟 但係其實每個份量都幾多 食得超開心😍😍印象最深係佢個脆皮素鵝 佢係真係超脆 而且唔會話好油 腐皮個層次做得超好🤤之後佢個四喜烤夫又係做得超出色 係真係索晒啲汁 而且個蜂巢結構口感好好😌之後個蒜香四季豆就正正常常啦 反而個手拍青瓜幾好味 超級開胃🥒之後個糖醋小排就麻麻地啦 唔知係咪煮耐左 佢個肉比較un 但係個汁係OK嘅最後仲有個雞絲粉皮 呢一個都OK嘅 不過我覺得佢個花生醬有啲太濃 太搶味🤔·#rbyeat#rby中菜#rby油麻地·📍油麻地彌敦道555號